مين تقدر تفيدني ياحلوات

[MS سعوديه .]

السلام عليكم

بنات الله يرضى عليكم ابي استفسر وبي منكم تفيدوني الله يجزاكم الجنه

عندي ولد صار عنده نقص اكسجين اثناء الولاده والان عمره سبع شهور الحمدالله ابتسم على ثلاث شهور والان احسه يعرفني وذا شاف احد غريب يبكي وذا يقمنا نلعب معه ينبسط ويضحك

سؤالي الاول هل هذي علامات ان عقله سليم او مالها علاقه

سؤالي الثاني ومعاه شد في يديه ورجوله هل الشد يروح او لا

 

[الموهوبه]

السلام عليكم
اكيد عقله سليم اذا كان يعبر وانتي حاسه فيه
وانصحك نصيحه استمري بالعلاج الطبيعي ويوميا
ونمي قدراته ومهاراته

 

[سمسومه الحبوبه]

أهلين حبيبتي منورتنا
ان شاءالله ان عقله سليم مدامه يعبر ويضحك ويعرفك
بس انتي تواصلي مع دكتور أعصاب والعلاج الطبيعي داومي عليه ولا تخلينه

 

[MS سعوديه .]

مشكورين على الرد ويعطيكم العافية ما قصرتوا

طيب ايش العلامات اذا الواحد كان عقلة مش سليم

اذا في تجمع الي اولادهم فيهم اعاقات عطوني الرابط..

 

[الذوق]

انا ولدي نفس الطريقه بس صار عنده تاخر حركي ... والعقل الحمدالله ... قالوا لي تاخر عقلي بس هم يحكمون عالحاله ... ما يشوفون ... انا اشوفهذكي يعرفنا ويعرف اللعب ويضحك ويعرف كل شي يحبه ..حتى الاكل اذا شافه يعرف اللي يحبه واللي مايحبه ما يعطيه بال ... ووديته لندن وقالت لي الدكتوره مالت الاعصاب ولدج ذكي ونبيه ... بس هني محد يعطيج اي تفاؤل ...

 

[ام نوونه]

حبيبتي نقص الاوكسجين درجات وانشالله ولدج من الحالات البسيطة اللي تحتاج علاج طبيعي بس

انا ولدي جذي نقص اوكسجين تاخر بالمشي والكلام بس الحمدلله عقله سليم مافيه شي

مو شرط نقص الاوكسجين ياثر على العقل ياثر على اماكن ثانيه

سوويله علاج طبيعي وانشالله يتحسن

 

[الصابرة المحتسبة]

ياهلا فيج أختي بينا

بنتج ربي يحفظها لي لحين صغيرة وماتقدرين تحكمين على مستوى الذكاء عندها بس الإشارات اللي ذكرتيها توضح إنها انسانه طبيعية , نطري عليها لما تكبر وسوي لها اختبار ذكاء وان شاءالله خير .
وبخصوص الشد يبيله علاج طبيعي .