موظفات بنك التمويل .. او اي بنك ثاااني ,,,

[rer2010]

خواتي انا بنت عمي اقبلوها في بنك التمويل بس عندها استفسرات

بغيت اعرف جم رواتب الدبلوم ...

وثاني شي صج سمعت انة دعم العمالة ينزل بتاريخ وراتب الاساسي بتاريخ ثااني صح الكلام ولا انا غلطااانة

وبغيت اعرف شنو البدلات الموجوده عندهم واقدر اخذهم كلهم ولا بس واحد مثل الحكومة

وياليت خوواتي اذا عندكم سلبيات ولا ايجابيات بنك التمويل خاصة وبنك الاخري عاامة

اسدحوهاا اهني

خل نستفيد ونفييد

 

[G6waa]

رد : موظفات بنك التمويل .. او اي بنك ثاااني ,,,

انا مو موظفة بنك بس كل اللي اعرفه من اسالتج ان صح دعم العماله ينزل بتاريخ ثاني عن الراتب الاساسي


وانشاللله البنات يفيدوووونج

 

[rer2010]

زين بعيييد ولا يعني قبل الراتب او بعد الراتب ....

 

[frawlah_83]

رد : موظفات بنك التمويل .. او اي بنك ثاااني ,,,

رواتب الدبلوم تكون بين 400 و 450 وتختلف من بنك لي بنك بالاضافه الي دع العماله الي اهو 389 .. اي كل واحد ينزل يبوم عاده دعم العمال ينزلبين 26 و 28 مالهم وقت معين وبالنسبه لراتب البنك على حسب يختلف من بنك لي بنك بس دايما يكونون بين 20 و 26 اهي خل تسال شؤون الموظفيين اهناك واهما افيونها .. بالنسبه للبدلاات طبعا اذا مقبوله في فرع فلي يشتغلون في افرع لهم بدل صرافه وبدل كاش واذا فرعها في عصرتاخذ بدل العصر اما اذا اداره مافي بدلات ... وفي تاميين صحي حق كل الموظفين وفي بنوك تعطي تذاكر سفر طبعا المدره لهم بدلات غير الموظفين العادين يعني اجار مكالمات تلفون بدل سياره والخ والخ والخ ..

طبعا هذا غير البونصات وهم تختلف من بنك لي بنك في بنك يعطي دفعه وحده في بنك على دفعتين في بنك كل 3 شهور

احسن شي تستفسر عن هالاشياء من شوون الموظفين لانه كل بنك تختلف سياسته عن الثاني ...

 

[sweeti]

ماعليج امر بغيت اسأل شلون قدمت علي بيت التمويل وشنو تخصصها اذا ممكن

 

[CheeSeCaKe]

رد : موظفات بنك التمويل .. او اي بنك ثاااني ,,,

السلام عليكم ورحمة الله وبركاته ،،

بخصوص راتب الجامعية :

الأساسي : 520 وبدل مواصلات 30 وإذا بيتج بعيد عن الفرع بأكثر من 25 كيلو يعطونج بدل طريق 50

دعم العمالة 190 + 120 + 50 +12 (عطوني بس 12 من آخر 50 لأني واصله سقف 1000) = 372

بس يمكن كتعيين جديد تستلم الموظفة 50 كامله يعني دعم العمالة يكون =410

يعني الراتب بالكامل شهريا 960

وفي بونص تستلمينه كل 3 شهور إذا كنتي محققه اهدافج كامله تاخين 30 / 30

يعني راتبج الأساسي 520* 30%=156 *في 3 شهور = 468 د.ك كل 3 شهور

يزيد راتبج سنويا على حسب تقييمج وما يتعدا إذا كنتي متميزه 40 دينار

بخصوص راتب الدبلوم :

الأساسي 420 وبدل مواصلات 30 وإذا بيتج بعيد عن الفرع بأكثر من 25 كيلو يعطونج بدل طريق 50

دعم العمالة169 +120+50+50 (خذوها كامله لأنهم ما وصلوا سقف 1000) =389

يعني الراتب شهريا 839

وفي بونص تستلمينه كل 3 شهور إذا كنتي محققه اهدافج كامله تاخين 30 / 30

يعني راتبج الأساسي 420* 30%=126 *في 3 شهور = 387 د.ك كل 3 شهور

يزيد راتبج سنويا على حسب تقييمج وما يتعدا إذا كنتي متميزه 30 دينار

الراتب ينزب 21 الشهر ودعم العمالة من 26 -28 الشهر .

