ميـــــونـــــــــخ صيف 2008

[~ عز ~]

السلام عليكم بنات

شلونكم


حبيت افيدكم بكم صوره لسفرتي الصيف اللي طاف الى ميونخ ..

ميونخ حلوه و شرحه .. بس من وجهة نظري ان حدها 5 الى 6 ايام بالكثير ..

لان مافيها الا سوق و كافيهات .. اما حدائقها واماكنها الترفيهيه فتصير بعيده عنها نوعا ما .. يعني يبي لها نروح

لهم بالقطار اغلب الاحيان ..


عموما

هذي اول صوره لنا اول ماطلعنا من مطار ميونخ .. كان يومها الجووو روعه بس كان بارد شوي




اهنيه عند فندقنا .. كان مطر والجو حلووووو اتعب وانا اقول حلووووووووووووووو :ggdw:



وهذي بعد



طبعا هني في المارين بلاتز




هذا واحد من الطراروه الراقييين :dddds: .. يسوي له اي فنتق وتعالوا صوروه عطوه فلوس ..

يعني طرار عن طريق غير مباشر .. عاد ياكثرهم هناك ..




نهاية المارين بلاتز تلقى فيه هالنافوره .. والناس تتجمع حولها .. طبعا المارين بلاتز شارع كله سوق و مطاعم و كافيهات

اغلب محلات ميونخ تلقونها بهالشارع ..




اهنيه في الحديقه الانجليزيه (( انصح عدوي قبل رفيجي لا يوطوطها )) :eh_s(14):

حسافه الوقت اللي ضاع عليها .. مافيها شي ابد .. حالها حال الحدايق العامه اللي تلاقونها في الفرجان بس على

مساحات كبيره .. تتكسر لرجول و انتوا تتمشون << يليت قاريه هالكلام قبل لااروح لها !!




شوفو حبيبي مسكين من الملل لعب مع البط .. طاقين لي ميونخ وبط .. اذا عالبط نقدر نشتري له كم بطه يلعب

معاهم بالبيت اونس وارخص :dddds:



عندي صور اكثر للحديقه بس مابي اضيع وقتي اكثر بالتحميل لاني مابي احد منكم يروحها :eh_s(14):


رحت مجمع الرايم .. او الريم مثل مايسمونه الخليجين .. مجمع حلو بس اغلب محلاته موجوده في المارين

للاسف ماصورت المجمع لاني ماعندي هواية التصوير ..

في هاليوم قمنا من النوم متأخرين حتى بوفيه الريوق بالفندق خلص فتريقنا بالمجمع ..

طلبنا هالسندويشات و الفطاير اللذيذه من مطعم تركي ..





تغدينا هناك .. غدانا كان في مطعم روعه .. راح تشوفونه الاكل فيه مثل البوفيه تختارون و هم يضبطونه لكم

بس للاسف ماصورت !! ( الحين تحسفت اقول المفروض اصور كل شي )


يتبـــــــــع

 

[~ عز ~]

بالقطار في طريقنا الى ليقولاند



طبعا كلكم تعرفون الليقو .. اهي شركة الالعاب التركيبيه

هالحديقه هذي فيها العاااب حلوووه ممتعه جدا جدا .. و تشوفون مجسمات من التركيبات موزعه بكل مكان







هذي مدينه كامله مسويينها بالليقوا ..



استمتعوا اليهال وهم يشوفون هالمجسم للمدينه .. لان الاشياء اللي فيها تتحرك ..

سيارات تمشي و قوارب تتحرك في الماي و طيارات و حركه .. طبعا كلها من مجسمات



يتبـــــــع

.

 

[~ عز ~]

هذي لعبه روووعه .. راح نص وقتنا و هم كل شوي يرجعون يلعبون فيها








تم


اي سؤال انا في الخدمه ..

:ggdw:

 

[سعودية!!!]

ياحلوك يازوز...حمستيني اروح لها ...انا ذا الصيف بكون حولها شكلي بمرها

 

[الرمانه]

واااااو عليكم بالعافيه مشكوووره

 

[أم@الحلوين]

وااااااااااو تسلم ايدج على هالتقرير الحلووو يالحلوه ميونخ تونس راح نقعد فيها انشالله 5ايام شنو تنصحيني وين اروح وشرايج بفندق هوليدي ان شوانبيغ؟؟

 

[~ عز ~]

ياحلوك يازوز...حمستيني اروح لها ...انا ذا الصيف بكون حولها شكلي بمرها

ياحلو قلبج غلاتي .. تسلمين

ان شالله تستمتعين اذا رحتي هالصيف و اي سؤال ترا انا في الخدمه


يسلموووووووو عالمرور سع سع

 

[دانة من البحرين]

الاااااااااااااااااااااااااااااااااااااي عززززززززززززو روووووووووعة تدنن الصور وتدنن ميونخ تهبل صج

وناااااااااااااااااسة :tomato2: اهم شي انبستطو مع العيال والله يسعدكم دوم ودوم


ولا تنسينا من هالتقارير السنعة لووووووولز :tek:

 

[زلابيا]

يعطيج العافيه ...

