رد : مو متزوجه؟؟ غريبـــه؟ اروح اموت يعني !!
أول شي بسم الله الرحمن الرحيم
ثاني شي معاشر الناس جهاد، ما يخلون أحد بحاله
أنا بالثلاثينات و من صغري يحسبوني متزوجة وين ما أروح و إذا دروا إن بعدي أنسة تعالي شوفيي ردود الفعل، لا ما يصير شلون جذي و اللي تقول لا تقصين علي و اللي تقول شناطرة؟؟!! و اللي تقولين حسافة عليج، تعلمت أرد عليهم بجملتين: أمر الله، أعترض عليه؟
في حريم يعرفوني و مادري منو اهم الله يسامحهم معطين رقمي لخطابات و لاعت جبدي منهم و من معاريسهم استغفر الله، كل واحد ياخذ نصيبه بالدنيا لا أكثر و لا أقل
اختي حبيبتي أصغر مني و لما وصل راعي النصيب اللي صار بوعيالها سعيت لها الحمدلله و فرحت لها وايد و دايم أدعي لها بالتوفيق مع زوجها
بس في بنات يخافون أحسدهم لأني ما تزوجت، ما جنه لي إخت متزوجة و معيلة و أنا اللي أنفسها، اللي أشوفها خايفة مني أوخر عنها ما أعور راسي وياه
في محل أشتري منه عطور اللي تبيع فيه تحسبني متزوجة و انا مكملة معاها الدور، كل ما أشتري عطر لأبوي الله يخليه لي تظن لزوجي اللي ما يندرى وينه :krkrkr:
المحلات يبون يمشون بضاعتهم و العيادات لازم يسألون يمكن تكون الوحدة حامل و في أدوية ما تنفع للحوامل و يمكن بعد نصب كل شي جايز حبيباتي
أحمد الله على العزوبية لأنها قربتني من أبوي حبيبي الله يخليه لي و يشفيه، حكمة ربكم أتم بدون زواج عشان هالشايب ولا لو أنا على ذمة ريال ما كنت اقدر اهتم في أبوي نفس و أنا عزوبية
لي سياسة بعد أستثقل أطلع مع صديقة متزوجة أخاف زوجها يقول لها تأخرتي بسبة رفيجتج، ماحب أحد يتكلم علي
و بنات عمي وحدة كبري و الثانية كبر اختي و اختي أطفرهم أقول لهم آسفة ماقعد مع عيايز أطفرهم لأن عندهم عيال
بالدوام طلبت من المدير رخصة اطلع من الدوام 12:30 كان عندي ظرف بالبيت، تخيلوا وحدة من بنات قسم ثاني راحت للمدير تقول له هي مو متزوجة ولا عندها عيال تطلعونها و احنا لا، البيوت أسرار يا خلق الله مو كل شي تعرفونه!
كثرت عليكم كلام بس أقول لكم حبيباتي صار ما يهمني كلامهم و مرات أرد عليهم بضحك أسكتهم بس مرة انبطت جبدي حيل فا كتبت خاطرة عفوا حواء كانت أول مشاركة لي بالمنتدى و هذا رابطها
http://www.q8yat.com/showthread.php?t=675246
