مو راضي يطلع صوري .............

[BiiShOoO]

الله يعينج

شتسوين بعد


خلاص اخوانج ينطرون و دفعلي فلوس الصور

 

[شنكولة]

طلعيهم من معاشج

 

[sweet dashttya]

رد : مو راضي يطلع صوري .............

up up

 

[noo7a]

رد: رد : مو راضي يطلع صوري .............

يمكن ريلج نفس وضعج عنده التزامات وبيسدد تكاليف العرس ماتدرين شنو وضعه !

فهمى أهلج أنج هالشهر ماتقدرين وصدقينى بيقدرون وضعج بس لاتقولين لهم السالفه عشان لايكشون منه

عدل
و اتذكرنصيحه مرت اخوي للزواج قالت لي لي بغيتي شي روحي انتي وياه و وقت الدفع صعبه يخلي المرا تبطل بوكها جدام الناس تدفع و اهو واقف و اكيد اهو بيدفع. <<<< شكلها مطبقتها على اخوي لوووول

 

[frashaq8]

رد : مو راضي يطلع صوري .............

الله يعينج ،،
انشالله الأخوات يفيدونج،،،

 

[opera]

رد : مو راضي يطلع صوري .............

انا اذكر كنا دافعين عربون حق المصوره وباقي النص

عاد دقت علي عشان اروح اختار الصور اللي ابي اطلعهم جان ريلي يوديني وقعدنا نختار الصور مع بعض

ولانه الصور كانت مو ذاك الزود جان يتهاوش معاهم وطلع منهم البوم هديه وكل الصور حتى اللي ما اخترناهم حطولنا اياهم على سي دي

وبالاخير اهو اللي كمل المبلغ عادي

انتي لا تتهاوشين معاه على سالفت قلوس لانه اغلب الرياييل ضد العروس والصرف والمخاسير فيها فعشان جذي ممكن يكون اهو قاط وايد عالعرس مافيه شده بعد يدفع عشان الصور

بعد هالايام الصور مو ب100 ولا 200 حتى التصوير صار فنتق ومكلف

 

[reem83]

ابصراحة فشلة تطلبين من اول شي , ترى الحمولة يقولون صورت واختارت المصورة وتبي ولدنا يطلع صورها ترى ينقدون على هالسالفة فا تلاقينه اهو اصلا نقد , اخوانج خل يصبرون والمفروض ماتشكين له جذي انج متسلفة لان راح يقول اخونها مايساعدونها ولا يصبرون عليها
انا اقول خلي سلف اخوانج واذا مستعجلة على الصور طلعيهم قبل

 

[حياتي فراغ]

رد : مو راضي يطلع صوري .............

أنا طرشت ريلي اييبهم من المصور وبعد ما استلمهم قالت له المصوره ادفع 300 قال ليش مو مدفوعين قالت / لا بس الغربون مدفوع
دفع حبيبي وماناقش ...

 

[قنــــــــــوت]

رد : مو راضي يطلع صوري .............

بصراحه صوري انا طلعتهم ..وماطلبت منه ابدا ..
استحيت ..شبيقول الريال ... من اولها مخاسير وطلبات ...!!

بس متأكدة لو كنت قايله له ..ما راح يتأخر ... وبيدفع دايركت ..يعني توني عروس وجذي .. مو حلوه يبين لي انه بخيل حتى لو اهو جذي صج ..

بصراحه زوجج وضعه مريب ...

الله يعين ..

 

[العجميه سبشل]

المفروض انتي حاسبه حسابج قبل العرس
انا خواتي كلهم وحريم اخواني بعد حاطين ميزانيه خاصه حق الصور

بس عادي لاتحاتين اذا ماقدرتي تطلعينهم هالشهر طلعيهم الشهر الياي

 

[عبااير]

مومجبور يدفعهم
انتي دفعيهم والله يعينج

 

[@ دلوعه زوجها @]

رد : مو راضي يطلع صوري .............

انا والله استحيت لا اطلب منه و انا توني عروس
ف دفعتهم ,, و اساسن ابوي كان دافعلي عربون قوي


بس نصيحه لا تضغطين على الريال خصوصا اول الايام

علميه ان يصرف عليج و عوديه
يعني علميه ان الماجله و فاتورة التلفون و السينما و المطاعم كلها عليه

هذي اشياء بسيطه بس بتحسسه بالمسؤوليه


و صور العرس لاحقه عليهم

 

[ياشايل الظبى]

حبيبتى المفروض حاطتها بميزانيه العرس

على العموم طلعيها من عندج وخلى اخوانج يصبرون عليج شوى

 

[موني^حبيبي]

رد : مو راضي يطلع صوري .............

ماتكلمت عن الفلوس فشله انا يبت مصوره ودفعت لها واهوا بعد ياب لي ثانيه واهوا دفع لها

 

[جاذبيه الكويت]

ادعولي تكفون

 

[حبيبه بدر]

رد: رد : مو راضي يطلع صوري .............

ميخالف لا تسوين مشكله وانتي توج عروس
دفعيهم من معاشج وقولى حق اخوانج الشهر الياي اعطيكم او خليهم الشهر الياي اخذيهم مافيها اى مشكله مو لازم تاخذينهم الحين

نفس رايها باضبط احسن لج وبعدين مدري لو انا استحيت اطلب منه

 

[غمزه وإبتسامه]

من اولها جذي !!!!
يمكن ماعنده !!
طلعيهم الشهر الجاي
مووفقه

 

[قَلبڪْ صًخرْ]

يبه احفظي ماي ويهج وطلعيهم
بعد قالج اشكره
وخواتج ينطرون

 

[نـور الكويت]

يا قلبي ادفعي صورج وبعدين عطي اخوانج بيعذروووونج ....


وعسى الله يتمم عليكم يارب العالمين

 

[a7la_7b]

عادي دفعيهم انتي يمكن هو عنده التزامات ومفلس