موعارفه شقول

[miss_jamsheer]

هاي بنات اشلونكم
الصراحه موعارفه شقول ولا اشلون اعبر هالظاهره تكلمنا فيها واااااايد والصراحه انا بديت احاتي
واهي البنات اللي يتحرشون بالمتزوج انا مابي اتكلم عني شخصيا نبي نتكلم بالعموم انا ماني عارفه شسوي اوكي الوحده تثق بروحها وبريلها بس اخاف مع الزمن يأثرون عليه ولا شرايكم انا قاعده افكر بالمستقبل ولا تقولون مافي اليوم طلعت معاه وكرهنا روحنا يعني مادري شقول بس ابي حق المستقبل انا خايفه باجر الشيطان يقص عليه ولا شي فمادري شسوي شنو الحل موعارفه اشلون اعبر بس انشالله فهمتوني وادري في بنات بيدخلون يتهاوشون بليز مانبي هواش لاتقولون فاهمه غلط سمعت باذني وشفت بعيني
المايك لكم

 

[احلى سماء]

المفروض
المتزوج يكون عاقل

دايم ذكري زوجج بالله

وذكريه ترا اللي تحرش ببنات الناس ويطيح بالحرام

يصير ببناته

والدنيا كما تدين تدان

ولا ينزل مستواه لهالاشكال لانه متربي وولد ناس ومصلي ومسمي

 

[blue diamond]

حبوبه اذا الحمدلله ما صارلج هالشي نصييييييحه لا تفكرين بهالشي وتييبين الهم حق نفسج
وطنشي

 

[miss_jamsheer]

لا اشوه حتى اه ه يقول حشاج شنو هذيل تكرمين زباله واهو يعرف اهم بس بيخربون وانه طلعنا ومصخره السوق كله جذي الحين بس انا خايفه من باجر وانتي تدرين الشيطان شاطر

 

[ام زاكي]

حبيبتي اذا الزوج حب زوجته عمره ماراح يخونها ولا ختى يفكر يلتفت حق غيرها

انتي همتج خليه يتعلق فيج ولا يلتفت لغيرج

والله يهدي سركم

 

[DooLy88]

والله اختي شقول لج !! بنات الحرام زادو
بس المفروض هالاشكال لو مهما يسوون للمتزوج
المفروض مايعطيهم ويه
انا ماجوف كل متزوجة غازلوها راحت وكلمت وخانت

مهما يطول الزمن وايي المستقبل المفروض يمسك روحه عن هالاشكال

الله يستر علينا ويبعدنا عنهم

 

[DooLy88]

حبيبتي اذا الزوج حب زوجته عمره ماراح يخونها ولا ختى يفكر يلتفت حق غيرها

انتي همتج خليه يتعلق فيج ولا يلتفت لغيرج

والله يهدي سركم

صاجة - يعني لو بزيد بكلامي بقول نفس اختي ام زاكي - اللهم بعدل البدلية لوووووول مابقول ختي << حتى*

 

[الغاليه نونو]

انا عندي نظريه


شوفي يمه اللي قلبه متعلق بالمسايد وحريص علي صلاة الفير مع مرته واللي يعينها علي دينها ودنياها وخايف الله فيها مستحيل يخووووووووووووووووووووووووووووووووووووون بالحرام

الا اذا ربي كتب له يعرس بالحلال يطبق السنه اكيد بياخذ راي مرته يعني بهالحاله بيصارحها مايخش عليها شي ابد

 

[noo7a]

انا دايم اقول حق ريلي
انا واثقه فيك بس مو واثقه بالبنات بره

 

[فوفو22]

(انك لا تهدى من احببت ولكن الله يهدى من يشاء )(صدق الله العظيم)


حبيبتي احنا كزوجات نقوم بواجباتنا

وما نقصر باسلوبنا واشكالنا وطبعنا

وقبل هذا الدعاء لهم بكل وقت بالصلاح والهداية

وربي خير الحافظين

فوفو

 

[a7la MUM]

صاجه حبيبتي والله صارت واااااااااااايد معاي
بس دام الزوجه واثقه من ريلها خلاص بس المشكله اذا الزوجه مااااااااااااتثق باللي بره اهني المشكله

 

[هيبة ملك]

اللي عنده استعداد للأنحراف والله مايهمه حد

ولاينطر أحد يتحرش فيه تلاقينه هو اللي يتحرش

واللي ماشي سبدة لو يصكون عليه بنات الدنيا مايعبرهم

لأنه قلبه متعلق بربه ودينه

والحافظ الله

 

[دلوعه^عسل]

رد : موعارفه شقول

خلج ماليه عينه وصيري رفيجته ورفيجه ومرته وكل شي وصدقيني ماراح يفكر يشوف برا وكرهيي بالبنات اللي يتحرشون بالشباب ان هذيل من واحد لي واحد خلي يستحقر البنات اللي جذي بذكائج

 

[كرز حالي.]

رد : موعارفه شقول

اي والله كثرو بنات الحرام
الله يهدي الجميع

 

[ftana]

رد : موعارفه شقول

اهم شي عطي زوجج الثقه
وبنفس الوقت لاتصيرين مغفله
واوثقي من نفسج وايد

 

[حرم راشد الماجد]

مادري انا من راي الغاليه نونو

وكنت داشه بقول نفس الكلام


ومبارك عليكم الباقي من الشهر وحشتوووووووووووووووووووووووووووووني

 

[دلع العتبان]

الحافظ الله ياقلبي

 

[الأميرة جوري]

شوفي انا ما ابي اتهم الزوج ولا بنات ابليس ,,,,,,,,,,بس الاكثر الزوج اذا قوي ومايهمه هالبنات حتى لو لصقت فيه فراح تبعد عنه اما اذا ساح واي تحرش لو بسيط استقبل فالوم الزوج اما بنات ابليس ربج حسيبهم

 

[miss_jamsheer]

حروم بعد عمري وينج لج وحشه
ومشكورين بنات بس مادري ليش هالموضوع مأزمني ومتعدني نفسيا بس افكر فيه

 

[المرجانه***]

رد : موعارفه شقول

انابرايي اختي اذا انتي حاسه ان احد يتحرش فيه او اهو يتلفت وطالع لاتودينا برجولج للاماكن او المجمعات الي فيها بنات لبسهم مغري مو محتشم اواختاري وقت يكون اكثره عوايل وعساالله لايفرقكم