موقف صارلي بالجمعية لو كنتوا مكاني !

[fofo 93]

اي هذي بجمعية اليرموك طلعت محترفة

 

[مظلومة حيل]

اي حتا انا قبل شهر كنت بسوق بالفحيحيل و وحدة تطر مثل سالفتج و الاجار يبي كسرت خاطري و مديتها ب ٥ و قالت اي بعد زيديني و انا انصدمت قلت ما عندي فلوسي حدهم حدهم و اغلب الوقت تدعي و تمشي وراي اقول بقلبي لو معطيتج دينار اريح استغفرالله



شكلهم طايحين بهالسالفة استغفرالله يعني من وين نجيب بس مفتحين عيونهم علي فلوسنا حسبي الله ونعم الوكيل

 

[bent_elnuor]

خواتي

ديرو بالكم اذا جا احد يطلب منكم فلوس

لا تطالعون بعيونهم

لانهم بنظرات العيون يقومون يتغيب العقل مؤقت الين ياخذون كل اللي معاكم

الموقف حصل لأمي ولولا الله ثم صاحب المحل لما صرخ على امي جان كل فليسات امي معاها

انتبهو انتبهو انتبهو

لا تطالعون بعيونهم

الله يكافينا شرهم​

 

[قلب طفـــله]

جزاج الله خير صادقه ولا لا دفعة بلا حبيبتي ؛)

 

[درب الخير دربي]

انتي ان شاء الله. على نيتك والله يقبلها لاتحسفين

 

[بـ سـ كـ وتـ ة]

حبيبتي انتي ما قصرتي يزاج الله خير

احتسبي الأجر وان شالله ما تضيع عند رب العالمين

مرة سمعت إن ما يصير ما تعطين السائل لمجرد الشك

خصوصا إذا اهو فعلا محتاج وانتي عندج بس ما تبين تعطينه بناء على شكج

خلج عالسيف سايد وعطيهم من الخير اللي عندج يمكن فعلا تشكلين فرق في حياة شخص محتاج

وبنفس الوقت لا تخلينهم يستغلونج، أدري أعرف شعور اللي انتي خلاص عطيتي وما تقدرين تعطين زيادة وأحد واقف جدامج يحن

تخنقج العبرة وتقولين ابتلشت فيها بس ما عليه، خلج عالنية وعطي بحدود

وان شالله الله يفتح لج أوسع أبواب الرزق على نيتج الطيبة

 

[فيلجاويه كيوت]

هالاشكال ماينعطون وي انا قصو علي مره وحقدت وماقمت اعطي

احس ان نشجعهم اذا عطيناهم

 

[fofo 93]

خواتي

ديرو بالكم اذا جا احد يطلب منكم فلوس

لا تطالعون بعيونهم

لانهم بنظرات العيون يقومون يتغيب العقل مؤقت الين ياخذون كل اللي معاكم

الموقف حصل لأمي ولولا الله ثم صاحب المحل لما صرخ على امي جان كل فليسات امي معاها

انتبهو انتبهو انتبهو

لا تطالعون بعيونهم

الله يكافينا شرهم​

وااي صج احس بس طالعت دخخت ? انشاء الله انتبه اكثر

 

[ales2007]

حبيبتي انا رايي انك كنتي تاخدي بضاعة بقيمة اللي دفعتيهلها لان كده والله هيتشجعوا علي التسول ودلوءتي كتروا اوي او قوليلها الله يسهلك وطلعي المال اللي تحبي تتصدقي بيه في الجمعيات الخيرية لانهم بيعملو بحث عن حالة الشخص ومش بيدو غير المحتاجين

 

[ales2007]

خواتي

ديرو بالكم اذا جا احد يطلب منكم فلوس

لا تطالعون بعيونهم

لانهم بنظرات العيون يقومون يتغيب العقل مؤقت الين ياخذون كل اللي معاكم

الموقف حصل لأمي ولولا الله ثم صاحب المحل لما صرخ على امي جان كل فليسات امي معاها

انتبهو انتبهو انتبهو

لا تطالعون بعيونهم

الله يكافينا شرهم​

اعوذ بالله تقصدي *** يعني الله يكفينا شرهم والله خوفتيني اخرج لوحدي

 

[دآآآنــه]

و الله انا لم كنت اشتري اثاث شقتي صار نفس الموقف و تقول تونا جاين من سوريا من يومين و لا عندنا سكن الا صاحب المحل افغاني يقول هذي لها ٥ سنوات كل يوم على نفس الحال بس الاجر ما يضيع عند الله ان شاء الله

​

 

