مو مستعده ابيع حلمي علشان لغتي...

[غلا دنيتي جابر]

:lkmnkl:








مرحبا بنات
انا بدش بالموضوع على طوووول

بناات انا وحده ابي اقوي لغتي بس المشكله ما ادري شلون؟؟:gr4uu:
لا تقوولوون رووحي معهد او دشي اهني والا هناك..

ابي وحده اهيا من نفسها قوت الغه عندها ابيها تقوول طريقتها..

وانا الصراحه الشغله الي ابي ادشها كلها انقلش وانا مو مستعده اتخلى عنها علشان اني ضعيفه بالانقلش:eh_s(2):
انا مو الي كلش ما اعرف بس لغتي مو بمستوى طالبه جامعيه

وانا عدت التمهيدي<<وهذا الي شجعني اني ما اضيع العطله واقعد احاول اعلم نفسي بنفسي
فتمنى من الي وحده تعلمت بنفسها تفيدني لو بشي بسييط



اختكم: ام فنر

 

[عرموشة]

هلا ام فنر

ان شاء الله ما تتخلين عن حلمج علشان اللغه " انا شوفينى ميح بالانجليزي ومثلج كليتى كلها انجليزي وان شاء الله ما اتركها علشان اللغه "

وانا معاج ان شاء الله نبي حل ضروري

 

[Marymary]

شوفو انا ابلة انجليزي وراح افيدكم "
اللغة الانجليزية تنقسم الى 4 مهارات
Listening
speaking
writing
reading

اول شي تبلشين فيه روحي مكتبه جرير اشتري دكشنريات .... انجليزي لي العربي وعربي لي الانجليزي ..... اذا تبين ترتاحين اشتري المعجم الالكترونيك وهذا احسن ليش لان يعلمج اشلون تلفظين الكلمة بالانجليزي طريقة صحيحة 100 بالمية ثاني شي القراءة او الريدنج حاولي تقرين مجلات انجليزية انا يوم كنت بالمتوسطه مراهقه كنت كنت احب مغنيينن وايد اجانب فكنت اتعمد اشتري مجلات انجليزية واقرى الحوارات والاخبار الي تبعهم في مجلة خاصة عن المرأة اسمه وومان وايد حلو خالتي تقراه دشي مواقع بالانترنت واقري لا تقولين ماعرف اقري قوي نفسج بالقراءة اقري قصص انجليزية يبيعونهم بجرير " اقري قصص حسب ميوولج تحبين قصص الرعب تحبين الفكاهي الدرامي " كيفج واي كلمة ماعرفتيها دوري بالدكشنري بعدين حطي مسودة عندج دفتر كتبي الكلمات ومعانيهم " وحفظيهم

دشي مواقع بالانترنت تعليم قواعد اللغة الانجليزي Teaching english grammar for begginers
سوي حق اي شي تبين برنت وقعديييييييي ودرسي " والحين اتوقع عندج عطله " قوي نفسج

انيي حق الليسننج الاستماع " شتسوين حبيبتي " انا اقولج شوفي افلام انلجليزية شوفي برامج انجليزية نفس اوبرااااااا وكثر ما تقدرين ركزي عالكلام ولا تقرين الترجمة الا اخر شي او اذا شي ما فهمتيه شوفي الترجمه " وماشاءالله وايد قنوااااااات انجليزية غير عن اول " ام بي سي تو ............ دبي ون وايد وايد وطبي وتخيري عاد اذا عندكم شوتايم احسن واحسن وناسة

انيييي حق التحدث والكتابه " حاولي تتكلمين انجليزي بالبيت " حاولي يوم تروحين مطعم او محللل لا تتكلمين معاهم عربي كلمهيهم انجليزي .... الحين الحين جدامي حولي موبايلج للانجليزي مو العربي .... خزني ارقام صديقاتج بالانجليزي دزي مسجات بالانجليزي مو بالعربي "

