ميزانيه لندن

[_زينه_]

اشلونكم كويتيات ؟؟
بصراحه انا ودي اروح لندن بالصيف والكل يقول عنها غاليه توقعون جم لازم احسب احساب المصروف حقي انا و زوجي بدون تذاكر وسكن حق 10 ايام
ارجوا المساعده

 

[دلع الكون]

حسبي 1000 دينار غير السكن ... طبعا هذا اذا تبين تستانسين مو ماسكه نفسج لأن السوق هناك واايد حلوووو

 

[خلطة عطر]

نفس ما قالت الاخت اذا تبين تستانسين مطاعم وكافيهات وحجوزات رحلات وتذاكر قطار او حتى التكاسى
يكون مصرفكم 1000
اما اذا تبين تشترين وصوغات لا زيديهم 800

وسفره سعيده

 

[ام مهاوش]

انا اقول اكثر من 1000 بشويه يعني خليهم 1500 او 1800 طبعا مع سوق خفيف واذا تبين نصيحتي لاتروحين عشان السوق والله سوقهم نفس سوقنا نفس المحلات روحي استانسي خليها سياحه صح رحلات لندن وايد حلوه بصراحه احس رحلاتها احلى من دول اوروبا الباجي احنا كنا كل يومين تقريبا نحجز رحله من مكتب السفريات اللي بشارع اجورود يوم حق الريف يوم حق جبل صعدناه ويوم حق سفاري ويوم حق برايتون وبصراحه احلى شي رحتله منطقة بلاك بول رحناها مع مكتب السفريات هذا كانت مدت ثلاث ايام استانست فيها اكثر من لندن صج صج حلوه

 

[القلب خضر]

بسكككككم تسوووووق ياكويتيااااات

سااااافرووو استاااااااانسوووو غيروووووو جو

 

[همامة]

اب اب
نبي معلومات اكثر عن السياحة و الرحلات
و لا عدم من السوق

 

[أم أنور]

السفر اذا مافيه سوق مو شي انا رحت 5 ايام صرفت 1500 كويتي بس رديت اب4 جناط واكره شي الصوااايغ وييييع العبت ابنفسيتي عدل

 

[msmshasnsn]

انا صراحه بروح بالصيف ومفكره اخذ معاي 2000
عشان ماانقص على عمري حلاته الواحد يكون راهي

 

[ام الحلوتين]

حسبي 1500 زينه مرررره حق وناسه لكن شناط وشوز وفساتين ماركات لا لا ابد

 

[المتفائله دائماً]

السكن يعني تقريبا كم يطلع وين المنطقة اللي يكون فيها كويتين اكثر شي؟

 

[Om_Ksha]

لندن جم يوم لها ؟
احنا مفكرين اسبوع بس احس شوي عليها !!

 

[fona]

انا لندن لو يودوني شهر هم ماامل واذا على الميزانيه ماادري كل واحد وشنو مشترواته يعني اماكن عاديه والا ماركات
وام كشه لندن اسبوع اشويه عليها بس اذا تغيير جو عادي

 

[mr000]

آنا بلندن ألحين..والله حطيلج ميزانيه عدله لأن السوق يشوق..بس شوفي آنا وبنتي مانخم وبس..يعني ندور شغلات حلوه وتسوى ..مابي اخلص فلوسي ويطلع علينا وزن على شغلات رخيصه وخرابيط..وانتي يعتمد على مشترواتج

 

[always Buty]

رد : ميزانيه لندن

لا الف ماتكفي شوية ! خاصة لندن حتى لو ماتبين السوق غصب غصب تتسويقييين امبي سوقهم شي خيال تتشوقييين تشرين وجد يستاهل

اممم انا اقول الف ماتكفي خليهم على الاقل الفين حق مطاعم مشاوير مع سياحه تذاكر و خرابيط اي تكفيج الفين انشالله اذا شخصين ..

انا اقولج اذا مثلا بس خذيتي الف .. يعني على 10 ايام كل يوم مصرفج 100 دينار .. شوفي مطاعمهم مو رخيصة تقريبا اممم اذا كل واحد وحبه تتراوح من 20 - 30 دينار طبعا بالسفر ماكو الا وجبة وحده + الريوق لان اصلن راح تنسين تاكلين من الجو الحلو و الطبيعه و السوق تنسين بطنج ويبقالج 70 دينار اذا الريوق مو على الفندق هذة وجبة ثانية راح يبقى من المصرف 40 - 50 دينار ... اذا انتي اول مرة تروحن لندن او ماتدلين فلازم تستخدمين التاكسي و اذا معاج صرف معين لاتستخدمين تاكسي لان لو مشوااار قريييييب + ماكو زحمة يكلفج من 5 - 10 دنانير للمشوار الواحد طبعا اذا رايح راد هذي عشرين دينار اذا راح يبقالج من مصرفج 20 دينار " مع العلم هذا اذا كنتي بس بتروحين مشوار واحد باليوم " ماحسبنا حساب اكثر من مشوار " ! شلون اذا تبين تسيحين ! مع العلم ان تذاكر لندن اي و متحف الشمح و هالاماكن تذاركها تتراوح من 10 دنانير - 20 دينار , مع تذكرتين اذا كان مبلغها 10 اذا خلص مصرف اليوم الواحد هذا اذا ارخص مكان تذكرته هالكثر طبعا اذا مكان تذكرته اكثر ماراح يكفي المصرف ... و انتي في غربة ! انا انصحج يا انج تزيدين الميزانية او انج تأجلينها الى وقت ثاني لان لندن متعتها ما تخلص و كل شي بحسابة حلات لندن تروحينلاها راهية او تمسكين نفسج بس بملغ شوية اكثر

اذا الفين اوكي ممكن تكفيج بس هم تكونين ماسكة نفسج و حاسبة حساب كل شي و كل فلس

انشالله اكون افدتج اختي العزييرة زينة

 

[شهوووودة]

رد : ميزانيه لندن

عشر أيام واللة مو أقل من ألفين دينار غالية واااااااااااايد وااااايد بس انا لما رحت لها رحت بالصيف وكان كلة سيل عندهم خميت خم اول اسبوع صارفة الف واللة بس متعة بالتسوق الصراحة لاتخلين بخاطرج شي لارديتي ومو شارية واااايد راح تتحسفين

 

[زهره الجلنار]

انا اقول زيدي بميزانيتج تردين معاج فلوس ولاتردين وانتي محسره على عمرج ..

بعد ماتدرين شنو الله كاتبلج هناك .