مين تشاركتي رجيم التمر واللبن لمده 4 اسابيع

[شقيقة النعمان]

كيفكم ياحلوات
قررت اسوي رجيم التمر واللبن وهي تجربه وحده من البنات

بنات خليكم مع رجيمي والله بتنحفو راح اعيدو كل مره علشان كل وحده فيكم تستفيد


مرحبا اخواتي حبيت انقل لكم تجربتي في نزول وزن كان وزني 80 كيلو والآن اصبح وزني 60 كيلو وبدون تعب او دوخه او جوع وهدفي رحت السوق ودخلت ستي ماكس وقررت اشتري ملابس بمقاس ميديوم حتى يكون عندي هدف واشتريت احلى الملابس ومن وقتها قررت ابدا رجيم التمر واللبن بس بشويه تعديل مني وعن جد فادني ونحفني مع شويه تمارين بطن خفييفه واشتريت بدله الساونا من صيدليه النهدي ب 90 ريال وكنت امشي بالبيت نص ساعه يوميا معلش طولت عليكم ابدا بالرجيم

اليوم الاول ..
الفطور: 7 حبات تمر + كوب لبن
الغداء: 7 حبات تمر + كوب لبن
العشاء: 7 حبات تمر + كوب لبن


اليوم الثاني ..
الفطور: 7 حبات تمر + كوب لبن
الغداء: 7 حبات تمر + كوب لبن
العشاء: 7 حبات تمر + كوب لبن


اليوم الثالث ..
الفطور: 7 حبات تمر + كوب لبن
الغداء: دجاج مشوي او سمك مشوي او لحم مشوي بدون دهون + صحن سلطة مشكلة بدون طماطم لان الطماطم يثبت الوزن ويجمد الدهون
العشاء: 7 حبات تمر + كوب لبن

اجباري لا زم تكسري ثالث يوم ا الغداء علشان الجسم ما يتعود على نوع واحد من الأكل
وممكن اللبن يكون كامل الدسم او قليل الدسم او خالي
والتمر يفضل تمر اخلاص ويستبعد السكري
وفي ثالث يوم العصائر مسموح هانا كنت اشرب عصير اناناس او جريب فروت كي د يدي او سيزر
بشرط انها تكون طبيعية وبدون سكر وهذي الأنواع مضمونه

اليوم الرابع :
الفطور: 7 حبات تمر + كوب لبن
الغداء: 7 حبات تمر + كوب لبن
العشاء: 7 حبات تمر + كوب لبن

اليوم الخامس:
الفطور: 7 حبات تمر + كوب لبن
الغداء: 7 حبات تمر + كوب لبن
العشاء: 7 حبات تمر + كوب لبن

اليوم السادس :
الفطور: 7 حبات تمر + كوب لبن
الغداء: دجاج مشوي او سمك مشوي او لحم مشوي بدون دهون + صحن سلطة مشكلة بدون طماطم لان الطماطم يثبت الوزن ويجمد الدهون
العشاء: 7 حبات تمر + كوب لبن

اليوم السابع :
مفتوح يعني تاكلي كل شي صحي من فواكهه وخضروات وعصير ودجاج او سمك او لحم مشوي بس تيجي الساعه 8 قفلي فمك افضل وانا كنت اشرب كل يوم مرتين شاي الضيافه

بأذن لله تستفيدو من رجيمي والله صحي وما يجوع واي سؤال انا حاضره ونصيحه لاتوزنو الا آخر الإسبوع

 

[شقيقة النعمان]

اليوم اول يوم السبت
الفطور
7 حبات تمر مع كوب لبن
والغداء
7 حبات مع كوب لبن
العشاء
7 حبات تمر مع علبه زبادي منزوع الدسم

وقبل شوي شربت كوب حليب خالي الدسم وحطيت عليه ملعقه نسكافيه
والعصر شربت 3 فناجين قهوة تركي بدون سكر

مشيت 30 دقيقه

منو تحمسني

 

[لياحه بنت لواح]

هلاااا شقيقه
جابج الله كنت ناااويه اسويه وادوري قروب
كنت بفتح يوميات
بس دامج بديتي
ممكن ابدا معاج
من يوم الاثنين انشالله

لان كنت مجربته وضعفت عليه

وهالمره بجربه شهر


يالله شدي حيلج
والاثنين ببدي معاج اوك

 

[شقيقة النعمان]

هلا هلا حياج الله
بس ليه من الاثنيين
انا بوزن كل يوم سبت ان شاء الله
وان شاء الله من اول اسبوع ادخل الستينات يارب

