موقف محرج......؟؟؟

[كلنا نحب الكويت]

حلو موضوعج

مره كنا امسافرين مكه ابسياره ورحنا الطايف معاها وكنا تعبانين اندور شقه بالطايف وانا قايله الزوجي انزل شوف الشقه قبلي اهم شي الحمام يكون عربي ونظيف غيره ما اقعد فيها

ووصلنا شقه نزل زوجي قبلي وبعدين قال يالله انزلي والسويج بالسياره كنا امشغلين المكيف

والا شسوي؟؟؟؟




صكيت دقمة الباب مالي من داخل ونزلت وصكيت الباب لما ردينا السياره الا امصكره والسويج داخل

واوي واوي

طاح فيني زف

واضطر يكسر الدريشه اللي ورا عشان يفتح الدقمه بيته ويفتح السياره والله جتني بجيه من كثر مازفني هع

غيمة عطر تسلمين حبيبتي كلج ذوق
وسالفة السويج دايما تصير بس بالسفر صعبه

 

[كلنا نحب الكويت]

وييييييييييييييييييييييييييييييييي اذا علي طيره الطياره انا وريلي تمون علينا هالسالفه ..فظيعين بالتاخير انا وياه ))
مره كنا رايحين البحرين وطبعا تاخرنا عالطياره وعلي ما وصلنا الا طايره الطياره وهادتنا قعدنا انا وياه محنا عارفين شنسوي ..الكويتيه قالولنا ماكو رده الا يوم الاحد يعني عقبها ب4 ايام واحنا بنرد ورانا دوامات ..شهالوهقه قلنا ماكوفايده ماكوالانحول طيران ثاني وصج غيرنا عالخليج الطياره باجر ..طلعنا نبي السياره الي كنا ماجرينها والا راحت علينا ..اجرنا وحده ثانيه ورحنا ندور فندق ماكو كله غالين نبي شي علي قد الفلوس الي بقت معانا ماكو ))
واخيرا لقينا شقق فندقيه وقعدنا من باجر عبالكم رحنا مبجر ؟؟لا هم متاخرين بس هالمره قلتله انت انطر تحت لاترد السياره الالما نتطمن ان احنا طايرين ..اشوه طلعت اوكي وردينا
الاسبوع الي وراه رحنا لان ريلي يدرس هناك والا هم نتاخر وتطير عنا الطياره بس هالمره كنا حاجزين عالجزيره ونقعد ننطر والا شنو طلعت االجزيره اذا طارت الطياره تروح التذكره ..راحت علينا فطسنا من الضحك انا وياه قلتله جنها تذكره سينما ان مادشيت الفلم راحت عليك رحنا ندور طيران ثاني الحجي هذا الساعه 8 الصبح لقينا حجز عالخليج الظهر والا يقولي ريلي يلا بوديج اونسج جدامنا وقت وايد لي الظهر قلتله مابي اطلع من المطار قالي لا اشدعوه عادي امشي يمدي ..ورحنا فراره ووناسه وعقبها قلتله خنروح مطعمنا المفضل وداعيه نتغدي فيه وراح علينا الوقت ونسينا ان طلعه دوامات ومدارس تصك الشوارع
ويييييييييييييييييييييييييييييع ...تاخرنا طبعا ويوم وصلنا قلتله انت روح رد السياره وانا اصعد اطلع بوردنغ خنلحق ..ووووووصلت باخر لحظه طبعا الكاونتر مسكر ولا القا الموظف بحريني قام يدق عليهم يقول بالتلفون (يا معود سفرهم هذي الكوييته وزوجها ان ماطارو بهالطياره بتطير عنهم الي وراها ..اخذهم وريحنا ) وركبنا وردينا )

ههههههههههههههههه وااااااي مت من الضحك
إي والله فضيعين بالأخير

 

[كلنا نحب الكويت]

رفع
رفع

 

[كلنا نحب الكويت]

يلا يابنات وين مشاركاتكم
ومواقفكم الحلوه

 

[!!.. غير البشر ..!!]

