مو قادرة انسى

[أمواج البحر]

عفيه قلب صراحه اللي موقادره تنسين سالفه صارلها 8 سنين

وفوق هذا وذاك ياج واعتذر وراضاج

تقولين عين!!! لا يبا لا عين ولا شي

انتي اللي قاعده تيبين الهم والغم حق روحج

لا يصير قلبج اسود

ربي امرج بالتسامح

يعني جد سؤال شنو تبينه يسوي عشان تنسين؟؟

مهما كان الغلط اللي سواه وصار ما يعطيج العذر انج تحطين هالشغله بقلبج 8 سنين!!!!!

والله مو قادره اصدق ان في وحده تحط بقلبها سالفه 8 سنين

الله يعين زووجج

 

[جذابه بنت ذيابه]

رد : مو قادرة انسى

انسي .. الابن ادم نساااي من اسمه

ولازم تنسين عشان نفسج وعشانه هو وعشان اعيالج ..

وعليج بالدعاااء والصدقه


واقري سورة البقره لها فضل عجييب

 

[hazel eyes]

الموقف اللي صار لج بأول زواجكم يعني الريال ماتعود عليج حييل وعادي يستغني عنج بس مو مثل الحين خلاص صرتي قطعه منه وفيه يعني طووفي له هالشي واتوقع بعد هالموقف اهوو اللي تاب ماراح يقولج شي لانه حس بفراقج والدليل انه تغير للافضل الحمدلله

 

[النوري نور عيني]

قالي يلا روحي بيت اهلك وخذاني اخوي اهو ما رضى يوديني وقبل ما اطلع من بيتي حط اغراضي بجنطة بنفسه و فال انا كرهتك بصراخ و كلام وايد جارح علما بان هو الغلطان و(طلعت بدون اي دمعة >>>>>>>>>>>>> الي قاهرج مو المشكله الي صارت ..الي مو قادره تنسينه ...حركاته هاذي ...حسيتي انه ما يبيج ومستعد يطردج من حياته بنفسه ...وانتي لليحين تحسين انه ما يحبج لو شنو ما سوا ....
بس فكري من جهة ثانيه انج لليحين تنتقمين منه بدون ما تحسين ....انه سالني مرة قالي تحبيني رديت عليه ما أدري و ظل طول الليل مانام و تعب و الصبح راح للطبيب وقاله انت مرتفع الضغط عندك اكيد معصب و قالي الله يسامحك ..........
تعوذي من الشيطان ...وتخيلي لو انه مو موجود بهالدنيا ....وبس

 

[ياشوقي للجوري]

رد : مو قادرة انسى

مو قادرة تنسين وانت تدرين انة يحبج وسوى الشئ غصب عنة
وانت قلت يمكن عين وجاء المسكين واعتذر بنفس اليوم شنو تبين بعد
كبري عقلج الشيطان لا يلعب عليج ويعيشج بهم وغم
الله يهديكم لبعض ويفرح قلبج ويسر امرج

 

[شنوووفه]

حبيبتي صفي النيه وعيشي حياااتج والله الدنيا ماتسوى الوااحد يقدر ينسي نفسه بس انتي الي ماتبين
تنسيين
موفقه

 

[*بسبوسه*]

شوفي بغض النظر عن قوة وتاثير الغلط اللي سواه لج
لا تنسين ان الرجال باول سنة زواجه يرتكب اغلاط واجد وبعد البنت بالمثل
يبي يكون اهوا سي سيد

انا مابي اعرف شنو الشي اللي صار بينكم بس تعالي معاي نحلل اللي صار
قلتي او 6 شهر تزاعلتو ورحيت بيت اهلج..هذا معناته ان كان توه ابداية زواجكم محد فاهم الثاني ولا مغليه
ثاني يوم على طول جا عند ابوج ويبي يردج..دليل على انه حس بغلطه ومانطر اسبوع لا يوم على بعضه ماتحمل..ترى شي حلو ولصالحج
رديتي له وابوج وقف وياج واهوا اعتذر حيل وعوضج بسبوع سعاده..دليل انه صج يبي يرضيج وندمان
للحين يداري على خاطرج..معناه يحبببببببببببببببببببببببببببببببببببببج

تعالي شوفي الموضوع من منظورج
بعد 8 سنين وللحين شايله بقلبج..يا اختي شهالقلب اللي عليج بعد مازوجج دور رضاج من ثاني يوم لا تعودين قلبج على انه يصير صخر جلمود
والله لونج مبادله زوجج الحب ومسامحته جان الحين انتي باحس حال وبنات جماعتكم يغارون منج
بس انتي كتبتي على نفس التعاسه الداخليه

