موضوع خاص حق المتزوجات المتان او اللي متان كانوا وضعفوا بسسسس

[اميره1980]

لازم تضعفين مو بس علشان ريلج علشان نفسج
انا كنت متينة وايد و الحين متبتبة و ابي اشعف بعد و الحمدلله تزوجت لمن ضعفت
مو بس علشان اللبس هم في حركات سوري يعني ما تقدرين تسوينها الا و انتي رشيقة و لبس معين حتى لو مو حلو لكن الجسم يخليه حلو غصب و الرشاقة صحة قبل لا يكون جمال
ربي يوفقج و جربي تنزلين حم كيلو راح تتشجعين لمن تلاقين مقاساتج صغرت قمة الرووووووعة و الوناسة جربي و شوفي

 

[الذاهبه]

انا تزوجت كنت سمنتيك
ومن اليهال والحمل والولاده صرت متينه متبتبه واستانس
واستمريت علي متنى تقريبا 3 سنوات
وكل مااسئله يقول حلوو المتن عليج لاتضعفين

بس امى وخواتى ورفايجي كلهم قالوا تخرعين اضعفي هههههههههههههه اثره يجاملنى ولا مايقدر يقول موحلوه اطب بحلقه

المهم الحين قاعده احاول اضعف نزلت 7 كيلو

والله انهبل ههههههه هالسبعه بينت تصدقون

الرشاقه حلوه والخفه احلاااااااااااااااااااااااااااااااااااااا استمروا واسعوا للرشافه

واى وحده تلقا حل فعال وشىء مضمون تعلمنى رساله خاصه بليز لاتخلونى ههههههههههه الحين ببتدى بشاى بايوجى يمدحونه حيل

 

[ام ريمة2]

ههههه يمه منهم هالريايييل

انا اول ما تزوجت كنت 68 كنت متروسه بس عند خصر وكان يستااانس على جسمي بعدين حملت وولدت عقب الاربعين ولا طاق العلالي 84قلت خل احترم نفسي واضعف واهو بعد يقولي يبلج تضعفين وماكو قاعده اسوي رجيم وصلت الحين 75 ونااويه اوصله 56 او 58 والحمدلله ريلي قاعد يشجعني ويارب اوصل حق الوزن اللي ابيه وصحه وعافيه

 

[M!ss soso]

رد : موضوع خاص حق المتزوجات المتان او اللي متان كانوا وضعفوا بسسسس

صح حلاة البنوته برشاقتها =)) ،، ضعفي حبوبه وآلله يوفقج ،، اناا ضعيييييفه طولي 158 و وزني 52 بس المشكله الكرشه شاسوي فيها وآلله فشييييييييله من قلب بنوتات منو تعرف تمارين تسوي كرشتج سيده هههههه ؟؟؟؟ وآلله متأزمه من قلب :"(

 

[شيخة المعازيم]

رد : موضوع خاص حق المتزوجات المتان او اللي متان كانوا وضعفوا بسسسس

الصراحه الرشاقه حلوة...
بس صاحبة الموضوع انتي كم طولش وكم وزنش؟؟؟
شوفو بنات انا كنت متينه بعدين ضعفت مرة يعني وصلت 52 صج مرة ضعفت
وريلي عادي كان يعني ما حسيته استخف علي او شيء عادي
بس اتذكر يقولي صار ما بيني وبينش فرق
يعني ما في تقاسيم كني ريال ...المشكله كانت نفسي منصده عن الاكل ما اقدر اكل شيء كنو انوركسيا اللهم يكفينا المرض
لمن رديت الديره او سوري كنت ببريطانيا حزتها وزني زاد شوي ودشيت جيم الحين وزني وسط مع الرياضه
بس حابه انزل كمن كيلو الصراحه احس احلى
بس مو شاغله عمري بهالموضوع كلش ...عشان ما اتعقد احاول اخفف اكل بس ورياضه ...

