مو مقتنعه بالحجاب للحين ..!

[The Saroosh]

سلامٌ عليكم ...

حزت بخاطري اليوم كلمة وحدة من البنات ... صار بين البنات اخذ وعطى في موضوع التزام البنات و جذي ...

قامت وحدة وقالت للثانيه فلانه ليش للحين ما تحجبتي صار عمرج 18 !!

ترد " فلانه " : مادري احس للحين مو مقتنعه اتحجب .. انا ابي لما اتحجب صج صج ابي التزم فناطرة لما احس روحي مقتنعه بتحجب ... << لا يا شيخة


انا بفهم هالاعذار الواهية من وين طلعت ؟ ...

سالفة اني مو مقتنعه بالحجاب منو الفها ؟؟ .. منو قص عليكم فيها ؟؟ ...

بقولكم هالموقف بشنو ذكرني ...

برنامج أوبرا وينفري ..
لما استضافت وثنتين من دوله عربية ... وحدة متحجبة والثانيه سفور ..

وطبعا كبار ثنتينهم ..

لما تروح اوبرا تسال البنت اللي ما تحجبت عن السبب ..

تقولها انا مؤمنه بديني من داخلي ... ومو لازم اظهر ديني للناس << يا سلام عليج

....................................................

عموما المشكلة اللي بطرحها ..

عزوف الناس بشكل عام عن الدين في هالكم يوم ...

عن الحجاب
عن الصلاة
عن الاخلاق

ليش ؟ ..
و شالحل ؟ ..

وتكفون لا تطلع لي وحدة تقول هذي حرية شخصية .. ؟

اهي فعلا
حرية شخصية انا اصلي بالبيت او بالمسجد
حرية شخصية البس حجاب ستان او قطن

في هالحالة نقول في حرية شخصية .. لكن لما احلل و احرم ع كيفي واقول حرية شخصية .. اهني ستووب

دين رب العالمين مو لعبة بايدنا ...
انفذ الفرض بالطريقة اللي تناسبني من غير ما اخالف شرع الله هذي الحرية الشخصية ..

وليش اني انفذ الفرض او لا ...


و انا لما حطيت هالموضوع من حرتي على الديرة و عالدين وربي ...
تتشوه سمعة الديرة و ينلعب بالدين في دولة اسلامية ليش ؟! ...

انا قلت اللي بخاطري و عليكم الرد ...

 

[^LILY^]

صحيح وعلى فكره ترا القناعه تجي بعد الحجاب لانج لو تنطرين لي تقتنعين عقب تقررين تحجبين او لا مراااااااح تحجبين كلش كلش كلش وبما ان الحجاب فريضه فما في مجال للاقتناع لانه حاله من حال الصلاه
الصلاه فرض = الحجاب فرض = الحج فرض وهكذااااا
يعني ماتصلين لانج موو مقتنعه او ماتحجين لانج مو مقتنعه !!!!!!!!

//
//
قيسه على الحجااااااب

 

[وافرر]

صح لسانك

 

[#أنسام#]

جزاك الله خير

فعلاً بصراحه ارحم اللي يقولون (بـ أمور الدين اللي امرنا فيه الله ) هذ حريه شخصيه ...!!
قال تعالى ..
((وما كان لمؤمن ولا مؤمنة إذا قضى الله ورسوله أمرا أن تكون لهم الخيرة من أمرهم ومن يعص الله ورسوله فقد ضل ضلالا مبينا ))

يعني اللي امرنا فيه الله خير لنا ....ولاننسى ان فيه عقاب للي يعصي الله بحجج وآهيه ....من الشيطان ..

والله يهدينا وياهم ..

 

[FeShinGoOo]

أصلا لما وحده تكره روحها على الحجاب وتغصب روحها عليه عشان رضى ربها حتى لو اهي مو متقبلته راح يكون اجرها اكبر لان اهي مو عاجبها شكلها بس تحجبت عشان رضى ربها .. ترى هالشي مو هين عند رب العالمين ان احنا ندور رضاه حتى لو كرهنا الشيء ..

وعلى قولتج مادري ليش يسمونه قناعه وحريه شخصيه ..

يعني اشوف بنتي ماتصلي اقولها يمه لاتصلين ليما تقتنعين وتلتزمين ومن كيفج تصلين ؟؟

اشوف بنتي ماتصوم واقولها لاتصومين ليما تقتنعين وتتقبلين الصيام ؟؟

ههاذا شرع الله غصباً علينا نسوي ونمشي عليه عجبنا ولا ماعجبنا رضينا ولا مارضينا

الحلال بين والحرام بين

والفرض واموار الله مافيها انطر قناعاتي الشخصيه

لما الله يأمرنا بشي مفروض نقول لبيك يا رب سمعاً وطاعه

مو اراجع نفسي وحساباتي ..!!

اشلون تبين تقتنعين فيه وانتي ماحاولتي ولا جربتي ؟؟

يعني اعطيج مثال وحده اهلها حجبوها وماكانت راضيه

بعد سنه خلاص تعودت على شكلها لان خلاص الحجاب صار على راسها رضت ولا مارضت اهني اهي كيفت روحها على لبسه وعلى انها تحبه

بس وحده تقول لا والله انطر لما التزم .. فهاذي وحده ايمانها ضعيف اولا وابليس راح يظل يخليها تفكر لي يوم القيامه وبعدين يقولها اعوذ بالله منج حتى حجاب اللي ابسط منه مافيه ماقدرتي تحطينه على راسج ؟؟

ماشريتي رضى ربج بحجاب ؟؟

ليش في اسهل من ان وحده تحط حجاب على راسها والسلام ؟؟

اذا هالشي البسيط ماقدرتي تسوينه حق ربج عيل الاشياء الجايده واللي فيها تعب وجهاد عشان رضى رب العالمين اشلون بتسوينها ؟؟

