مو صج حده بخيل

[ام شووووق]

رد : مو صج حده بخيل

الله يعينج

 

[زوزة النوفى]

رد : مو صج حده بخيل

مالج الا الاستخارة وبإذن اللة ربج يفرجها​

 

[الجفووول]

حبيبتي اهو من الحين جذي اذا ماوقفتيه عن حده وغيرتي طبعه صدقيني اذا ولدتي بالسلامه شوي شوي بيشيل ايده حتى من مصرف ولدكم بيقول ماعندي انتي اشتريله هدوم وحليب وبامبرز وهالسوالف ...

انا عن نفسي زوجي يعطيني ومايقصر وهم اشتري لبنتي من حسابي الخاص مااقدر امسك نفسي عنها

نصيحتي خلي بطاقتج عند امج واذا قالج قولي بطاقتي عند امي ومستحيه اقولها جيبيها



والله يعينج على طبعه بصراحه الا البخـــــل شي لا يطـــآق

 

[summer's day]

رد : مو صج حده بخيل

الله يسخره لج
برد عليج بنقطة القرض لأن صراحة ماعندي راي بالشغلات الثانية. إنتي غلطانة لما قلتي له عن القرض
المفروض تعطين أبوج من ورا ريلج وأي شي فيه فلوس المفروض الريال ما يعرف عنه... عطي أبوج ولا تردين على ريلج
قولي أبوي محتاج وهذا أبوي وما أقدر أرده ولو أبوك يطلب منك هالشغلة بترفض مثلا وتخليه يروح لفلان وعلان وعياله عنده؟؟
ما يصير وبر الوالدين واجب وهذا أقل شي أسويه لأبوي وحطيه جدام الأمر الواقع وإذا ما عصب وطنقر خلي أبوج يحاجيه ومصيره بطخ...
رضى الله من رضى الوالدين

 

[A S M A]

رد : مو صج حده بخيل

جزاكم الله خير يا بنات. وما قصرتو

محد خربه علي إلا أمي على بو أنه ستر وعلى قولتها أسكت لين أولد


وفي بعض النصائح أعجبتني وإن شاء الله أقول لكم آخر التطورات بس لاتقاطعوني

 

[A S M A]

رد : مو صج حده بخيل

جزاكم الله خير يا بنات. وما قصرتو

محد خربه علي إلا أمي على بو أنه ستر وعلى قولتها أسكت لين أولد


وفي بعض النصائح أعجبتني وإن شاء الله أقول لكم آخر التطورات بس لاتقاطعوني

 

[A S M A]

أبشركم طلقني لانه عرف أني خذيت قرض حق أبوي ههههههههههههه

فرقاه عيد

 

[عاشقة_الجمال]

شكووو تعطينه فلوووس وهو عنده راتب
والجمعيه شكوووو يدري عنها المفروووض ما تقووولين له

 

[بحة غياب !]

طلقج 
لــــــيش والله انه ماايستحي واحسسن انج افتكيتي منه

 

[Zaina-al-zaina]

يووووو من صجه طلقج !!!!

امبيه الله يقوي قلبج !!!

والله يرزقج بداله احسن رياااال !!!

صج صج شي يحز بالنفس !!!

 

[فلسفة جرح]

امبيه لهدرجه بخيل زوجج ولا فلس يبيج تصرفينه بعدين هو شكو بمعاشج اذا كان كامل ولالا يعني بطريقة غير مباشره وشوي شوي يبي يلتح كل معاشج انتي من الاول عودتيه تعطينه 20 دينار بعدين طلع له راس وكل شهر 50 دينار اذا عودتي الانسان تعطينه شي معين يتعلم عليه بطقاااق خله يزعل لا تفتكرين فيه لا تعطينه ولا فلس مايستاهل شي هذا اهلج اولى منه عطي ابوج 10 الاف وخلي هذا يولي زعل ولا قعد

 

[Tauoofa]

والله يقهر
شوفي حبيبتي لاتقولين له عن سالفه القرض ماله شغل اهم شي اهلج
ثانيا مره ثانيه اذا طلب منج فلوس لاتعطينه تعذري باي شي مره ومرتين وثلاث ويمل يطلب منج
الله يعينج عليه

 

[رتو الكيوت]

مشكلتج بسيطه فلوسج وبيدج !

قولي مالك شغل !!!!!!!!!!!!!

تفهم ؟

مالك شغل @@

والبيبي اخذي منه بالغصب وخاص اولدي وشغاله خلي اهو يجيب حمري العين عليه وخليه يولي هو شافج متساهله ولافلس حمر يسف منج حتى عشرين فلس وجمعيه شكو عليج مو عليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[رتو الكيوت]

اوة تو انتبه انه طلقج !

