مو عارفة شاكتب في العنوان بس دخلوا ضروري وعطوني رايكم وعطوني حل

[MHAHM-BAH]

بسم الله الرحمن الرحيم

السلام عليكم ,,,


بنات انا بقول اللي عندي بدون مقدمااات ,,,


انا ترددت واااااايد قبل ما اكتب اللي عندي عشان اتقولون لي رايكم واستفيد من خبراتكم ,,,

وسامحوني بس يفظل ان اللي بيردون علي يكونون كبار شوية بالسن يعني فوق الـ24 سنه

لان الموضوع حساس وجاااااد لابعد الحدود وبصراحه انا في حيرة ومو عارفة شاسوي وشلون اتصرررف ,,,

انه من قبل كم شهر تعرفت على واحد حبيته وحبني وعاجبته وعاجبني ومناسب لي من كل النووواحي بس في 3 اشياء مهمة بحياة هالشخص يمكن لي عرفوا اهلي مابيوافقون انه يتزوجني ,,,

واهم انه اكبر مني ب 17 سنه ,,, انه عمري 21 وهوة عمره 38 ومطلق وعنده ولد وبنت ,,,


احنا متفقين على كل شي و الحمدلله مناسبين لبعض من ناحية التفكير ومن ناحية الاسلوووب ومن ناحية ان وايد اشياء متكاملين فيهااا يعني الحمدلله اناسب لبعض من ناحية ان اذا تزوجنه ,,, وانه عارفه عيوبه واقدر استحملهاا لان في عيوب تقدرين تستحملينها وفي عيوب لاء وهوة عارف عيوبي ومتأقلم معاهااا


واحنا متفقين ان بعد شهر اكلم اهلي عشان يتقدم لي وبصراااحة خاااااااااااااااااايفة واحاااااااااااااااااااااتي واااااااااااااااااااااااااااااااااااااااااايد موب عارفه شاقول شاسوي بشنو ابتديييي

ابتدي بمميزاااته ولا ابتدي بالاشياء اللي يمكن بتعيق هالمسألة موب عارفه شاسوي كلش يعني خايفة ابوي مايوافق و امي توافق واخاف ابوي يوافق وامي ماتوافق و احتمال كبير ان الاثنين مايوافقون خااايفة وايد دبرووني قولولي شاسويييي


قولولي شاسوي اشلون اخبرهم فيدوووني بخبراتكم لو سمحتووووووا


لاتدخلون الموضوع وماتكتبون لي شي لان بصراحة انه في حيرررررررررة ساعات اقول بس بتراجع وبتركه بس حررررررام لان مناسبني وااااايد واحس فيه من نظراته لي من اهتمامه انه شاريني وهوووا يدري ان اهلي مابيوافقون وفوق هالشي يقولي تراني شاريج وابيج بالحلال وبظل وياج لاتخافين مابتركج انه معاااج ,,,, احححببببه :eh_s(17): مناسبني وايد ياجمااعه ,,,

ادعوووولي الله ايسر امري ويفرج همممممي ,,,

و عطوني رايكم ,,,

 

[المرتاحة]

اختي امج وابوج ابخص وأخص أبوج اكثر لانه ما يعرف للرياييل غير الرياييل وخليج مع رأي اهلج سواء كان بالرفض او بالقبول، انا ما اقدر اقول لج وافقي او لا توافقين، بس حطي في بالج هل ممكن يرجع زوجته؟!احتمال ، وهل ممكن تتحملين تربين عياله؟ بصراحه لا تستعيلين لان همن بالعمر اكبر منج بوايد

 

[قمر بيت أبوها]

المنطق ان أهلك يرفضونه لان توك صغيره لا مطلقه ولا طاقه الاربعين عشان تأخذينه
وياروحي اتركي عاطفتك علي جنب وتكلمي بالمنطق
اكبر منك ب17 لو 9 ولا 10 وعزابي قلنا ميزه حلوه بس مطلق !
ومطلق معاه ولد وبنت والله أعلم كم أعماره !
والله أعلم وش سبب الطلاق ممكن عيب فيه ولا مصيبه جايبها لزوجته واطلبت الطلاق !
ومو معناتها اعجبتك صفاته معناته ززززين ياروحي الرجال عندهم مكر يقدرون يصيريون ملائكه لما يبغون الحرمه تنحني لهم وتعجب فيهم
ولما تصير بيدهم يطلعون انيابهم
وارجع اقول لك لا صار الرجال مطلق وعنده اطفال ادرسي الموضوع مليون مره لان احنا حريم ونفهم بعض
يعني بالمختصر المفيد تتوقعين انا ولا انتي ولا اي وحده هنا بتجيب ولد وبنت وتطلب الطلاق من غير سبب كايد ؟؟!!
اتركيه حبيبتي العمر قدامك تزوجي رجال قريب لك بالموصفات وعزابي مثلك
جربي كل شي بالحياه معاه خلي حتي اول طفل عندك يكون اول طفل له
اشري راحتك وفكررررررررررررررري لبعيد يالغلا
ونصيحه اتركيه لا تجرين لنفسك مصايب بكره ماتدرين بعد الناس مايخلون احد وانتي بنت حافظي علي نفسك من هالاشكال
ونصيحه ابعدي عنه والمواصفات مثل ماهي عنده عند غيره واهم شي الخلق الزين هو اللي يبقي غيره يتغير
الله يوفقك ويستر عليك ويرزقك بالرجال الكفوا اللي يستاهلك

