موضوع مهم .. الاكل من اليهود والنصارى بالدول الاجنبيه

[كريستال]

رد : موضوع مهم .. الاكل من اليهود والنصارى بالدول الاجنبيه

جزاج الله كل خيييييير

الله يجعله في ميزان حسناتج

 

[~ عز ~]

أنا كلما أذكر إنه ممكن يون لحم ميته تلوع جبدي ما اقدر اقرب يمه
مدام ماراح أموت من اليوع ماراح آكل ما أقدر

اول مره اسمع انهم ياكلون لحم الميته ؟؟؟

لا اختي معلوماتج غلط

بصراحة مومعقولة بروح آكل لحم أو دياي ماني عارفة طريقة ذبحة أنا ماني مضطرة ولاني في مجاعة
بالعكس المفروض نبتعد عن الشبهة إذا أنا متأكدة إن الحيوان مومذبوح على الطريقة الإسلامية وفيه مضرة على الجسم ليش آكله ووكل عيالي
ممكن آكل صمون وتوست وأجبان مع الزيت والزعتر - تمر -بيض - بيتزا خضار أو جبن أو تونه - بساكيت - كورنفليكس وحليب
معكرونيا وباستا بدون لحوم ودجاج - بقوليات - في بأوروبا مطعم النوردسي للمأكولات البحرية
انشاء الله ربي بيسهل الأمور
وهذا رأيي الشخصي

هذا رايج ووايد اللي مثلج .. و في ناس رايهم غير .. والحمدلله المشايخ اباحوه بالاجتهاد


شاكره لج مرورج ومثل ماقالت الاخت المشرفه روونه الموضوع معلومه انا اضفتها افيد فيها وليس موضوع للنقاش

 

[~ عز ~]

يعطييييج العااافيه

ووين البنات هاللي يتناجرون على هالسالفه خلي يشوفون

الله يعافيج

المفروض ماتصير نجره و قيل و قال و كل واحد يفتي .. احنا نمشي ورا دينا و راي أأمتنا .

شكرا عالمرور اختي

 

[~ عز ~]

والله انا مدري احنا نروح لمطاعم ايرانيه او هنديه او لبنانية حلال وطعمهم اصلا لذيذ احلى من مكدونالز اللي ما فيه زود لأن اكل الأجانب اصلا مو حلو انا افضل اللي ذكرتهم.

صح ... اذا في بديل يفضل الاستعناء عن اكلهم

بس مرات مايكون في بديل

انا مره سافرت امريكا مدة سنه كامله .. اقرب مطعم عربي لنا كان يبعد ساعتين بالسياره


صحيح كنا نطبخ بالبيت .. بس وقت طلعاتنا كنا ناكل في مطاعمهم


اسلمتي عالمشاركه اختي

 

[~ عز ~]

يعطيج العافيه

الله يعافيج فديتج

 

[~ عز ~]

رد: رد : موضوع مهم .. الاكل من اليهود والنصارى بالدول الاجنبيه

جزاج الله كل خيييييير

الله يجعله في ميزان حسناتج

ويجزيج الخير اختي

 

[buffy]

الله يعطيييييييييييج الف عافيه على الموضوع

 

[~ عز ~]

الله يعطيييييييييييج الف عافيه على الموضوع

الله يعاااافيييج حبيبتي

 

[Ms.LoL]

أهلييين بنااات
بنات قلت أنبهكم
جم مطعم نروح له و يكون القرسون هندي أو بنغالي
يقولون لنا لا تطلبون بطاط مقلي لأنه الدهن فيه مشتقات خنزير
مره هو قال و مره وحده نباتيه تشتغل بالمطعم قالت لا انا نباتيه و ما اكل مقلي لأنه الدهن في مشتقات خنزير
و مره بمطعن بتيزا كانوا حاطين لنا خبز و بسكوت
تعرفون لما يحطون لكم قبل الاكل بسكوت مغلق عواد طوال ؟
توني فاتحته بدخله بحلجي
جان واحد من بعييد يقول : لا لا لا لا
اخترعت علقت ايدي مادري شسوي و لا شسالفة!
و لا اللي يشتغل مغربي قالي لا و معصب !
قلت شفيه ! جان يقول لا هذا الخبز فيه 10 % شحم خنزير و شاله عنا
قال اسم الكلمة دوروها بكل بسكوت و خبز اسمها : strutto
كتبتها بترجمة قوقل من ايطالي لي عربي طلع لي : شحم خنزير
و في مطعم ثاني بعد
كنا قاعدين جان يحطون لنا الصمون اللي تغمس مع زيت و زبده
كان شكله حلزوني شوي
جان واحد بالطاولة اللي يمنا يكلم القرسون قاله : شيل هالخبز عنهم هذيلة مسلمين
و حط لنا صمون ثاني مقطع
و الله الحمدلله ربي يسخرهم لنا قبل كل وجبه (":
و امس بسالزبورغ مطعم بيتزا باكستاني
قال ديروا بالكم ترى بالمطاعم يقطعون اللحم و الدياي مع الخنزير بنفس الادوات و الصحن
و حتى القلاي بنفس الدهن ..
يعني اللي ياكلون لحم و دياي لأنه حلال ترى الخنزير معاه بنفس الصحن و طاولة التقطيع والدهن