 

[SuGaR~]

الحمدلله على نعمة الحجاب

و الله يهدي الجميع

 

[تهبل و تستهبل]

ايييي والله كلااامج صووووح .. عااد انا ماا كنت مقتنعه بالحجاب بس وربي لبسته اسبووعييين والله استااانست عليييه و صرت احب الحجااب بس فييييه بعض البناات يلبسون حجاااب و الشعر طاالع نصه عيل لييش متحجبه و لا وحده تلبس الحجاب عشاان شعرها خااايس و ماا تبي احد يشووفه ههههههه

 

[^LILY^]

ايييي والله كلااامج صووووح .. عااد انا ماا كنت مقتنعه بالحجاب بس وربي لبسته اسبووعييين والله استااانست عليييه و صرت احب الحجااب بس فييييه بعض البناات يلبسون حجاااب و الشعر طاالع نصه عيل لييش متحجبه و لا وحده تلبس الحجاب عشاان شعرها خااايس و ماا تبي احد يشووفه ههههههه

هذا اكبر دليل على كلامي :icon30:

 

[دموع الظلام]

المهم الوحده تكون محتشمه

في بنات بحجاب وبنات من غير حجاب

لكن اللي لابسه حجاب شكلها يجذب وكله فتنه

أكثر من الثانيه

 

[أعشقه]

البنت اذا ماتعودت ع الشي من صغرها مابتتحجب لو كبرت

احنا بالسعوديه البنت من وهي صغيره نعلمها ع الحجاب هذا عند اهلي مادري عن الكل البعض تطول بناتهم ع مايتحجبون او يتقطون .. بعضهم كبيره بنتهم وكاشفه وجهااا بس متحجبه
والحين طلعو لنا بحركه غبيه وفاشله ان الحجاب خذوه زينه ولعبه نص شعرهم طالع مدري وش له تقص ع نفسهاا
اليوم تتزين به وماودها فيه بس في الاخره تعرف شلووون ..
الله ماامرنا بشي الا فيه خير وصلاح لنااا ..
حبيبتي اهنيك من كل قلبي ع الموضوع والتنبيه للبعض ربي يوفقك ان شاء الله

 

[The Saroosh]

المهم الوحده تكون محتشمه

في بنات بحجاب وبنات من غير حجاب

لكن اللي لابسه حجاب شكلها يجذب وكله فتنه

أكثر من الثانيه

مو موضوعنا الشكل هذا شي ثاني
انا اتكلم عن الحلال والحرام مالنا علاقة بالحشمة و هالاشياء
نورتي الموضوع حبيبتي

 

[جنة المأوى]

امي و ابوي ما غصبونا على الحجاب لكن من نفسنا لبسنااه .... و الله اتذكر مرة كنا رايحيين القرية العالمية و كان عيد عااد انا كان عمري 12 سنة و ما كنت محجبة و هذا غير لبسي كان واايد ملفت حركاات يعني ههههههه من يوم ما دخلت بعدنا على البوابة شفت بنت اصغر مني و محجبة والله تمنيييت الارض تنشق و تبلعني مادري جاني احساس عجييب ما قدرت استانس و كله كنت مضايقة ... اتخيلوا من ذااك اليووم خلااص تحجبت والله يجزي البنت المحجبة الف خييير ههههههه
​

 

[The Saroosh]

كلكم كلامكم عين العقل و يا ريت البنات يقروون و يفرقون ببين القناعه الشخصية والحلال والحرام

تسلمون كلكم و لا تحرمونه من اراءكم

 

[ترف بابا]

حبيبتي انا تحجبت متأخر رغم ان اهلي فيهم اصغر مني متحجبين ... والصراااحه اقولها حتي يوم ماكنت متحجبه

كنت حاسه اني مخالفه لامر ربي وماكان هالشي مريحني رغم اني شاطره يالمكياج والشعر وومظهري اوكي

ادري انه حرام


والحين الحمدلله على نعمته

 

[shadows]

عدل كلامكم

بس ابي اصدمكم

واقولكم

شرايكم باللي يقول انه مو مقتنع بالصلاة!

لووووووول

نو كومنت :\

 

[Only One]

ليش طبعا اكيد بسبة قلة الايمان والناس قامت تركض ورا الدنيا والوحدة عندها انها تطلع حلوة وشيك جدام اللي يسوى واللي ما يسوى اهم عندها من انها تادي فرضها وترضي ربها

طبعا في اسباب ثانية اللي هو التقليد البنات يشوفون ملوت الاعلام سواء ممثلات... مطربات... مذيعات... الخ.. سفور ومكياج وشعر ولبس يحبون يسوون مثلهم عساس يعني اهم عندهم ذوق ويعرفون يكشخون ويشوفون ان الحجاب راح يعيقهم عن كشختهم..

بس والله ماكو اكشخ من وحدة بحجابها صج تكون انثى لانه اهم دليل على الانوثة هو الحيا...

 

[* ملكني الخوف *]

عدل كلامكم

بس ابي اصدمكم

واقولكم

شرايكم باللي يقول انه مو مقتنع بالصلاة!

لووووووول

نو كومنت :\

ههههههههه عاد هذا حالة خاصة يبيله ضربة على راسه عشان يقتنع::::::::j013:::::

 

[*ريما*]

معاك حق
ياصاحبة الموضوع
ومشكورة ع الموضوع الحلو

 

[جود المري]

لا فض الله فوك ولا عاش شانؤك ....


لي عوده بإذن الله

 

[توايلا]

جزاك الله خير

من بلغت وانا اتحجب الحمدلله يارب