موقادر احب انسان ثاني..صرت ماشوف لان حبك عماني [ روآيه مسمُوح بهآ ]

[shoOshii]

wnassa redaw ur story
kmlay 7bebty
wating

 

[Ro7ii T7bk!]

wnassa redaw ur story
kmlay 7bebty
wating

مشكووووره حبيبتي على المرور نورتي :***

 

[Ro7ii T7bk!]

انا الحين بحط البارت ال5 وال6 لانه في بنات الي ضافويني بالايميل قارين ال4 وال5 وبعدين بنطر تفاعلكم عشان اكمممل

 

[Ro7ii T7bk!]

البارت ال5

شفتوا شنو صار اب بيت انوار خنشوف شصار بأهل ساره....


ام ساره ردت على تلفون البيت....
ام ساره : الوو هلا يمه منو معاي؟
الشرطي : هلا خالتي انا من مخفر السالميه..
ام ساره : شنو ؟؟مخفر؟؟ ليش ياوليدي شصآآآآير !!
الشرطي : والله ياخالتي بناتج سوو حادث واهما بالمستشفى !
ام ساره : لاااااااااااااا لااااااا !!!!!!
وطاح التلفون وانهارت ام ساره ونزلت على الارض واطق ويها وتبجي من القهر وتصارخ
وتدعي
ام ساره : يارب يارب ارحم بناتي يارب مااتحمل خسارتهم وتبجي
فجر يت ركض بسرعه وسمعت امها تصارخ وتبجي
فجر: يممممممه ..... يمممممه قومي قومي يمه شفيج شفييييييج يمه قومي قعدي فوق ليش قاعده على الارض يممممه؟
ام ساره واهي تبجي : تكفين يمه روحي نادي ابووووووج قوليه ساره وفرح سوو حادث مع انووااار
فجر حطت ايدها على حلجها من الصدمه وشاهقت......
وراحت نادت ابوها


-في المستشفى-
ابو انوار وام انوار وابرار ورنيم(13سنه) و رزاان كانت موجوده بعد ناطرين تطلع انوار من العمليات لانه حالتها وايد وايد كانت خطيره ويمكن ماتعيش لانه حاشتها طقه قويه بالراس وكسر بالجمجمه وخايفين اذا فيه نزيف داخلي بالراس
رزان واهي تبجي: بس ابرار لاتبجين .. خالتي .. خالي ادعولها اهي بتعيش ادري اهي تبي تع... وزادت بجي من قبل لاتكمل الكلمه
ابرار لمت رزان والكل كان منهار
ديمه : ويييييين انوار؟؟؟ وينهاااا قولولي وينها!!
(ديمه اقرب اقرب اقرب رفيجات انوار اكثر من خوات اهما مسمين رحوهم توائم الروح .. كبر انوار حنطاويه ضعييفه وطويله متحجبه وحيل تونس وتحب انوار وايد وماترضى عليها وشخصيتها متفهمه وعاقله)
ابرار : ديمه .... حياتي شفتي شصار باختي
ولمت ديمه واهي ميته بجي وحجابها اخترب وانهارت اكثر من القهر على اختها
ديمه : برووور جب ماراح يصير شي (ودمعت عينها)
رزان : خالتي تبين ايبلج شي
ام انوار:.....................
رزان : خالتي... الله يخليج ردي ... خالي شوفها ..
ابو انوار :............
ابرار : يبه؟ يمه ؟ شفيكم لاتعورون قلبي زيااااده
ديمه: رنيم حبيبتي امشي نشتري حلاو حق انوار لانه اذا قامت تبي حلاو تعرفين اختج بعد تمووت بالحلاو
رنيم : يعني بتقعد اختي ؟؟
ديمه: أي حبيبتي رنوم امشي ياقلبي امشي
ولفت ويها على ابرار ورزان .... ومشت مع رنيم
الدكتور طلع .. وكان ويها مايبشر
ابو انوار : دكتووور دكتووور شلون بنتي !!
ام انوار : الله يخليك دكتور تكلم
رزان : دكتوور فيها شي ؟؟؟
الدكتور: اهدوا ياجماعه اهدوا وصلوا على النبي !
الكل : اللهم صلي وسلم عليه ..
الدكتور : والله... الوضع مايطمن الصراحه مادري شقولكم
ام انوار : يممممممممه بنتي شفيهاااااا دكتور تحجه خلاص مابقى فيني اعصاب
ابوانوار: دكتتتتووووور تكلم
رزان كانت حاطه ايدها على ويها خايفه من الي بتسمعه
الدكتور: بنتكم .... صار فيها نزيف حاد جدا بالدماغ لانه راسها طق بالزجاج وسبب شدووخ
وو دشت بغيبوبه مؤقته بتقوم بعد 24 ساعه..... انا مااضمن لكم اذا قامت بترد مثل قبل .... احتمال ماتمشي ولاتشوف بنسبه 50% بس احنا بنسوي الي علينا اهي لازم نسويلها عمليه ثانيه مثل ماقلت لكم بعد 24 ساعه انشالله خير .. والله يصبركم
ام انوار طاحت من الصدمه وابو انوار انهار وكلمه انهار شويه عليه ..
رزان وقفت بمكانها لاتحركت ولاتكلمت ولا كان لها ردت فعل من الصدمه
اما ديمه يوم درت ماتت من البجي على رفيجه عمرها كانت كل اليوم تدعيلها