------

ميزات :

* بنك اسلامي راح يعرفج على عده فروق بينه وبين البنوك الأخرى .
* دورة لمدة شهرين خلالها يصرف راتب للموظف وهو الراتب الأساسي فقط مبدئيا لقاء حضوره الدوره فوق 75% نجاح.
* إذا حصل الموظف على 100% في جودة الخدمة (العميل الخفي ) ياخذ 50 شهريا
* لج تأمين صحي يتكفل فيه بيت التمويل في مستشفى السلام فقط .
* خصم على معاملات التورق ومعاملات السياريير 12% للموظف وأيضا للعقارية .
* خصم على رسوم اصدار البطاقات الائتمانية 20%.
* اسبوع أجازة زواج من الموارد البشرية .
* اشتراك صندوق العاملين 7 دنانير شهريا لعروض واشتراكات مخفضة ويستلمها الموظف في نهاية الخدمة كتوفير له أضافة:
- 150 مكافأة زواج -100 مكافأة الحج -50 لكل طفل
* قرض حسن للموظف على حسب الراتب والخدمة .
* تخفيضات وخصومات على سفريات بودي للموظف.
* قسم السيدات مفصول عن الرجال .. الموظفة تاخذ راحتها .

ان شاء الله اكون ما نسيت شي ...


العيوب :

حاله حال اي بنك ... شغل .. استقبال عملاء .. وبالنهاية قطاع خاص ... أبي استئذان واجازة متى ما ابي نظام الحكومة هذا ماكو .. تقييم الموظف غير عادل .. لابد على الموظف الدرايه الكامله بحقوقه وطبيعة الشغل والمركز وإلا راح يكون ضايع بالطوشه ...شغل حساس من توقيع إلا تصوير إذا ترتيب الأوراق واستلام النقد الشغل في متابعات كثيرة متعبة ..زحمة عملاء وكراف فروع عن فروع تفرق ... واكيد كل مكان بعد العمل فيه بتكون فيه عيوبه الخاصه وتفرق من شخص الى شخص .


ملاحظة : كل وحدة تقدم تتأكد أنها بعد ما توقع العقد أن يكون عقد توظيف وليس عقد دورة علشان تضمن مكانها بالوظيفه.

ويعطيكم العافية ،،،

 

[MISS DaL3]

8
يعطيج العآفيا على الآفآده مآ قصرتي

وليش في أحتمآل أن يكوم عقد دورة وإذا صآر معآنآ هالشي شلون نتصرف .؟

 

[tolay]

بنااات بليز شلون اقدم على بنك التمويل شلون طريقه التقديم ؟؟

 

[شعشع النور]

اي والله يا بنات ياريت تفيدونا اشلون طريقة التقديم

 

[MISS DaL3]

التقديم ببــرج بيتك أو عن طريق السايت

 

[CheeSeCaKe]

رد : موظفات بنك التمويل .. او اي بنك ثاااني ,,,

MISS DaL3
========

من ثلاث سنين كان عقد دورة ففي ناس وايد نجحوا وما خذوهم على اساس ماكو شواغر ومنهم آنا استقلت من وظيفتي لأني كنت موظفة اساسا علشان الدورة وانجلت بعدها قعدت سنة كاملة بدون وظيفة يالله دقوا علي قالولي في أي فرع اداوم.

مع ان الأتفاق كان تنجحين فوق 75% ناخذج بس للأسف على حظي صارت جذي !!

