موضوع لتبادل وجهات النظر"استعراض اللغه الانجليزيه" ليش؟!!!

[باونتى]

أنا بالنسبه لى أتكلم انجلش مع الفلبن فى المطاعم والمحلات بس علشان لا أنسى الانجلش وعشان أمارس اللغة لان تدرين فى بيوتنا وفى دواماتنا ما نمارس اللغة يعنى انا امارس اللغة عشان ما انسى فقط .

 

[$أنوووثه$]

انا كنت عايشه برا يوم كنت صغيره..وتخصصي بالكليه لغه وادب انجليزي..وبلبل بالانجليش ماشاءالله علي..
بس لمى اتكلم مادخل ولاكلمة انجليزيه..اللهم كلمة اوكي بسسسس..

واصلا معروف اللي يدخل كلمات انجليش شخص لغته لغة افلام مو لغة صح..يعني حافظ كم كلمة من الافلام اللي شايفها على باله بيكشخ فيهم ..<< وهالشي انا اشوفه من الناس اللي مروا علي..
يعني اجي اكلمهم انجليش كامل مايعرفون ولا يفهمون شقول..ولما يتكلمون عربي يدخلون كم كلمة انجليش على بالي انا موديرن..ارحمهم..
واحس فيهم نقص بيعوضونه بالكشخه الكذااابه[/quote
بالعكس اللي مثل نوعيتج حتى لو يطلع منه بعض الكلمات الانجليزيه معذور الفرق وااااضح بين الشي اللا اردي والمصطنع ..تمنياتي لج بالتوفيق ومنها لاعلى ان شاء الله..

 

[بنت المنصور]

شكرا على الموضوع هذا اول شي وثاني شي كل كلمه قلتيها صح وعين العقل انا اشوف ثنتين مع بعض اثنينهم يتكلمون

مع بعض انجليزي ! زين ليش ترى هي عربيه وهم انتي ليش الانجليزي بس جذي انا هذا الي مو عارفه شسالفتهم ......

 

[$أنوووثه$]

عادي انا اتكلم كويتي وانجليزي


وانا على فكررره لادخلت مدرسه انجليزيه ولادارسه برا

بس انا وخواتي بالبيت لمن نبي نتغشمر يكون بالانجليزي التعبير احسن من العربي عندنا
فلمن طلعت برا واتكلم كويتي ابي اوصل المعلومه للشخص وانسى كلمه مثلا بالعربي ادخل انجليزي

هذي شغله

الشغله الثانيه بعد ماتوظفت كل شي صار بالانجليزي

اهو موتشيحط اهوا شي مرتاحه عليه وتعودت عليه

اهني المشكله ان نوصل لمرحله ننسى كلامنا بالعربي وندور تعبير له بلغه ثانيه....

 

[$أنوووثه$]

انا ماشوف فيها شي اني اكلم الاجانب انقلش عااادي

بس المشكله باللي مننا وكلمه عربي وكلمه انقلش .. مادري ايش الحكمه يعني .. !

بصراحه احس فيهمــ نقص و يبون يعوضونه .. فــ على بالهمـ انهم اذا حكوا انقلش بيصورون واااو كشخه

والمشكله مره كاثرين في مجتمعنا

عاادي مو شيء غريب .. احنا اي شي نهب فيه

مادري ليش ..!؟

اكيد مافيها اي شي وقت الحاجه ان نستخدمها والاشفايدة المخزون اللغوي اللي عندنا لكن المشكله بالنص الثاني اللي ذكرتيه شرفنا مرورج الطيب.

 

[$أنوووثه$]

انا معك ميه بالميه الواحد يفتخر بلغته ويفرضها على الخدم والاجانب لان هذا بالدي اما اللغات الاخرى استخدمها للضروره الماسه
اخوي تخصصه انجليزي عمري ماشفته يتكلم انجلش على طول عربي وبكل فخر
شكرا حبيبتي

شكرا لك انتي على هالمرور وكامل احترامي لعقلية اخوج..