اما ساره وفرح ....
ساره صار فيها كسر بالايد وبالراس بس ماصار أي نزيف او خدوش الا خدش بسيط صوب المخ
وفرح .. رضوض قويه بس المخ ماحاشه شي بس دشت بغيوبه لي مده 24 ساعه ....

عند ديمه ورزان –
ديمه: رزان خايفه وايد
رزان واهي تبجي: ديمه حبيبها مايدري عن شي انتي تدرين لو درى شبيصير في انتي تدرين انه يحبها مووت
بجت زياده ولمت ديمه
ديمه وبجت مع رزون: رزون رزون جب !! انشالله مايصير لها شي .. اهي طيبه وماتستاهل يارب الطف على هالبنت المسكينه والله ماشافت يوم حلو بحياتها رزون .. اش.. اشتقتلها واااايد
رزون: ديمه مابي اقوله !! مابي لانها لانها بتقوم بالسلامه انشالله
وقضوا اليوم كله بجي اب بجي ...

اما عبود كان لي الحين بالعمره وكان متلهف على صوت انوار وماكان يدري بالي صار !
عبود: هلاااا خالد شلونك ؟؟ شلون الكويت
خالد: هههه تسلم عليك يااثول
عبود: استغفر الله استغفر الله هههه ادينت
خالد: طل بعينك تدين كاااااك
(خالد رفيج عبود القريب كبر عبود ابيض طويل وملامحه عاديه لاهو حلو ولاجيكر )

بالمستشفى عند انوار...
انوار كانو حاطينها بغرفه خاصه لانه وايرات وعفسه
ام انوار: دكتور الله يخليك بشوف بنتي تكفه دكتووور
ابو انوار: هدي خلاص ياام انوار رحمي حالج
الدكتور : بسمحلكم ادشون عندها بشرط بس 5 دقايق مانبي حالتها تنتكس اكثر!
دشوا ام انوار وابو انوار عند بنتهم وماقدروا يتمالكون اعصابهم كان عليها وايرات وايد وجهاز التنفس وشكلها كان يعور القلب
طلعت امها من الغرفه ومنهاره وتبجي متحسره على بنتها الي بين الحيا والموت

عند عبود..
عبود قاعد بغرفه الفندق يفكر بانوار
عبود بقلبه: اففف هذي وينها لادقت ولاسألت يوم كامل لاسألت عني ولو حتى مسج!!
حرام عليج يانونه اشتقتلج والله حسيت بقيمتج .. خل انا ادق !!
ودق عبود وجهازها مغلق اهني ويه عبود اعتفس: جهازها مغلققق شصاير !! مومن عوايدها تصكره
وظل يدق ويدق لين داخ ونام ...