اذكر مره كنا رايحين دبي وبيوم ردتنا الكويت كنا رايحين سيتي سنتر
كنا انا وامي واخواني 4 وخالاتي 2 وخالي وجدتي
عاد بسيتي سنتر باجي ربع ساعه عالطياره وخالي الحبيب يلعب
رحنا المطار نركض وقشنا وحالاتنا وجدتي بصووب يمه ضحك ضحك
يووم وصلنا الطياره لقينا الكابتن طالع لنا يااي احراج
=)

 

[جنى q8]

يسلمووووو ع الموضوع الحلو

مره كنا بمكه بعد الصلاه دخلنا المجمع الي جدام الحرم وانا واخواني نتمشى:ada:
جان اشوف محل مكياجي قلت حق اخوي بدخل قالي يالله احنا بنفس اللاين خلصي ولحقينا
قلت له لا مارح اطول بس بشتري كحل قالي كيفج
المهم دخلت جان اقول حق الريال (( انا يبي كهل زين مال مكياجي بسرعه الله يكليك مو هذا مثل ماي لا مثل قلم ))

جان يقولي وش تبغين اختي وانا ها :eh_s(1:
ابي كحل قلم
قالي تبين شي ثالي قلت لا تسلم :cxxxp:
وخذيت الجيس وركضه وما شوف وراي :RoadRunner:
ولا اخوي العود يقولي شفيه ويهج منصفق وقلتله وضحك علي ضحك :krkrkr::krkrkr:
فشللللللللللللللللللللله:dddds:

 

[كلنا نحب الكويت]

اذكر مره كنا رايحين دبي وبيوم ردتنا الكويت كنا رايحين سيتي سنتر
كنا انا وامي واخواني 4 وخالاتي 2 وخالي وجدتي
عاد بسيتي سنتر باجي ربع ساعه عالطياره وخالي الحبيب يلعب
رحنا المطار نركض وقشنا وحالاتنا وجدتي بصووب يمه ضحك ضحك
يووم وصلنا الطياره لقينا الكابتن طالع لنا يااي احراج
=)

ههههههههههههههههههههه:dddds:
أهلين غير البشر
مشكورة على المشاركة

 

[كلنا نحب الكويت]

:dddds:

يسلمووووو ع الموضوع الحلو

مره كنا بمكه بعد الصلاه دخلنا المجمع الي جدام الحرم وانا واخواني نتمشى:ada:
جان اشوف محل مكياجي قلت حق اخوي بدخل قالي يالله احنا بنفس اللاين خلصي ولحقينا
قلت له لا مارح اطول بس بشتري كحل قالي كيفج
المهم دخلت جان اقول حق الريال (( انا يبي كهل زين مال مكياجي بسرعه الله يكليك مو هذا مثل ماي لا مثل قلم ))

جان يقولي وش تبغين اختي وانا ها :eh_s(1:
ابي كحل قلم
قالي تبين شي ثالي قلت لا تسلم :cxxxp:
وخذيت الجيس وركضه وما شوف وراي :RoadRunner:
ولا اخوي العود يقولي شفيه ويهج منصفق وقلتله وضحك علي ضحك :krkrkr::krkrkr:
فشللللللللللللللللللللله:dddds:

:dddds:هههههههههههههههههههه

صج موقف يضحك
تسلمين على المشاركة

 

[كلنا نحب الكويت]

وينكم يابنات
وين مواقفكم المحرجة في المطار والطيارة
ناطرتكم وناطره مواقفكم

 

[miss_heathrow]

مره من المرات
احن على ابوي


يبا بسافر
يبا بسافر يبا ما يصير حر لازم نسافر ما نبي نقعد اهني ضيقة خلق
يا خنغير جو
يعني حنيت عليه حنه مو طبيعيه



مسكين الوالد عقب الحنه والرنه قال وين تبون قلنا اي مكان المهم طياره

قال ماليزيا
قلنا اوكي
والله ونروح نحجز وندفع وندفع السكن
ونروح ناخذ اجازات من الدوام

ونزهب جناطنا وننخبص ونعفس البيت فوق حدر بعد تدرون لازم العفسه قبل السفر والخبصه

ونقعد من الصبح بروح المطار
ودخلنا الجناط
الله يسلمكم واحنا قاعدين ندخل الجناط ولا جيكو على جوازي ولا منتهي !!!!!!!!!


لالالالالالالالالالالالالالالالالالالالالالالالالالالالالالالالالالالالالالالالا
ليش هالدقره شلون انا الوحيده منتهي
ما يصير
والله عاد صج ضاق خلقي
كلهم قالولي حنتج تييب الفقر مو زين
عاد قلبناها ضحك وكنسلناها لي الشهر الي وراه
ما تسوى الخبصه والفرحه اللي كنا فيها

 

[Miss Seven]

موقف مضحك ..
أختي و خالتي تهاوشوا مع راعي التاكسي لأنه قص عليهم بالسعر و نزلوا من السيارة .. و بعدها كل ما يركبون تاكسي أهو لاحقهم و منزلهم من التاكسي ههههههههههه .. ما تتسوى عليهم من جد تبهذلوا حييل وقتها ..


أما موقف محرج ..
أنا يعنني بـ أتفسلف إنجليزي مع وحدة لندنية .. اليهااال أزعجووني و أهي تضحك عليهم و بـ أقولها بليز أخذيهم معاج لندن .. جان أقولها please give them to london .. المفروض بدل give اقول take بس مخي ضارب وقتها مادري شكو give هههههههه

 

[كلنا نحب الكويت]

مره من المرات
احن على ابوي


يبا بسافر
يبا بسافر يبا ما يصير حر لازم نسافر ما نبي نقعد اهني ضيقة خلق
يا خنغير جو
يعني حنيت عليه حنه مو طبيعيه



مسكين الوالد عقب الحنه والرنه قال وين تبون قلنا اي مكان المهم طياره

قال ماليزيا
قلنا اوكي
والله ونروح نحجز وندفع وندفع السكن
ونروح ناخذ اجازات من الدوام

ونزهب جناطنا وننخبص ونعفس البيت فوق حدر بعد تدرون لازم العفسه قبل السفر والخبصه

ونقعد من الصبح بروح المطار
ودخلنا الجناط
الله يسلمكم واحنا قاعدين ندخل الجناط ولا جيكو على جوازي ولا منتهي !!!!!!!!!


لالالالالالالالالالالالالالالالالالالالالالالالالالالالالالالالالالالالالالالالا
ليش هالدقره شلون انا الوحيده منتهي
ما يصير
والله عاد صج ضاق خلقي
كلهم قالولي حنتج تييب الفقر مو زين
عاد قلبناها ضحك وكنسلناها لي الشهر الي وراه
ما تسوى الخبصه والفرحه اللي كنا فيها

ههههههههههههههههههههههههه
هههههههههههههههههههههههههههه
هههههههههههههههههههههههههههههههههه
صج موقف يضحك:dddds:

 

[كلنا نحب الكويت]

موقف مضحك ..
أختي و خالتي تهاوشوا مع راعي التاكسي لأنه قص عليهم بالسعر و نزلوا من السيارة .. و بعدها كل ما يركبون تاكسي أهو لاحقهم و منزلهم من التاكسي ههههههههههه .. ما تتسوى عليهم من جد تبهذلوا حييل وقتها ..


أما موقف محرج ..
أنا يعنني بـ أتفسلف إنجليزي مع وحدة لندنية .. اليهااال أزعجووني و أهي تضحك عليهم و بـ أقولها بليز أخذيهم معاج لندن .. جان أقولها please give them to london .. المفروض بدل give اقول take بس مخي ضارب وقتها مادري شكو give هههههههه

ههههههههههههههههههههه

صج ما تسوا عليهم:dddds:

 

[عمة فهودي]

خوش موضوع

انا بقولكم سالفه تفشل حدها حدها



مره كنا بتركيا ومرشد السياحي تركي

يتني رفيجتي اللي معانا بالقروب وامي معاها وامها والقايد ميتين من الضحك

قلت لهم خير شفيكم جان تقولي رفيجتي يه يه يه شعلييج المرشد السياحي التركي يمدح فيج واهوا كان واقف معاهم

جان ابتسم واقوله ثنكيو شكرا شكرا والكشره من الاذن ليما الاذن

واقول حق امي يحلييله جان تقولي امي لا اهوا عباله تركيه اول شي وخطبج مني

جان ابقق عيوني قلت خير؟؟ خطبني يالله عاد بس خل ياكل خراه قليل الادب

سوري على الكلمه بس هذا اللي صار اعذروني لاني انصدمت

والا يقولي لماذا يا اختي جان ينصفق ويهي

طلع الاخ يدرس المحاماة باللغه العربيه

عبالي ما يعرف عربي خذيت راحتي


والقروب كله ضحك علي

وانا مفتشله اطالع ويه المرشد

 

[عمة فهودي]

اي ومره كنا بالطياره

وقتها كنا رايحين تركيا واثينا وبنروح مصر

كنا على الطياران المصري

احنا ما كنا ما كلين عيش كلش كلش من يوم كنا بتركيا واثينا

والطياره المصريه قالنا المضيف دياي والا لحم

كل وحده قالت اللي تبيه ولما يااب لنا والا شنو يطلع عيش

وانا ومعاي يمي رفيجاتي اللي بالقروب كنا حاطين هيد فون

وكانوا يمنا شباب زقرتيه وناس خليجيين اكثر شي

والا وحده من البنات بصوت عالي تقولنا :الــــــــــــــــلــــــــــــــــــــــــــــه عــــــــــــــــــــــيــــــــــــــــــــــــــــــــــــش
طبعا الكل سمع اهيا صوتها خلقه عالي بعد هيد فون حده الازعاج ما شاء الله عليها جنى مايكروفون
لانها حاطه هيد فون ما تسمع وتصرخ على بالها ما نسمع ويهنا صار احمر على اصفر من الفشيله طلعا طول الطريج واحنا بالطياره بس انقرص فيها ونجعمها ونزفها واهيا تقول بس عاد ما يسوا علي العيش اللي كليته طلع من خشمي

بس بعدين متنا من الضحك

 

[a7bkm]

هههههههههههههههههههههههههههههههههههههههههههههههه عمه فهودي عادي تصير باحسن العائلات والله احلى شي الواحد يكون على طبيعته عاد اهم شي طلع طعمه زين ولا خخخخخخخخخخخ

 

[كلنا نحب الكويت]

خوش موضوع

انا بقولكم سالفه تفشل حدها حدها



مره كنا بتركيا ومرشد السياحي تركي

يتني رفيجتي اللي معانا بالقروب وامي معاها وامها والقايد ميتين من الضحك

قلت لهم خير شفيكم جان تقولي رفيجتي يه يه يه شعلييج المرشد السياحي التركي يمدح فيج واهوا كان واقف معاهم

جان ابتسم واقوله ثنكيو شكرا شكرا والكشره من الاذن ليما الاذن

واقول حق امي يحلييله جان تقولي امي لا اهوا عباله تركيه اول شي وخطبج مني

جان ابقق عيوني قلت خير؟؟ خطبني يالله عاد بس خل ياكل خراه قليل الادب

سوري على الكلمه بس هذا اللي صار اعذروني لاني انصدمت

والا يقولي لماذا يا اختي جان ينصفق ويهي

طلع الاخ يدرس المحاماة باللغه العربيه

عبالي ما يعرف عربي خذيت راحتي


والقروب كله ضحك علي

وانا مفتشله اطالع ويه المرشد

هههههههههههههههههههه :dddds:
فشله

 

[كلنا نحب الكويت]

اي ومره كنا بالطياره

وقتها كنا رايحين تركيا واثينا وبنروح مصر

كنا على الطياران المصري

احنا ما كنا ما كلين عيش كلش كلش من يوم كنا بتركيا واثينا

والطياره المصريه قالنا المضيف دياي والا لحم

كل وحده قالت اللي تبيه ولما يااب لنا والا شنو يطلع عيش

وانا ومعاي يمي رفيجاتي اللي بالقروب كنا حاطين هيد فون

وكانوا يمنا شباب زقرتيه وناس خليجيين اكثر شي

والا وحده من البنات بصوت عالي تقولنا :الــــــــــــــــلــــــــــــــــــــــــــــه عــــــــــــــــــــــيــــــــــــــــــــــــــــــــــــش
طبعا الكل سمع اهيا صوتها خلقه عالي بعد هيد فون حده الازعاج ما شاء الله عليها جنى مايكروفون
لانها حاطه هيد فون ما تسمع وتصرخ على بالها ما نسمع ويهنا صار احمر على اصفر من الفشيله طلعا طول الطريج واحنا بالطياره بس انقرص فيها ونجعمها ونزفها واهيا تقول بس عاد ما يسوا علي العيش اللي كليته طلع من خشمي

بس بعدين متنا من الضحك

ههههههههههههههههههههههههههه
ههههههههههههههههههههههههههههه
يحليلها رفيجتج

 

[أسيـل الجـــرح]

كنت بماليزيا ويا بو الشباب واحنا بالمطار بنرجع الكويت ولا يطلع علينا وزن 380 دينار انصعقنا لان جناطنا كانو 3 وقمنا بطلنا الجناط جدام الناس وطلعنا بعض الاغراض قطيناهم مثال الاوتي وبو الشباب ماخذ بطول ماي حاطهم بجنطتي لما وصلنا 100 وشي طبعا انا الي دفعتهم .. هذا الموقف الاول اما الثاني خبركم اسيل لما تسافر شتسوي تاخذ جنطه سحب وتحطها بوحده اكبر علشان لما اشتري احطهم بالكبيره فتعالوا شوفوا المواقف لما بنروح جزيره مثلا من كوالالمبور الى لنكاوي الناس كلها تخز جنطتي لانهم ما ياخذون الا السحب وتكون صغيره وكل ما امر يم احد يتوشوشون ويخزوني ياربي وين اوديهم يعني اخرتها جان تمسك جنطتي سائحه امريكيه وتتطنز جان اتبوسم لاني مابي اعطيها مجال تسولف اخاف اتوهق ما اعرف ارد

 

[كلنا نحب الكويت]

كنت بماليزيا ويا بو الشباب واحنا بالمطار بنرجع الكويت ولا يطلع علينا وزن 380 دينار انصعقنا لان جناطنا كانو 3 وقمنا بطلنا الجناط جدام الناس وطلعنا بعض الاغراض قطيناهم مثال الاوتي وبو الشباب ماخذ بطول ماي حاطهم بجنطتي لما وصلنا 100 وشي طبعا انا الي دفعتهم .. هذا الموقف الاول اما الثاني خبركم اسيل لما تسافر شتسوي تاخذ جنطه سحب وتحطها بوحده اكبر علشان لما اشتري احطهم بالكبيره فتعالوا شوفوا المواقف لما بنروح جزيره مثلا من كوالالمبور الى لنكاوي الناس كلها تخز جنطتي لانهم ما ياخذون الا السحب وتكون صغيره وكل ما امر يم احد يتوشوشون ويخزوني ياربي وين اوديهم يعني اخرتها جان تمسك جنطتي سائحه امريكيه وتتطنز جان اتبوسم لاني مابي اعطيها مجال تسولف اخاف اتوهق ما اعرف ارد

:dddds:
مشكورة على المشاركة