مو قادرة انسى

[معلمة اولى م]

انا متزوجة ولد عمي و عندي الحين ولدين صار بيني و بين زوجي سوء تفاهم يطول شرحه بعد 6 شهور من الزواج قالي يلا روحي بيت اهلك وخذاني اخوي اهو ما رضى يوديني وقبل ما اطلع من بيتي حط اغراضي بجنطة بنفسه و فال انا كرهتك بصراخ و كلام وايد جارح علما بان هو الغلطان و(طلعت بدون اي دمعة نزلت من عيني كنت حيل قوية لكن بداخلي شكثر منكسرة) و في نفس اليوم راح حق ابوي و قاله عمي ابي ارد مرتي فقاله ابوي اول شي خل اشوف رايها و ترتاح و يصير خير و طلبت من ابوي اني ما ارجع له الا بعد فترة عشان احسسه بغلطته المهم جانا اليوم التالي و هزئه ابوي و فهمه ان الى سواه غلط و قام يبكي و قال نادوها لي ابي اكلمها بروحي و جبرني ابوي و امي اكلمه بس للاسف حيل مصدومة ويتعذر و كنت بوادي ثاني اتذكر الي سواه فيني و باس راسي و طلب مني اروح معاه الحين و غصبوني اهلي اروح معاه و دست على قلبي و رحت و زوجي ما قصر راضاني و سوالي اسبوع كنا مانقعد في البيت كله طالعين مطاعم ونتمشى كاني عروس جديدة بس الحين مر على زواجي 8 سنين و مو قادرة انسى الي سواه علما بان زوجي يحبني حيل و ما يرضى يزعلني و اذا زعلني يراضيني و يغار على بشدة حتى الناس حولي ملاحظين ها الشي بس انا احس اني ما احبه كثر ماهو حبني و الموقف الي صار مسيطر علي و صار عندي عدم ثقة فيه و ان في اي يوم يمكن يتخلى عني بسهولة حتى لدرجة انه سالني مرة قالي تحبيني رديت عليه ما أدري و ظل طول الليل مانام و تعب و الصبح راح للطبيب وقاله انت مرتفع الضغط عندك اكيد معصب و قالي الله يسامحك ردك على البارحة ذبحني و ضايقني انت ماتدرين شكثر انتي غالية عندي بس و الله مهما يقول احس انه كذاب و اتمنى اني اتخلص من الشعور الي دايما ينتابني اذا تذكرت الموقف الي صار.ودي انسى بس مو قادرة شتنصحوني اخواتي العزيزات؟جزيل الشكر لهذا المنتدى الرائع

 

[fruit salad]

أختي الحبيبة الدعاااااء وخاصة في أوقات الاستجابة كفيل بأن ينسيك كل لحظات الألم التي عشتيها
أسأل الله أن يزيييييد حب زوجك في قلبك وأن يربط على قلبيكما بالطاعة:hjy5jewf:​

 

[الجــادل]

رد : مو قادرة انسى

تعوذي من ابليس ودامه اعتذر وتعدل خلاص عفا الله عما سلف

 

[al-musk]

فعل الصدقة عجيب...ادفعي صدقة بنية تفريج همج وانج تنسين السالفه .. والله يسعدج ويوفقج

 

[iphone 30]

سبحان الله ,,,!

اختي ليش تدورين التعاسه لنفسج ولبيتج ؟؟ دام زوجج يحبج ويبيج وما يرضى على زعلج حاطه بقلبج 8 سنوات !!!؟
انسي حبيبتي هذا كله من الشيطان ...في أحد ما يغلط ؟ في أحد ما يتصرف غلط ؟
والريال ترا كهف لو تدورين وتعيزيين ليش سوا جذي يمكن ما بتلاقين سبب ،، وزوجج باين عليه طيب
يمكن في لحظتها عين صابتكم حتى اهو ما بلاقي اي تفسير للي صار بتحاسبينه على شي صار وراح !

اهم شي لج الحاضر ، ريلج يحبج حطي بعيونج وانسي
أنا تزوجت وبعد شهر تطلقت من زوجي وتالي قعدت سنه معلقه وما يبي يطلقني وتالي رجعت له وقعدت شهرين ونفس الشي علقني سنه وكنت بتطلق بالثانيه .... كان يحبني ومتأكده من هالشي بس كان غريييييييييييييب وبهدلني

وحطيت حيلي بالبقرة حفظتها وكثرت من الاستغفار ...
والحمد لله رجعت له ونسيت كل دمعه نزلتها لانه يحبني ويحب لتراب الي امشي عليه وعايشه أحسن عيشه ,,, شبي أكثر !!؟


وانتي انسي والله وين تلقين الزوج الي يحبج ويغليج ... شوفي مشاكل البنات وازواجهم تحمدين ربج ألف مره

ربي يهديكم ويسعدكم

 

[goldy]

الله يعينج حاولي تنسين قولي لنفسج من داخل انج اتحبينه وكرري هالكلمه براسج وامشالله معالأيام راح تحبينه لأن بعقلج الباطن حبيتيه خلاص أو لهي نفسج بأي شي هوايه أو شي معين تحبينه ولا تفكرين بالموضوع

 

[دنيتى زوجي M]

تعوذي من ابليس حبيبتي لو مايحبج مو بنفس اليوم اعتذر وقال يبيج وهم ثاني يوم نفس الشي

هذا ابليس اعوذ بالله منه ومن شره خليه عنج والله يوفقج ويهنيج ان شاءالله

 

[ديانا سبنسر]

انسي وحاولي تركزين على ايجابياته

 

[كنوشة 2009]

8 سنين الي الحين حاط بقلبج وكل اللي سواه لج بعد ما نسيتي اساسا انت ما شفتي شي من اللي يقولون الريايل ويسونه

 

[~ غـــيـــر البِشـــر }}]

الحمدالله في ناس ازواجهم يسون العن من جذي ويسامحون وينسون

انسي حبيبتي وخلي المركب يمشى

 

[معلمة اولى م]

مشكورين خواتي على الردود الله يوفققكم جميعا لما يحب و يرضى دوما بس للأسف أنا حيل حساسة و بصمت و مثل ما قالت اختي iphone3 عين صابتنا لان قبلها باسبوع شافتنا خالته مع بعض نضحك و على فكرة انا ماذكرت الي صار بالتفصيل ترى الموقف كان حيل صعب و احب اقول لاختي ام ضاري انا احب زوجي لكن مو بالقدر الي هو يتمناه و هالشيء مو بيدي غصب علي حاولت بس ما قدرت و ان كان في تحسن بصراحة لاني اول ما رديت له حيل كنت جافة و استمريت فترة طويلة لكن اختي كانت حاسة فيني و دايما تهاوشني على اسلوبي معاه و اقولها ما اقدر ليما تغيرت شوي بعد انجابي ولدي الاول لانه بديت شوي الين معاه و هو ملاحظ اني حاليا احسن مني سابقا

 

[% إماراتيه %]

اذكري الله
لا اله الا الله
وكثري من الاستغفار
وحرام ردي صالحي زوجج وما يمنع انج تصارحينه بهالموقف
اعتقد يحبج واللا ما مرض ثاني يوم وارتفع ضغطه
قوليله هالموقف اثر فيني وايد..في جلسه مصارحه بينه وبينج
او طنشي

 

[% إماراتيه %]

اذكري الله
لا اله الا الله
وكثري من الاستغفار
وحرام ردي صالحي زوجج وما يمنع انج تصارحينه بهالموقف
اعتقد يحبج واللا ما مرض ثاني يوم وارتفع ضغطه
قوليله هالموقف اثر فيني وايد..في جلسه مصارحه بينه وبينج
او طنشي

 

[@ام ضاري@]

رد : مو قادرة انسى

صراحه ماعندج سالفه وربي يعني بعد ها الثمن سنوات الحين تقولين مدري ماحبه

وهو المسكين ارتفع ضغطه من كلمتج

جذي تجازينه الرجال عرف غلطته وتعذر وماقصر معاج

حاولي تحبينه خصوصن عندج منه طفلين حاولي تنسين انسىىىىىىىى غيرج مصايبه كثيره وتنسى

الله يهديج له يارب

 

[ام بشبش]

امبيه 8 سنين ومانسيتي

كل واحد من يعصب مايدري شنو يقط من كلام دام اعتذر وتعدل ويغار عليج بعد شتبين اكثر من جذي ياعمري انا اقول انسي الماضي والماضي راح ودام الحين يحبج الحمدلله شوفي باجي الرياييل شيسون بحريمهم وصدقيني بنات بليس وااايد ويركضون ورا المتزوج اذا ظليتي جذي ناشفه معاه وشايله بقلبج وحتى كلام حلو مايسمع منج راح تيي بنت بليس وتاخذه والله واعلم ذيك الساعه شبتسوين اكيد راح تندمين وان شاءالله هذا الشئ مايصير بينكم قضبي بيتج ويهالج وزوجج وعيشي احلى ايامكم ليش اشيل بقلبي العمر كم يوم وان شاءالله ماتزعلين من كلامي ياعمري والله يخليكم لبعض

 

[% إماراتيه %]

اذكري الله
لا اله الا الله
وكثري من الاستغفار
وحرام ردي صالحي زوجج وما يمنع انج تصارحينه بهالموقف
اعتقد يحبج واللا ما مرض ثاني يوم وارتفع ضغطه
قوليله هالموقف اثر فيني وايد..في جلسه مصارحه بينه وبينج
او طنشي

 

[عسولتي]

حبيبتي شيلي الحساسية من قلبج ترا اهوو يحبج واذا مايبيج ماراح لج للبيت وبجي وتعذر صدقيني ساعات تكون فزة شيطان اعوذ بالله مرت عليه ولا في شي مضايقه ولايقصدج انتي شوفي يوم تضايق من كلامج شصار فيه والله لو واحد ثاني جان خلاج ولا سأل فيج بس لانه يحبج وحاس حيل باللي سواه من غلط ,, حبيبتي ترا العين حق ويمكن انتي اللي فيج هم عين عليج بسورةالبقرة اقريها كل يوم وشغليها في بيتج ولا تحسسين الرجال انج متضايقه منه حرام احتويه والله يبعد الشر عنكم ويحفظكم موفقه

 

[قلبي سلومي]

شوفي انا عن نفسي مريت نفسج بس بشكل ثاني او بالاحرى بموقف غير موقفج بس بنفس الكسرة الخاطر
انسي وعيشي حياتج انا مثلج مو قادرة انسى اللي يتكسر صعب يتصلح بس طوفي وانا اختج والدنيا تمشي لا توقفين عليها

 

[اشتياق]

والله على هالرضاوات الفقير والهدايا والطلعات خل يطردني كل يوم لووووووووووووووووووووول

طلعي من جو الحزن والذكريات السيئه عيشي يومج ...!

 

[^^المهره^^]

الله يهديج
اعرف حريم رياييلهم متروسين عيوب ويحاولون يدورون شي زين لو بسيط علشان يشفع حق رياييلهم و يساعدهم بانهم يستمرون معاهم
انتي الحين هديتي كللللللللل محاسن ريلج ومسكتيلي على كلام قاله في لحظة غضب وهو موبحالته الطبيعيه
الله يهديج بس
تعوذي من بليس وحافظي على بيتج وزوجج
ولا تعطين فرصه لاي فطره انها تعكر حياتج