قلعته فرقاه عيد

وعلى فكره الحين تاخذين نفقه ولدج منه غصبا عن خشمه ض1

بالمحاككم مصي دمه هالجعص

 

[نبض خفوقي]

هذا ماخذج ع طمع ولا شنو
شوفي انتي خذي القرض واذا درا درا قولي قلت لك باخذ وخذيت لاهلي مو غرب لو انت ابوك طلب ماتعطيه..؟
وخليه يعصب وينطق لاتردين عليه واذا خلص قرضج قولي له انج بتستقيلين<< جذبي عليه وشوفي ردت فعله
اعوذ بالله الله يجيررنا من اطيح بواحد نفسه

 

[*peace*]

أبشركم طلقني لانه عرف أني خذيت قرض حق أبوي ههههههههههههه

فرقاه عيد

عيد وسعيد بعد :rgewrg:

حمدي ربج ماضيعتي من وقتج وعمرج معاه اكثر من جذي قطيعه بخيل معفن

 

[! بــدويه وآآيــد !]

،


للاسف لاتزعلين مني اسمحي لي اقولج اول غلطه غلطت امج اهي لما قال لها لازم نتساعد تقوله الرجال يشيل بيته والمره لو تقط 100 فلس ع البيت يعتبر صدقه وعيب ترضى مره تتصدق عليك الله يسامحها احس اهي الي فتحت عليج هالباب

الي لازم تسوينه الحين ماتقولين له داشه جمعيه او لا ولاتقولين له شنو بتسوين واذا ابوج يبي منج شي عطيه ولاتقولين لزوجج اهو لو يعطي اهله راح يقولج ؟

ولاتسلفينه نقديه على عمره قوليله كافي اني اصرف على نفسي تبيني اصرف عليك رجال شنب وطول بعرض ؟

اصلا انتي حيل غلطانه تشترين اغراض البيبي من فلوسج شكو ؟؟ والمستشفى اهو الي لازم يدفعه بس دام مايبي ومايبي حتى لو انتي بتدفعين ادفعي عشان نفسج وعشان راحتج

زوجج اول الايام قلتي تعب من التمثيل لا حبيبتي مو تمثيل هذا ، بيشوف مايتج من الحريم الي يبلعون العافيه ويدفعون ويرضون يصرف ع البيت والا لا وللاسف طلعتي مثل مايبي والحين كل ماله ويزيد يبي يجمد معاشه ويصرف بمعاشج ، زوجج نظامه لو متزوج وحده تخليه يدفع غصب وتشفط منه واذا قال شي تقوله الرجال مايعيبه الا جيبه جان تلقينها امشيته على كيفها ويدفع لها وهو ساكت

تبين نصيحتي ؟ طقي بريك قوي لاتجيبين خدامه انفسي ابيت اهلج واعتمدي عليهم وعلى خدامتهم واذا رحتي بيتج قطي البيبي عليه قولي بدش اتسبح وخليها تكون وقت رضعته عشان يأذيه وطولي بالحمام خليه يمووت يقولج تكفين تعالي بس واذا رحتي الدوام حطيه عنده قولي ماله غيرك اذا بتروح الدوام قطه على امي وجهزي اغراض البيبي خليه يبتلش فيه شوي
ولاتتعبين روحج بالاوتي وجذي كل اسبوع ملابسج وملابس البيبي وديهم بيتكم خل يسوونها لج انا اسوي جذي

 

[! بــدويه وآآيــد !]

أبشركم طلقني لانه عرف أني خذيت قرض حق أبوي ههههههههههههه

فرقاه عيد

،


استغفر الله من صجه ؟؟ ياماله الضعفه اي والله

هذا ذكر مو رجال اهم شي سلامتج وسلامة البيبي

وتكفيييييين ماوصيج بعد الولاده اذا قالج بردج ارفضي وهالله هالله نتفيه تنتف اطلبي سايق وسياره وخدامه وبدل إيجار بعد لاتسكتين اشفطي منه لما يقول بس طلعي كل فلس عطيتيه من عينه
واذا امج قالت هذا ابو ولدج والا شي قوليلها يمه والي يطولي بعمرج طعت كلامج مره وهذي النتيجه خليني الحين آخذ حقي

 

[صادقة بكلمتي]

والله مو عيب الزوج يحتاج وتعطينه بس يكون مريض بالبخل واناني ويستغل مرته لااااااااااااااااااااااااااااااا اهو ملزوم يصرف على مرته على حسب مقدرته بالدين بعدين اهو وين معاشه يروح شدعوة يحاسبج الله يهديه واهلج اهلج واهلج مهما صار لا تعطين مخلوق كان فرصه يحولج لعاقه اهم قبل تطونين ام وزوجه صرفوا ودرسوا وتعبوا وسهروا افا بس من ريايل جذي يعني لو ابوه طلب منه او من حمواتج ياخذونله قرض بمنع اخته اكيد لا حسبنا الله ونعم الوكيل اخذي موقف حازم واللي الله كاتبه بيصير واللع يوفقج ويستر عليج ويرزقج امييييييييييييييييييين وتقومين بالسلامة

 

[الأوركيدة]

اثبت انه مو رجال , الله يعينك حبيبتي بس جد فرقى هالاشكال عيد , لو ظليتي معه راح تتعذبين هالاشكال ماوراها الا التعب والظيم .