 

[لياحه بنت لواح]

صباح الخير

انا اليوم خلصت رجيمي
ومن بكره ببدا هالرجيم
لان معزومه اليوم 
وباجر بإذن الله ابدي
ونتحدا بعض
وانشالله يكون في مشاركين بعد
والميزان السبت علي خير



 

[ايمان الغساني]

موفقااات

 

[شقيقة النعمان]

حياج اختي
اليوم وزنت الصباح لقيت نازله كيلو ونص الحمدلله
بس طبعا اكيد الوزن الي بالبدايه يكون نقص السوائل
بستمر اسبوع وبشوف النتيجه حقته وبعدها اقرر اكمل او لا
بس شكل النتايج مشجعه

 

[شقيقة النعمان]

يوم الاحد
الفطور 7 حبات تمر وكوب لبن
الغداء والعشاء نفس الشي
وشربت قهوة تركي
بدون سكر
ومشيت نص ساعه مشي سريع
وحليب رشاقه مع نسكافيه

والحمدلله يارب انحف من غير شر

 

[شقيقة النعمان]

وينكم
ليه مافيه تشجيع
وزنت اليوم لقيت وزني 72 و 800 جرام
مرة ممتاز الحمدلله
عقبال مااوصل لل 70

 

[شقيقة النعمان]

يوم الاثنيين
الحمدلله عدى على خير
الفطور 7 تمرات وكوب لبن
الغداء فروج من الطازج مع جرجير
العشاء 7 حبات تمر مع لبن

شربت كوب حليب مع ملعقه نسكافيه
مشيت 30 دقيقه
ويااااااااااارب

 

[ريحانه88]

بالتوفيق انشالله

 

[شقيقة النعمان]

وياك يارب

 

[شقيقة النعمان]

وين الي تبي تبدا معي
اليوم الثلاثا

 

[فوشيهـ]

شقيقة النعمان شصاار معاك بعد اليوم الي اكلتي فيه فرووج ؟؟

كم نقصتي بعد هاليووم ؟؟

انا افكر اجربه بس ماقدر اسبووع .. حدي 3 ايام .. لاكن كنت مسويته من اول ونقصت ب 3 ايام 600 جرام فقط !!

ماعرف تنصحيني اسويه او لا !!
​

 

[شقيقة النعمان]

جميل جميل الرجيم
بديت فيه ب 74
وزني امس 72 و 800 جرام

 

[شقيقة النعمان]

يومي الثلاثا
الفطور 7 حبات تمر مع لبن
الغداء والعشاء نفس الشي
وزياده نص تفاحه مدري كيف اكلتها
وكوب حليب الرشاقه مع نتفه نسكافيه

رياضه 30 دقيقه ع السير
ومن الاسبوع الجاي ببدا بالاوربت تراك ربع ساعه باليوم مع المشي
وتمارين البطن

 

[S0 WHat]

وييييييييييت وييييييييييييت

تعالو اسالكم
يعني طول اليوم بس تمر ولين صح ؟؟؟؟؟؟؟؟؟

ها أدش معاكم واسويه اليوم ؟؟؟؟؟؟؟

يالله يبا سجلوني معاكم اليوم ابلش فيه​

 

[S0 WHat]

اااااااااااي بس جنه وايد 4 أسااااااااااااااااااابيع !!!
أحس راح اصير بنيه :/
تمرة تمشي
شوفي أنا أمشي معاكم أسبوع وبعدها أقرر :#​

 

[شقيقة النعمان]

اليوم وزنت الصبح نقصت 100جرام
صار وزني 72 و 700 جرام مررررررررررررة ممتاز
اليوم لي 5 ايام
بديت السبت بوزن 74
الاربعاء الصباح وزني 72 و 700



,جربيه اسبوع وشوفي
الحلو انه اليوم السابع تاكلين الي تبين بس اكل صحي
انا بالنسبه لي حبيته مرة اعجبني وماتحسين بجوع بس اول يوميين وبعدين عادي

 

[شقيقة النعمان]

يومي الاربعاء 5 يوم


اليوم حسيت اني خربطت
الفطور كان 7 حبات تمر وكوب لبن
والغداء 7 حبات وكوب لبن
والعشاء كنت عند اختي اكلت 4 ملاعق رز ابيض قفشه صغيره مع حبه خيياره
ورديت البيت اكلت تمراتي مع كوب لبن


اخاف اكون حست الدنيا
مشيت نص ساعه مع تمارين البطن وبرد امشي 20 دقيقه علشان احرق ال 4 ملاعق الرز الي اكلتها