وعليكم بالعافيه

 

[@ام ضاري@]

الله عز ونااااااااااااااااااااااسه الجو حده عجيب روووعه
اى انا كنت معااج ليش ماعرضتي صوري
ماسامحج
بس خوووش تصوير

 

[Um ЯaYaN彡]

توووووووونس بس هالصيف ننسى
عشان انفلونزا الخنازير
يعطيج العافيه عز صور تهبل ماشالله
تسلم لنا اناملج

 

[SupeR-GirL]

عجييييبه ليقولاند
بعيده عن ميونخ ولا قريبه يعني جم ساعه بالسياره
ووين سكنتو بميونخ باي فندق

 

[black_arno0oBa]

مشالله عليكم بالعافيه خوش رحله

 

[كوارين]

عليج بالعافية

 

[~ عز ~]

واااااو عليكم بالعافيه مشكوووره

الله يعافيج اختي

تسلمين عالمرور

 

[~ عز ~]

وااااااااااو تسلم ايدج على هالتقرير الحلووو يالحلوه ميونخ تونس راح نقعد فيها انشالله 5ايام شنو تنصحيني وين اروح وشرايج بفندق هوليدي ان شوانبيغ؟؟

الله يسلمج حبيبتي ام الحلوين ..

5 ايام حلو لميونخ ..

بالاضافه الى المارين بلاتز و اسواقه و قهاويه و مطاعمه روحي مجمع الرايم ..

و روحي شارع الماكسميليان ( شارع الماركات )

طبعا للوناسه و خصوصا لليهال روحي ليقولاند .. هذا موقعهم عالنت

http://www.legoland.com/

في بعد حديقة العاب اسمها اوروبا بارك هي بعيدة شوي عن ميونخ ( انا مارحتها ) بس يمدحونها شوفي موقعها عالنت

http://www.europapark.de


فندق هيلتون شوابينغ ماعرفه !! اعرف هيلتون سيتي مادري هو والا لاء ؟؟
اذا هو نفسه فالهلتون سيتي ممتاز و موقعه عجيب و تحته محطه قطار

اممم هذي اهم الاماكن في ميونخ

 

[أم@الحلوين]

الله يسلمج حبيبتي ام الحلوين ..

5 ايام حلو لميونخ ..

بالاضافه الى المارين بلاتز و اسواقه و قهاويه و مطاعمه روحي مجمع الرايم ..

و روحي شارع الماكسميليان ( شارع الماركات )

طبعا للوناسه و خصوصا لليهال روحي ليقولاند .. هذا موقعهم عالنت

http://www.legoland.com/

في بعد حديقة العاب اسمها اوروبا بارك هي بعيدة شوي عن ميونخ ( انا مارحتها ) بس يمدحونها شوفي موقعها عالنت

http://www.europapark.de


فندق هيلتون شوابينغ ماعرفه !! اعرف هيلتون سيتي مادري هو والا لاء ؟؟
اذا هو نفسه فالهلتون سيتي ممتاز و موقعه عجيب و تحته محطه قطار

اممم هذي اهم الاماكن في ميونخ

مشكوره حبيبتي على المعلومات

 

[eman84]

عليكم بالعافية


وتسلمين عالصووور رووعه

 

[dudi]

حبيبتي مشكورة على التقرير الحلو انة انشاء الله ناوية على ميونيخ بس بغيت اوتيل حلو ورخيص خبرج وايد باقين بس مابي شقة وابي اعرف ماعليج امر اماكن التسوق مثل السوبر ماركت والهدايا موغالية يعني للاهل
وبغيت استعلم عن الاكل كيف تاكلون هناك وهل الدونر كباب والمطاعم التركية منتشرة هناك
كم تقريبا المسافة بالقطار الى ليجو لاند وكم سعر التذكرة ومن وين
ووين بعد رحتوا الى اماكن قريبة من ميونيخ وكيفية استخدام الاوبان الاندر كراوند انة كنت عايشة في النمسا هل طريقة المواصلات نفس الشيء واسمحييييييييلي على الازعاج

 

[~ عز ~]

الاااااااااااااااااااااااااااااااااااااي عززززززززززززو روووووووووعة تدنن الصور وتدنن ميونخ تهبل صج

وناااااااااااااااااسة :tomato2: اهم شي انبستطو مع العيال والله يسعدكم دوم ودوم


ولا تنسينا من هالتقارير السنعة لووووووولز :tek:

الاروع وجودج دندون

الحمدلله انبسطنا و كانت سفره حلوه


ان شالله كل مااسافر بسدح لج الصور حتى لو نسافر الدمام :dddds: