موقادر احب انسان ثاني..صرت ماشوف لان حبك عماني [ روآيه مسمُوح بهآ ]

[*toot]

واآاآاي وناآاآسه يارب يتزوجون ^_^
نااآآطرين البارت الياي حبيبتي ^_~

 

[warood]

Waaaaaaaaiii il paaartt 3ajeeeeeeeeeebb !!! Nshaaallaa yetzawejooon o kilhum y3eeshon 7yaaat sa3eeeda !! Nshaaallaa enehaaya tkoon sa3eeeda ;D .. Plllz ma nabii 7eziin ;;*** Fdaaaaaaaaaiiitiiich !! ;** Na6reeeeniich ! ;D

 

[sarouna-km]

Waaaaaaay elpart eyanen ;p ! W mShkora 3la el parT el 7low Oo na6reeeeeeeeeeeeeeeenich W allah YwaFgeich ya Rb bel amT7anaT Goulii ameen ;p

 

[fato_kw]

واااااااااااااااااااااااي البارتات حدها عجيييييييييييييييبه


وناطرين البارت على احر من الجمر هههه


وييييتنق


ويسلمووو حبيبتي

 

[إبشر بعزك]

الذين تشاهدون محتوى الموضوع الآن : 3 ( العضوات 2 والزائرات 1)

 

[بيـــشو17]

يسلموووووو حبي
نبي بارت اليوم إذا تقدرين

 

[Ro7ii T7bk!]

بنات انشالله بخلي البارت الاخير اليوم او باجر يعني بنزل 2 بارت باجر او اليوم انشالله اذا خلصتهم راح يكونون طووال وانشالله تعجبكم

 

[cup-cacke]

لاا انتي قلتي اهم 30 بارت

تووو ما شبعنا منهم

 

[Ro7ii T7bk!]

لاا انتي قلتي اهم 30 بارت

تووو ما شبعنا منهم

اي صح حبيبتي انا قلت بس اول شي انا عندي ظروف وايده يعني لازم اخلص الروايه والله حتى نوم ماقمت انام وكل يوم احلم بأنوار الصجيه لووول
وثاني شي موقاعده القى تفاعل بس قلت خل اخلصها واريح ضميري وانوار ترتاح معاي لانه اذيتها كل يوم اخذ منها وازعجها تفاصيل واكتبها لكم
وثالث شي .. انشالله ورا الروايه هذي انشالله بعدها بنزل روايه ثانيه وبس وكل الي قاعدين يقرون وبس ماردوا بقولكم الله يسامحكم ومشكووورين كل الي ردوا علي واستمروا معاي هني او بالمسن :* بعد ساعه جذي بنزل البارت قبل الاخير والاخير
وسووري طولت عليكم..

 

[Ro7ii T7bk!]

Waaaaaaaaiii il paaartt 3ajeeeeeeeeeebb !!! Nshaaallaa yetzawejooon o kilhum y3eeshon 7yaaat sa3eeeda !! Nshaaallaa enehaaya tkoon sa3eeeda ;D .. Plllz ma nabii 7eziin ;;*** Fdaaaaaaaaaiiitiiich !! ;** Na6reeeeniich ! ;D

حبيبتي انشالله النهايه بتكون النهايه الصجيه مع الزياده يعني لازم اكتبلكم شنو صار وسامحيني اذا ماعجبتج النهايه الي بحطها بس هذا طلب انوار حبي :*

 

[MeeMeeYoo_2]

ناطرييييييين

 

[Ro7ii T7bk!]

بارت 21 قبــــــــــل الاخيـــــــــــــــــــــــــــــــــــــر...

انوار صعدت فوق ودقت على عبود: الوو
عبود: هلا والله بالصوت
انوار : ها طلعت من المطار
عبود: إي قلبي بعد شوي بنوصل البيت
انوار متردده : اها ...ممم اوكي قلبي نام وارتاح وو بعدين دق علي
عبود: فيج شي صوتج موعاجبني حبي؟
انوار: عبود
عبود: عيونه
انوار: سامحني
عبود استغرب : على شنو قلبي
انوار :على كل شي انا احبك...
عبود: انوار جب لاتقولين جذي انا ولاعمري زعلت عليج وانا اموووووووووووووووت فيج واتنفس هواج
انوار ضحكت ضحكه خفيفه : يلا حبي اخليك سلملي على حروث واختك وحسون والكل اوكي يلا باي
عبود : يوصل حبيبتي باي

انوار بقلبها : والله مااستحمل أي مصيبه ثانيه
برور دشت عند انوار : ها شصار؟
انوار : ماكو ماصار شي بس امي قالتلي اذا تبينه لاتخافين ابوي ماراح يرفض
برور مبتسمه : ويييه يا العروس تعالي مدام اثنيناتنه بنتزوج قعدي
انوار تضحك : اووووه برور جب
برور: ممم الشهر الياي بنملج تدرين؟؟
انوار : بتسوين عرس؟
برور : اكيييد
انوار : متى؟؟
برور : الشهر الي وراه
انوار : لوووول قبلي بشهر
برور : ياشقول سويه وياي احم
انوار : اقول طيري ابي استانس لزقه حتى بالعرس
برور : تروحين السوق؟
انوار: ليش
برور : عشان ملجه سنووء
انوار : ممم اوكي
برور : إي زهبي عمرج على الساعه 5 عشان نطلع ونرد مبجر

