مين معي إنه بعض شبابنا وللأسف

[سوريا الروح]

مين معي إنه بعض شبابنا وللأسف :

يُفسِددون آلفَتياَتَ !!
ثُم يَبحثونَ :
عَن زوجَات صَالحِات فِي مستقِبل حيِاتههُم . .

وغِفلوِا عَن القِاعدة القُرأنية :

" الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ۚ "

 

[Tom ♥ Jerry]

.


طبع الشباب هالايام يخربطون على البنات
و يوهمونهم بالحب بس اهوة يبي يحقق هدف له فقط لا غير ّ
و يوقع البنت بالمعصية و الحرام و تتخلى عن شرفها عشانه
بعدين يتركها و يروح يبحث عن صيدة ثانية ّ!!
اغلب الشباب للاسف صارت هاذي طريقتهم
ما الومهم لانه شافو بنات ما يسوون بيزه اكيد يلعبون عليهم
و هم الدنيا دواره باجر يلقى هالبلاوي على خواته و اهله و زوجته
واكيد ليه ييه يتزوج يبي الوحدة الزينة ..
شي طبيعي ما يبي ياخذ وحده طالعه وياه و رايحه وياه بارتي ومادري وين :|
شلي يظمن له انه ما طلعت ويا مليون شخص غيره :/

برايي الخطأ الآكبر مو على الشباب بل على البنت نفسها
الي ترضى تكون سلعه رخيصه بايد الي يسوى والي ما يسوى
و مقوله كل بنت الشهيره " لا انا حبيبي غير "
لا حبيبتي ماكو حبيبي غير
جان ما شفنا بنات العبو بـ شرفهم و قطوهم ؛)

 

[نجداويه نجد]

~

الموضوع ذو شجون لعلي أعُرج عليه إن شالله في وقت لاحق ..


...


كُل الشكر

 

[بنوتة الخبر]

اولا مششكوه ع المموضوع

ثانيآ انا اشششوف انـوـآ الغلط من البنت صح انوـآ الششاب يششاركها الغلط لاكن لاتقعععد تقول
حبيبي وحبيبي وين عايشششه انتي الي يبحبككك يدل باب بيتكم

والي يحححب يخاف على الي يحبههه مو يطلع معاه ويخربطون ويقولون يحبها
يععععني انا احط النصصيب الاكبر من اللوم على البنت

واذآ اهو معتقد انوـآ راح يتزوج وحده صالحهه هذا الشي يمكن يكون مسستحيل
لـ انو كما تدين تدان

وششكرآ

 

[manoooram]

انا احط اللوم مو بس على الشاب حتى البنت
واجب ان يكون عندها خوف من الله وتحسب حساب ان وراها أهل بيتضررون نفسيا
في حال باعت شرفها وسمعتها
وهذا رأي الأغلبية من الشباب اللي خاض علاقات محرمه مع البنات وفكر بالزواج
شيبون بوحده استهترت بسمعتها وسلمت نفسها لواحد بالحرام !!!
شنو ضمانه ان ما تخونه وتسوي من وراه شي بالحرام
وعموما الكل من يبي الزين والصالح

 

[كلي أنوثة]

غير صحيح ان الشباب يفسدون الفتيات لان البنات عندهم عقول يفكرون ...ليش تخليه يلعب عليها و يفسدها؟ غير انها معتبره روحها مقصة و صيده على قولتهم
المفروض ماتخليه يقص عليها وتحترم نفسها و تعرف ان ماكو واحد محترم يكلم وحده ويحبها بدون زواج فيه خير خل ايي البيت
بس صح المنحرفين دايما يطلبون وحده تلبس عباية و مايبيها تشتغل و لا تسوق و لا تطلع من الي شافه بمعرفته السابقة، و بالاخير راح يتزوج وحده مثله لان كما تدين تدان، او ممكن يتزوج وحده زينه والله يبتليه بمشاكل ماتخلص.

 

[قارورة عسل]

اللهم صلي علي محمد

 

[سفييره الكويت]

انا ارى العكس صحيح

البنت اذا كانت صالحه محد بيتعرض لها ولو فيه شاب يبيها بيكلمها مباشره ويقول ابيج زواج بس اغلب بناتنا اساسا مايبون زواج يبون

لعب وخرابيط هذي الحقيقه ليش ننكرها ونحط اللوم على الشباب

انا ماقول مافيه شباب يلعب اوك فيه بس اضن لنا عقول نفهم اللي يبي يلعب ولي يبي زواج

وطبعا احيانا يصادف الاثنين يبون زواج لكن لظروف اخرى لا يحدث الزواج..!