لكن الدفعة اللي وراي كان عقدهم عقد توظيف يعني كانوا ضامنين الوظيفة وحتى مدة التجربة 3 شهور كانت من ضمن العقد فهذا شي زين ..

علشان جذي اقولج تأكدي سألي قبل التوقيع أن العقد يكون مع بيت التمويل الكويتي مو الشركة الخاصة بتدريبج وتقرين كل بند في العقد .

تحياتي ،،،

 

[سيده اعمال SHD]

رد: رد : موظفات بنك التمويل .. او اي بنك ثاااني ,,,

السلام عليكم ورحمة الله وبركاته ،،

بخصوص راتب الجامعية :

الأساسي : 520 وبدل مواصلات 30 وإذا بيتج بعيد عن الفرع بأكثر من 25 كيلو يعطونج بدل طريق 50

دعم العمالة 190 + 120 + 50 +12 (عطوني بس 12 من آخر 50 لأني واصله سقف 1000) = 372

بس يمكن كتعيين جديد تستلم الموظفة 50 كامله يعني دعم العمالة يكون =410

يعني الراتب بالكامل شهريا 960

وفي بونص تستلمينه كل 3 شهور إذا كنتي محققه اهدافج كامله تاخين 30 / 30

يعني راتبج الأساسي 520* 30%=156 *في 3 شهور = 468 د.ك كل 3 شهور

يزيد راتبج سنويا على حسب تقييمج وما يتعدا إذا كنتي متميزه 40 دينار

بخصوص راتب الدبلوم :

الأساسي 420 وبدل مواصلات 30 وإذا بيتج بعيد عن الفرع بأكثر من 25 كيلو يعطونج بدل طريق 50

دعم العمالة169 +120+50+50 (خذوها كامله لأنهم ما وصلوا سقف 1000) =389

يعني الراتب شهريا 839

وفي بونص تستلمينه كل 3 شهور إذا كنتي محققه اهدافج كامله تاخين 30 / 30

يعني راتبج الأساسي 420* 30%=126 *في 3 شهور = 387 د.ك كل 3 شهور

يزيد راتبج سنويا على حسب تقييمج وما يتعدا إذا كنتي متميزه 30 دينار

الراتب ينزب 21 الشهر ودعم العمالة من 26 -28 الشهر .

------

ميزات :

* بنك اسلامي راح يعرفج على عده فروق بينه وبين البنوك الأخرى .
* دورة لمدة شهرين خلالها يصرف راتب للموظف وهو الراتب الأساسي فقط مبدئيا لقاء حضوره الدوره فوق 75% نجاح.
* إذا حصل الموظف على 100% في جودة الخدمة (العميل الخفي ) ياخذ 50 شهريا
* لج تأمين صحي يتكفل فيه بيت التمويل في مستشفى السلام فقط .
* خصم على معاملات التورق ومعاملات السياريير 12% للموظف وأيضا للعقارية .
* خصم على رسوم اصدار البطاقات الائتمانية 20%.
* اسبوع أجازة زواج من الموارد البشرية .
* اشتراك صندوق العاملين 7 دنانير شهريا لعروض واشتراكات مخفضة ويستلمها الموظف في نهاية الخدمة كتوفير له أضافة:
- 150 مكافأة زواج -100 مكافأة الحج -50 لكل طفل
* قرض حسن للموظف على حسب الراتب والخدمة .
* تخفيضات وخصومات على سفريات بودي للموظف.
* قسم السيدات مفصول عن الرجال .. الموظفة تاخذ راحتها .

ان شاء الله اكون ما نسيت شي ...


