أنا دخلت .. تقريبا ً نسبة الاستفاده مابين 60 الى 50 %
يمكن لاني سبق ودخلت دورات ثانيه .. فصار عندي معلومات
لكن لو أنتي مادخلتي دورات .. أستفادتج من دورة ناعمه بأذن الله تكون أكثر
حضرت لها دورتين حضور شخصي
- أسرار الناجحات
- فاشن
دورتين اون لاين
- الحب الى الابد
- بوصلة الشخصية
وهالاسبوع ان الله اراد بسجل بالدوره الثالثه اون لاين
- دورة الجاذبية والجمال
أجمالا ً الدورات فتحوا عيوني على اشياء ماكنت اهتم لها
لكن في شي ماعجبني بالدورات اون لاين .. لما تستفسرين وتردين ماترد عليج ناعمه
واهي اللي تختار الاستفسارات وترد عليهم .. هالشي ماعجبني لاني قبل لا أسجل
مكتوب بأعلان الدورات أنه الاستاذه راح ترد وراح نكون متواصلين اكثر معاها
وهالشي للحين ماشفته .. وأتمنى اشوفه بالايام اليايه
النقطه الثانيه .. الاجزاء على ماتنزل جدا ً بطيئه .. يعني احيانا يمر اسبوعين واكثر وللحين مافي جزء جديد
هالشي ماحبيته ..
لكن بالنهايه اللي تبي الفايده تصبر حتى ع الشي اللي مو حابته