عند ساره وفرح..
ساره توها قايمه وبالغصب تتكلم والكمام بويها : ي...مه
ام ساره : هلا يمه هلا !!
ام ساره: ساره حبيبتي لاتتكلمين وايد موزين لج !!
ساره : ا..ن..ا و..ين؟!
ام ساره ودمعت عينها : ياحياتي انتي بالمستشفى ياروح امج
ساره: ش..ص..ار ... ليش؟
ام ساره:انتو سويتوا حادث واختج نايمه بعد شوي بتقوم ياقلبي
ساره: وو...ا..ن..وار؟وين....ها؟؟
ام ساره سكتت لفتره وقالت لها وضع انوار
ساره واهي تبجي: ي...مه بشوو....ف انووااار
ام ساره :ياحياتي اهدي انتي ونامي وانا اوديج تشوفينها
ابو ساره دش بقوه عند ساره وامها وقال : لحقوووووووووووا ترى.....................​

 

[بنوتة فيلجا]

قصتج وااايد حلوه ومشكوره على القصه الروعه
كملي بليز

 

[Ro7ii T7bk!]

قصتج وااايد حلوه ومشكوره على القصه الروعه
كملي بليز

من ذوقج قلبي مشكووره حبيبتي على مرورج العسل انشالله اكمل بعد تفاعل البنات

 

[كاسبرينوو]

وااااو حدددها عجييييبه بلييييز لا تتاخرين علينا
والله حدي اندمجت

 

[Ro7ii T7bk!]

وااااو حدددها عجييييبه بلييييز لا تتاخرين علينا
والله حدي اندمجت

حياتي والله مشكوره على مرورج

 

[Ro7ii T7bk!]

بارت 6
ابو ساره دش بقوه عند ساره وامها وقال : لحقوووووووووووا ترى فروووح قامت ..
ام ساره فزت وقالت : صج ؟؟ وينها شفيها صارت زييينه فيها شي متعوره؟؟
ابوساره : شوي شوي اوووش مافيها شي لاتخافين
ام ساره وساره دمعت عيونهم واستانسوا وايد

