موضوع للي عندها أكثر من رجل

[احلى بنت بالدنيا]

واااي مصيبة كل يوم خاطبينها لييش ؟ شفتي هذي فلانة تزوجت كذا مرة .. يهب شهالحظ من وين بتييب هالمعاريس ؟
طبعا هالحجي كله فجلسات الحش والأستقبال مالت الحريم لما يسولفون عن وحدة تزوجت لأكثر من مرة ​

فا منو فيكم ياحلوات جربت تتزوج أكثر من ريال ؟ ​

تحسين انج كنتي محظوظة أنج اخترتي حياتج على كيفج وما جبرتي نفسج على ريال واحد منكد عليج عيشتج عشان واحد يديد يكون أفضل منه ؟​

وياترى تحسين الحريم حاسديج لأنج جربتي الزواج من كذا ريال ورديتي سوولج خطبة وملجة وصيرتي عروس من يد ويديد ؟​

انا عن نفسي يقطون علي الكلام أشكره .. ( من صجج خلاااص خلصتي شباب الكويت !!) ( ومرات تيي وحدة كبيرة بالعايلة تقولي يابختج أنتي كل كم سنة تغيرين ريال أنا ريلي قاعد بويهي 25 سنة !! ) ومرات أقرا من عيونهم هالحجي كأني سويت اللي ماحد سواه !! ومواقف غير جذي وايد ​

يعني يحسدوني عيني عينك على اني تزوجت 3 مرات .. عبالهم وناسة .. مايعرفون الهنا اللي أنا كنت فيه من نكد وحزن وضيقة خلق .. مايحسون بأن كان عندي أحلام حلوة مثل كل البنات كان ودي أسويها وانصدمت في واحد بخيل والثاني فاشل ودلوعه الماما والاخير كان غيور وشكاك ومريض نفسي .. يعني كل واحد فيهم أخذ من عمري أكثر مما عطاني :eh_s(11):​

منو جذي نفسي ؟ اشرايكم انتو بعد تحسون اللي تتزوج أكثر من مرة صج محظوظة ؟​

 

[عاشقة هواك]

امبي والله عيب يقولون لج جذي الزواج قسمه ونصيب

الله يكافينا شر العين اعوذ بالله من عيون الناس والله مثل بيت يييرانا تخيلي زوجت كل بناتها احسن ريايييل وحتى

وحاطه عينها علينا وعلى خواتي وتقول حق امي يا حظج بناتج جامعيات اكيد شكثر يتقدمون لهم مادري شنو

من هالكلام ومن يومها والله كل ما احد يتقدم حق اختي ما يصير الريال يرفض او يصير شي يتفركش السالفه

والله وايد متضايقه حرام عليها كله حاطه عيونها علينا حتى وظيفه اختي ما عندها صار لها سنتين بالبيت

لا حول ولا قوة الا بالله جان زين لو يصير بعيالها نفس الي صار فينا خل تحس بالمعاناة

 

[سمسمة كويتية]

انا احس التلفزيون و وسائل العلام اهي الي شوهت صورة المرأه المطلقه أو المتزوجه لأكثر من مرة
بس اذا بتسمعين حجي الناس منتي خالصه طنشي

 

[حبه لووزه]

يااختي كلام الناااس ماايخلص طيعي ربج ودعيه يعوضج بواحد يعرف قدرج

صدقيني اكثري من الداااء والاستغفااار وبيرزقج انشالله ربي

 

[حبه لووزه]

يااختي كلام الناااس ماايخلص طيعي ربج ودعيه يعوضج بواحد يعرف قدرج

صدقيني اكثري من الداااء والاستغفااار وبيرزقج انشالله ربي

 

[زوجة عزيز]

اي والله على بالهم الطلاق او الزواج راحه مو كل متزوجه مرتاحه ولا كل مطلقه ارتاحت صج حتى الزواج اللي كله مشاكل بمشاكل ومشا كل ماتنطاق بعد الطلاق الوحده لازم تتعب نفسيتها الله يعينا بس

 

[حلوه ولمآحه]

اعوذ بالله الناس صايرون يحسدونج ع القمه الي بحلجج ،،
وعلى اتفه شي حتى لو الشي طلاق الايدورون نقطه او جانب حلو عشان يقولون واهنيااالج ،،
فوشيه دلووعه >> خذوا من اثرهاا ربي عينها تبرد ،،

 

[انا لحبيبي .]

الله يعينك ،، كلام الناس ما بخلص حبيبتي

ولا بقدم ولا بأخر ،، ماتهتمي وماعليكي

 

[aloooya]

حتى لو مافي سالفه يتكلمون فيها عنج بطلعون سالفه من تحت الارض
عطي طاف

 

[njoom1]

بالعكس والله في ناس مادري شلون يفكرون
اصلا اللي تتزوج جم مره مسكينه حياتها بهم وتعب

 

[ريما61]

الله يوفقك يا أختي .. الزواج لا حرام ولاعيب وخلي الناس يطقوون راسهم بالطوفه ’’’’ الناس ما تخلصين من لسانهم اذا متزوجة أو مو متزوجة .... الله يوفقك ويهنيك .

 

[فلنتينو]

اعوذ بالله
هالناس ماتعطي خير

 

[جيكره(و)تتغلى25]

اعووووذبالله


وانتي قطيهااا بوجه اي وحده تقولج عالاقل هي مستقره

انتي مومستقره وهم فاجين عيونهم عليج شالعالم سبحانه الله الناس اجناس

 

[نفهمها صح]

انتي 3
جارتي لكن بمنطقة هلي
7
الله يرحمهم نصهم ماتوو
وكلام ناس ميخلص

 

[شقرديه كيوت]

الله يعوضج بكل خير-الناس كلامها مايخلص

 

[انقط عسل]

بنات اسمحولي اللي رديتو عليها


انتو الناس !!
انتو تقولون كلام الناس ما يخلص ترا انتو من هالناس هذيلي
لو انتو بتطالعون نفسكم عدل راح تلقون انكم تطلعون سوالف من تحت الارض وكلامكم ما يخلص وما عندكم حسن الظن



ومشكورين واتمنى تتقبلون رايي

 

[ميمي بنك]

طنشي ولا تفكرين ترا بتتعبين

 

[دلع انثه]

اطلقي من ريلج الاخير واخذيلج واحد جنس لا يغار عليج ولا دلوعه امه وباجر تروحون السوق وباجر ينقيلج احلا مكياج واحلا ملابس ويعيشج بهنا خلصوو رياييل هذا الي كان ناقصنا وعيشي حياتج فري وخلي ريلج بس بالاسم واستمتعي بحياتج واذا مانفع هذا بعد روحي سويلج عمليه او قلبي ريال هذا احسن حل وسلام ختام

 

[last-moon]

الله يكون في عونج

 

[pusy cat]

بالعكس الشغله صعبه ان المره تتزوج كذا مره لانها فشلت بزواجتها القديمه وتعبت وانجرحت كذا مره

والمره بطبيعتها تحب شخص واحد عكس الرجال اللي الله محلله اربع

يعني ابد مافيها استقرار السالفه

ليش يحسدونج يعني زين ان المره اتطلق كذا مره !!

الله يكون بعونج ويتمم عليج انشالله *