موظفه وعندج معاش ؟... و تطلبين من ريلج فلووووس !!!

[سر النور]

الصراحة كافي شايل الاجار والماجلة والسايق لازم اساعده على الاقل بمصاريف الابناءوانا الحمدلله راتبي
زين ويكفي

 

[ToOoTi]

لازم يحس بالمسئولية من ناحيتي
حتى لو كان مبلغ 100 او 50 اذا كنت موظفة
الحكومة تمشي له زوجية وبدل اجار خاصة اذا ساكن بيت اهله @@ وين يروحون

 

[صعب غلاها]

ايي والله شلوون خصوصا وانه هالايام الريايل عيوونهم كله على معاشات حريمهم

اذا وحده بتعود ريلها يصرف عليها احسن حل تكون متزوجه قبل لا تتوظف بس لا يطلع ريلها باخص ونحيس ومن تتوظف جنه ينطر الفكه ومايصرف عليها

عااد المصيبه لي صار معاشها اقوى من معاشه اتوقع يطالبها اهياا تصرف عليه

 

[الجوهرة777]

حبيبتي انا عندي عيال ولله الحمد

شوفي انا أطلب منه لما ما يكون عندي فلوس

يعني اذا عندي مو أخش وأجمع واطلبه لا ماأطلبه الا اذا محتده

التزاماتنا واجد اجار و اقساط والله يعيني ويعينه

 

[sweet dashttya]

رد : موظفه وعندج معاش ؟... و تطلبين من ريلج فلووووس !!!

انا مو متزوجه
بس معروف ان الريال من حقوقه على زوجته ان ينفق عليها
يعني غصب عليه

و هذا الشي اتوقع يتفاهمون بينهم و بين بعض بشكل ودي

يعني مثلا
اهو يقول لها :
يكفيج المبلغ الفلاني؟؟..
و اذا اهي راضيه اوك
اما اذا يات فتره و تبي بعد عادي تقول له محتاجه

خو هذي عشرة عمر لازم يتفاهمون على هالشي

و ان شاء الله البنات يفيدونج أكثر

موفقه حبوبه

كلامج عين العقل فدييييييييييييييتج

 

[eastfem]

الله يزوجنا ويفتكون منااا اهلنا

مشكورين بنات بس نبي تجاااااااااااارب تكفوووون يعني اشيا صارت ويااااكم <<< طمااااشه

 

[.،:"$الـعـوبــــة$":،.]

رد : موظفه وعندج معاش ؟... و تطلبين من ريلج فلووووس !!!

أنا متوظفة ومتزوجة وآخذ من زوجي فلوس ،،
شقوله ؟؟
أقوله : أبي فلوس ؟
يقول : عندك معاش ،
أقوله : أدري بس أنا أبي من معاشك !!
ويضحك ويعطيني !​

 

[الدلال]

اهم شي خل يصرف على بيته وعياله وطلعاتهم واكلهم بالمطاعم ومعاشات الخدم

وانا موظفه وعندي معاش ولله الحمد ريلي يعطيني مصروف كل شهر

وترى كل شي صار يبيله فلووس وانا عندي اذا شايل مصاريف البيت والعيال ومتكفل فيهم ,مايقصر,, لان بهالزمن مو كل ريال يشيل مسؤلية بيته

وبالنسبة حق مشترياتي من لبس وجناط وهالسوالف انا من معاشي اشتريهم بس ما يمنع بين فترة وفتره اذا الله رزقه جم بيزه ولا صارت مناسبه يشتري لي , بس اهو شهريا يعطيني مصرف خاص لي

 

[اميرة-الاحجار]

اصلا لو الحرمه معاشها مليون هذا واجبه كريال انه يصرف على مرته ومايخلي عليها قاصر اصلا عيب اذا يقولها جيسي معاشج او يقولها يبيي اغراض حق البيت ..
انا من اول ماتزوجت كنت استحي اخذ من زوجي واهو كان يحن اخذ واخذ ..
ماكنت اتقبل اني امسك فلوس من ايده لي ايدي عاد كان يقطهم بحنطتي لوول ..
قتله لاتعودني ترى راح تندم . قالي افا عليج انا ريلج وهذا واجبي اصرف عليج وماخليج تحتاجين شي ..
من يومها خلى كرتي البنك عنده وقالي عشان غصب طيب اتين تطلبين مني .. وصج من خذا كرتي قمت اروحله اقوله ابي كرتي << يعني افهم ابي فلوس لوول .. فكان يعطيني .. بس الحين اتفقنا اول الشهر يعطني مبلغ معين واخر الشهر يعطيني مبلغ .. والحمدالله فلوسي مخشوشه بالبنك ومو حاسه اني محتاجه شي ..

 

[هنـــــد]

رد : موظفه وعندج معاش ؟... و تطلبين من ريلج فلووووس !!!





