موضوع للبنات اللي يبون يتغربون ..تعالو نساعدهم

[UK_Girl]

صباح الورد..
هذا موضوع للبنات اللي يبون يسافرون اما لدراسه او اي ظرف اخر لفتره طويله ..
شنو حابين تعرفون ؟ ..شنو ودكم تعرفون عن الحياه بره؟ ..الجامعه الدراسه ..اي في بالكم ذكروه لنا ..؟

ولو سمحتاو ما عليكم امر البنات اللي بره ..خلونا نوجه اليدد اللي بسافرون ونفيدهم باي معلومه ولو صغيره ..واكيد راح تاخذون اجر وثواب

انا مثلا وحده رحت ومعلميني وايد امور خاصه بالتسجيل وشلون اتأقلم عدل ..طبعا لازم الواحد يساعد نفسه لان بره بتكونون بروحكم وانتاو من نفسكم لازم تنطلقون ..وحيدين فريدين والله بتنقلب الشخصيه نص ريال نص بنت بسبب الاعتماد على الذات بكل شي ...بس تره شي حلو وايد لا تحاتون كلكم بتكونون قدها وقدود باذن واحد احد

اللي خلاني اكتب هالموضوع اني
لما رجعت الكويت تعرفت على صديقه مخلصه شغلها كله ومسويه اوراقها ومستعده للسفر بس البنت رايحه على عماها من كل النواحي ..ومسويه اشياء الحين تكلمني تقولي ليتني وليتني ..وتقولي وينج من قبل ههههههه ..ادعولها الله يوفقها بليز ..


مثلا موضوع دفع الرسوم الدراسيه :
اللي على حسابهم اختاروا طريقة الدفع بالتقسيط على اشهر علشان اذا توهقتاو في الجامعه وطلعت صعبه عليكم تقدرون تغيرون وما تندمون على اي مبلغ دفعتوه ..لا تدفعون التوشن فيز دفعه واحده وكامله لسنه ابدا ...
هذه اول نصيحه لكم وبالتوفيج

 

[orange87]

موضوعج وايد حلو وايد مفيد وانشالله انا اخوي بيدرس بره بس المشكله بالأختيار وانشالله راح ارجعلج وايد
اول سؤال بسألج اياه على اي أساس يختار الخاجمعه الي يبي ايروح لها
؟؟؟

 

[مينوووونه]

الله يوفقج ويسهل عليج كل عسر
والله يكتبلج اللي فيه الخير بكل خطوة تخطينها
والله يرزقج بولد الحلال اللي يسعدج طول عمرج

قولوا آمين بنيتنا تستاهل على هالمجهود الاكثر من رائع ....

بزمنا نادرين اللي مثلج والمعروف اللي قاعده إتسوينه كبير الله يآجرج عليه ولو أقعد أدعيلج من اليوم لي باجر ماراح أخلص لأنج تستاهلين كل خير ...

 

[UK_Girl]

هلا اورانج ..
على اي اساس ..ماقدر احدد بالضبط يعتمد اهوا شنو يبي ..بس اهم شي الجامعه لازم تكون معتمده ومعترف بالتخصص من التعليم العالي

ثانيا اكيد كلنا كطلبه نبحث عن جامعه مافيها تعقيد وصعوبه ....وانا بالنسبه لي بعد تهمني المدينه اللي اكون فيها امان عشان ما احاتي خطواتي فيها ... والله يوفق اخوج دنيا واخره

ممكن باجي البنات يفيدونج ان شاء الله ..انا اتمنى من خواتي اللي بره يدرسون وعندهم خبره يشاركون هالموضوع موجود للكل لابداء الراي ويثرونه بتجاربهم وخبراتهم

مينوونه ..راح ايي يوم تشوفينهم يغيرون رايهم ..ظلي حني لحد ما تحققين حلمج ...ويا اخر العنقود يا سكر معقود لو انا منج اخذ اول الايام امي وابوي معاي لحد ما قلبهم يطمئن وتالي عاد بكل اجازة ممكن تزورينهم او يزورونج وبالتوفيج وتسلمين على الدعاء ..ريحتي بالي وقلبي بدعواتج

 

[slk89]

اختي انا عندي سؤال
اختي بتتخرج هذي السنه من الثنويه و تبي تدرس بامركيا
و انا الي شفته من التعليم العالي هذي السنه انه تاخروا عشان ايبون القبول
ف يصير تراسل الجامعه الحين و تاخذ القبول منهم ؟؟؟ و بعدين تعطيه التعليم العالي؟؟؟

 

[UK_Girl]

عفوا اعذريني ما اقدر افيدج لان ماعندي فكره ..راجعاي التعليم العالي بس شوفي احد عنده ضمير حي بالتعليم يجاوب على سؤالج وبالتوفيج

 

[Om_il3ubed]

اختي انا عندي سؤال
اختي بتتخرج هذي السنه من الثنويه و تبي تدرس بامركيا
و انا الي شفته من التعليم العالي هذي السنه انه تاخروا عشان ايبون القبول
ف يصير تراسل الجامعه الحين و تاخذ القبول منهم ؟؟؟ و بعدين تعطيه التعليم العالي؟؟؟

اذا تخرجت اوقع يصير ... بس لازم تتاكد ان الجامعه معترف فيها... وبعدين التعليم العالي يدزون الاوراق حق الملحق الثقافي

طبعا بالكويت ينامون عالاوراق 2-3 اسابيع
والملحقيه هم ينامون عالاوراق 2-3 اسابيع
والنتيجه يبدي الدوام والطلبه بالكويت مايعرفون شيسوون لوول

 

[احلا عجميه]

ثانكس ياقلبي موضوع روعه جا بوقته بغيت اسالج عن بريطانيا شنو احسن و اامن منطقه هناك حق اللي بيقعد فتره طويله

 

[slk89]

UK_G

​

irl
Om_il3

​

ubed
مشكورين خواتي

​

على المساعده

 

[UK_Girl]

العفو ..