 

[دلوعة صلوح]

الله يكتب لى فى خير لج يارب.

 

[MHAHM-BAH]

خواتي المرتاحة وبيت ابوهاا ودلووعة صلوحمشكورين على المرور ويزاكم الله الف خير ,,,

بالنسبة لسبب الطلاق اشوفه مقنع لان حلفته انه يقولي الحقيقة و السبب ان اللي كان متزوجهاا ماكانت تعرف فالدين وكانت ماتصلي وفوق هاذة السبب الاساسي للطلاق اهوو الخيانه ,,,

شافهاا مع ريال غيره واهي اصلا ماتزوور عيالها كلش مع ان مخصص لهاا من قبل المحكمة 3 ايام بالاسبوع زياارة تشوف عيالها بس اهي ماتبيهم وهو مطلقها من 6 سنواااات و لان طلقهاا بسبب الخيانه فمستحيل يرجع لهااا ,,,

وعياله كباار مو محتاجين احد يربيهم ,,,

بصرااحة انة مشوشة ومو عارفة اشلون افكرررر وفي حيرة من امري ,,,

 

[Tom ♥ Jerry]

.


لحظه لحظه !!!!

انتي ليش قاعده تسبقين الاحداث يعني :|
اول شي خليه يتقدم لج و يكلم ابوج رسمي بعدين ابوج عاد يقولج رايه أهوة و آمج

و مو حلوة ترا بحق ابوج تقولين له كنت اعرفه و مطلق و عنده ولد و بنت ووووو آلخ
خليه ابوج يسآله و يعرف منه احسن مما يعرف منج احس عيب !! :/

و الي مكتوب عالجبين بتشوفه العين على قولتهم
يعني لو هالريال نصيبج راح تاخذينه و اذا مو نصيبج ماراح تاخذينه
لو نصيبج الكل بوافق امج او ابوج و حتى لو ما وافقوا اذا الله كاتبه لج بتاخذينه

و الصراحه اهم شي رضا الام و الابو و كل شي يتعوض
انتي بعد صلي استخاره ترا مو شي سهل مثل ما انتي حاطه في بالج
تاخذين واحد مطلق و عنده بنت و ولد شي صعب
بس عشان انتي حابه الريال تغضين البصر عن السلبيات الي فيه ؛)

فكري و استخيري و خليه يتقدم و يصير خير بعدين :*

 

[لحظآتَ]

بقولج شغله
أولاً .. صدقيني اي 2 يحبون بعض .. مستحيل يظهرون عيوبهم [ الحقيقية ] قدام بعض !
بيحرص كل واحد منهم يظهر بصورة مثاليه وحلوة قدام الشخص الثاني
يعني العيوب اللي تتكلمين عنها وتقولين اقدر اتأقلم وياها
مالها شغل بالحياة الزوجية ...
لا تزوجتيه راح تطلع بلاوي ما كنتي تعرفينها .. لإنج عاشرتيه واقعياً
مو افتراضياً .. على سبيل انج مجرد حبيبة !!!

,


ثانياً النصيب يصيب لو نصيبج بيتقدم لج وبيوافقون ..
لو ما وافقوآ .. طيعي اهلج ..
صدقيني ياما ناس اعرفهم تزوجوا غصب عن اهلهم وما توفقوا كلش !!
طاعتهم فيها بركة سبحان الله

 

[Mjnont '3lay]