حرام بروحه متوهق بمصاريفه !
من اجار وماجله وأغراض ولدنا الدلوع ، ما اتجرأ واطلبه ..
مع ان معاشي ياخلاااف يادوووب يكفيني ، الحمدلله على كل حال

 

[violet*q8]

:33_1185028183:
حبيت ارفع الموضووع
واشوف الردوود
ورايي المرة مالها شغل ماتساعد ريلها الا باقصى الضرورة يعني مديون وبيسجنونه ذيج الساعه تساعده ----شريرة مووو :O_SHH_:
oster_av1:

 

[jojowa]

شوفي حبيبتي سالفة اني اشتغل و عندي معاش مو معناته انه مو ملزوم فيني و لازم يصرف علي ,,,والريال على ما تعودينه من بداية الزواج ,,,يعني انا اول ماتزوجت ماكنت اشتغل فكان عادي اقوله بروح السوق بشتري لبس و كان يعطيني كرته و اسحب الي أبيه ,,,وانا ماحب سالفة انه يحددلي مبلغ معين بالشهر لأن مابي اتقيد بهالمبلغ ,,,يعني ممكن احتاج اكثر أو اقل فاتفقنا انه كل ما ابي فلوس اطلب منه ,,,وطبعا الحين بعد ماطاحت الميانه انا افتح البوك و آخذ الي ابيه و تالي اقوله ,,,والحمدلله اهو مو مقصر من ناحية مصاريف اليهال و الماجلة و الطلعات و السفر و مدارس اليهال ,,,بس همن ما يمنع اني اساعده بالسفر شوي و هم اذا احتاج حق اقساط المدرسة اعطيه بس عاد مو كل مرة ,,, و بالنهاية ريلج عمرج لا تستحين تطلبين منه فلوس ترى راح يتعود و بعضهم يستانسون و يطنشون ,,,

 

[ام يوسف الكويت]

انا متزوجه وموظفه

والحمدلله زوجي فديته يعطيني مصروف شهري بس مالكم شغل جم يعطيني لووووول

واذا كللللش كلللللش ماعنده بس يعطيني الـ 70 واقول الحمدلله

طبعا الـ 70 مو طيب من الريال .. هذي الزوجيه من الحكومه نزلت بحسابه لمن تزوج يعني ماتعب نفسه فيها

واذا كللللللش كللللللللش مفللللللللس ايي يعتذر مني وانا اتنازل عن المصروف بس يعوضني عن الشهر اللي كان مضغوط فيه

نصيحه لا تتنازلون عن الـ 70

بس اللي نظامها تروح السوق مع زوجها وتتشرى تخليه اهو يصرف عليها.. اما اللي مثلي ماتروح السوق مع زوجها الا نادرا خل تاخذ الزوجيه وتصرف على نفسها

بس انا الحمدلله يعطيني فوقها وهذا من طيبه .. واكيد اذا احتاج شي ما اقصر معاه فديته يستاهل والحمدلله فلوسنا وحده

 

[دنيا جديده]

ما اخذ منه فلوس كاش
حبيبي و الله شايل المصاريف
كافي يدفع اجار البيت و شايل مصاريف البيت من ماجله و غيره
و الهدايا كل شوي كل هدية احلى و اغلا من الثانية
الحمدلله احنا متفاهمين و اذا نقص شي من الثاني كل واحد يكمله

امس تقولين انا صارلي اسبوعين مالجه شلون الحين تقولين ماجله بيت واجاار؟ @@ لووول اخاف كان يتهيألي لووول

 

[هيبة ملك]

أنا متزوجة ومعلمة

والله ماعمري طلبت منه فلوس نهائيا ولساني مايطاوعني

لكن لما ننزل الجمعية أهو يجيب الأغراض ويدفع

وأي شئ مثلا آخذه لي خاص من السوق إذا هو معاي والله يدفعه


فدينه حتى وهو مسافر يطرش مصروف البيت ويطرش لي

لكن طلب مستحيلا أقول عطني

 

[لجل عينكـ]

لما اتزوووج اقوولكم لووووووووووول <<<< حزب الطماااااااااااشة​

 

[انسام الكويت]

انا مايعطيني مصروف بس اول شهرين من زواجي

عطاني مع العلم انا موظفة وبصراحه معاشي

يكيفيني واكيد اذا ااحتجت مايقصر معاي بيعطيني

مثل ما انا اساعده واعطيه اذا احتاج فلووس

 

[C'est La Vie]

ملزوووووم يصرف عليها حتى لو اهي اغنى منه
انا من رايي ان يسويلها استقطاع شهري بدال لا كل شوي تطلب منه

 

[3so0ola]

سؤاااااااااااال
اللي مو متزوجات شنو تسون بهالقسم هااااا
واللي منزله الموضووع هم عزوبية
يحليلكم مستعيليييييين عالريل
والله على حسب الريااال
في رياييل تعطونج بدون ما تطلبين وانتي عندج فلوس ومو محتاجة بس يحس برجولته لا عطااج
وفي رياييل لو تقحطين وتطرين من اهلج عادي عنده مايعطييج
وحمدالله زوجي من النوع الاول

 

[3so0ola]

يعطوونج *
بدليات الايفوون اففف