شكلي بحط موضوع عن هالسالفة =(

 

[um_fahad]

رد : موضوع مهم .. الاكل من اليهود والنصارى بالدول الاجنبيه

انا بعرف البنات اللي يتكلمون اشلون تنذبح اللحوم دول برة...ما قد اسالوا اشلون تنذبح اللحوم الموجودة بالمطاعم عندهم؟؟؟؟؟؟؟؟
واللي اعرفه ان اغلب المطاعم في الكويت ذبح خارج الكويت...من الهند وتركيا وفرنسا والبرازيل..... واللي يحر صج في ناس تتفلسف ومقطعة الدين وذابحة عمرها اذا سافرت كلش ما ياكلون لحووم....وما يدرون ان الدجاج اللي يشترونه وياخذونه من التموين كله من برة...مثل ساديا ... انا عن نفسي ما آكل اي لحوم مجمدة خصوصا ساديا...لانه تلاقينه مجمد من سنة الطواعين وكلش راح تنتهي مدة صلاحيته.... وكنت قبل امن اسافر عشتوا ما آكل لحوم.... بس بعد ما سمعت الفتوى... وللعلم انا حاليا بامريكا... آكل الدجاج بس...اصلا اللحم حتى بالديرة ما اكل مطاعم...ليش؟؟؟
لان اصلا عمي عنده مزرعة بقر...وقايل لنا ان اغلب شركات اللحوم بالكويت لمن تشتري البقرة..ما تأخذ الصاحية لانها حيل غالية...ويشتروون البقرة التعبانة حيل عشان حيل ارخص....

 

[newuk83]

سلام انا هم جذي معه ريلي عندنا في بريطانيا يعني الباكستانين وايد متعصبين علي هل الشغل و ريلي قرا في موقع الشيخ النشمي انه ما يجوز لان طريقة ذبحهم الحين كله كهربا و هذا رابط الفتوي
http://www.dr-nashmi.com/fatwa/index.php?module=fatwa&id=1962

 

[دموع تائهه]

السلام عليكم

انا عن نفسي ما آكل الا من المطاعم الاسلاميه وبعد مو اي مطعم
ومادام في بقالات وسوبر ماركت اسلاميه ليش ناكل من اكلهم عاد من زينه الفاست فود الله يزيد النعمه
اشفيه طباخ البيت انظف والذ تقدرين تسوين سنديتشات الهمبرجر بالبيت عالاقل عارفه الزيت اللي تقلين فيه وغاسله
الخضره واللحم عدل ما تلقين حشرات ولا وصخ بالاكل (ادري لوعت جبدكم) و انا حتى بالكويت مااخذ دياي مثلج واذا خذيت اخذ ذبح السعوديه كل شغلي طري ماحب المثلج
ولما كنا بامريكا كان زوجي يشتري الخروف ويذبحه بنفسه في مزارع عارفين طريقه المسلمين بالذبح فكانوا متعاونين معانا
واهنيه بلندن اشكثر بقالات اسلاميه ناخذ منهم اللي نحتاجه
واحنا ندري بالفتوى هذي وجربوا مره عيالي اطلبوا ماعجبتهم الوجبه
اسفه عالطواله قرقت وايد​

وعالعموم كل وحده لها وجهه نظر

 

[هــلا الكويت]

جزاج الله خير اختي فعلا موضوع مفيد

 

[مشمشة رمانة]

حبيبتي "" عز "" بشرع القرآن اي شي ينذح بغير الطريقة الاسلامية يعتبر ميتة واهم اغلب ذبحهم يكون بالصاعقة الكهربائية او عن طريق الخنق

ان شاءالله راح ابحث بموضوع الذبح في الدول الاجنبية واحط لكم السايتات حتى الكل يستفيد