عند عبود:
عبود : هايما شقلتي؟
ام عبود: مدام هالبنت عاجبتك وداشه راسك خلاص شسوي فيك بعد
عبود باس راس امه يضحك : هيييييه
ام عبود: استح شنو شفيك لاحق على الزواج
حارث يضحك : إي احححم بعد حب حب
عبود يخز حارث : اوووش انت

بعــــد اسبـــوع.. (ملــــجه سنـــاء)

سناء كانت تينن كانت غير كل مره .. كانت لابسه نفنوفها الابيض المنفوش ضيج حيل من صوب الصدر قصته كانت غريبه وحلوو وناعم وكانت مسويه تسريحه رافعه شعرها وحاطه الطرحه من ورا شعرها يسحب مع النفنوف ومكياجها كان حلو معنه ثقيل .. وكانوا اهل المعرس يصورن مع العروس ناطرين الملاج يدش ... وعقب مادش الملاج وطلع الكل استانس وقعدوا ايببون بعدها دش المعرس وخذا العروسه وراحوا ..

عند برور وانوار :
ام انوار: بنات يلا روحوا ناموا لاتسهرون وايد خصوصا انتي يا انوار
برور تضحك على انوار
انوار : شمعنه يما
ام انوار : لانج مريضه يلا روحوا
برور:لووول يلا امشي
انوار باست امها وراحت

برور دشت غرفتها وقطت نفسها السرير وانوار وياها
برور: انوار؟
انوار : هاااااااا
برور تضحك : اذا يبتي ولد شنو بتسيمنه
انوار ابتسمت وتضحك: بسميه صلووح
برور تضحك : شمعنه
انوار : اسم ابو عبود الله يرحمه اهو يبي
برور تضحك : الساعه جم؟
انوار : ممم 1 ونص
برور ادز انوار : يلا ذلفي بنام لووول
انوار قامت : لووول اوكي باااي

راحت انوار وقعدت على سريرها وابتسمت واول مره بحيــــــاتها!!! تحس بهل وناسه ماتدري ليش كانت مستانسه

عند فهود:
حمود: ياولد الناس خلاص صارلك اسبوع موعلى بعضك
فهود وبنبره جافه : قلبي يعورني
حمود: ياولد اطلع من الغرفه موعشانك عشان امك المسكينه الي قلبها والع عليك ..!!
فهود قعد يبجي حيل وقعد يكسر كل شي يمه ويصارخ : ليش ماتبيني ليش شنو شسويت انا
حمود مسك فهود من بلوزته : ياحمار بس بس اسكت امك لاتقوم مخترعه الي فيها مكفيها ناوي تموتها من القهر !!
فهود هدا لما تذكر امه : حمود تعبان !!
حمود يتناهد : خلاص فهد ادري انك تعبان اصبر وانشالله خير
(فهود تغير وايد وصار انطوائي لايتكلم ولايطلع هل حاله صارت فيه من اول ماتوفى ابوه وردتله مره ثانيه .. )

اليـــــوم الثاني ...
انوار: صبااح الخير
الكل : صباح الخير
انوار قعدت وابوها كان يخزها
ابو انوار: انوار
انوار خافت شوي : مم .. ه ..هلا يبا
برور قعدت اطالع انوار وابوها وتاكل والكل ساكت..
ابوانوار: اعتقد امج قالتلج عن الياي يخطبج
انوار طالعت امها: إي يبا
ابو انوار: شرايج؟؟
انوار متردده: ممم.. يبا مافيها شي ماني اول وحده ولا آخر وحده تزوج واهي تدرس
ابوانوار ظل مده يطالع انوار: يعني موافقه؟؟
انوار ومنزله ويها وخايفه : إي يبا على كلام برور الولد زين
ابوانوار : بس انا موراضي؟
الكل انصدم وام انوار خزت ابو انوار وانوار رفعت ويهها على ابوها بصدمه والدمعه معلقه بعيونها
انوار وبصوت واطي : ليش
ام انوار قامت بعصبيه : انت شفيك ليش توقف بحياه البنت ماراح اسمحلك تخلي بنتي تزعل ولاتعيش حياتها مستانسه.. نسيت ولا اذكرك ؟؟ يوم كانت البنت بتروح من ايدنا؟؟ كان بينها وبين الموت شعره انا اسكت على كل شي الا بسعاده عيالي!! انت فاهم
برور مسكت امها وقعدت اطالع ابوها
ابو انوار ماقدر يرد على ام انوار وكان شكله مقتنع
برور : يما قعدي .. يبا بس عاد ليش هالعناد!!
انوار قعدت اطالع ابوها منصدمه: يبا ماتوقعتك اناني
وراحت غرفتها
انوار دشت غرفتها وصكر الباب واتسندت عليه ودموعها تنزل بدون صوت..
انوار حست بدوخه وماقدرت اتشوف أي شي جدامها ...
برور: يبا ابي افهم ليش ماتبي شمعنه !! حرام عليك والله
ام انوار بعصبيه : إي لانه مايفكر الا بنفسه وبس
برور : يما خلاص مانبي هواش
فجأه سمعوا كلهم شي يتكسر والكل اخترع وقاموا يركضون عند انوار
ام انوار تصارخ : انواار
برور اطق على ويه انوار : انوار قومي انوار تسمعيني انوار ؟؟
ابوانوار: انوااار انوووار حبيبتي قومي
ام انوار تبجي : وخر عنها انت السبب وخر
انوار بطلت عيونها شوي شوي وردت غمضتها
برور تصارخ: يماا اهي طايحه غشيانه وانتو تتهاوشون .. ميرييييييي ميررررررررررري ايبي ماي

يابوا ماي وبرور قعدت اتحطه على ويه انوار وشالوها وحطوها على السرير
انوار : انا وين
ام انوار مسكت ايد انوار : حبيبتي !! ارتاحي مابيج تضايقين عمرج ابرار وين المهدأ وينه؟
برور : لحظه خل ادوره ...
ام انوار : بسرعه
برور : كاهو
برور عطتها المهدأ وخلو انوار تنام..

