مو صج اللي سواه الدكتور اشفيهم الدكاتره؟؟ما يخافون الله؟؟ عطوني رايكم يا بنات

[دلوعة صلوح]

الله يعينج ويشافيج يارب العالمين.

 

[am faisal]

حبيبتى من قالك ان عندنا دكاترة قريبتى ولدها انتفخت عندة الغدة اللى تحت اذنة وهو صغير واشتغلو علية كيماوى والحين جسمة عادى بس الوجة النص اللى مشتغلين علية بالكيماوى ماينمو والصوب الثانى عادى وودوة اهلة للندن وهناك الصدمة انة سليم وما كان يحتاج جلسات الكيماوى اللى عطلت نمو الفك الطبيعى عندة وما فية علاج لة يعنى شوهوة حسبى اللة عليهم

 

[بنوته كيكه]

لحول الله انا مو غريبه حالتج
ترا اكبر الدكاتره حقير وذل الناس واللهم شوفي اخوي عمليته صعبه وكلهم واحد تنذل
يقول ماجود في الكويت واهي صعبه اصل الطيب والدكتره في الكويت فاشل الي ابعد الحدود
والي يقول الكويت فيها طب وعماليات يسون بقول عكس الدكتور قصاب وغرفة العمليات ساحة التعذيب
سوي اورقج وعلاج في الخارج

 

[مسوووكه]

استغفر الله
استغفر الله
استغفر الله

 

[*ماي الورد*]

اذا العملية مكللفة وايد
سويها برا و لاتقطين فلوسج عليه

 

[freethinker]

انا انصحج دام بتقطين تقطين طقي تذكره وسافري وعالجيها بره ! دام كل دكتور يقولج حجي غير والاخير يقولج الجرح يسببلج هالمشكله وبيسويلج عمليه يعني بيجرحج شالفايده ؟ وواضح انه مرضج نادر يمكن عشان جذي مو الكل عارفله اتوقع

وانشالله سهالات .. بس اذا سالفة فلوس ترى الفلوس تروح واتيي المهم صحتج ! وترى الدكتور الشاطر يبين عليه من طريقة كلامه والخواره يبين انه مايفهم شي والله يشفيج انشالله

 

[نورالدنيا***]

اسال الله العظيم رب العرش الكريم ان يشفيج شفاء تام حبيبتي عليج بالرقيه الشرعيه


حاولي تسافرين الخارج علاج حالتج تسمح

حاولي تيبين واسطه

 

[مسوووكه]

انزين بنات منو عنده فكره شلون اراسل الدكارته اللي بره ؟؟؟؟

 

[prettysoul]

الله يشفيكي
بصراحة غلطانة اللي ماذكرتي اسم الأطباء
علشان الأخوات يتجنبونهم
أنا من تجربتي في العلاج في العيادات الخاصة اكتشفت إنها تجارة
والطبيب اللي يمدحونه البنات يطلع موقد المدح
عزيزتي مشكلة إذنك مافهمتها بصراحة
لكن صدرك
يمكن لأنك كنتي تشمين عطر وكذا ترك ندبة كبيرة
لأن عندنا الوحدة من تكون نفاس أو مسوية عملية تشرب مر مع ميه دافية علشان غرز الخياطة ماتترك أثر كبير

 

[Eva-SS]

انا لو طحت بنفس الموقف مع دكتور مستحيل ارجع له لانه مو ثقة .. السالفة مو سالفة فلوس ممكن ادفع فلوس وانا اضحك اذا مقتنعه فيه بس الحركة اللي سوها مو حلوة لو اني منج مارجع له لو مافيه دكتور غيره


اذا المشكلة بسيطة بس شكلية ماله داعي تعالجينها ترا كلنا فينا عيوب بجسمنا بس نقول الحمد لله اهم شي الصحة .. اذا فعلا مضايقتج وتبين تعالجينها وانتي تقولين انج مقتدره طقي تذكرة للسعودية وسوي العملية اتوقع راح تطلع نفس السعر .. ارسلي لهم تقاريرج قبل شوفي الرد يسوون العملية او لا

 

[** رش رش **]

الله يشافيج يا رب
فعلا الطب صاير تجاره و احتكار بشكل مو طبيعي
انا من رايي ان موضوع مرضج الغريب هذا بما انه حيييل مضايقج و انتي متأزمه منه روحي عالجيه
و دام انه الدكتور الوحيد الي يقدر يعالجج استخيري الله وروحي عالجي عنده
و هو خليه لالله الي ما راح يضيع حقج وحق غيرج عنده

 

[مسوووكه]

بنات ادعوا لي بليز الله يشفيني .. يشافي جلدي من هالمرض

 

[أنا الثريا]

حبيبتي ماتشوفين شر...انا مابيدي شي الا اني ادعيلج
الله يشافيج ويحط بطريج العلاج ويفرج همج..والله هالاطباء الله لايبلانا فيهم ماكو منهم فايده
ذابحتهم المادية...زمن اغبر راحت الاخلاق​