موظفه وعندج معاش ؟... و تطلبين من ريلج فلووووس !!!

[كارلوفي فاري]

والله عاد الطلب ترا يعتمد على نوع الزوج ترا بعض الرياجيل اللهم ياكافي بخله وماينقون ولو تبين اي شي قال معاشج 000انا بالنسبه لي قبل لا اجيب عيالي كان معاشي راهي علي فمافي شي يحدني على اني اخذ منه بس اذا صار بخاطري شي مثل خاتم ذهب اسواره (طبعا قبل على رخص الذهب 300 دينار تجيب سوار كانه مدفع مو الحين ) كنت اقوله ومرات مايقصر اما بعد عشرة عمر وزيادة مصاريف البيت اذا عطاني المصروف ابين له اني ابي زود وانقصتني الفلوس واذا معاه مايقصر وايضا اذا صارت عندي مناسبات وماديتي مالحقت هم والله مايقصر الله يخليه لي ولعياله وطبعا الاهم انج تطلبين عند الحاجه ترا يحس فيج وبعضهم يحس فيها شهامه 000وترا اول وتالي اذا احتاج لج بعد انتي اكيد ماراح تقصرين لانه هو ماقصر :eh_s(10):

 

[eastfem]

يسلمو بنات على الردود على الرقم انه اكو ردود ماستفدت منها وبعض الردود اتعارض معاها لكن اراء وانا احترامها

ثانكس الوت

 

[eastfem]

الرغم":"

 

[لمعة اللولو]

رد : موظفه وعندج معاش ؟... و تطلبين من ريلج فلووووس !!!

عادي مافيها شي ... الحياة مشاركة ..
فبداية زواجي كنت أخذ من ابوي بصراحه كنت استحي وانحرج اطلب من ريلي ..
واول مره طلبت منه كنت حدي مستحيه .. الحين عادي أطلب منه ليمه ينزل معاشي على بركة الله ..:d
<<<<عروس وموظفة مفلسه خلصت معاشات العطله لسوالف العرس ..

واذا كان ناقصج شي عادي تطلبين منه ... وفي حريم ماشالله عليهم ...موظفات وماعليهم قاصر ولازم ريلها يمشي لها معاش ..ولا شهر يتطوف ...

ودي وبخاطري اطبقها مع ريلي مستقبلا .... حق اعيالنا وللزمن ... بس مو اضيق عليه ..

 

[eastfem]

اي صاجه بس همن يعتمد عالريال وعلى حسب ماالمره تعوده

مشكورين عالرد خلاص شيشتوني بمافيه الكفايه لوول

 

[So0oKaRa]

حتى لو موظفه
لازم يصرف على مرته يعني يمشيلها معاش شهري
والماجله واغراض البيت كله عليه
بس عاد لو الوحده حبت تشتري كماليات وشغلات غاليه مثلا ساعه او جنطه او تبي تدلع نفسها خل تصرف من معاشها ولا تحمل الريال فوق طاقته
هذا رايي

 

[طيب^الكويت]

الصراحه انا اصرف من معاشي بس في اوقات اكون مو ساحبه او متعيزه اسحب فاطلب منه ويعطيني

 

[احلى مكان]

رد : موظفه وعندج معاش ؟... و تطلبين من ريلج فلووووس !!!

هو ملزم يصرف على زوجته وذا حق من حقوقها شرعا والمره ماهي مكلفه تصرف ع نفسها لو عندها فلوس الدنيا كلها

والوحده تقدر ظروف زوجها بس لازم تعوده يصرف عليها حتى يحس بمسؤليته اتجاهها وعياليها حتى لو مقتدره وراتبها كافي لو بجزء بسيط

 

[& MALAK &]

الزوج ملزوم ان يصرف على زوجته حتى لو عندها معاش

انا عن نفسي موظفة ومو متزوجة

وبما ان الحياة صارت صعبة وكل شي غالي انا اذا تزوجت ما راح اطلب منه مصروف شهري لا بس اذا احتجت اطلب منه

 

[DooLy88]

لو راتبج 10 آلاف ملزوم يصرف لان ربه أمره بهالشي هاذي القوامة انه يصرف ويتعب على اسرته

القوامة موبس يامر وينهي ويتحكم لا حبوب ملزوم انك تصرف وتشقى

 

[مجبوس]

رد : موظفه وعندج معاش ؟... و تطلبين من ريلج فلووووس !!!

ااااااااااااااااااااايه لازم يعطيني بس تدرين جم ( 80 ) kD بتقولين اشدعوه عليج ادري حبيبتي المهم يعطيني ابي احس ان عندي ريل يصرف علي عندي معاش ومكفيني وزياده بس وناسه والله اني اتشقق ليمن يناديني ويعطيني مصروفي لووووووووووووووول
لا وبعد اذا طلعت اليهال واهوه مو معاي يعطيني مصروف الطلعا هههههههههههههههه
ولدك على ماتربيه وجوزك علي ما اتعوديه وبس سلاااااااااااااااامتج

 

[M!SS-Q8]

Good morning every one

بصراحه كل اللي اقدر اقوله عيب يابنات ديرتي المفروض تكون عينكم مليانه طبعا بحكم انكم طالعين من بيوت اهلكم وشبعانين.. الحمد الله ..
مو اطلب منه وانا مو محتاجه من باب انه غصبن عليه وبحجة اني اعوده اخذ حقي من معاش الزوجيه هم اهم عندهم التزامات مستقبليه لبيوتكم لازم يوفرون والا تبونهم يحفرون بالصخر عشان يرضونكم مادري انا اقول اذا مو محتاجه عيب تطلبين خليج عزيزة نفس ..
وبعدين هو لما يشوف ان مرته تستاهل بيعطيها عيونه مو بس معاشه ..
عموما خلوا عندكم ضمير يابنات الازواج يتعبون بمعاشتهم وانتم تصرفونها على كماليات !! هم حرام
تقبلوا مروري .. طبعا هالكلام لكويتيات وبــس فديتكم ​

:aha: