موضوع للي عندها أكثر من رجل

[Om_Ksha]

ههههههههههه ماشالله 7

 

[منو انت]

لاحول ولاقوه الا بالله على شنو الحسد يمه منهم الحريم كل وحده عينها على رزق الثانيه وانا ملاحظه شي ماتحسد الناس الا الشبعانه يعني وحده زوجها عسل تحسد فلان على زوجها بيتها حلو تحسد فلانه على شقه ايجار يعني شتبين بالضبط الواحد ليش مايقول الحمدالله على كل حال شي يخرررررع ياربي تكفيج وتكفينا شر هالحسد اللي زاااااااااااااااااااااااااااااايد بشكل مو طبيعي

 

[* بنت المطر *]

الناس طااااااااااااف من قلب هذا الفرق بينا وبين الاجانب

اهما عايشين لروحهم بس احنا عايشين عشان الناس تبي جذي بنسكتهم بس وياليتهم يسكتون

طاااف يبا طااف

 

[Ranoodah]

والله يا اختي الواحد يقول حمدلله اللي أغنانا بحلاله عن حرامه وبفضله عمن سواه
والناس مايملي عينهم الا الترااااب يدورون الزله خصوصا هالحريم أعوذ بالله
اقول وسعي صدرك وعيشي حياتك وتحصني وارمي كلام الناس ورا
ظهرك وبترتاحين ان شاء الله

 

[نونه المنكوشه]

من راقب الناس مات هما والناس ماتسكت اذا الوحده ماتزوجة قالولها متى اتزوجين واذاتزوجت متى تحملين واذا احملت متى تولدين واذا اولدت متى اتيبين اخو حق ولدج واذا يابت درزن قالوا حشى قطوه مومره بسج عيال ههههه يعنى وراج وراج فاحسن انه الوحده تضرب الناس بالطوفه وتخليها على الله وكل شى بايد الرحمان واحلى شى الرضى بقضاءالله وقدره واذا احد غثج قولى لوانا مرتاحه ماشفتونى تزوجت 3مرات جان شفتونى تزوجت واحد وعشت معاه العمر كله لكن كل شى قسمه ونصيب وعسى ربى يعوضج باللى احسن منهم كلهم

 

[بَيّروتْ .!]

وانتي الصاجه

بنت خالي اتزوجت 3 مرات وبعدها صغيره

نصيبها جذي

بس حسسد اللهم يا كافي عبالهم الناس من وناستها كل يوم زوج وبنت خالي ماششاء الله حتى بين هالثلاث انخطبت شكثر

بس مره وحده قطت حجي قالت هاذي بنت خالكم جم مره خذت مهر وكل مهورها على بعض جم صارو وقعدت تحسب @@

شكثر الملاقيف اعوذ بالله

انا ما احس الي تتزوج اكثر من مره محضوضه كثر مو اهيا انسانه قويه
وماترضى تعيش مع واحد بخيل او حقير عشان اسمها يضل متزوجه مو مظلقه