مو عارفه شسوي

[ريم محمد زيد]

بنات زوجي طردني وقالي عدلي نفسيتك ورفالتك ونا برتاح ويمكن ما أطلقك
والحين أمي تقول ارجعي اشلون وهو مايبيني وأمه ماتبيني انا عشان دراستي بس خايفه يفشلني

 

[الأميرة جوري]

شوفي شنو يبي نفذي من كل النواحي يمكن مقصرة فيه ردي له إذا انتي غلطانه

 

[ســكــّر]

اكو ريال يطرد مرته ! بهذي الطريقة
واذا كان في شي يقولج فيج جذي وجذي انتي ساليه شنو الاشياء الي
انتي مقصره فيها وغيري من طريقتج لانه الزوج اذا رجع من الدوام يبي من يستقبله
بالابتسامه والكلمه الطيبه الى اذا انتي كله نفسيتج معصبه ولا نايمه اكيد يحس بالتقصير
وعسى الله يهديه ويتغير للاحسن وانتي بعد غيري من طريقتج وتعاملج معاه

 

[الجادل الخشف]

ماقلتي شفيها نفسيتج انتي شنو تسويله بالضبط مايطردج الا اذا مصختيها انا انصحج عدلي نفسيتج وغيري اسلوبج رديله وقولي شنو مو عاجبك فيني عشان اغيره

 

[ريم محمد زيد]

أتأخر على محاضراتي والسبه ماكو مين يوديني امه قالت لا تطلعلها سياره تروح معانا بالسايق وهو اربع وعشرين ساعه مهو موجود ويتأخر علي 3 ساعات
وماله وجود بالبيت ولايطلعنا بس ماشي على كلام امه هي تمشيه لاتخليها تطلع ولاتعطيها جنسيه ولا سياره ولاتعطيها وجه لين صار يكرهني بسبتها

ولا أقول شي

 

[ســكــّر]

اقولج شغله الريال مو غشيم لهدرجه يكرهج بسبه حجي امه !
ترى بعضهم يجامل امه واهو عارف اذا مرته سنعه وطيبه يجامل امه بس مو لهدرجه يصدقها ويكرهج بدون اي سبب
يمكن من جهتج ك زوجه مو علشان حجي امه ..
انتي عاملي بالطيب من ناحيه امه طبعا هذي امه مهما كان اسلوبها وتعاملها معاج ومع ولدها
بتظل امه ويسمع شورها واكيد رضاها اهم شي انتي سايسيها بالكلمه الطيبه دوسي على نفسج
كونها مره عوده ودام تروحين معاهم مع السايق خلاص ليش العباله وسياره بس مافهمت عليج الي مو متواجد
السايق عندكم ولا زوجج .. وبعدين انتي اختصرتي شغله مو ذاكرها زوجج يعني وين الرفاله والنفسيه بالموضوع
انتي شكلج تعاملج معاها مو قوي وتواصلج دايما خلي النفس طيبه معاها ومع زوجج

 

[منيره آل ثاني]

عدلي من نفسيتج وتغيري واسئليه انتي مقصره معاه في ايش وسويه له
بتالي بيتغير معاج

قال الله جل في علاه (إن الله لا يغير ما بقوم حتى يغيروا ما بأنفسهم) صدق الله العظيم

في حفظ الرحمن ورعايته

 

[M!SS.LOBY]

الله يهديه