حبيبتي عن تجربه بسألج سؤال واحد اهلي سألوني اياه
انتي نفسج لا تسألين امج ولا ابوج ولا تسألينا انتي اسالي نفسج ياقلبي يعني جذي اقعدي بينج وبين نفسج واسالي نفسج انا رح اقدر اربي عياله احسن تربيه واذا جبت عيال رح اعدل بينهم كلهم ورح اقدراعيش مع مطلق ورح اقدر اكون ونعم الزوجه له وانا بهالعمر ومرح اقصر فيه ورح اقدر اتحمل المصاعب والمسؤؤليات اللي رح اشووفها خصوصا انه يمكن عياله بالبدايه ما يتقبلوونج حتى لو كانو صغار واكيد يبون امهم ومرح تجين مكان امهم لو شنو يعني باختصار رح تتحملين كل هذا اذا كنتي جاده في قرارج واذا قلتي ايه رح اتحمل معناه انتي قدها وصج حزة الحزه رح تتحملين يالله استخيري وتوكلي على الله واخذيه واذا انتي مو قدها انصحج ارفضيه وقطي عاطفتج ورى ظهرج تدرين ليش لانج بعدين رح تشوفين شغلات بينج وبين نفسج رح تقولين هذا اللي انا حبيته معقول هذا اللي انا وافقت عليه !! يعني باختصااار رح تنصدميييييييييييييييييييييييييييييييييين صدمه قويه والله العظيم فإنتي عشان تنجحين بزواجج منه قلبيها براسج مليون مره يمين يسار فوق تحت مني مناك وحطي الاحتمالات الزينه والشينه فيه عشان الصدمه بعدين تكون اخف والله يقدم لج كل مافيه خير لج يارب
ملاحظه : نسيت اسالج لا تنسين تسألين نفسج ليش طلق زوجته وعشان ما تحطين له اعذاااار قولي براسج انه مافي رجال يطلع العيب فيه دايما يقول العيب بالمره يعني خلي بالج من هالشغله

 

[ام كوثر2007]

من ترضوون دينه ...

خليه يتقدم .. وما تدرين يمكن ربج يكتبه من نصيبج ..


انتي قبل لا تفكرين برفض اهلج .. قعدي ادعي اذا فيه خير لج ربي بيسر الاموور كلها وبيعمي عين اهلج عن اي عيب اجتماعي فيه ..

واذا زواجج منه بتتمرمطين معااه عسى ربي يبعده عن طريجج ويسدها من جميع النواحي ..

صدقيني اذا دعيتي هالدعوووه ربج بيكتب لج اللى في صالح لج ..

 

[حبيته من قلبي]

انا مع الاخت توم وجيري بحرف حرف وكلمه كلمه وأايدها 100% بكل شي قالته
اول شي حبيبتي حطي ابالج اهم شي رضا امج وابوج وثاني شي انا اللي علي اني ادعيلج وان شاءالله يارب اذا كان خير لج يارب يقربه منج ويجمع مابينكم بالحلاال :*

 

[حنان الحربيه]

حبيبتي هالموضوع ماتفكرين فيه بالقلب ابد ابد ابد

فكرتي بعياله وكيف راح يعاملوك وكيف راح تعامليهم
مهما حاولتي تتقربين لهم تظلين انتي للي اخذتي مكان الام
واذا كاناو في سن مراهقه لله يعينك على مشاكلهم

فوق هذا ممكن الام تضغط على عياله علشان يقنعون ابوهم يرد لهم
من باب اني اخفف مشاكل العيال عنك وبتصيرين زوجه ثانيه

هذا غير الفارق في التفكير والاهتمامات الفرق في العمر بينكم كبير


مالك لا انك تستخيري ربك
وربي يكتبلك الخير

 

[صادقة بكلمتي]

المنطق ان أهلك يرفضونه لان توك صغيره لا مطلقه ولا طاقه الاربعين عشان تأخذينه
وياروحي اتركي عاطفتك علي جنب وتكلمي بالمنطق
اكبر منك ب17 لو 9 ولا 10 وعزابي قلنا ميزه حلوه بس مطلق !
ومطلق معاه ولد وبنت والله أعلم كم أعماره !
والله أعلم وش سبب الطلاق ممكن عيب فيه ولا مصيبه جايبها لزوجته واطلبت الطلاق !
ومو معناتها اعجبتك صفاته معناته ززززين ياروحي الرجال عندهم مكر يقدرون يصيريون ملائكه لما يبغون الحرمه تنحني لهم وتعجب فيهم
ولما تصير بيدهم يطلعون انيابهم
وارجع اقول لك لا صار الرجال مطلق وعنده اطفال ادرسي الموضوع مليون مره لان احنا حريم ونفهم بعض
يعني بالمختصر المفيد تتوقعين انا ولا انتي ولا اي وحده هنا بتجيب ولد وبنت وتطلب الطلاق من غير سبب كايد ؟؟!!
اتركيه حبيبتي العمر قدامك تزوجي رجال قريب لك بالموصفات وعزابي مثلك
جربي كل شي بالحياه معاه خلي حتي اول طفل عندك يكون اول طفل له
اشري راحتك وفكررررررررررررررري لبعيد يالغلا
ونصيحه اتركيه لا تجرين لنفسك مصايب بكره ماتدرين بعد الناس مايخلون احد وانتي بنت حافظي علي نفسك من هالاشكال
ونصيحه ابعدي عنه والمواصفات مثل ماهي عنده عند غيره واهم شي الخلق الزين هو اللي يبقي غيره يتغير
الله يوفقك ويستر عليك ويرزقك بالرجال الكفوا اللي يستاهلك

معااااااااااااااااااااااها والله يكتبلج الاحسن لا تستعجلي هم الاختيار اللي جذي مو زين

 

[om deaj]

اختي امج وابوج ابخص وأخص أبوج اكثر لانه ما يعرف للرياييل غير الرياييل وخليج مع رأي اهلج سواء كان بالرفض او بالقبول، انا ما اقدر اقول لج وافقي او لا توافقين، بس حطي في بالج هل ممكن يرجع زوجته؟!احتمال ، وهل ممكن تتحملين تربين عياله؟ بصراحه لا تستعيلين لان همن بالعمر اكبر منج بوايد

اولا انت وايد صغيرة

الحب غير والواقع والمسئولية الي انتي شايفة الجانب الحلو منها بس غير

انامع الاخت المرتاحة راي اهلج هو الاهم
مو انتي الي بتحكمين اذا مناسب لج او لا

خلي الحب على كتر ساعة الجد ماينفعج غير اهلج هم سندج

 

[الحيا]

الله يسر امرك

 

[لمى الهاجري]

انتي لا تقولين لهم شي خل هو يتقدم وهم يسالون عنه عشان كل شي يمر طبيعي

 

[Patcholli]

سوي اللي عليج وبس وشوفي نصيبج وشوفي رب العالمين شنو كاتبلج ..!! ترى كلشي مكتوب لا بيدج ولا بيد اهلج ولا بكيف احد فيكم .. بكل الاحوال قولي قسمة ونصيب لاتقولين اهلي السبب او غيرهم .. اهلج مجرد اسباب
ونصيحه لاتطولين الموضوع وتضيعين وقتج كلمي اهلج باسرع وقت بالموضوع
لاتضيعين بعد عمر من عمرج على وهم من الحين خل تتوضح المسائل يايكون من نصيبج يا لا .!

 

[زعنوفه]

بقولج شغله
أولاً .. صدقيني اي 2 يحبون بعض .. مستحيل يظهرون عيوبهم [ الحقيقية ] قدام بعض !
بيحرص كل واحد منهم يظهر بصورة مثاليه وحلوة قدام الشخص الثاني
يعني العيوب اللي تتكلمين عنها وتقولين اقدر اتأقلم وياها
مالها شغل بالحياة الزوجية ...
لا تزوجتيه راح تطلع بلاوي ما كنتي تعرفينها .. لإنج عاشرتيه واقعياً
مو افتراضياً .. على سبيل انج مجرد حبيبة !!!

,


ثانياً النصيب يصيب لو نصيبج بيتقدم لج وبيوافقون ..
لو ما وافقوآ .. طيعي اهلج ..
صدقيني ياما ناس اعرفهم تزوجوا غصب عن اهلهم وما توفقوا كلش !!
طاعتهم فيها بركة سبحان الله

هذا الي كنت بقوله وهالكلام اهو عين العقل
ولا تنسين حبيبتي الاستخاره قبل راي اي احد بس هذا كلام العقل​

 

[Jumanh]

اول شي الحب اعمى حتى لو في عيوب ماراح تشوفيها وماراح تحسي فيها الا بعد ماتتزوجوا ..
ثاني شي لا تقولي لاهلج عنه اذا بيتقدم
بغض النظر عن الفرق اعرف وحده تزوجت واحد تلفرق بينهم 16 سنة بصراحة مادري عن حياتهم بس اظاهر سعيدين يسافروا وعندهم ولد وبنت (بس هو من اهلها )
مطلق ؟ ليش مطلق ؟ووين اولادة ؟ هالشي اكيد راح يساوا اهلك عنه
بس اللاهم من هالسببين .. متعلم و يشتغل ؟ شغله زين؟ مقتدر يتزوج وحده ثانيه ؟ شخصبته ؟ اهله وناسة ؟ لاتقولي هالاشياء مو مهمة بالعكس صدقيي مهمة
لا تتسرعي صدقيني يمكن تاخذي واحد احسن منه وتحمدي ربك ماخذتيه وش لك وعوار الراس ...يمكن مجرد احساس انكم متفاهمين وهذا الي ديما يصير في الحب بس مع الايام تشوفي اشياء ماكنتي تقدري تشوفيها
والله يكتب لك تلي فيه الخير
خليه يتقدم..تشاوري مع اهلك .. انرفض ..ماراح يكتب لك ربي غير الي مكتوب يحاول مره ثانيه او انسي .. والله يكتب لك الي فيه الخير *

 

[Beesho99]

نصيحه لج لاوالف لا