موضوع حرمني النوم سنة كاملة

[عادت ذكرياتي]

من ترك شيئا لله عوضه الله خيرا منه """


قطعي علاقتج فيه مولية

والخير بييج من ربي سواء هو أو غيره

وبس وارتاحي

 

[Nmnoum]

الله يكتب لج اللي فيه الخير

 

[ameera11]

حبيبتي نصيحتي لج توافقين عاللي متقدملج اذا ما كان فيه شي يعيبه
سنه كاملة وهو يحاول يقنع امه مهما يكون لو هو يبيج صج كان باسبوع يقنعها موسنة
وانا اشوف انه عسى يكون فيه خيرة رفض امه
ترى الحب مو كل شي اي زلة منج بيقول يا ليتني سامع كلام امي وما خذيتج
وبيقول انج ما تقدرين تستغنين عني قاطة نفسج علي وامي ما تبيج
الشخص مهما يحب غلا الام غير
وترى ياما ناس نحبهم بعدين ننصدم فيهم ويصير كرههم لا يطاق
اهم شي كراااامتج شنو يخطبونج بعدين يرفضون وانتي تنطرين


وقبل كل شي صلي صلاة استخارة وادعي ان الله يقدرلج اللي
فيه الخير لج
وخلي امج تدعيلج

 

[shak!shoka]

الله يفرج همكم

 

[العجميه سبشل]

انا مراح اقولج استخيري >>> مع ان الاستخارة تفيدج

انا اقولج اذا انتي تبينه واهو يبيج قومي الليل صلي لربج وادعي اذا فيه خير ربي يقربكم واذا مافيه خير لج ربي يبعدج عنه بدون عذاب وقهر
كثري دعاء ابجي قد ماتقدرين
وربي يفوقج وينور دربج ويكتبلج اللي فيه الخير

 

[gossip girl]

مشكورييين على ردودكم
بس قولولي شنو الشي الي ممكن يسويه علشان تقتنع ؟

 

[دلوعة صلوح]

الله يكتب لى فى خير حقج يارب العالمين.

 

[دلوعة أبوهآ]

اذا اللي خاطبك الحين رجآل وكفو ..!
لاترفضيه يمكن هذي فرصه ماتتعوض


ورفض امه خيره لكِ ..

 

[الاهله]

ان شالله ربي يصخر لج امه ويحببها فيج يارب

 

[فيونكه..~!]

- ان شاإءءْ الله تتزوجينهّ ة !
- واللهْ يهدي اإممــه ..

 

[Queenleo]

اختي شنو تنطرين!!
مادري متى تتعلمون
ياكثر بنات انطروا واخر شيء قاموا يطقون على راسهم
راااحوا وخلوهم

لاتردين الحلال عشان علاقه بالحرام
واي واحد اييلج استخيري فيه وتوكلي على الله
لاتنطرين واذا ماصارلج نصيب فخليه اييلج وقتها
بس لاتنطرين

 

[G!RLooNa]

والله حبيبتي حتى لو وافقت من ورا قلبها و على قولتج اهيا قاسيه بتمشكلج وياها و تأذيج .. اذا الله كتبلكم نصيب انحاشي عنها لا تقعدين وياها بنفس البيت

 

[Tom ♥ Jerry]

.




اهلين حبيبتي ؛$ .،


الباب الي ايي منه ريح سده و استريح !
ترا الحب مو كل شي ، الاحترام و الطيب و الاصل و القبول
آهم وايد الحب يا قلبي
لا تاخذج العاطفه ، اذا من اولها امه مو بالعتج و سوري
بس هاذي الصراحه ، يبه خليه و بلا عوار راس

ترا الريال مآ يقول حق امه لا ! يعني اذا تزوجتيه
راح تتمنين انه ما تزوجتيه

خليه حبيبتي ، ( عسى ان تكرهو شيئا و هو خيرا لكم ) :*
الله يعوضج خير و راح تنسينه صدقيني .،

 

[om-3azo-83z]

مااااااااا انصحج نهااااااااااااااااائي صج انج بتاخذينه اهوا مو امه بس ترا بتاذيج طوووول عمرج بعدي احسن

 

[Vdieta]

اب اب

 

[Ray.Bana =$]

استخيري

لاتخلينه ياخذج وامه مو راضيه عليه راح تسويلكم بلاوي انتي بغنا عنها

 

[ام سعود ديكسون]

العمر يمشي يا حياتي و ما ينطر احد شوفي حياتج تزوجي اذا اللي متقدمين عيال حلال مالج حجة ترفضين

 

[ليتني مـآ كبرت]

وَاللّـهْ مابي اكسر بخاطرج

بس لو يبيج جان اقنع أمه بساعة

? تقولين مايقدر لا لا ماعليج الرياجيل

إذا اشتهوا شي سووه

أنا اقول اتركيه وشوفي بس نصيبج

مع ولد الحلال اللي جاي بيتكم وشاريج

 

[* بنت المطر *]

تصبري شوي راح تطخ ان شالله اصبري شوي ونطريه لاتستعجلين وتسوين شي تتحسفين عليه تالي , كل تاخيره فيها خيره

 

[قمر كويتي]

الله كريم والله يسهل الامور لج يارب اذا فيها خيره بس ياربنت الحلال لازم تفكرين لي متى راح تنطرين مثلا؟؟؟؟ شهر شهرين سنه سنتين اوكي اهو اذا يبي لازم خلاص يتقدم لج ويكلم اهله واذا امه مثلا خلاص ماتبيج نهائيا شنو راح يكون موقفه ؟؟
والله اعرف بنات وايد نطروا مو سنه والا سنتين لالا 6 و7 سنيين واخر شي اهو الي خلاها وخذا غيرها والحين عنده عيال واهي قاعده بحسرتها بروحها فكري عدل اذا اهو جاد لازم يتصرف واذا خلاص موقادر توكلي على الله واذا تقدم لج واحد زين استخيري الله والله يكتبلج الي فيه الخير
ترى مو كل الناس خذت الي تحب ومو كل الناس تهنت مع من تحب كل شي نصيب سبحانه واذا الله كاتبلج بتاخذينه راح تاخذينه قصب عن الكل وحتى عن امه اما اذا الله موكاتبه لج لو امه تبوس ايدج وتقولج تكفين اخذيه ماراح يكون نصيبج
دايما ادعي اذا في خير قربه واذا في شر بعده بدون ما تتاذيه والله يكون بعونج ويخفف على قلبج