العيوب :

حاله حال اي بنك ... شغل .. استقبال عملاء .. وبالنهاية قطاع خاص ... أبي استئذان واجازة متى ما ابي نظام الحكومة هذا ماكو .. تقييم الموظف غير عادل .. لابد على الموظف الدرايه الكامله بحقوقه وطبيعة الشغل والمركز وإلا راح يكون ضايع بالطوشه ...شغل حساس من توقيع إلا تصوير إذا ترتيب الأوراق واستلام النقد الشغل في متابعات كثيرة متعبة ..زحمة عملاء وكراف فروع عن فروع تفرق ... واكيد كل مكان بعد العمل فيه بتكون فيه عيوبه الخاصه وتفرق من شخص الى شخص .


ملاحظة : كل وحدة تقدم تتأكد أنها بعد ما توقع العقد أن يكون عقد توظيف وليس عقد دورة علشان تضمن مكانها بالوظيفه.

ويعطيكم العافية ،،،

كفيتي و وفيتي​

 

[shai5at al3arab]

جيز كيك يعطيج العافية وايد استفدت من ردودج

 

[CheeSeCaKe]

رد : موظفات بنك التمويل .. او اي بنك ثاااني ,,,

MISS DaL3
سيده اعمال SHD
shai5at al3arab
=============

حياكم الله ... نحن بالخدمة

 

[rer2010]

تسلمين اختي ...

وزين مافهمت الادارة مافيها بدلات ... قصدج الفرع الرئيسي

 

[CheeSeCaKe]

رد : موظفات بنك التمويل .. او اي بنك ثاااني ,,,

rer2010
======

أي فرع مصرفي وفيه استقبال عملاء يستلم الراتب اللي قلتلج عليه

أما إذا تقصدين بالادارة يعني head office

لهم بدل طريق والراتب الأساسي وهم دعم العمالة لكن البونص مالهم 15%من الراتب واعتقد يأخذ سنويا مو كل 3 شهور

مبنى الرئيسي فيه الادارة وفرع مصرفي لكن الادارة شغلهم مافيه عملاء

تحياتي لج

 

[rer2010]

الف شكر لج اختي وماقصرتي

بس شكلي بزعجج زيادة ...

الحين انتي ذكرتي السلبيات اللي يشتغلوون بخدمة العملاء ,,,

انا بنت عمي حاطينهاا بالادارة ,,, اتوقع

والشغل كراف حيل ولا خفيف ,,,

 

[rer2010]

وسمعت بعد بالعيد يعطون الموظفين 100 دينار مكافاة العيد
صح الكلام ولا

وادري انة هو قطاع خاص ,, بس مايسرحونها علي اي شي ..

يعني اذا وحدة تدوام كل يوم وتهتم بشغلهاا باكمل وجهه

ماتحصل يوم يقولون لهاا انتي مطرودة ...

 

[رحيل المرافيء]

رد : موظفات بنك التمويل .. او اي بنك ثاااني ,,,

ابيخ مكان بيت التمويل لووووووووعة
وشغلهم اي كلام فالتوووه

 

[frawlah_83]

رد : موظفات بنك التمويل .. او اي بنك ثاااني ,,,

اممم rer انا كنت اشتغل في اداره بس مو بيت التمويل في بنك ثاني اول شي يعتمد على نوع الاداره اهي في اي اداره ؟؟

اهو كراف بس مو شرط كل يوم يعني ايي يووم وااايد شغل مايمدي اخلص ومرات اي ماكو شي خفييف حييل .. يعني على حسب وين اهي

وبالنسبه للتسريح صعب انهم اسرحوون الموظف الكويتي في سهوله البنك لازم يلتزم في نسبه 60 % كويتين و اكثر ودام الموظف ماسوه شي غلط وملتزم محد اكلمه الا اللهم اذا الموظف مو ملتزم بالعمل ودايم الغيااب والتاخير وارتكب مشكله حيل حيل حيل كبيييره ...


بعدين تقريبا 48 % من البنك تملكه جهاات حكومييه منها الهيئه العامه للاستثمار والتامينات وشؤون القصر والامانه العامه للاوقاف يعني الحكومه لها تقريبا نص كراسي مجلس الاداره فتفنيش اي كويتي شوي صعب