 

[om-7many]

رد : موضوع خاص حق المتزوجات المتان او اللي متان كانوا وضعفوا بسسسس

اااااااااااااااااااب
اناا بعد ما احب المتن والكل يقولي حلو جسمج بس انا ابي اضعف لان طولي 169 ووزني 69 ابي اضعف واوووصل 63 والحين قااعدة اسوي رجيم عشان اضعف
لااا ضعفي الضعف حلوووووووووووو

 

[أم راشد المطيري]

بنات انا توني والدة وابي اضعف ساعدوني

 

[اسوووره]

صج الرياييل اذوااااااق وما ينعرفلهم ... انا ريلي يقولي متني مع اني مو عصله والله

 

[سارووه الاموره]

والله ياحلات المتروسه مو الضعيفه جنه يضم له عصايه ويع الضعف الحيل لا يبا حلات الوحده مربربه مو كرووش لاااا وعوووه يعني تكون صدر وفخوذ وزنود وويه متروس مو من الضعف هريانه و جنها يوعانه ... انا وحده اكره الضعف الي من 55 وتحت احسها عصاقيل اما 55 وفوووق احسها حلووه ع حسب الطول يعني ...

 

[شنكولة]

رد: رد : رد: موضوع خاص حق المتزوجات المتان او اللي متان كانوا وضعفوا بسسسس

يارب تضعفين وتصيرين مانيكان

 

[انا حبه للابد]

رد : موضوع خاص حق المتزوجات المتان او اللي متان كانوا وضعفوا بسسسس

نفس الحاله والمصيبه اروح دكاترة رجيم مايبقى ربيع ومايبقى بدر نصر الله ولا طالب الشمري الا سويت رجيمه ومااضعف حد الاحباط وهالاسبوع بسوي تحاليل اخاف فيني شي يتفخ والله اكلي الياهل ياكل اكثر مني بس ماادري ليش كل مالي وبالعرض واكيد لي ضعفت اب يستانس احسه لايعه جبده من الزغاديد

 

[عالمي المجنون]

والله الرياييل دوووووخة

انا يبيني امتن زفني ليش نازلة كيلوين

يحب يشوفني مربربة يقول حلاتج فيج عافية

}} والله حق التكفخ

 

[ياشايل الظبى]

الرشاقه حلوه .. < اكلمج وانا بجنبى علبه باسكن روبنز الكبيره

ياربى متى تجينى اراده واضعف

 

[انصاريه قمره]

انا اول ما اخذت زوجي كنت متينه كنت حلوه وشعري اينن بس ويع الجسم ارف وبعدين سيده حملت ومتنت زياده وريلي واعليا ما يتكلم وعاجبه شكلي بس عقب الولاده صارت فيني حاله نفسيه لي درجه اني لي اكلت اي شي ارجعه واقعد اسوي رياضه وابجي الحمدالله والشكر وعايشه على الجاي الاخضر والزنجبيل والروب حالي الدسم والخيار واذا بدعت شوووربه وصدر مشوي بسسسسسسسسسسسسسس صج صج ضعفت وبسرعه والكل انصدم شلون قدرت اضعف بهالسرعه بس شعري كله طاح وويهي اصفر واضافري اتكسر بس صج الضعف اينن واي تلبسين اللي تبين وتصيرين وااثقه بنفسج ونااااااااسه بس ريلي كان دايما ينتقدني ويقول ويع صرتي اتييبين المرض لانه ما يبني اصير حلوووه حيييييييل يغااااار بس والله ماكو ريال ما يحب الرشاااااااااااااقه واللي يقول غير جذي جذااااااااب انا ريلي يقوول احب المتن بس من داخل اادري انه العكس وبعدين انتي اذا بتضعفين ضعفي علشان نفسج وصحتج مو الضعف اللي اييب المرض لا وحيلج بالفيتامينات علشان لا يحت شعرج ويصفر ويهج فديتج وادعيلي اضعف توني والده وباديه تخفيف

 

[~LiBrA~]

رد : موضوع خاص حق المتزوجات المتان او اللي متان كانوا وضعفوا بسسسس

حبيبتي لازم تضعفين

والصراحه الصراحه ولا تزعلون الي متروسه او متبتبه وتقول عادي ريلي مايقول شي وراضي اكيد حبيبتي ماراح يقول شي ويجرحج

بس لي طلع بره وشاف الاجسام السومبتيك راح يضيق خلقه وخاصه برنامجنا الحين بالتلفزيون مو مقصره وما يقطعون شي وما يمديج تغيرين القانة الا الريال شايف وخالص


شنو احلا من انج تكونين رشيقه وأي شي أي شي تلبسينه حق ريلج يكون حلو عليج والله لو تمشين مفصخه سوري على الكلمه بس هذي الصراحه

الي واثقه من جسمها وتشوفه مافي شي اتحداها توقف سلط ملط جدام ريلها...... بس بليز لا تسوولي سوالف وتقولون عيب وحرام اوكي

اذا ما لبستو واستانستو بأجسامكم الحين عيل متى بتلبسون؟؟ لما تييبون عيال والجسم خلاص ماله رجعه!!!


