ميـــــونـــــــــخ صيف 2008

[~ عز ~]

يعطيج العافيه ...

وعليكم بالعافيه

الله يعافيييييج حبيبتي

 

[~ عز ~]

الله عز ونااااااااااااااااااااااسه الجو حده عجيب روووعه
اى انا كنت معااج ليش ماعرضتي صوري
ماسامحج
بس خوووش تصوير

اعرض صورج شناويه ؟

اسوي ضجه بالمنتدى و بعد الضجه تييج عين ماتترقعين بعدها اسم الله عليج لووووولز


يسلمووو عالطلا الحلوه ياعسل :ggdw:

 

[~ عز ~]

توووووووونس بس هالصيف ننسى
عشان انفلونزا الخنازير
يعطيج العافيه عز صور تهبل ماشالله
تسلم لنا اناملج

اي والله هالسنه التخطيطات والاحلام كلها تغيرت

يلا خيره .. والحمدلله على كل حال

الله يعافيج يا قلبي و تسلمين عالمشاركه في موضوعي

 

[~ عز ~]

عجييييبه ليقولاند
بعيده عن ميونخ ولا قريبه يعني جم ساعه بالسياره
ووين سكنتو بميونخ باي فندق

رحناها بالقطار .. تبعد تقريبا ساعه ونص

سكنا في سويت هوتيل ..

حياج الله اختي

 

[أم@الحلوين]

قوه عز شلونج .. منور موضوعج يالغاليه


ما عندج بعد صور؟؟


بغيت اسألج اشلون طريقت تنزيل الصور اذا ما عليج امر؟؟

 

[~ عز ~]

هلا اختي ام الحلوين

الموضوع منور بتواجدكم حبيبتي

ان شالله بحط لج كم صوره



اهنيه في ساحة المارين بلاتز



هذي صوره عند فندقنا



واهنيه وحده من ليقولاند نسيت احطها




انا احمل من الـ paint ( الرسام )

اول شي طبعا الصور بيكونون مخزنين عندج بالجهاز في ملف .. فلنفرض انهم في بكشر ( الصور )

ادخلي على الرسام و افتحي الصوره .. اول شي صغريها انا اختار 25% على 25%

وبعدين عدلي في الصور يعني غطي الوجوه .. واكتبي عالصوره اسمج .. بعدها احفظي الصوره

انا قبل اي شي اسوي لي ملف جديد في سطح المكتب عشان اذا ضبطتها في الرسام ارسلها للملف الجديد

بعد ماتحفظينها بالملف الجديد .. روحي لاي موقع تحميل .. مثل العملاق او صندوق العرب و حمليهم منه

وبس .. بيطلع لج رابط مكتوب يمه للمنتديات نسخيه وتعالي حطيه اهنيه ..

ان شالله تكونين فهمتي عليي ؟؟؟

اي سؤال اسألي عادي ترا

 

[~ عز ~]

مشالله عليكم بالعافيه خوش رحله

تسلمين حبيبتي عالتواجد

 

[~ عز ~]

عليج بالعافية

الله يعافيج حبيبتي

 

[~ عز ~]

عليكم بالعافية


وتسلمين عالصووور رووعه

الله يعافيج .. ويسلمج حبيبتي

 

[~ عز ~]

حبيبتي مشكورة على التقرير الحلو انة انشاء الله ناوية على ميونيخ بس بغيت اوتيل حلو ورخيص خبرج وايد باقين بس مابي شقة

العفوووو اختي ..

ادخلي هالرابط بتلقين فنادق في ميونخ اسعارها زينه

http://www.booking.com/city/de/muni...04059869;ws=&gclid=COWXuaza_5oCFQdN5QodlGRMdA

وابي اعرف ماعليج امر اماكن التسوق مثل السوبر ماركت والهدايا موغالية يعني للاهل

في عندها سوبر ماركتات موزعه راح تشوفينها .. حتى في المجمعات تلقين .. يعني مابتتوهقين بخصوص موضوع السوبر ماركت .. اماكن التسوق المارين بلاتز فيه الغالي و الرخيص امشي بتلقين .. واذا بتروحين في شهر 7 بيكون عندهم تخفيضات .. و تنزيلاتهم صج مو اي شي ... عندج محل C & A محل اسعاره زينه ويسوي تنزيلات حلوه . اذا دخلتيه كودي منه للصوايغ ..

وبغيت استعلم عن الاكل كيف تاكلون هناك وهل الدونر كباب والمطاعم التركية منتشرة هناك

ناكل في مطاعمهم .. في شارع المارين بلاتز .. مطاعمهم لذيذه الباستا عندهم روعه .. والبيتزا بعد وناكل في مطعم هندي
قعدته خارجيه .. بتلقين صاحبته موجوده هناك .. هي اللي تاخذ الطلبات اكلها روعه
بس بوجه عام الاكل غاااالي عندهم .. بالنسبه للمطاعم التركيه فهي منتشره هناك .. انا ماجربت الكباب .. ماشهاني بصراحه :dddds: بس الشوارما حلوه .. حطيت صورتها بالموضوع ..

كم تقريبا المسافة بالقطار الى ليجو لاند وكم سعر التذكرة ومن وين
ووين بعد رحتوا الى اماكن قريبة من ميونيخ وكيفية استخدام الاوبان الاندر كراوند انة كنت عايشة في النمسا هل طريقة المواصلات نفس الشيء واسمحييييييييلي على الازعاج

تقريبا ساعه ونص بالقطار الى ليقو لاند .. سعر التذكره اظن بحدود 15 دينار للشخص شامله الالعاب .. قطعناها من عند باب الحديقه .. استخدام الاندرقراوند عادي نفس اي مكان اتوقع .. لان جربته في باريس و لندن نفس طريقة المانيا ..


حبيبتي لا ازعاج ولا شي حياج الله

 

[أم@الحلوين]

مشكوره عز

عندج السايت مال التحميل؟

 

[~ عز ~]

العفووو ام الحلوين

تفضلي

http://www.arab-box.com/

 

[أم@الحلوين]

مشكوره

 

[MaRSH-MeLLoW]

وااااو :ggdw:

فديت ميونخ واهلها :ada:حده تقرييييييج يشوووق :ggdw:


يعطيييج العافيه يا ربي ..

 

[~ عز ~]

وااااو :ggdw:

فديت ميونخ واهلها :ada:حده تقرييييييج يشوووق :ggdw:


يعطيييج العافيه يا ربي ..

الله يعاااااااافيج حبيبتي


يسلمووو عالمرور الحلو

 

[أحلى^حياه]

يعطييييييج العاااااااافية
انا بروحلها هالصيف ان شاء الله بس غيت اسئلج
شرايج بفندق هوليدان ؟؟ عند السوق ولا لا؟؟
بأي فندق تنصحيني؟؟ احنا مو عايلة بس انا و ريلي
نبي شي بالسووق

ومشكوووووووورة

 

[~ عز ~]

الله يعافيج اختي

اذا تقصدين هوليداي ان سيتي سنتر فممتاز جدا موقعه روعه و تحته محطة قطار

و سوبر ماركت بعد .. و محلات .. ومكدونالد قريب منه .. و المارين بلاتز بعد قريب منه تروحين له مشي

بالنسبه لسوقهم حلوووووو بس توقعته احلى على كثر المدح ..

تقريبا اغلب المحلات انفتحت عندنا بالخليج ..

بس اهم شي عندهم سي اند ايه

وهم عندهم محلات المانيا مافتحت في اي مكان بالعالم مثل كريشتاد و الكوفهوف (( ترا هالمحل عنده عطورات روعه ماتلقينها عندنا .. ))

اذا مالقيتي حجز في الهوليدي ان عندج فندق ميركور التستاد روعه خصوصا الموقع في وسط المارين بلاتز بالضبط .


.

.

 

[بسايل الرشيدي]

روعـــــــــــــــــهـــــــ
الله يعطيج العافيه
تهبل

 

[~ عز ~]

الله يعافيج اختي بسايل

 

[حضاره]

عليييييييييييييييييج بالعافيه السفره00تشوق

حلوييييييييييين الصور00بس ب سئلج مارحتي جارمش؟ انا خبري بميونيخ من سنين 00

الله يهنيكم ياعز00