برور وام انوار اطلعوا من غرفتها وخلو الباب مفتوح عشان يسمعونها اذا قامت
ام انوار تكلم ابوانوار بصوت واطي وبعصبيه : انتي ماستوعبت الدكتور شنو قال عن بنتك؟؟ انت ناوي تذبحها !!
ابو انوار نزل ويها : خلاص اذا على الزواج خل تزوج !!
ام انوار : جان قلت هالحجي من زمان !! خاف ربك ياريال بنتك مريضه ونفسيتها تعبانه وانت تدري شلون تغيرت من ورا الحادث

بعد 5 ساعات ..

انوار قامت وماتدري شنو صار لانها ماتذكر وراحت صكرت الباب وقفلته
انوار بصوت تعبان : عبودي
عبود : عيون عبود
انوار : احبك
عبود: اموت فيج

كثر ما قلت أنا أحبك كثر ما قلت أنا أهواك...
بغنيلك أنا أحبك وأقول أهواك أنا أهواك...

إذا بهالدنيا حب غالي أكيد بيكون حبي لك..
وإذا في شوق مو عادي أكيد يا عمري شوقي لك....
((ولا تصدق أعيش بدنيا حبيبي إنت مو فيها) )

معاني الحب ما توفي لو بوصف مدى الإعجاب
ولا حروف الكلام تكفي(( ولا يفيني فيك كتاب))
ولا تصدق أعيش بدنيا حبيبي إنت مو فيها
انوار : عبود راح نتزوج صح؟
عبود : شرايج يعني؟ اول 11 انا عند بيتكم!!
انوار استانست : شلون بنطر لي شهر 11 ؟؟
عبود :تنطرين
انوار : عبود ماراح اهدك
عبود: صج انوار؟
انوار : إي والله
عبود : مم لو صرت اطرم لووول بتحبيني؟؟
انوار ابتسمت ابتسامه خفيفه : شرايك انت؟ انشالله لوشنو يصير بظل احبك
عبود يتنهد: يعني انتي وايد تحبيني؟
انوار عيونها دمعت : وايد وايد عبدالله انت كل شي بحياتي
عبود: مسحي دموعج..
انوار : صرت تعرفني يعني لووول
عبود: انوار ... اعرف كل شي فيج حتى لو ابسط شي اعرفج اذا ضحكتي صج واذا لأ واذا زعلانه واذا قاعده تبجين انا حبيبج وزوجج وابو عيالج
انوار تضحك : جم ياهل تبي
عبود: مممم 2 كافي
انوار : صج ؟؟
عبود: إي والله
انوار : زين انا مابي يهال!!
عبود مستغرب : ليش ؟؟
انوار : ابي استانس فيك مابي يهال مبجر لووول
عبود: ياعووبه !! تغارين من عيالج!!
انوار : اغار من الهوا الي يمر يمك
عبود: احم من قدي لووول
انوار : لوووول عيار ... شنو تبي اسم البنت
عبود: ممم ابييي ... مادري والله
انوار: يلااا ابي اسم
عبود: دالياا؟؟ دلوي لووول موحلو هل اسم؟
انوار : لووول اينن!!
عبود: تدرين شبسوي
انوار : شنو؟؟
عبود: بعد شهر دوامات بتبدي وانا بسوي جدولي... من الساعه6 الصبح ليي 12 او 1 بليل
انوار : اووووووله عبود ليش
عبود: عشان اخلص بسرعه؟؟
انوار: مايصير جذي !!
عبود يضحك : آآآه عشانج كل شي يهوون
انوار : زين وبعد
عبود: ممم تبين عرس
انوار : ممم مابي
عبود :من صجج؟؟
انوار : إي مابي اهم شي اكون معاك وبعد نروح نملج بالمحكمه
عبود : مينونه !!
انوار: عبود تعرفني مااحب الخبه الزايده خو بنتزوج
عبود معصب : انوار !! ادري ليش ماتبين .. عشان لاادفع صح
انوار : عبوووود انا ماابي شكو موعشان جذي واي
عبود زعلان: ممم اوكي ياانوار
انوار : لاتزعل اذا تبي عرس كيفك
عبود: مابي اوكي كيفج
انوار : عبود ماراح تهدني صح؟؟
عبود يتناهد: اففف شلون اهدج صج والله العظيم ماراح يفرقنا الا الموت
انوار بعصبيه : لاتيب طاري الموت!!
عبود: انشالله حبيبتي بس هذا مصير كل واحد .. نونه حبيبتي بروح عند امي اوكي؟ اليوم بتروح الطبيب تدرين بعد مراجعه
انوار : اوكي قلبي .. جم اتسووق؟؟
عبود: لووول انتي لي الحين من اول ماعرفتج هل كلمه مافرقت السانج
انوار بعصبيه : جم اتسوق خلصني؟؟
عبود: 80 !! لووول باي
انوار : باي حبي دير بالك والله يوفقك انشالله واربط حزام الامان انت وامك .. باي

انوار حطت راسه على المخده وكانت تفكر بالي راح يصير .. بلحظه.. خافت من شي بس ماتدري شنو اهو حست انها متضايقه وماتدري من شنو ..


عند برور :
حمود: موناويه تقررين متى؟
برور: الصراحه لأ
حمود: افف ابرار ترى ماصارت !!لازم نحدد وقت
برور : انا مومستعيله حمود الله يخليك لاتضغظ علي اذا في نصيب خلاص لاتحاتي افف انا مومستعده الحين ارجوك!! لازم اصكره الحين اوكي؟
حمود : براحتج...باي
وصكر التلفون وقعد صوب فهود وسرح
فهود: شفيك
حمود: مليت من تأجيل ابرار
فهود: لاتضغط عليها البنت يمكن خايفه وصج على شنو مستعيل يبا لاحق
حمود: فهود انت اكثر واحد فاهم ليش مستعيل
فهود: ادري بس عط البنت مجال ترتاح منك انت وايد ترى تحن
حمود طق فهود : جب جب امش خنطلع
فهود: مابي
حمود: يلا عاد صارلك دهر معفن ومليت كل يوم اواسيك امش خلصني وروح سلم على امك ياعتوي افف انا بنقمت
فهود : اوكي دقيقه
حمود: دقايق طس عن ويهي
حمود رفس فهود
فهود يصارخ : ياخروووووووف
حمود ميت ضحك : روح بس لا اخليك كره

بعــــــــــــــــــد شهــــــــــــــــــــــــــــــــــــر...

(11-9-2009)
الساعه 10 الصبح..
انوار تركض وتنادي برور ودشت عليها غرفتها...
انوارتتكلم بسرعه: برور اليوم عيد ميلاد عبود
برور: بسم الله طقي الباب .. وتكلمي شوي شوي خل افهم
انوار: اليوم عيد ميلاد عبوود
برور : صج وبعدين؟
انوار :إي وانا مادري شنو اسوي تعرفين ابي اسويله شي غير بس مادري شنوو؟؟
برور : تعالي دشي وصكري الباب وقعدي
انوار: إي ادري انج ام الفناتق شنو اسوي؟
برور : ممم شنو على هديه ولااا ( تغمز حق انوار)
انوار ويهها صار احمر: برور الاثنين !!
برور : مممم والله لومااعرف عبود وادري انه بيخطبج بساعدج
انوار استانست
برور : ممم سمعي شبقولج ... مدام انتي ماشالله تعرفين تسوقين .. مم بخليج تاخذين سيارتي وتشوفينه اب مطعم حلو .. والحين اوديج السوق نشتري عطر وساعه ماركه وبلوزه كشخه ونحطهم بجيس كشخه شرايييج بفناتق برووره
انوار : حياااتي احبجج
برور : بس ياويلج اذا صار شي بسيارتي
انوار بقلبها : عبود احبببببببببببببببببببببببببك احبببببببببك
من قلبي ينبض غلا ومن روحي مسؤولة
ما ابالغ ان قلتلك اني الين الحين كل ما اشوفك تصد عيوني مذهولة
من كبر حبك في قلبي وخاطري و العين
اي حب هذا الذي ينقال واقوله مدري احيد في قلبي ولا الله يعين
معقولة كل هالغلا ياربي معقولة بعدين يعني معك يامهجتي بعدين
من قلبي ينبض غلا ومن روحي مسؤولة
ما ابالغ ان قلتلك اني الين الحين كل ما اشوفك تصد عيوني مذهولة
من كبر حبك في قلبي وخاطري و العين
ماتدري انك في قلبي ومن سكن حوله من كثرك في صدري خايف لا تجيني عين
وان قالو اطلب شي اتمنى وتنوله بتمنى حبك كثر ما الله عطاني سنين
معقولة كل هالغلا ياربي معقولة بعدين يعني معك يامهجتي بعدين
من قلبي ينبض غلا ومن روحي مسؤولة
ما ابالغ ان قلتلك اني الين الحين كل ما اشوفك تصد عيوني مذهولة
من كبر حبك في قلبي وخاطري و العين
ويش ابغي اكثر ياذوق القلب وميوله واكبر هدية في عمري هالشيين
مكانك اللي في قلبي ماحد يطوله وقدري عندك عساني ما خلى آمين
اي حب هذا الذي ينقال واقوله مدري احيد في قلبي ولا الله يعين
معقولة كل هالغلا ياربي معقولة بعدين يعني معك يامهجتي بعدين
من قلبي ينبض غلا ومن روحي مسؤولة
ما ابالغ ان قلتلك اني الين الحين كل ما اشوفك تصد عيوني مذهولة
من كبر حبك في قلبي وخاطري و العين

برور خذت انوار وشرت انوار كل الي تبيه حق عبود واتفقت مع عبود انه بتشوفه اب موفنبك البدع واهو مايدري شالطبخه لوول
بنات هذا الي قدرت عليه وانشالله باجر البارت الاخير يلا بنات آخر توقعاتكم شنو اهي؟؟ اشوفكم على خير حبايبي

 

[MC ANFAL]

waaaaaaaaaaaaaaaaaaaaaaaaaaaaaaaaaaaaay wnaaaaasa
allah yfeghom w y5leehooooom 7ag b3a'9 enshallah
w 3sa allah la yfreghooom
way 7aaaaadi stanast 3shanhooom
thnx 3la el.partat w bashtaglech l2ana erwaya bt5le9
abi el.finaaaaaaal paaaaaaart