ثاااانكيوووووو

 

[wedifeek]

وووي ودي ابجي

انا زوجي اول العرس كان جسمي يهبل مع ان صارلي 10 شهور عالزواج
كنت مترووووسه بس عيبي >> فخوووووووووذي<< كبيره وعندي خصر ومن فووق ضعيفه
كان يحب جسمي ويقول لاتضعفين
وعقب حملت ومتنت والا يقولي انشالله عقب الولاده ابيج تسووين شـــــفط لفخووذج لان مايبي فخووذ يبي يسوووي حركات
والافخووذ ماتساااعد
ههههههههههه
شلون اشيل فخووذي بنات ابيهم عظم يكونون انا راضيه هع

 

[رحيق الجنه]

رد : موضوع خاص حق المتزوجات المتان او اللي متان كانوا وضعفوا بسسسس

أهم شي الثقة بالنفس تري الرجل ما يهتم بالجمال كثر الثقة

الثقة بالنفس بالمركز الاول ^^

 

[بنت.المطيري]

بقولكم شغله عن واحد مابي اقول شيصيرلي لول

يقول ماحب زوجتي تضعف ،، اقوله ليش يقول يامعوده خليها جذي لاتجيني بكره جسمها مترهل عاد تطينها مره. وحده !!!!!!!!

فاللي تبي تضعف لازم تراعي هالشغله

قلبي معاكم والله ،، الله يضعفكم جميعا عالصحه والعافيه
بنات الريتضه ادري وايد مايحبونها وانا منهم

بس شنو تخلي نفسيتكم واو وبس تناقزين من الخفه والنشاط والصحه وحتا المزاج يتعدل
احلا رياضه المشي واذا دوامج طوابق الله صعدي ونزلي تركي شي عنج اسمعه اصنصير

والله راح يشد جسمج حيييييييل
ذكرتوني ابي العب رياضه قبل العرس :/
تاركتها امس رقصت بالعرس وعلا طولت فحمت من الرباده اللي انا فيها !!@@

 

[أم حيدور]

شوفي بعد جبدي انا من قبل ما ياخذني نزلت عشان خاطره 15 كيلو ووصلت الوزن المثالي

وطبعا بعد الزواج لازم الوحده تمتن فانترست شوي بس كان الوضع طبيعي لاني كنت البس واتكشخ وكل شي تمام

لكن مع الحمل والولادة الحين انا عن نفسي ابي ارجع جسمي مثل قبل يااختج ماكو شي قدج الحين ولا تقتدرين تتكشخين مثل قبل

والنفسيه تتغير وااايد للاحسن مع الرشاقه ..

اما بالنسبة حق ريلي عاجبته ولله الحمد لكن بس يبيني ارجع جسمي قبل الحمل ..

نزلت 15 من قبل مو عيزانه عال 30 كيلو يااختج

انا عن نفسي ببدي ريجيمي على شهر 11 وارجع رشاقتي المفقودة

الفال لج تضعفين وتونسين ريلج

 

[miss swan]

رد : موضوع خاص حق المتزوجات المتان او اللي متان كانوا وضعفوا بسسسس

حبوبه ضعفي حق نفسج مو حق ريلج وصدقني دام جسمج متناسق راح تصيرين احلى واهو راح يستانس اكثر
تجربتي مع ريلي كنت اضعيفه واهو متني ومو خليني اسوي رجيم بس يوم ضعفت مره ثانيه حس بجاذبيتي انا من النوع اللي مااحب المتن علي ضايقني بس اهو الوحيد اللي عاجبه وبيني وبينج احسه يقص علي لما يقولي المتن احلى