 

[$أنوووثه$]

مو شرط تصنع.. في ناس غصبا عنها وبحكم عملها وتخصصها يتأثرون بالكلام.. هالشي غصبا عنهم.. وبعدين اللي تقولها عشان تبين انها يعني فاهمه وتعرف يبين .. تلقينها تقولها بتفلسف.. فرق عن اللي تقولها لا شعوريا.. انا تخصصي انجليزي..بس مو كل شي اقوله بالانجليزي .. صح تطلع كلمات بس اقولها لا شعوريا لأني ما اركز بالكلمه.. بس لو تجيني وحده تسولف اعرف اذا كانت الكلمه مقصوده ولا لأ..

عموما احنا نعتز بلغتنا بس مو معناها اذا طلعت معاي كلمات انجليزيه اني اتصنع .. هالشي لا ارادي

فرق كبييير بين نوعيتج وبين النوعيه اللي اتكلم عنها وذكرت انها تضحكني اما انتي من الفئه اللي نعتز فيهم وبعقلياتهم فانا مع اتقان اكبر عدد ممكن من اللغات موبس اللغه الانجليزيه ومثل ماذكرت الفرق واضح بين المقصود واالاارادي..نورتي الصفحه بمرورج..

 

[أم فهووود]

ليش لما نسافر برا مايتكلمون عربي مع ان بعضهم يعرفون والشغله عندنا تشيحط وبس لا وبعض ناس اهم ما يفهمون شي بالانجليزي

ومدخلين عيالهم مدارس انجليزيه ومتوهقين والعرب عموما على طريف بالتقليد الاعمى

 

[$أنوووثه$]

قريت كلامج عدل.....اناا معااك في كل كلمه قلتيهاا..في نااس تتشيحط وهي مااتعرف اللى جم كلمه او ساافرة شهر شهرين وجنه مو مصدقه ...حتى مايعرفووون اكلام عدل واذا كلمتيهاا مافتهم علييج.....بس مثلا اللي بحاالتي اكثر عمري بره فلما رديت الكويت بصرااحه جنه سمجه مطلعينهاا من المااي ابسيط الاشيااء مااعرف لهاا...حتى اذا بطلب من مطعم ...واقسم بالله هذا لا شحااطه ولا شيء....خلاص الوااحد يتعوود وكلامج يصير مخلووط.....

وفي النهاايه كل واحد يناام على الجنب اللي يريحه​

اللي مثل حالتج ماعليه لوم وبعيد كل البعد عن الفئه اللي اقصدها وهي اللي ذكرتيها باول كلامج احسهم امعه ماكو مبدأ..نورتي صفحتي بمرورج الكريم

 

[$أنوووثه$]

انا لا درست برا ولا درست بمدارس اجنبية
بس اغلب كلامي داخل فيه الانجلش !
شنسوي يعني تعودنآ و من شبّ على شي شآب عليه :\
وانا تعودت على هالشي من صغري فـ صار شي يطلع مني لا اراديـًـا حتى ما انتبه له اساسا

حياج الله اختي شكرا عالمرووور

 

[alb7ranya17]

وينهي هذي الي ترطن عنجليزي خل تيي وياي مقابله حق الشغل وتطوفني هههههههههههههههه خل اشتغل يمعودين

 

[$أنوووثه$]

ليش لما نسافر برا مايتكلمون عربي مع ان بعضهم يعرفون والشغله عندنا تشيحط وبس لا وبعض ناس اهم ما يفهمون شي بالانجليزي

ومدخلين عيالهم مدارس انجليزيه ومتوهقين والعرب عموما على طريف بالتقليد الاعمى

هذا اللي ابي اوضحه ولاننطر منهم ولانفكر مجرد تفكير انهم يكلمونا بلغتنا اصلا عندج الالمان مايكلمونج الا بلغتهم حتى مايكلفون على روحهم يكلمونج انجليزي عشان تفهمينه فهمتي فهمتي مافهمتي اذا ذبح روحه فهمج بالاشاره وقليل يسوونها بعد فالمصيبه اللي يتكلمون انجليزي في دوله عربيه على قولتج تقليد اعمى التفكير لاغينه..اسعدني مرورج