عند انوار
ديمه ورزان وام انوار وابو انوار واقفين ناطرين الدكتور لانه دخلها العمليات مره ثانيه
ورزون كان بالها مشغول بانوار وعبود شبيصير فيه لما يدري وقاعده تقول بقلبها: مستحيل اسكت لازم يدري لازم يكون وياها .. اففف لأ اهو اساسن بيرد باجر او عقبه ايي اهو بيقعد 3 ايام !! واي لازم اقوله
ديمه انتبهت على رزون وقامت اطقها بايدها : رزون رزون هيييو
رزون : ها ها وين انوار !!
ديمه : انتي وين رحتي بشنو سرحتي!!
رزون سحبت ديمه وقالتلها الي تفكر فيه
ديمه : مم انا اقول جذي احسن شي نقوله
رزون : انا عندي رقمه شرايج ادق !!! بس ا
ديمه : اوووش رزون خلاص لازم نقوله
رزون : اوكي !! ديمه انتي روحي خلج مع خالي ومرته
ديمه : اوكي انا بدق على اهلي وبشوف اختي لانها اهي الي قطتني
رزون : اوك اوك
رزون كانت ماسكه تلفونها ميته خرعه ماتدري شلون بتقول حق عبوود وقاعده تحاول تيمع الكلام ودقت
عند عبود
عبود : يماااا يم...
رن تلفون عبود واستغرب لانه رقم غريب ورد..
عبود : نعم؟؟
رزون : قوه انت عبدالله؟؟؟
عبود : أي نعم منو معاي ؟؟
رزون : ااا... انااا رزووون؟ بنت عمه انوار !
عبود : اييي رزان وين انوار ادق عليها ماترد ليش ؟
رزون واهي متنحه : هااااا
عبود : فيج شي؟؟
رزون: ع...ع...عبوووود
عبود واهو مخترع من طريقه كلام رزان حس انه في شي : هلأ؟؟؟؟
رزون : انوار
عبود قام من مكانه وصوته ارتفع ومعصب : شفييييييييييييييهااأ!!
رزون قامت تبجي وعبود حس انه ريله موشايلته حس انه بحبيبته شييي
عبود وعيونه تدمع : خلصصصيني تكلميي
رزون واهي تبجي:انوار سوت حادث ... واهي موزينه كلش حالتها خطيره وايد والحين قاعدين يسوون لها عمليه ثانيه
عبود تنح وطاح التلفون وهستر وقام يصارخ باسم انوار ورزون تسمعه واهي تزيد بجي لانها تدري انه هذا الي بيصير
شال عبود التلفون واهو يبجي : انا ياي الحين الحين دزيلي اسم المستشفى ويلا باي!!
وصكر التلفون بويه رزون ... رزون تنحت وخافت ودزتله اسم المستشفى
وراح عبود دق على محمد ولد خالته عمره 27: محححححححمد
محمد : شفيك ؟
عبود : انا راد الكويت الحين وقلت حق اهلي اهما مع سعود (اخوه الكبير عمره 30 سنه ابيك
تقط سيارتك عشان اخذهااا
محمد: خلاص اوك بس انت فيك شي صوتك مايطمن
عبود واهو يبجي معصب: خلاص محمد اكلمك بعديييين خلاص
وصكر التلفون وكان يدوس بسرعه عشان يبي يوصل حق حبيبته واهو يبجي ويطق السكان ويصارخ : اناا ليش خليتج بروحج انا السبب ماكان ودج اسااااااافر انا غبي انا السبب

بالمستشفى
رزون حطت راسها على ديمه وقالتلها السالفه
الدكتور طلع : مبروووك
كلهم فزوا : خيييير دكتووور ؟؟
الدكتور : الحمدالله العمليه نجحت بس بنشوف متى بتقوم عشان نشوف النتيجه وبنجيك على كل جسمها لما تصحى مثل ماقلتلكم احتمال ماتمشي او ماتشوف بس الحين قلت النسبه احتمال بس 25% والله يقومها بالسلامه وبعد 10 ساعات بننقلها للغرفه الخاصه
الكل استانس وناطرين تقوم انوار على خير وديمه راحت بيتهم ووصت رزون تقولها أي شي يصير
وعبود وصل كان الساعه 1 ونص الفير تقريبا وراح خذا سيارة ولد خالته وراح للمستشفى
رزون كانت قاعده بروحها لانه خالها ومرته راحوا البيت ياخذون اغراض انوار ويردون
عبود دق على رزون: وينكم؟؟
رزون : انا فوق عند غرفه انوار انت وين.
عبود : انا توني داش وين غرفه انوار؟
رزون بقلبها : لايسويلنا فضايح
رزون : مممم اهي بغرفه خاصه موبغرفه عاديه
عبود معصب: خلصينا وين
ودلته رزون
يا عبود صوب رزون وكلمها : انا بدش
رزون متنحه : انت من صجك شكو ادش اهلها بعد شوي راح ايووون
عبود معصب: سكتي انتي انا بدش ومالي شغل بحد
ودش عبود غرفه انوار ووقف مكانه لانه شكلها يعور القلب
كانو رابطين شاش على عيونها وحاطين جبس على ريوها الثنتين ووايرات وكمام
عبود واهو يبجي راح صوب سرير انوار وطاح يمها ويطالعها ويكلمها: حبيبتي ادري انتي تسمعييني صح؟
مسك ايدها وحطها على قلبه: ترا انتي اهني احبج ادري ماراح يصير فيج شي حياا
وقام يبجي وحط ايدها على عيونه : حياتي انتي بتقومين عشاني انا زوجج حبيبج احنا بنتزوج ماتبين ؟ عشاني قومي عشان عبود يلاصيري زينه ادري انج تدلعين بتشوفين غلاتج بس قومي بسج نوووم
باس ايدها وقام يمسح على ايدها ووقف وباس راسها وعلى الشاش صوب عيونها ومسح على شعرها واهو كان يمسح عليها ويبجي تحرك صبع انوار
عبود ضحك ويبجي : ادري انج تسمعيني والله ادري حياتي شدي حيلج انا من المستشفى ماني متحرك ياحبيبتي
باسها على خدها وقال: انا ماودي اهدج مابي اهلج يشوفوني بس بنطرج بره يعني كون واثقه اني موجود ماني هادج ولاثانيه عشان اول ماتفتحين تشوفيني وياج
وطلع عبود وشافته رزون وكان شكله يكسر الخاطر
عبود : رزان ترى انا بنطر تحت ليما تقوم اذا صار أي شي دقي
ومشى عنها رزون ردت قعدت مكانها وارتاحت لانه طلع قبل لاتصير مشكله
عبود راح قعد على الكراسي وحط ايده على راسه ويبجي بصمت ماتخيل حبيبته يصير فيها جذي كانت عيونه حمره لانه كان تعبان من السفر وماارتاح
صارت الساعه 5 الفير وعبود قاعد متوتر يقوم ويقعد وهذي حالته .........