 

[*toot]

واآاآي وناآاآسه .. اتوقع اخر شي راح يتزوجون
بس انشالله تكون النهايه سعيده ويتزوجون مانبي بجي ونكد
بس ليش بتخلصينها بسرعه حسافه

 

[cup-cacke]

الله يتمم علييييهم ويسعدهم ويهنينهم

ناااااااااااااااااااااااااااطرينج باجر

 

[MeeMeeYoo_2]

الله يهنيهم انشالله

يعطيج العافيه

 

[إبشر بعزك]

ان شاء الله النهايه تكون سعيده

بس ليكون يصير شي لعبود لا سمح الله ويموت الله لا يقوله

ويمكن بالموفمبك فهد يشوف انوار وعبود ويسوي سالفه


مادري

ناطرين البارت الياي

 

[Ro7ii T7bk!]

البـــارت 22 والأخــــــــــــــــــــــــــــير:-

اب بيت انوار الساعه 5 ونص:
انوار : بروور بروور شنو البس؟؟
برور قاعده تسولف بالمسن: مادري
انوار : شوفي شنو احلى هذا ولا هذا؟؟
برور: انزين
انوار تصارخ : شوووووووفي
برور لفت ويها : هااا وويعا شنو؟؟
انوار: ايهو البس؟؟
برور : اثنيناتهم خياس طلعي غيرهم
انوار تنحت : عليج اسلوووب اففف
برور : جب بطلي كبتي اخذي الي تبينه
انوار : اوووه تعالي طلعيلي شوفي الساعه جم على مالبس واحط مكياج واااي قومي
برور معصبه : زيييييين ويعه
برور : شرايج بهذا؟
انوار : عووووووووع لبس مهلق غيره
برور: ويي سكتي يا ام الذوق
انوار : ابي شي فيه تايقر
برور : ويع ستايلج قديم
انوار : ابرار لما ارد البيت علميني شلون الاستايل زين؟ خلصي
برور : ترى اهون ومااعطيج سيارتي
انوار: ذليييتي ام الي يابتني على سيارتج اف
برور: شرايج بهذا زين شوفي تمقلي (حطته بويه انوار)
انوار : يازفته خليني اشوف
انوار : ممممم حلو بس مع شنو البسه
برور : جنز او سكني ومعاه حزام خصر ذهبي كاهو هذا وهاج بدي اسود
(البلوزه نفس طريق النفنوف لي فوق الركب مووسيع ولاضيج لونه اسود ومن تحت مشير بتايقر )
انوار : اييييينن
برور راحت ردت على اللابتوب يلا خلصتي بدلي
انوار : موتشوفين
برور : عندي وعندج خير مالت عليج كافي اني ماقزيت عشان ويهج
انوار : ويييييع ترى 100 مره تقولينها !! كله مره وحده بالسنه ..
برور لفت ويها على انوار : انواروو نزلي البلوزه من تحت
انوار : ها جذي زين؟
برور : إي حلو اخذي كعبي الذهبي بعدين ورا الباب
برور قامت : تعالي بحطلج مكياج
انوار : لا مابي احط وايد
برور : جب غيري ستايلج
وقعدت تحط حق انوار مكياج حطتلها eyeliner ورسمت عيونها ولبست عدسات عسليه فاتحه وحطتلها مسكره والشدو برونز على بني باسود وبلاشر برونز
برور :الله تسلم ايدي شوفي غيرت شكلج
انوار : واااي عليج شنو هذا
برور : يلا روحي
انوار: برور ليش ماتييين منها انتي تتمشين وتواعدين شيوم وعهدووه وانا محد يدري عني بنقعد بالمطاعم؟؟ لانه اخاف بروحي لووول
برور : إي والله صح عيل يلا خل ادق على عهدوه وشيوم واقولهم والبس
عقب ماخلصت برور ودقت على شيوم وعهدوه رحنا طلعنا على طول
انوار: كله منج تأخرنا
برور : ركبي وانتي ساكته شسوي يعني انتي اقترحتي موانا
انوار قعد وصكرت الباب وصارخت: آآآآآآآآآآآآآآآآآآه
برور لفت ويها : مينونه؟؟
انوار: قلبي يعورني شتبيين لوووول
برور تتحلطم : الحمدالله والشكر خنشغل اغاني ابرك
انوار: ترى سمعت
برور : سمعي.. احط منو رويشد ولا الماجد ولاعبدالمجيد
انوار : ممم عبدالمجيد
برور : اوكيييك..لوول سمعي الي بحطلج اياها
كل عام وإنت الحب كل عام وإنت الحب كل عام وإنت الحب إنت الحب كل عام وإنت الحب

تمر سنين وإنت الحب عسى الله لا يفرقنا حبيبي مهما نتغير بيكبر حبنا معنا
تروح سنين وتجي سنين وأنا وياك أحلى اثنين ، تروح سنين وتجي سنين وأنا وياك أحلى اثنين

وإذا مر الوفاء باكر إذا مر الوفاء باكر إذا مر الوفاء باكر إذا مر الوفاء باكر بقول أقول أقول

كل عام وانت الحب....