وفي وايد حلول وترى وايد مواقع تعلم الانجليزي مثل bbc

 

[الخيلاء]

كلنا دخلنا الجامعه لغتنا الانجليزيه مو بذاك الزود ... بس لان كتبنا بالانجليزي و دكاترتنا اغلبهم اجانب فأول سنتين تعبنا مغير القاموس بايدنا ..بس الحمدلله بعدين تعودنا و صج صج لغتنا تقوت

 

[X_asomaaa]

مشكورةMarymary آنا نفسك الانجليزي وااايد اثر على اشياء بحياتي ودي من زمان اتقوى بس مو عارفة شلون يمكن 10 سنين اذا مو أكثر من كان عمري 15 سنة وعقدتي وودي اتعلم انجليزي واكون قوية

 

[عرموشة]

ان شاء الله بحاول

 

[غلا دنيتي جابر]

شوفو انا ابلة انجليزي وراح افيدكم "
اللغة الانجليزية تنقسم الى 4 مهارات
listening
speaking
writing
reading

اول شي تبلشين فيه روحي مكتبه جرير اشتري دكشنريات .... انجليزي لي العربي وعربي لي الانجليزي ..... اذا تبين ترتاحين اشتري المعجم الالكترونيك وهذا احسن ليش لان يعلمج اشلون تلفظين الكلمة بالانجليزي طريقة صحيحة 100 بالمية ثاني شي القراءة او الريدنج حاولي تقرين مجلات انجليزية انا يوم كنت بالمتوسطه مراهقه كنت كنت احب مغنيينن وايد اجانب فكنت اتعمد اشتري مجلات انجليزية واقرى الحوارات والاخبار الي تبعهم في مجلة خاصة عن المرأة اسمه وومان وايد حلو خالتي تقراه دشي مواقع بالانترنت واقري لا تقولين ماعرف اقري قوي نفسج بالقراءة اقري قصص انجليزية يبيعونهم بجرير " اقري قصص حسب ميوولج تحبين قصص الرعب تحبين الفكاهي الدرامي " كيفج واي كلمة ماعرفتيها دوري بالدكشنري بعدين حطي مسودة عندج دفتر كتبي الكلمات ومعانيهم " وحفظيهم

دشي مواقع بالانترنت تعليم قواعد اللغة الانجليزي teaching english grammar for begginers
سوي حق اي شي تبين برنت وقعديييييييي ودرسي " والحين اتوقع عندج عطله " قوي نفسج

انيي حق الليسننج الاستماع " شتسوين حبيبتي " انا اقولج شوفي افلام انلجليزية شوفي برامج انجليزية نفس اوبرااااااا وكثر ما تقدرين ركزي عالكلام ولا تقرين الترجمة الا اخر شي او اذا شي ما فهمتيه شوفي الترجمه " وماشاءالله وايد قنوااااااات انجليزية غير عن اول " ام بي سي تو ............ دبي ون وايد وايد وطبي وتخيري عاد اذا عندكم شوتايم احسن واحسن وناسة

انيييي حق التحدث والكتابه " حاولي تتكلمين انجليزي بالبيت " حاولي يوم تروحين مطعم او محللل لا تتكلمين معاهم عربي كلمهيهم انجليزي .... الحين الحين جدامي حولي موبايلج للانجليزي مو العربي .... خزني ارقام صديقاتج بالانجليزي دزي مسجات بالانجليزي مو بالعربي "

وفي وايد حلول وترى وايد مواقع تعلم الانجليزي مثل bbc

بعد عمري والله تسلمييييين على النصايح الاكثر من اروع

وسويت نفس ما قلتي حولت لغة جهازي انقلش

وانا اليوم بديت اكتب اي كلمه اول مره تمر علي بنوت واحاول احفظ اي كلمة تمر علي



جزاااج الله الف الف خيير

 

[فلونة احلى وردة]

