موضوعي منطقي و عقلاني و فيه ادله شرعيه لكن راح يضايق وايد بنات سامحوني بس لمصلحتكم

[أإلع ـشق دلع ـهـأإ]

حبيباتي هذي عاداتنا وتقاليدناا ...

ماعندنا شوفه ولا مكالمات ولا هم يحزنوون ...

شنو يعني نجي نقول حق اهلنا نبي نكلمه ؟؟؟

وين قاعدين عيب ..

انتم عادي عندكم احناا لا عيب

وشكثر بناات راضين بهذي العادات وانا وحده منهم ..

مابي اكلمه واطلعه معااه وازعل قبل العرس و و و الخ ..

راضين بالعادات هذي ..

وليش تعصبوون وتقولون تخلف ؟؟

شكوو تخلف ؟؟؟

اهلنا مايبون نطلع ويصير مشاكل قبل العرس ويهونون في بناات شكثر كلموا رياجيلهم بالملجه وحملوا قبل الزواج وبعدين طلقها ..
وفي وحده هم حملت من زوجها قبل العرس ومات

شرايكم

لاتقولون لا هذي الاشياء بعد العرس لا انا اعرف بناات شكثر سووها

هذي عادات اهلنا مشينا فيهاا ..

والرسول قال نظره قبل الزواج نظره بس يشوفها شوفه مو يكلمها بالخطبه ويضحك معاها لا مايجووز ..

يعني لاتحرون قلبكم انتم تشوفون كيفكم احنا لا ..


تقبلي مروري

 

[بدوره 22]

حبيباتي هذي عاداتنا وتقاليدناا ...

ماعندنا شوفه ولا مكالمات ولا هم يحزنوون ...

شنو يعني نجي نقول حق اهلنا نبي نكلمه ؟؟؟

وين قاعدين عيب ..

انتم عادي عندكم احناا لا عيب

وشكثر بناات راضين بهذي العادات وانا وحده منهم ..

مابي اكلمه واطلعه معااه وازعل قبل العرس و و و الخ ..

راضين بالعادات هذي ..

وليش تعصبوون وتقولون تخلف ؟؟

شكوو تخلف ؟؟؟

اهلنا مايبون نطلع ويصير مشاكل قبل العرس ويهونون في بناات شكثر كلموا رياجيلهم بالملجه وحملوا قبل الزواج وبعدين طلقها ..
وفي وحده هم حملت من زوجها قبل العرس ومات

شرايكم

لاتقولون لا هذي الاشياء بعد العرس لا انا اعرف بناات شكثر سووها

هذي عادات اهلنا مشينا فيهاا ..

والرسول قال نظره قبل الزواج نظره بس يشوفها شوفه مو يكلمها بالخطبه ويضحك معاها لا مايجووز ..

يعني لاتحرون قلبكم انتم تشوفون كيفكم احنا لا ..


تقبلي مروري

حبيبتي معالي احنا ما نطلع مع ازواجنا الا ومكتوب كتابنا ... ما نطلع قبل ما ينكتب كتابنا .... وين قاعدين ؟؟


البنت اقصدت ان احنا عندنا شي اسمه ملجه عقد شرعي على سنة الله ورسوله وعقب اكلمه واقدر اطلع معاه مو اطلع بالخطبه !!! طبعا ما يجوز بس اذا كتب كتابه عليج محد يقدر يقوله لأ .... لانج صرتي حلاله

 

[cherry kisses]

امبي اشوه انه اهلي مو جذي !!!!!!!!!!!!!!!
جان كررررررررهت نفسي ماتحمل ولا اتخيل اني اتزوج شخص بعيش معاه طول عمري وما اشوفه الا بليله الدخله يعني ننحط جدام الامر الواقع !!!!!!!!
حرام اصلا هذي عادات وتقاليد مالها معنى حتى الدين الاسلامي ما اقر فيها و لا يرضى فيها
يعني شسالفه شي شرع من الله ليش نخالفه
حمدالله والشكر الف مره اني مو جذي
ويعطيج العافيه على الموضوع يهببببببببببببل

 

[Queena_85]

هذا شي ضرووووووري و لازم يصير ...
أصلا لازم يشوفها الشوفة الشرعية قبل لا يوافق عليها .. يعني أثنـاء الخطبة
فما باالكم عقب الملجه يعني زوجهاا حلال عليها ... عاادي لو يطلع ويروح معااها .. عشان كل واحد يفهم الثاني ولا نسمع هالقصص اللي يقول فرس واللي قرده .. لاحول ولا قوة إلا بالله ..
يمكن اهوا ما يعجب البنت بعد مو شرط البنت تعجبه بس ...
هذا شي حلال شرعا ... ليش يحرمووونه ... هذااا زواااج مو لعبة
و الله المستعان على بعض العقليــات ..

 

[كوارين]

عدل كلامج اختي

 

[يــاغربـــالي]

انا بدويه / والاغلبيه العظمى من اللي مالجين يكلمون بعض

وعندها صورته / ويمكن لقاءات بينهم (الله واعلم)

وبالنسبه لأخوي سوينالهم حفله مختصره ولبسها الشبكه عقب الملجه بيوم وقعد معاها بغرفه لمده بسيطه

يعني حلو هالشي مقبول / اما صراحه لازاد عن حده ماله داعي

انا مع ان الرجال يلبس مرته الشبكه ويشوف صورتها قبل الملجه / اما الشوفه قبل الملجه ماأأيدها من باب الاحراج لي طبعا

والمكالمات بين فترة الملجه والزواج تكون من مده لمده ومسج حلو من مده لمده/ يعني مو ميييييح ولا لزقه24 ساعه لين يملون

وهدايا متبادله بين الطرفين

حلوه هالسوالف تلطف الجو صراحه

اما الللي لأ وممنوع اغلب العادات هذي اشوفها تلاااااشت والناس قامت تشوف وتعرف

يسلمو ع الموضوع

 

[ĎєνiL.ĞιRL]

❤❤

❤❤


يعني مو كافي انج ماتعرفين الصبي ..

فوق هذا ما تشوفينه !!

هذا زواج مو لعبه .. شوفي هذا الي ذكرتي قصته ..

وقصص الي قبله .. امبي يعني شنو الريال طلق على طول ما عنده مشكله ..

والبنت تقدر تطلقه =\ !؟

تندبس فيه !! يعني اساسا فتره الخطوبه والملجه حطوها علشان الواحد يعمق معرفته بالثاني ..

لانه اهمه بيتزوجون بمعنى بيجابلون وي بعض طول عمرهم ..

شي مو هين تره انك تقرر انك تحط حياتك ومصيرك المستقبلي بإيد انسان وانت ما تعرفه @@ !!

 

[سلحوفه]

ليش الحضر حارقين دمهم اكثر من البدو؟؟؟

ماعجبتني هالجمله انا بدويه بس في عادات وتقاليد غلط وحرام تستمر وبنات يتنازلون عشان عيب ترجع لبيت اهلها

يعني رفيجتي اللي ماشافت ريلها الا بليلة العرس ومن اول ليله هواش هذا الحلو يعني ؟

امااللي تقول تطلع معاه وبعرسها حامل هذي اهيه برضاها لو ماتبي جان رفضت وانطرت للعرس

والمكالمات بين فترة الملجه والزواج تكون من مده لمده ومسج حلو من مده لمده/ يعني مو ميييييح ولا لزقه24 ساعه لين يملون

هذا الكلام الحلووو

 

[lolita q8]

​

بصراحه تخللللف درجه اولى !!

شي حلله رب العالمين تيون انتوا اتحرمونه على اي اساس ؟؟ شالمنطق ؟؟

الشوفه الشرعيه ضروريه مو بس عشان الشكل في ناس سبحان الله

ما ترتاحينلهم كلش ما يصير في قبول

وبعدين عادي البنت تطلع واتروح السوق ويشوفها الاولي والتالي

بس لما يي الوقت اللي تختار فيه الانسان اللي راح اتعيش معاه

طول عمرها وهالشي حلال انقلبت الايه وصار حرام

واللي اتقول انا مو سلعه رخيصه امبيه شكو ؟؟!!

الريال طاق الباب ويبيج بالحلال وما طلب الا حقه

ولو هالشي في اهانه حق المرا جان مثل ما قلت ما صار

حلال فرضا طلع ريلج اعور اصلع مشوه في عيب خلقي

ما تقبلتيه شلون ؟؟ ونفس الشي فرضا ما عجبتيه وكنتي

عكس ذوقه وما تقبلج حزه العرس ؟؟ اتوقع وقتها كنتي راح اتغيرين

رايج 100 %

وعلى سالفه النقاب على فكره انا مو متحجبه بس لما قريت

السالفه مادري حسيت ان شي حلو ما غار عليها الا لان اعجبته

( والله اعلم بالنوايا او ان كان يبي يقرض رجولته معني مااتوقع)

بس هم انا رافضه الفكره ان ما شافها ولا قالها ان لازم تلبسين نقاب

ومشكوووره ديفا عالموضوع الحلووو بس بعض الناس توعى

:ggdw::ggdw::ggdw:

صح لساااااااااااانج

بالضبط نفس الي بغيت اقولا​

 

[q8_hala]

يا قلبي عندنا البدو العادات والتقاليد تحكمهم أكثر من الشرع و الدين
شنسوي بعد عسى الله يهديهم ..مانبي نكلمهم بس نبي نظره شرعيه

 

[عاشقة الكاكاو]

يعني مو لازم طلعاات كل يووم وهيااته ومكالمات

المهم النظرة الشرعية

لان انا حضرية بس اهلي مايرضون نطلع مع الريال الا بعد العرس

يعني حده يشوفني بالبيت

بس ممكن النظرة الشرعيه ماافيها شي

 

[عاشقه القيصر]

انا عن نفسي ملجوني بدون ماياخذون رايي ..
قمت من النوم ولقيت نفسي مالجه...

 

[نتاشا الجميله]

ترى الموضوع عن إلي تزوجت من غير لا تشوف ريلها إلا بالدخله


والنقاش شطح ونطح واساس الموضوع ضاع


فئه تشطح وتقول وإلي تحاجي وتطلع وتهيت معاه وتحمل ويموت وتطلق وتسويها فلم خليجي مكرر^_^
<<مو هذا قصد صاحبه الموضوع


وإلي تقول عيب وهذي عاداتنا وياويلتي ويلتاه ان طلبت من اهلي وانتو شحاركم عاجبنا وجذي احسن واستر
وانا ماني سلعه هههه اسمالله عليج منتي سعله !!
<<ولا هذا قصدها بعد من الموضوع






كلما بالموضوع ((((((((((((النظرة الشرعيه ))))))))))))))))
الحلال

إلي ربي محلله ليش انتو تستحون منه وتقولون عيب؟؟؟

عشان جذي انا مشتطه ^_^

 

[نتاشا الجميله]

عاشقه ممكن تقولين لنا شعورج
عادي عندج معقوله ؟
ماعندج فضول 1% ولو اني متأكده انها 10000% ودج تشوفين شكله تعرفين شخصيته ؟؟

 

[حصة]

والله كلامج عين لعقل وانتي ما قلتي شي غريب او حرام هذا شي من سنة رسولنا عليه الصلاة والسلام وهذا الحق انا تسولف وياي وحدة معاي بالدوام اخوها منفصل مرتين من هالمشكلة ان ما يشوف مرته الا ليلة العرس تقو معنه البنت ال2 خووش وحدة ومملوحة بس تقول يقوول ما تقبلتها قلبي ما ارتاحلها يعني مرات مو شرط التقبل بالشكل او الجمال مرات تكون راحة نفسية او تقبل بالقلب ... والله يهدي هالناس اللي جذي يعني هالشي لا عيب ولا حرام هذي سنة الله ورسولة ...