انوار : ويييييه هذي الاغنيه مالت عبدالمجيد
برور : شخباري انتي وينج
انوار: عبووود بعيد ميلادي كان حاطلي كل عام وانت الحب وانا اقووول لووول
برور : لووول ياحليله مادري ليش حبج من زينج عاد
انوار راحت طلعت الcd :ابيي المهندس عذااابي انا وعبود
برور : حطي حطي لاتموتين
انوار اول ماحطت الcd اطلعت اغنيه... وفجأه تنحت بمكانها\
برور: الووو انوار شفيج؟؟
انوار بصوت واطي : ليه انا مشتاق وانا تاركك ( أي والله )
برور : شنو؟؟
انوار قعدت تبجي..
برور: ويعه انواروه شسالفه؟ كل هذا عشان الاغنيه؟
انوار واهي تبجي : إي ابرار يوم هديت عبود .. كان تعبان وظلمته انا حقيره مااستاهله كل كلمات الاغنيه عني والله كل شي فيها صح
برور : واي عليج خلاص طاف لاتخربين المكياج
ليه انا مجروح ... وانا جارحك؟!
ليه انا مشتاق... وانا تاركك؟!
يه انا مدري... وانا دايم اكيد؟!
ليه انا مقبل... وانا دايم بعيد؟!
ليه انا ندمان... لحظة مايفيد؟!
ليه مو هذا اللي كنت ابيه؟!
ليه بعته وليه راجع اشتريه؟!
ليه كل شي ناقص بلاه؟!
ليه مايكملني سواه؟!لاضعت من نفسي انا .. ليه لازم القاني معاه؟!

ومع السوالف والاغاني وصلوا ابرار وانوار وكانت انوار حيل متوتره ماتدري ليش... ( الحين انوار اهي الي بتتكلم مدام هذا آخر بارت فحبت تكتب لو بارت 1 اخليكم مع التكمله)
*اول مانزلنا من السياره انا وابرار كنت اسمع قلبي وانا امشي كنت احس باحساس !! عمري ماحسيته جني ماشفته من قبل؟؟ والله ايدي وريلي كانو يرجفون
برور: شفييج؟
انوار : مافيني شي
برور : ويهج صار اصفر؟؟
انوار : لا بس متوتره

ووقت ماكنت اكلم برور رن تلفوني
انوار: الو؟؟
عبود: وينج؟؟
انوار تخز برور: كا تونا واصلين انت وينك؟؟
عبود : انا بالمطعم صارلي ساعه ناطرج
انوار : يلا يايه باي
انوار : مم برور يلا بروح اوكي
برور : اوكي ديري بالج
رحت مشيت عن برور وبرور راحت بكوفي تنطر شيوم وعهود يوم دخلت المطعم كنت ادوره وبعدين دقيت عليه
انوار : انت وينك انا داشه
عبود : ياوويلي شمسويه بنفسج!! صايره حلوه !!
انوار : خلصني عبود وينك
عبود : كاني جدامج
انوار : وي لووول يلا باي
رحت سحب الكرسي وقعدت وابتسمت ابتسامه خفيفه وقعد يطالعني .. تمينا ساكتين لين قلتله...
انوار : كل عام وانت بخير
عبود: شنوو؟؟ لووووول ! يعني مو من الله مواعدتني والله انا ناااسي
انوار : هاك
عبود: شنو هذا
انوار : يعني شنو هذا تكفين هديه
عبود خزني: لاوالله !! ومنو قالج ابي هديه
انوار : اقووول يوم يبتلي هديه ماقلتلك شي
عبود : ممم عيل غمضي عيوونج؟
انوار : لووول شتبي ليش؟
عبود: غمضي انتي اذا تبيني اخذ الهديه ومدي ايدج هذي صوبي
انوار : الله يستر منك لووول يلا شنو الحين !
عبود مسك ايدي ولبسني الخاتم فجأه بطلت عيوني الخاتم الي حذفته عليه وخرت ايدي بسرعه وحسيت بغصه ونزلت ويهي تحت عبود رفع راسي وقعد يطالعني
عبود بصوت هادي: لاتذكرين الي طاف.. انوار خلاص احنا حق بعض واشطر واحد مايقدر يفرقنا...
انوار: عبود انا جرحتك واحس..
عبود قاطعني : اووش انوار ترى صج بزعل .. ترى هالحظه كنت ابيها من زمان اشوفج جدام الناس !! واحس اني مومسوي شي غلط
انوار : حتى انا
عبود: تدرين؟
انوار : شنو
عبود يضحك : ودي يكتبون روايه عني وعنج
انوار تضحك: لاوالله ليش ؟
عبود: عشان يعرفون شكثر نحب بعض صرنا مثل المسلسات والله
انوار : لا مابي يكتبون اخاف يحسدونا!!
عبود : لوووول انتي لوتبطلين غيره احنا بخير
انوار : احبك عبوود
عبود مسك ايدي وقعد يطالعني وحط عينه بعيني وابتسم ابتسامه برييييىئه وعيونه كانت تقول كلام وايد كلام.. ماقدر يقوله ... بس فهمته
انوار: ها بتاخذ هديتي
عبود : باخذها بس اذا وعدتيني ماتفصخين الي بيدج مره ثانيه ولاحذفينه هاااا
انوار تضحك : زييين
عبود: انوار ..
انوار : عيوووون وقلب وروح انوار!!
عبود : عمري ماراح احب غيرج تدرين
انوار : يعني انا الي بحب غيرك والله لوحتى لونهد وربي ماراح اخلي أي واحد يدش حياتي من بعد
وظلينا نسولف ونتغزل اب بعض لين صارت الساعه 10 ونص وابرار دقت علي عشان نروح.. الصراحه كان ودي لحظتها اروح معاه البيت ودي اتزوجه الحين
انوار: يلا حبيبي ابي اروح
عبود: بوصلج ...
انوار : ترا انا الي بدفع هاا؟ تكفين انا عازمتك
عبود: ب
انوار : لاتكمل يلا عاد...
وحطيت الفلوس على الطاوله وطلعت مع عبود كنا ماسكين بعض حسيت انه زوجي حسيت اب راحه لما كان ماسك ايدي ...
ولما وصلني عند السياره كان ابرار موواصله
عبود : ممم اختج موواصله عيل بوقف معاج مابي احد يتحرش
وعبود اهو يتكلم خذيت ايده وبستها وحطيتها على قلبي ودمعت عيوني
عبود كانت ملامحه مستغربه كان جنه يقول بقلبه ليش؟؟
عبود مسكني وباس راسي ولمني حييييل ماقدر اتحمل حطيت راسي على صدره وبديت ابجي بجيه الياهل الي كانت محتاجه احد يلمها وعبود بعد كان وياي دمعت عيونه ووخرني عنه وقعد يبوس ايدي وابتسم ...
ابرار : هااا شتسوون
عبود يضحك : لوووول شلونج ابرار
ابرار : هلا والله تمام يلا عبدالله لازم نمشي
عبود ابتسم : اوكي ديرو بالكم ..يلا مع السلامه
ابرار : ياحليله انوار محترم !! يلا دشي
انوار : زين
ابرار: هاشسويتوا
كنت ساكته ومالي خلق ارد
ابرار : اوووه انوار شصار
انوار : ماصار شي سولفنا
ابرار ابتسمت : شكله يحبج وايد انوار
انوار: اآه ادري ابرار ادري
ابرار : يلا صبري انوار انشالله تزوجون وتستانسون مدام انتو تحبون بعض والله محد بيفرقكم
كنت افكر بكلمه (محد بيفرقنا) عاد صج محد بيفرقنا؟؟
ووصلنا البيت وسيده على داري رحت قطيت نفسي على السرير كنت اتمنى انام ومااقوم الا لما يصير شهر 11 ...
طبعا مثل ماتدرون شهر 9 بدت مدارس وانا آخر سنه طبعا ماكنت مشتهيه المدرسه بسبت الاخت (ساره) اهو صج اصادفها بس احلى سكب يعني ولاوحده تكلم الثانيه يعني شهر 9 كان شهر عادي .. ومر عادي