انتي ترى ركزتي على الجانب السلبي ..قلتي مو مامنه على نفسي مع زوجي
من صجج انتي بعد 8 سينن وتقولين هالحجي ..لو صج مو مامنه جان ماكان هذا حالج وكان من ثاني سنه انتي مطلقه وابيت اهلج..بس شوفي شنو صار انتي الحين عندج ولدين وصارلج 8 سنين وزوجج قولين يدور رضاج
بذمتج في رجال يسال مرته انتي تحبيني ..ياهنيج والله فيه

لا تعيشيين نفسج بهم وكدر وهمي على سالفه صار لها اكثر من 8 سنين طافت وبنيتي عايله
والله ماعندج سالفه زوجج ماقطج عند اهلج شهر ماسال فيج ولا طلقج وبعدين ردج
بالعكس اشوف الموضوع سوء تفاهم متزوجين والرجال الكويتي مايحكم نفسه اذا عصب

اسمعي مني
خلااااااااااااااااااااااااااااص من اليوم ورايح زوجج اهواا حبيبج واللي صار كان غباء منه باول عرسكم
والحين اهوا سندج وابو عيالج وحبيبج
مهما يصير بينكم خلافات عادي ..كل البيوت بينهم خلافات وكبيره بعد
انا اتزاعل مع امي وابوي بس انسى مع الايام عادي شنو مو دايم بنكون متفقين ومستانسين لازم نزعل ونتهاوش ونتضايق

كثري استغفار باوقات فراغج

 

[*بسبوسه*]

تدرين ابوي الله يحفظه شيقول ؟ يقولي اذا تبين تزعلين زوجج او حسيتي ودج تظايقينه وتنكدين الجو .. تخيلي بهاللحظة انج بتفقدينه يا اما بالطلاق او الموت .. تخيلي حياتج من غيره !!!! مارح تقدرين
حزتها بتتراجعين وبتحسين هاللحظة انج تحبينه وتبينه وماتبين تزعلينه ..


!

اعجبتي حكمة ابوج حيل

 

[^^ Om_3LaWeY ^^]

حاولي تنسين لا تكونين حقوده
تعوذي من ابليس
كل يوم قاعده تنامين عنده لي مدةة 8 سنين وشايله بقلبج !!
الريال ما قصر معاج دللج وراضاج !!
لا تكرهين الريال فيج وتيبين التعاسه لنفسج
كل ما طرت على بالج السالفه تعوذي من ابليس و تذكري ان اهوا ريلج حبيبج بو عيالج
ودامه ما قدر يستغنى عنج يوم تاكدي ان ماراح يقدر يستغني عنج
وربي يهنيكم ويهدي سركم

 

[om-7many]

خلاص انسي ماكوو شي يستاهل انج تتضايقين عشاانة وصار ع الموضوع 8 اسنين يعني خلاص ومدام الحين اهو يحبج ويبيج ليش شايلة بقلبج خلاص اهو حس بغلطة ومايبي يضيعج مره ثانية عشان جذي يسوي لج كل هذاا الله يهديج حاولي تنسين خلاص ماكوو انساان كامل الا الله سبحانة وتعالى يعني خلاص انسي وعيشي حياتج وتعوذي من ابليس ترى كلناا عندناا مشااكل ماكو احد بدوون مشاكل وهمووم بس ماعليج الا تدعين ربج ان الله يسخره لج ويهديج .......

 

[قهوة برية]

رد : رد: مو قادرة انسى

حياتي والله الله يعينج

انا معاج الموقف اللي صار وايد صعب واكيد يكسر القلب

بس حياتي هذي 8 سنين ليش حاطتها بقلبج ليه الحين

انا معاج في مواقف ما تنسي انا مثلج صارلي 10 سنين في مواقف من اول زواجي ماقدر انساها

وتعور قلبي حيييل بس مع هذا احب وزجي واموت فيه بعد مع انه ما سوا مثل اللي زوجج سواه

عالاقل زوجج تأسف وراضاج وكل هالسنين واهو يدور رضاج شتبين بعد؟؟؟

اذا انتي من داخلج ما تحبينه محد يقدر يجبرج هذا شعور داخلي

بس مو معنى هذا انج تبطينها بويهه او انج تبينيله انج ما تحبينه غلط ياقلبي

ياما حريم مايحبون رياييلهم بس يحترمونهم ويقدرونهم ويحسبون لهم الف حساب

مهما كان هذا ابو عيالج وبعدين عشرة 8سنين مو شويه مو معقوله قلبج ما يحن عليه !!!