 

[~..MiMiNi..~]

استغفر الله .. اللي تقول سلعه !!

يعني الحين الله حلل هالشي هل تتوقعين انه الله يحلل شي عشان يضرج ؟؟

يعني اهلج مو معتبرينج سلعه بس الله مخليج سلعه ؟؟؟ استغفر الله من هالتفكير :/

النظره الشرعية قبل الزواج .. مو عشان تشوفونه حلو والا جيكر ولا عشان اهو يشوفها حلوه والا جيكره ..

الله حطها عشـــان هل انتوا راح يكون بينكم ارتياح ؟؟ يعني قبووووووووووول ؟؟؟ اذا صار قبول قولوا قسمه ونصيب هالريال حق هالبنت .. و اذا ما صار قبول بين الطرفين هم قولوا قسمه ونصيب ..

اما موضوع انه انا قاعده بالبيت و ما اسعى ولا اسوي شي و اقول كل شي سمه ونصيب هالشي الله ما يرضى فيه .. مو يقولون اسعى يا عبدي و انا اسعى معاك !!

مو اقعد يا عبدي و قول كل شي قسمه ونصيب :/

القسمه والنصيب ما اتيي مني و الطريج لازم احنا نبذل اسبابها لأنه كل شي بالدنيا فيه سبب ..~

و سووا مقارنه بين العيب و بين الحلال !! بتشوفون الحلال يطغى لأنه من الدين ..

و هالشي حق شرعي و قانوني حق البنت و الصبي .. الطرفين لهم حق ابهالشي قبل الزواج ..

و عقب ما يملجون لو بيي ويتلها من شعرها و يبي ياخذها بدون عرس هم محد له حكم عليها غيره اهو .. لأنه زوجها خلاص ..~

المفروض الحلال ما نتناقش فيه لأنه حلال

ما اتوقع انه الله حط شي حلال و اهو عيب .. صح والا لاء ؟؟ يعني الله يرضى بالعيب استغفر الله :/ ؟؟

 

[Judy abbott]

صاجه كلاامج عدل

بس ما اتوقع موضوعج راح يغير شي لانه الراي مو بيدهم


والي تقول احنا مو سلعه رخييصه كل واحدايي و يجوفناا يعني الشي الحلال صار مكرووه ؟؟!!

انا استغرب ليش بعض البنات يكابرون ويقولون حلاته ما انجوفه الا بالعرس واحسن عن المشاااكل معني في بنات قالو ودنا ونتمنى يغيرون هالفكره وفيي وايد عوايل بدت تتفتح وفي بعضهم بالملجه تطلع وياه مو بس اجوفه وهذاا منحقهااااا لانه خلاص صار ريلها والعرس اصلا بس جذي شكل جدام الناس
والنظره الشريعه انحطت عشان يكون في تقبل من الطرفيين
وفتره الملجه عشاان يتعودوون على بعض وياخذون ويعطوون مع بعض ما فجاه يجوفون بعض وينصدموون ويخافون

والله يهديهم عن هالعاداات والتقالييد وياخذون الموضوع اكثر بمنظور اسلامي :tek:

 

[^ليلاس^]

الشوفه الشرعيه لازم ومو كل العوايل ترفض الشوفه وايد ناس عادي يرضون

ومكالمات بالملجه هم عادي بس طلعات وروحات لا وانا بعد ما يعجبني هالشي

 

[يمّه مني]

الله يعيينهم لانه وايد من عاداتهم غلط توارثوها
من قبل دخول الاسلام حلو الانسان يتمسك بعاداته
لاكن العادات الجاهليه فالاسلام نهانا عنها
مشكوره ديفا عالموضوع :tek:

 

[يمّه مني]

بنات سوري يعني..بس احس اللي محترق دمه اكثر اهم بنات الحضر !!

الحمدالله اني حضريه وقراري بيدي



سوري ديفا طلعت بره الموضوع
بس جنه بدا يصير تطاول
واعتذر للخوات البدويات المحترمات السموحه منكم بس اكره ماعندي الناس اللي هالنمونه