بعد شهر ونص..
الساعه 7:30 الصبح
رزون : انوار انوار ... انواروو وصمخ قومي
انوار : هاااااااااااااااا
رزون : قومي بسرعه ..
انوار : انتي من صجج رزوان؟؟ شيايبج
رزون : قومي انتي الحين بطلي عيونج
انوار: ها شصاير
رزون : احم انا قبل شوي كنت عند برور وقعدنا نسولف
انوار : اففف بسرعه خلصيني
رزون : انواررووو ابوج وافق .. وقال خل إي أي وقت يبي
انوار فزت: شنووووو! لا لا جذابه !
رزون: ماشالله الحين قمتي .. إي صج
انا هسترت ومومصدقه وحدي استانست ماعرفت شسوي
رزون : إنزين انتي من صجج بتزوجينه؟
انوار : إي ليش موصج يعني
رزون : انا الي اكبر منج ماتزوجت وحتى رفضت حمني
انوار : إي لانج لوووول خليني ساكته
رزون : جب جب .. وبعدين اذا حملتي شبتسوين؟؟
انوار: ولييه رزون خلاص شنو يعني اذا حملت استغفرالله
رزون : والله انا قلتلج وانتي كيفج
انوار : لوووول الي تحمل صارت مجرمه يعني اصلن وناسه لووول
رزون : آآآه منج راسج يابس...
انوار : برد انام بليز...
رزون: اوه باي
انوار : اففف قرقيه لوووول

عند برور :
برور تضحك : هااا طردتج
رزون : ايي .. والله متحسفه عليها
برور : ليش ؟
رزون : انا مومقتنعه بزواجها
برور : يبا كيفها خليها
رزون: لوووول لو يدري فهود ؟
برور: وييه انطمي انتي
رزون : وانتي متى ناويه؟؟
برور : تصدقين... مادري
رزون : هووو ليش؟
برور : مادري تو الناس انا مومستعليه خل تخلص سالفه انوار وانا وراها لووول
رزون: الله يوفقكم حياتي وانوار تستاهل بعد
برور : نامي عندنا
رزون : لووووووووول عشان انوار تذبحني
برور : تعالللي
رزون : ها ؟
برور : شخبار سنووء ؟؟متى ترد؟؟
رزون تضحك : خليها بعالم ثاني لووول مادري والله متى بيردون
برور : واي مكانها خالي لووول

عند انوار...
انوار : عبودييي
عبود نايم: هااا
انوار : لووول بعصتك نفس ماانبعصت بقولك شييي
عبود : هاا
انوار : ابوي وااافق
عبود يصارخ: شنووووووووووووووووووووو حلفي؟
انوار : لووول والله
عبود : يلا باي
انوار : وين؟
عبود: بقول حق امي اليوم انيلكم ؟
انوار : لأ لأ عبود شنو ينيت
عبود : لألألأ ليش؟؟
انوار: مابي مابي ابي 11 لووول
عبود يضحك : كيفج والله
وضلينا نسولف لين ردينا نمنا