انا اقول تعوذي من ابليس واهتمي بزوجج قدر ما تقدرين جامليه يا قلبي لا تصدين عنه

ترى مرده الريال بييله يوم ويزهق ولا تنسين حبيبتي الريال ما يتعطل اذا انتي صديته غيرج بيتلقفه

احنا بزمن البنات يدورون الرياييل اهو مو متعطل ما لقا الحب عندج بيلقاه عند غيرج ترى باجر تتحسفين

انسي الشينه ودايم ذكري الزينه ذكري مواقفه الحلوة معاج ذكري طلعاتكم وروحاتكم

عشان عيالج وعشانج انتي بعد ترى انتي تعذبين روحج بروحج تعوذي من ابليس وحاولي تغيرين حياتج

عوضيه وعوضي نفسج السنين اللي راحت ودايما اقري البقرة واذكار الصباح والمساء

ولا تزعلين مني حبيتي ترى والله عورتي قلبي

عسى الله يحنن قلبج عليه وعسى الله يسخركم حق بعض انشالله​

شوفي ياقلبي احنا ماندري شنو الموقف بالظبط اللي صار . .لكن باختصار هالسالفة قديمة يعني صارت من (الماضي) وعفا الله عما سلف

عيشي يومج وعيشي اللحظة مع زوجج ولاتزعلينه وتظايقينه


تخيلي لو تسالينه تحبني ؟؟ يقولج (ماأدري) !!!!!!!!!!!! صراحة قسيتي عليه وايد

حبيبتي كسبي زوجج دامه يحب رظاج ترا نادر وجود الرياييل هالايام .. حافظي عليه ودلعيه وانسي اللي صار عشان لايطير من ايدج وانتي بتكونين الخسرانة ..



تدرين ابوي الله يحفظه شيقول ؟ يقولي اذا تبين تزعلين زوجج او حسيتي ودج تظايقينه وتنكدين الجو .. تخيلي بهاللحظة انج بتفقدينه يا اما بالطلاق او الموت .. تخيلي حياتج من غيره !!!! مارح تقدرين
حزتها بتتراجعين وبتحسين هاللحظة انج تحبينه وتبينه وماتبين تزعلينه ..


لو حطيتي هالقاعدة في بالج بتتهنين مع زوجج صدقيني ..

وعطيه الامان والثقة اللي اهو معطيج ياها .. ترا دوام الحال من المحال ديري بالج !

ردودكم تجبر القلب والخاطر
ودود عقلانية :tek:

 

[Tutti-Frutti]

كـلـنـا نـغـلـط وكـلـنـا نـبـي الـنـاس تـسـامـحـنـا وتـعـطـيـنـا فـرصـه ثـانـيـه نـثـبـت فـيـهـا انـه تـغـيـرنـا

وزوجـج تـغـيـر
لازم تـسـامـحـيـنـه وتـنـسـيـن الـلـي سـواه
ربـج كـريـم ويـسـامـح ويـغـفـر ويـنـسـى اغـلاط عـبـيـده

 

[رووحي لغاليها]

رد : مو قادرة انسى

كثري الاستغفارررررر

 

[@رومانسيه@]

امبيه لاتشيلين بقلبج في رياييل يسوونن اكثر من جذي لاتصيرين حقوده ترى بعدين بيكرهج ويقول قلبها اسود 8 سنين مانست

 

[أبله كويتيه]

ماشااءلله

ماشاءلله 8 سنين ؟!!!!!!!!!!!!!!!

والله حبيبتي مادري شقولج

8 سنين حاطه بقلبج

حرام عليج الريال اعتذر وهدايا ومطاعم ويراضيج ويخاف عليج ويغار عليج ويحبج

8 سنين بقلبج

الزواج شنو ؟ مشاكل ولويه ماتدرين يمكن عين يمكن يمكن يمكن يمكن ... مهما كان السبب الي خلاه يسوي جذي

هذا ريال وطبيعته عصبي

والله اكو رياييل كل يوم طق بحريمهم مساكين وغير الالفاظ الوصخه الي يقولونها

حمد ربج وانسي الي صار وردي حق ريلج وحطيه على راسج وقولي الحمدالله وكثري استغفار وتقربي من ربج

هذا الشيطان اعوذ بالله منه