[ام نورهam]

لج الاجر اذا صادقة او كذابة بس لاتعطين وجه ترا في منهم مايستحون يشوفك طيبوبة والله خلاص تبتلشي فيهم مرة حصل لي موقف انا وزجي في السوق وقفنا عائلة سورية واحد وزوجته وعياله ابي فلوس مو معاي وابي عمل زوجي قاله انا موظف ماااقدر احصلك الي بقدر عليه بعطيك فلوس وراح عطاه 10 صراحة انا عصبت مو بخل لا ياااخوي اشلون دشيت الكويت وبعيالك وانت مو معك حق شئ يعني لو صادق ماكان يبهدل مرته وعياله شئ يعصب وربي

 

[pupa_990]

هل اشكال ما تعجبني و نصابين
تبين تتصدقين اتوقع العمال تارسين الشوارع و هذيل الي صج مساكيـن
و في اكثر من طريقه تتصدقين فيهـا
بس الي قلتـي عنها اغلبهم نصـابين
بس جد توهقتي فيهـا عـدل لووول

و ترا الوظايف تارسه الديـرة خل يتوظفون
مشكلة الناس الي فيهم حب لل عتماد ع الغير و الكـسل الزايد و حب للـطراره

 

[أميرة-]

شرايج مره انا وزوجي رايحين مستشفى خاص وعلى مايجي دورنا قعدنا نتقهوا بالقهوة اللي عند الريسبشن جان تجي لنا عجوز مبين سوريه بس تتكلم كويتي مكسر وتمسك بزوجي تكفى ياوليدي انا سويت تحاليلي واشعتي هني وبقى لي 20 دينار فتح زوجي بوكه وعطاها اللي فيه كله كان خرده جان تقول لا انا ابي 20 وتلتفت علي تبيني اكمل المبلغ قلت عاجبج ولا عطينياهم بعد هذا الموجود

شي عجيب

 

[ملامح بريئة]

توبه معاد امر عليهم لحقتنا وحده بالسوق وقعدت تشكي قدام الحريم بالمحل ودراعتها مشقوقة ولابسة برقع وانا من بد الناس لمست ايدي متعمدة وتلحقني للمحل الثاني وتدعي لولدي اللي معاي وافك البوك وبدون شعور اعطيها مبلغ واللي بالمحل البياعات قالو هذي وظيفتها يوميا جذي تمثل

 

[ملامح بريئة]

المشكلة في اشكال اعرفها بالسوق لازالت لها سنين نفس المكان تطر فيه الحمدلله عالعافية

 

[keka89]

دام حنه عليج جذي ولزقت يعني اشكرره جذابه وشافتج بنوته بروحج وطيبه واستحيتي منها فقالت خلني اقزرها هلاشكال يبيلهم وحده نوريه لسانها يلعلع وماتتستحي عشان تعرف ترد عليهم وهم يمكن صج مسكينه وضلمناها فاحتسبي الاجر عند الله انتي نفس اختي أي احد يقولها محتاج تصدقه وتعطيه الي فيه النصيب وزياده ودايما اقولها جذااابين والله جذابين ويمثلون خيروحون بيت الزكااه ووويع حتى الرييايل يطرون شطوله وشعرضه وشوارب ولحيه ويطر ياخي روح اشتغل كلنا نشتغل ترى

 

[keka89]

المشكلة في اشكال اعرفها بالسوق لازالت لها سنين نفس المكان تطر فيه الحمدلله عالعافية

أي والله السوق سالفه ثانيه خصوصا الأسواق الشعبيه

 

[keka89]

شرايج مره انا وزوجي رايحين مستشفى خاص وعلى مايجي دورنا قعدنا نتقهوا بالقهوة اللي عند الريسبشن جان تجي لنا عجوز مبين سوريه بس تتكلم كويتي مكسر وتمسك بزوجي تكفى ياوليدي انا سويت تحاليلي واشعتي هني وبقى لي 20 دينار فتح زوجي بوكه وعطاها اللي فيه كله كان خرده جان تقول لا انا ابي 20 وتلتفت علي تبيني اكمل المبلغ قلت عاجبج ولا عطينياهم بعد هذا الموجود

شي عجيب

تبي تكسر خاطره انها مريضه ومحتاجه فلوس

ويمكن صاجه هههههههههه بس هم مو معناته تلزق

تشوف احد يكملها المبلغ

 

[om_ibrahim]

الله يكون فعونج اشلون استحملتيها حدها تنرفز عطيتيها المقسوم لازقه شحقى

الله يكتب لج الاجر ان شاء الله