شرح طريقة تغير نغمات الايفون (رنين , sms , فتح \ قفل الهاتف , صوت المزامنة ..الخ)
كثرت الاسئله عن طريقة عمل نغمه للايفون وعن طريقة تغيير نغمة الرسايل
فحبيت انزل شرح لاسهل الطرق لتغيير النغمات ,,
نقول بسم الله ونبدا ...
اولا: نغمة رنين الهاتف ..
لتغيير نغمة الهاتف عندك 9 خطوات تقريبا,,
1.افتح الملف اللي تبغى تعمل منو نغمة ع الايتونز ,,
روح عالميوزك في الجهه اليسار من الايتونز..
. روح عالملف اللي تبغى تعمل النغمه منو واضغط بالماوس عليه بالزر اليمين ..
3. روح على options واضغط على start time عشان يطلع عليها صح واكتب الوقت اللي تبغى النغمه تبدا منو ,,
واضغط على stop time واكتب الوقت اللي تبغى النغمه تنتهي فيه (في الصوره ما استخدمت اول خاصيه وبكذا يبدا التسجيل من بداية المقطع )..
ويفضل تكون النغمه بين 30 الى 40 ثانيه وما تزيد ..
. اعمل نسخة acc من الملف بالطريقة التاليه ...
5-. امسح الملف من الايتونز بس لا تمسحو من الكمبيوتر كلو ..
6-. هذي الخطوه مش اجباريه يعني هيا تعمل مره وحده بس واذا كنت عاملها من قبل عديها لي بعدها ,,
اظهار امتداد الملفات عشان تقدر تعدل عليها ,,
افتح اي ملف واضغط على زر ALT في لوحة المفاتيح واذهب الى ادوات >>ادوات المجلد وشيل الصح زي اللي في الصوره ..
7. روح عالمسار هذا في جهاز كمبيوترك عشان تلقى النغمه ..
Music/Itunes/Itunes Media/Music
وغير امتداد النغمه الى m4r...
8. اضغط عالنغمه دبل كليك عشان تشتغل في الايتونز وتلقاها فقسم الـRingtons واعمل تزامن مع الايفون..
9.واخيرا ارجع للملف الاصلي وشيل الصح من start time و end time عشان لمن تشغل الملف تسمعو يشتغل كامل معاك ..
وبكذا خلصنا نغمة الرنين
ثانيا: تغير نغمة الرسائل او الـ sms ...
نغمات الرسايل ما تقدر تزيد عليها باي طريقة
والطريقة الوحيده عشان تغير نغمات الرسايل هي انك تغير نغمات الرسايل الاساسيه للايفون ,,
يعني في كل جهاز 6 رنات للرسايل وتقدر تبدلهم باي 6 نغمات انت حاب,,
وطريقة تغييرها كالتالي...
1. افتح الملف اللي تبغى تعمل منو نغمة الرسايل عالايتونز,,
وافتح الميوزك من اليسار ...
2. اضغط بالزر اليمين عالملف واضغط على
get info...
3. روح على options وضبط بداية المقطع ونهايتو,,
** ملاحظه هامه : ويفضل يكون طول النغمه من 2 الى 5 ثواني بس , لانك لو حطيت الاغنيه كامله نغمه حتشتغل معاك اول ما تجيلك رساله بس ما تقدر تقفل النغمه لازم تخلص كامله حتى لو فتحت الرساله وقريتها ما تقفل النغمه
4-. امسح الملف من الايتونز بس لا تمسحو من الكمبيوتر كلو ..
5. اظهر امتدادات الملفات زي الخطوه رقم 6 فوق,,,
6. حمل برنامج Switch Sound File Converter (من هنا)
http://www.4shared.com/file/16550093...itchsetup.html
7. افتح البرنامج حول صيغة النغمه من اللي قصيتها قبل شويه من acc الى aiff
. حمل برنامج ايفون فولدر لتصفح ملفات الايفون (من هنا)
http://www.4shared.com/file/16020011...neFolders.html
9. افتح ايفون فولدر واذهب للمسار هذا .. وغير امتداد وحد من نغمات الرسايل من caf الى bak وانسخ اسمها عشان تسمي النغمه اللي انت عملتها بنفس الاسم (لو اتغير الاسم الايفون ما حيقدر يقرا النغمه وما حتشتغل).
نغمات الرسايل في الايفون ما تقدر تزيد عليها بس تقدر تغيرها وحتلقى اسماء النغمات كالتالي..
sms-received1 : النغمه الثلاثية - tri-tone
sms-received2 : رنين- chime
sms-received3 : صوت الزجاج - glass
sms-received4 : البوق- horn
sms-received5 : الجرس- bell
sms-received6 : الكتروني- eletronic
10. غير صيغة النغمه اللي قبل شويه حولناها من aiff الى caf ونكتب اسمها sms-receivedx.caf
ملاحظه: الـ x = اي رقم من 1 الى 6
بعدها اعمل ريبوت (اعادة تشغيل) للجهاز وتلقى النعمه في الاصوات
ثالثا : باقي النغمات
في نغمات كثير تقدر تغيرها في الايفون والطريقه نفس طريقة تغيير نغمات الرسايل بس الفرق شي واحد,,
الشغل كلو بدل ما يسير على sms-receivedx.caf
يسير على النغمه اللي انت حابها ,,
وكلها تلقاها فنفس المسار اللي في الخطوه رقم 9 ,,
وهدي اهم اسماء الملفات اللي تقدر تغيرها وتهمك ...
beep-beep.caf: هذي النغمه تطلع لمن تشبك الايفون في الكمبيوتر
begin_video_record.caf: نغمة بداية تسجيل الفيديو
SentMessage.caf: نغمة ارسال رساله (لمن ترسل رساله تطلع نغمة هذي هيا)
lock.caf: صوت قفل الهاتف
unlock: صوت فتح الهاتف
new-mail.caf: ايميل جديد
photoShutter.caf: صوت الكاميرا لمن تاخذ صوره
Voicemail.caf: رساله جديده في البريد الصوتي
كل هذي النغمات الافضل يكون طول النغمه ثانيه وحد او ثانيتين بالكثييير ,,
انتهى وللامانه الموضوع منقول من الاخ darkhours