عند فهود:
فهود : يما ؟؟ يمـــــا؟؟
ام فهود: هلا يما شفيك؟؟
فهود :عمي سعد عازمنا على الغدا بتروحين؟؟
ام فهود: إي بس تي معاي
فهود : شلون اخليج بروحج إي بيي

وصارت الساعه 2:30 الظهر ورزون صارت منبه كل ساع تقعدني وانا اطردها لين برور دشت علي
برور: انوار .. انوار
انوار : هاااااااااااا شفيكم ينيتوا بنام
برور : قومي ترى عمتي خلود هني
انوار : وليييه لايكون فهود وياها
برور : شرايج يلا نزلي
انوار زين البس وأيي
ونزلت تحت وياليتني مانزلت نظرات فهود كلتني !! ماقدرت اتكلم ولا اكل ولا اسوي شي وابوي الحمدالله تعدل معاي وصار يسوي أي شي عشان يرضيني ..
انوار : يبا بروح فوق تعبت
فهود :لا صج عاد؟
خزيته خزه صج قهرني من هل الكلمه : وانت شكو؟
ابو انوار: خلاص يبا روحي ارتاحي فوق
ام انوار : اهلين ام فهد عندنا شلونج
ام فهد : هلا والله حبيبتي
ام انوار : تفضلي قعدي.. ها شلونك فهد؟؟
فهد : الحمدالله خالتي انتي شلونج
انوار : عن اذنكم ...(ورحت)
ام انوار مبتسمه: قلتلهم عن انوار
ابو انوار يضحك: لاناطرج والله
فهد تنح ويبي يعرف شسالفه!!
ام فهد مبتسمه : ها شنو شفيها انوار
ام انوار : انخطبت
فهود طقته البوهه وماعرف شيسوي !!
ام فهد مستانسه : صج !! ياحلييييله كبرت !!
ابو انوار : شفتي شلون كبرونا العيال
ام انوار : الفال لك فهود وتشوفينه معرس وتفرحين فيه
ام فهود : آميييين الله يسمع منج!

في (27-10-2009) الساعه 1 بليل
اخترتك انت
اخترت حبك
ولست انا من اختارك
بل كل جوارحي اختارتك حتى انفاسي
ياقلمي اكتب مافي قلبي
فلربما قلت لهفه قلبي
وانطفآ لهيب حبي نعم فلربما..
لان حبك ليس له نهايه
بما انك قصه حب .
ولكن ليست لها نهايه
كنت وقتها فاضيه ماعندي شي وقعد اكتب شعر وهوايتي اكتب .. كنت اضيع وقت انطر عبود يطلع من المعهد وكانت هذي حالتي كل يوم.. لين رن تلفوني..
انوار: هلا حبيبي
عبدالله : هلا والله بانواري
انوار: لووول عبود !! حياتي خلصت دوامك ؟
عبدالله : أي والله حياتي حدي تعبان انتي شتسوين اكييييد تكتبين شعر صح؟
انوار : بعد شنو عندي غير الشعر ... حياتي حياتي حياتي اسمع بقولك شي ..
لا تندم على حب عشته
حتى ولو صارت ذكرى تؤلمك
فاذا كانت الزهور قد جفت وضاع عبيرها ولم يبقى منها غير الاشواك
فلا تنسى انها منحتح عطرا جميلا اسعدك
عبدالله :الله الله شالاشياء الخطيره هذا انتي كاتبته؟
انوار: لاحياتي من النت بس عجبني وسحبته...
..........
انوار: الو؟؟ الو؟؟
عبود؟؟ عبود معاي !!! عبود قلبي الو؟ عبوووووود رد عببببببببوووووووووووووووووود !!
وصكرت التلفون وقمت ادق ومايرد فجأه تلفونه تصكر ؟؟
ليش شصاير؟؟
يومين وتلفونه مصكر!! وكان باقي 3 ايام ويدش شهر 11 !! الشهر الي ناطرته نطره!! وينه ؟؟ وينه حبيبي ليش مايرد وفكره تيبني وفكره تودين .. لين صار تاريخ 30-10-2009 دق علي خالد الساعه 9 بليييل
خالد : قوه انوار
انوار : يقويك الله يابك خلود تكفين وين عبود صارلي جم يوم ادق ومايرد ماش
خالد قاطعني : انوار... عبود سوه حادث
انوار (كنت اضحك) : خلود صج يلا عاد وينه ماكلمته
خالد : انوار عبود بالمستشفى !
انوار : انت شقاعد تقول!! روح قول حق عبود باقي يومين ويدش شهر 11 وينه !!
خالد قعد يتناهد وبعد فتره استوعبت انه هذا صج !!
صكرت التلفون وهسترت وقمت اكسر واصارخ وابجي طبعا برور يتلي
برور: شفيج شفيج؟؟
انوار وكنت قاعد اطق برور : عبود سوا حادث وديني عنده الله يخليج الله يخليج وديني عنده (قعدت ابوس ايدها واترجاها وكانت تبجي معاي)
برور خذتني وودتني المستشفى ورحت شفت اهله وقفت من بعيد وانا منهاره كلمه منهاره شوي عليي!!قلت حق برور تروح تسأل عنه واذا يحتاج السفر انا الي بدفع!! برور يتني وويها مايبشر كلش
انوار : شقال .. شقال الدكتور

 

[بنوتة فيلجا]

تسلمين على البارت والله ما ودي تخلص
اتوقع يشوفون بعض انوار وفهود
انشالله تكون النهايه سعيده لاني ما بي ابجي

 

[MeeMeeYoo_2]

شقاااال الدكتووووووور :'(