علمني وشلون انساك وانام
وانا الي لك صاحي ايام وايام
شاغلني في بالي شوقك ولايروح
صاحي انا ونايم مايروح مايروح
علمني ...
دنياك دنياي وحدي سواك
بالقلب وياي بالبال وياي
ويالغالي وشلون تظن انساك
كيف الهوا يهون والقلب يهواك
علمني...
تسهر عيوني تحلم بلقياك
ليت الباقي من عمري وياك
ماعشت عمري الحب ومعناه
لوعه وحرمان ماودي انساه
علمني...​

 

[بنوتة فيلجا]

وااااااي عور قلبي عبود
الله يقومها بالسلامه
تسلمين
ما قصرتي على البارت مشكوووووره

 

[بنوتة فيلجا]

وااااااي عور قلبي عبود
الله يقومها بالسلامه
تسلمين
ما قصرتي على البارت مشكوووووره :ggdw:

 

[MeeMeeYoo_2]

حرااام


يعطيج العافيه

 

[Ro7ii T7bk!]

مشكوريين حبيباتي على المرور

 

[كاسبرينوو]

واااااي حرررام
كسر خاطري عبود
كملي حبيبتي ناطرينج
وبقولج شي بس لا تعصبين وتزعلين
ترى البارت قصير ياليت اطولينه شوي
ومشكوووؤوؤره

 

[Ro7ii T7bk!]

واااااي حرررام
كسر خاطري عبود
كملي حبيبتي ناطرينج
وبقولج شي بس لا تعصبين وتزعلين
ترى البارت قصير ياليت اطولينه شوي
ومشكوووؤوؤره

انشالله حبيبتي لاعادي مافي شي يزعل وانشالله بطول البارت 7

 

[Ro7ii T7bk!]

شدعواااااا مافي احد معبرني ابي تشجيع بنات عشان اكمل

 

[كاسبرينوو]

بليييز يلا متى ينزل الباارت ال7

 

[Ro7ii T7bk!]

بليييز يلا متى ينزل الباارت ال7

انشالله باجر لانه انا منزله 3 بارتات ويابعض وماشفت تفاعل الا من جم وحده ومادري يمكن مااكمل

 

[Zoz.Q8]

وااااي حرااام عبود كسر خاطري :eh_s(2):

تسلم ايدج دلم على البارتاات :eh_s(7):

الرواايه روعه ناطرين البارتاات الياااايه :rerrerek:

 

[sweet_girl96]

Hii :* 7bebtii Tslm edich 3la hil.story jd jd 7lwa rw3a b3d

Ksr 5aa6rii 3bod 7raaam anwar tynen .. Waiting u 7ubii la 6wleen plz​