ويعطيج العافية حبيبتي

 

[Om-Bashaar]

الله يعطيج العافيه حبيبتي ما قصرتي

 

[اريج الجوري]

رد : موضوع مهم .. الاكل من اليهود والنصارى بالدول الاجنبيه

مشكوره حبوبه ,,,


وهالشي معروف لأنه مذكور بالقرآن ,,,




الْيَوْمَ أُحِلَّ لَكُمُ الطَّيِّبَاتُ وَطَعَامُ الَّذِينَ أُوتُواْ الْكِتَابَ حِلٌّ لَّكُمْ وَطَعَامُكُمْ حِلُّ لَّهُمْ

سورة المائده ,,,




واحنا نسمي على الاكل وناكل عادي ,,,



اما شرق اسيا مثل تايلند والصين لأنهم مو اهل كتاب وكفار ,,,


فندور مطاعم عربيه او هنديه او نقزرها جبن وخضار وسمك وماكولات بحريه لأنها محلله ,,,


مشكوره حبوبه على الموضوع ,,,


تحياتي ...

 

[اريج الجوري]

رد : موضوع مهم .. الاكل من اليهود والنصارى بالدول الاجنبيه

بنات انا لاحظت ان الاوروبيين حيل امينين من ناحية الاكل ,,,


مثلا مره بميونخ كنت بطلب كيكه من كوفي شوب وقالتلي القرسونه لأ هذه فيها كحول وعطتني غيرها ,,,


ومره في باريس في مطعم طلبت طبق وقالتلي القرسونه انتوا مسلمين صح ؟؟؟


قلت اي ,,, قالت خلاص غيري الطلب لأن هذه فيها دهن خنزير ,,,


ونفس الشي في ميوتخ بعد كنا نطلب من سب واي ساندويتس خضار جان القرسون يغير الورق النشاف اللي كان يستعمله


وغير السكين اللي يقص فيها الصمونه وقال اللي قبلكم طلب صمونه لحم خنزير وعشان جذيه حايشهم شويه من الدهن ,,,


وكذا موقف بعد معاي ومع اهلي ,,,


وبعدين دينا دين يسر مو عسر ,,,


واذا كنت ما ادري فانا معذوره ,,,


تحياتي ...

 

[Leann]

رد : موضوع مهم .. الاكل من اليهود والنصارى بالدول الاجنبيه


عشت تسع سنين غربه بره ديرتي .. ما عمري حطيت بحلجي لحم مو حلال

و كاني حية ما مت الحمدلله .. انتوا طول السنه تاكلون بهالحم و الدياي ماراح تفرق وقت السفر اذا كليتوا سمج او مأكولات بحرية او خضروات بعدين بره يهتمون بالنباتيين وايد .. راح تلاقون بكل مكان دياي او لحم لو نقانق مصنوعه من فول الصويا .. ريحوا بطنكم شوي
هذا غير عن المطاعم الايرانيه و الهندية الحلال و فوق هذا بقالات باكستانين او لبنانيين يبيعون مرتيدلا و هالسوالف

و لا تستغلون مقوله الدين يسر و ليس عسر .. مدام جذي خل افطر برمضان وقت الدوام .. اسهل لي وايد .. بس حلو الجهاد في سبيل الدين

و ترا وايد شيوخ تكلموا عن اكل اليهود و النصارى و افتوا فيه قالوا المقصود من اكلهم حلال اهو الفاكهة او اي شي ثاني غير اللحم لازم ناكله حلالا طيبا

و شغله ثانيه مرة قالها شيخ نسيت اسمه ان الواحد لمه ياكل نجاسة او لحم مو حلال ترا تضعف هالته و يتعب بدنه

و مشكورة اختي فيرست مي على كلامج و نقلج
و هم مشكورة صاحبة الموضوع ..

 

[سكريمزا]

رد : موضوع مهم .. الاكل من اليهود والنصارى بالدول الاجنبيه

جزاج الله خير

 

[taliya]

رد : موضوع مهم .. الاكل من اليهود والنصارى بالدول الاجنبيه

مشكوورة اختي اي والله زين سويتي لانه في وايد ناس يقولون حرام معنه واضح بالقران ((اليوم أحل لكم الطيبات و طعام الذين أوتوا الكتاب حل لكم و طعامكم حل لهم)) انا والله لي سافرت اكل بس قبل لا اكل اسأل شنو مكونات الاكلة اذا قالولي فيها بورك او واين ابتعد و من نشد ماضاع