احلى عجميه ..الابتعاد عن المدن االكبيره مثل ..لندن..مانشستر..برمنغهام ..هالمدن كل ما تفتحين جريده تلاقين اخبار تضيق الخلق فيها..
طبعا
اطراف هالمدن امان وهدوء ..وكل ما رحتي المناطق االريفيه كل ما كنتي وسط ناس حبوبه اكثر ومسالمه والبسمه على ويوهم وبالتوفيج

 

[Om_il3ubed]

uk girl عاد حسافه احلى مناطق هذوول لووول

انا بنت عمي ب Leeds ووايد مرتاحه ومادري والله مادرس هناك فمابي افتي بس مانشستر عجييبه حق السوق

 

[Danger_Beauty]

بنات في اخد يقدر يفيدني بالدراسة في ايرلندا؟

شلونها؟ شلون الناس؟ و الدراسة؟ و الحياه؟

***********
دينجر بيوتي

 

[احلا عجميه]

العفو ..

احلى عجميه ..الابتعاد عن المدن االكبيره مثل ..لندن..مانشستر..برمنغهام ..هالمدن كل ما تفتحين جريده تلاقين اخبار تضيق الخلق فيها..
طبعا
اطراف هالمدن امان وهدوء ..وكل ما رحتي المناطق االريفيه كل ما كنتي وسط ناس حبوبه اكثر ومسالمه والبسمه على ويوهم وبالتوفيج

ثانكس حبي ماقصرتي

 

[silent86]

يعطيكم العافيه على الموضوع الحلو ..

انا بس بستفسر عن كذا شغله ريلي انشاءالله بيروح بعثة يكمل برا ب لندن او امريكا وانا بروح اكمل بكالوريوس معاه بس خايفه ما ادري اختار اي جامعه وما ادري اتأقلم والا لأ .. وقاعده احاتي على اي اساس اختار جامعه وما ادري اذا دراستها صعبة ..... باختصار احس ضااايعه وخايفة من هالموضوع لان اقل شي بقعد 3 سنين



سوري قرقت وايد

 

[Om_Hassony]

بسم الله الرحمن الرحيم ....

الله ايوفقكم يالمتغربات وترجعون الى اهلكم رافعين الراس وماسكين شهادتكم اب ايدكم

انا ودي ادرس واكمل بره ابي يا لندن او امريكا بس ابي اعرف الخطوات يعني من وين ادورلي على جامعة معترف فيها وانا عندي دبلوم ادارة اعمال من الكلية الاسترالية بالكويت ،، انا حلم حياتي اني اكمل بره بس ابي اعرف جم تكلفتها و اشلون على السكن بليز فيدوني الله ايخليكم انشالله

 

[0(مـــســـ(مطير)ــــــك)0]

السلام عليكم

سؤال اختي

متى تبدي الدراسه في بريطانيا السنه الجايه 2010 ؟

ومتى يخلص التجيل في الجامعات ؟ يعني لوبقدم شهر 8 /2010 يمديني ؟ ولايكون خلصوا تسجيل

 

[رعشة خفوق]

الله يوفقكم ياااااارب

 

[q82q8]

اختي UK_Girl انشالله يكون الي قاعده تسوينه لنا في ميزان حسناتج يا رب

اختي شنو تقدرين تفيديني عن منطقه ليدز Leeds في بريطانيا ؟

 

[بطه فيها نطه]

اختي UK_Girl جزاك الله خير

وانا بعد احب اشارك معاك اذا تسمحيلي ... خصوصا اني حاليا قاعده اعيش التجربه وعلى وشك الاغتراب

في البدايه ... اقول لاي شخص حاب يدرس بالولايات المتحده الامريكيه ...

اختار الولايه ثم المدينه ومن بعدها الجامعه ... عندكم الخريطه





ليش ركزت على الولايه بالاول ؟؟؟
في ولايات معدل الجريمه فيها توب وخرت عنها وفي ولايات فيها كوارث طبيعيه ( اعاصير - زلازل - حرايق ...الخ )

ولايات المعيشه والسكن فيها مرتفع وغالي - ولايات فيها عنصريه وشعبها وخر عنه

اختياري تم على امور كثيره منها جو الولايه والطبيعه فيها - شعبها - التكلفه بالنسبه للسكن وغيره - الجامعه

والحمدالله كان اختيار صح من ناحية التخصص لانها من اقوى الجامعات بالنسبه للهندسه

طبعا كل اللي قلته نقطه في بدايه الطريق ... ومن بعدها راح اتكلم اذا سمحتيلي اختي

شلون تقدمون على الجامعه والاوراق المطلوبه بالتفاصيل ...

 

[غمزه وإبتسامه]

والله انا ابي اساافر بس مو حاااصلي