موعارفه شسوي

[ريان]

مساااء الخير يالحلوين


اشلوونكم وشخباركم انشالله بخير



بناااات انا توه واصلتني خداامه مووعارفه شنو ابدي معاااه رحله التعليم والتعلم والنظاااافه ؟!!

ثاني شيء بالنسبه حق نظافتها شخصيه اشلون اشرحله سالفه شيرتها و مزيل العرق والبلاوي هذي كله ولا الخدم ما يستخدون شيره اعطيها نير ؟!! اي صج اظاافرها طويله وصابغتهم الاخت امممم اقوله من اول يووم قصيهم ومسحي صبغ الاظافر ;////



ومشكووورين وااايد

 

[bnt q8 in usa]

مشاركة: موعارفه شسوي

اول شي ابدي معاه بالتنظيف يعني عليمها شلون تنظف المطبخ انتي سوي جامها ونفس الشي تكرمين بالحمام والصالات شلون تمسح وتخم

تالي تقوليلها قبل لاتنام وتنظف وتخلص تسبح وكل يوم تحط دديورانت وتتعطر وكل شهر تقرض اضافرها

 

[ريان]

مشاركة: موعارفه شسوي

شنو نوع الديوودرنت الى اشتريلها اياه وسالفه شيره اشلون اقوله ولا اعطيها نير

 

[b6o6a]

مشاركة: موعارفه شسوي

عطيها نير وفكي عمرج وينها وين الشيره عشان تختصرين الوقت ...

وديودرنت اشتريلها lady speed stick الي بالجمعيات سعره معقوول ووااايد زين

 

[أم جوري]

مشاركة: موعارفه شسوي

شوفي اي غلط لا تسكتين عنه علشان لا تتمادى وعلى بالها انتي شخصيتش ضعيفة
اذا تعرف تكتب سويلها جدول خلي عندجش نسخة عربية وعندها نسخة تكتبها بلغتها بخط ايدها
يعني تكتبين من بداية الأسبوع الى نهايته مع الوقت \
تبتدين من الساعة اللي المفروض تقعد فيها من النوم يعني مثلا الساعة 6 الاستيقاظ من النوم
6 وربع ريوق 6 ونص تنظيف سلات الزبالة وانتي بكرامة
7 غسيل ملابس ( هني عاد تحددين ايام معينة لغسيل الملابس لكل شخص في البيت يعني لو عندش عيال خلي غسيل ملابسهم بيوم وغسيل ملابسكم انتي وريلش بيوم ثاني يعني بالوقت هذا تحط الملابس بالغسالة وتروح تكمل باقي الشغل وتخلين السبت ملابس العيال والاحد ملابس ماما والاثنين ملابس بابا والثلاثاء ترجع على العيال والاربعاء ماما والخميس بابا والجمعة الفوط والشراشف

730 ترتيب الغرف وتنظيفها
وهكذا حسب شنو الشغل عندش
طبعا دايم تخلين الكوي بعد ما تخلصون غدا وتغسل المطبخ وتتسبح بعدين تكوي
وتدققين عليها في مسألة السباحة وتعطينها موس او نير وتأشرين على الاماكن اللي خبرش
وتورينها الصابون وتورينها وين تغسل وكذلك الشامبو
وتعلمينها انه دام تغسل ملابسها وتكويها
وديري بالش بعضهم يجون فيهم قمل اشتري من الصيدلية شامبو خاص بدينارين تقريبا تستخدمه مرة وحدة ويروح القمل واحتياطا تكرر بعدها باسبوع وخلاص

وقولي لها اذا خربتي شي راح أخصم من معاشش علشان ما تاخذ راحتها بالتخريب ونفذي التهديد اذا غلطت ...
عامليها باحسان يعني لا تصرخين دايم عليها بس اذا سوت شي عطيها العين الحمرا وراقبيها تلفونات وهالسوالف يعني سوي للتلفون رديال علشان تشوفين اذا داقة على أحد واذا عرفتي اكتبي الرقم عندش وخشيه ووريها انش تعرفين كل شي

فتشي بملابسها واغراضها بين فترة والثانية ترى اكثرهم ايدهم طويلة وعندهم سوالف السحر ...

خلي لها موعد ثابت للنوم والاستيقاظ ... وملابس للبيت وملابس اذا بتطلعون او احد بيجيكم ...
علميها شلون تقدم الماي وشلون تتصرف لو احد طق الباب او دق تلفون .......
طولت عليش واي شي حاضرين ...
8