ماكو على شوفة الافلام للاستماع
والقراية بالقصص والمجلات
وللتحدث لالالالالالالالالالالالالازم ممارسة بس مع منو بنمارس اللغة والمعاهد غالية وتضيع الوقت واحنا نداوم
وحفظ عبارات كاملة
انا مشكلتي بالقواعد ما اقدر اعبر بالماضي او ماضي المضارع وجذي الاشياء الدقيقة
احس جني السيلانية لما تتحجى عدل بس مكسر من القواعد
شلون هذي اضبطها

 

[ريحانة_14]

شلونج أم فنر

حبيبتي أنا هم عندي نفس مشكلتج وأكثر

أنا لغتي الإنجليزيه الحمدلله أتحدث بطلاقه لكن أكاديميا ركيكه

فعلشان جذي بنزل موضوع الحين يفدني ويفيدج

 

[غلا دنيتي جابر]

شلونج أم فنر

حبيبتي أنا هم عندي نفس مشكلتج وأكثر

أنا لغتي الإنجليزيه الحمدلله أتحدث بطلاقه لكن أكاديميا ركيكه

فعلشان جذي بنزل موضوع الحين يفدني ويفيدج

مشكووووره حبيبتي على مروووورج

وان شاء الله نستفييد ونفييد بعض بكل مواضيعنا يا رب
<<تنطر الموضوع

 

[Zamani.Bakani]

رد : مو مستعده ابيع حلمي علشان لغتي...

ام فنر

 

[Zamani.Bakani]

رد : مو مستعده ابيع حلمي علشان لغتي...

انا ماعرف عربي بس e

 

[Hayle Alzadjali]

رد : مو مستعده ابيع حلمي علشان لغتي...

هآي
صصرآحة أنا لغتي مرآآ تمام
listening
writing
reading
speaking

مع أنه عمري 14 بسس أنا تعودت أتكلم أنجليزي بالبيت أحياناً ما دايم لأنه ما كل الي بالبيت يتكلموا أنجليزي
نص صديقاتي من
US
UK
BRAZIL
طبعاً إلي من البرازيل لغتهم الأنجليزيه ما أوكي فما اعتمد عليهم واجد
ما دخلت الى معهد واحد وما فادني أببداً فطلعت منه
يومياً أضطر أتكلم انجليزي مع الناس لأنه حيآة أمي وأبوي تعتمد ع الأجانب بشكل كبير فصرت متعودة خلاص
يعني الناس لما يسمعوني يقولون لغتي مثل الأمريكيين <ماشالله>
وأنا ما اغتر بهالششي بس أنصحك تشوفيين
BBC
مرآ ينفع وتحاكين أجانب لغتهم الأم هيا الأنجليزية حتى لو ع المسن يقويج

 

[كنزي]

السلام عليكم

يسعدني ترجمة و تلخيص جميع المناهج الدراسية ورسائل الماجستير والدكتوراة

اعطاء دورات تدريبية باللهجتين الامريكية والبريطانية للغة الانجليزية ( محادثة , قواعد, كتابة , قراءة ) لطالبات المرحلتين الثانوية والجامعية

( من خلال الانترنت لمن هم خارج الدمام والخبر )

يمكنك التواصل معي من خلال الايميل التالي : [email protected]

تحياتي​

 

[coralia]

الشى اللى قوانى باللغة الانجليزية كنت اسمع برامج حوارية باستمرار يعنى المقاطع باليوتيوب احفظها عندى واسمعها وااايد بدوووووووون ترجمة واقرى كثر ماتقرين تتقوين ان شالله لو قصة قصيرة للاطفال المهم ماتقطعين القراية مهمة حيل للمحادثة لازم ممارسة لازم ان شالله افدتج والله يوفقج

 

[coralia]

حبيت اقول شى اسوء طرق التعليم فى اللغات هو قراءة الكلمة الانجليزية باللغة العربية مثل "غود مورنينغ " وهكذا اللى يتبع هالطريقة عمره عمره ماراح يتعلم لغة اجنبية