 

[اثنينا خنا بعض]

الله يهدي الشباب والبنات
بس فعلا الشاب يلعب والبنت الضحيه
طبعا لذكاء الشاب وغباء البنت
ها الزمن مااااااااااافي حب فيه ارضاء للشهوه فقط لاغير

 

[سوسو حبيبتى]

الله يهديهم جميعا

ويسترها على عرض بناتنا يااارب

اعتقد بيكون الغلط من الاتنين

الشاب مايتقي ربه

والبنت غبيه ومنساقه وراء الاغاني والهبل بتاع المراهقين

وكل واحدة تقول لاااا انا غيييير وحبيبي غييير وقصتنا غييير

احنا روميو وجوليت

بس لما بتصحي على الحقيقه بتكتشف انها كانت اكبر غبيييه

وطبيعي الشاب يدور على الملتزمه لما يجي يتجوز لانه شاف بلاووي

بس كما تتدين تتدان

زي ماهو لعب ببنات الناس بتترد له

 

[قهوة]

البنت تعرف ان الشباب يخربطون ويقضون وقت ..ويتنافسون مع أصدقائهم على كم بنت مشبكين..صارت شي يفخرون فيه
فمفروض تكون معتزة بنفسها ...وما تعطي أحد فرصة يسوي منها قصص ومغامرات وحكايات قدام أصدقاءه ..
وإذا معجب فيها يتقدم لها ...وغالبا البنت اللي تكرش الشباب يموتون عليها ويتمنون ترضى فيهم ..ويسألون خواتهم عن يومياتها وش سوت وش كلت وش لابسه وكأنها نجمة في عيونهم..بعكس البنت اللي يكلمها يعطيها بزي بالموبايل .

 

[Şhώasha . . ~]

كل البنات يعرفون ان الشباب هالايام تبع خربطه !
و محد ينكر هالشي و اللي ماتدري اتوقع انها مب عايشه فالدنيا

وتلقين اهي لاتحبه ولا شي و هو لايحبها ولا شي يبون علاقة حرام وبس !
يعني متعه لاغير

او ممكن اهيا صج تحبه و هو يلعب عليها وهي تضنه غير لانها تحبه وتثق فيه ومستحيل تعصي قلبها ( اللي ماتؤمن بالحب ماراح تقدر تفهم انا شاقصد ولا بتحس )

او الطرفين تعلقوآ بـ بعض (وهاشي المنتشر حاليا) اهو مسألة تعودوا على بعض لا اكثر ولا اقل و يوهمون نفسهم انهم حبوا بعض آولا حق صوره شكليه حق الناس جوفوني انا آحب ! ، ثانيا يبون آحد يذرف عليهم كلمات الحب والحنان وخصوصا البنات واايد يستانسون على هالشي .. و الولد يستغل هالشي في الغالب يعني @@

بس جذي و لا جذي آغلب الشباب هدفهم وآحد لاغير
وآسفه ع الاطاله بس فيني نقاش زاايد ههه

 

[تفاءل بالغد]

الله يحمينا جميعا ويبعدنا عن درب الحرام



ويهدي كل ظال ....

 

[حقنة المستبدة]

اختي الفاضلة كل شخص يجد ما يناسبه فالشاب الذي يغري الفتاة فالاكيد ان الفتاة تبحث عن اغراء ايضا و عندما يجد الشاب الفتاة التي تضع الحدود للاشياء فانا على يقين انه لن يتجرء على اغرائها و الاية كريمة تقول ايضا الخبيثون و الخبيثاث اي كلاهما يتقاسمان نفس الخبث

 

[بحرانيـه]

البنت العاجل والمحترمة ماتروح بيدينها وريولها لواحد ماتعرفه والريال المحترم اكيد يبي محترمة
على شباب هالوكت الي اجوفه كلا عن يازعم قصص حب ماخذين بعض ومتعرفين على بعض
يامن نت او شارع او جات تبين واحد او وحدا تتعرف على واحد هناك ويتزوجها من صجكم انتو !!!!!!!!

 

[أأأحبه]

من جد شباب هالوقت تهوون عليهم بنت الناس يقص عليها يأخذ اغلا شي عندها
بس لو جت على بنات اهله صصارت السالفة ذبح ومذابح
وصار الغيور والرجال المحترم

مثل ماترضاها ع اهلك وتبي البنت المحترمه للمستقبل عامل بنات الناس بنفس الي تبيه لاهلك
مهما كانت البنت مغريه وقاطه نفسها مو عذر انك تطيحها وتطيح معاها بالغلطط

 

[غـــلا عتيبى]

انا احط اللوم اولا على الاهل ...

والمسلسلات والاغاني المراهقيين والاطفال حيييل يتأثروون فيهاا ،، وللأسف الحين بكل غرفه فيها تلفزيونات
حتى غرف الاطفال قنوات افلام عربي اجنبي اغاني وغير مسلسلاتنا المحلييه الي دماااااااار بدمااار

لو يحطون قوانيين بالبيت من التلفزيون والنت وحتى الصديقات ،،،

انا والله اتذكر يوم اني صغيره كان بيتنه تلفزيونيين غرفه ابوي والصاله ومشفر القنوات الي ماله دعاي من اغاني وافلام


ويوم شرالي الكمبيوتر عطاني الثقه وزرعها فيني بس كان مفتاح غرفتي وياه ،، الحمدلله ما انحرفنه ونعرف الغط من الصح ليما كبرني ورباني احسن تربيه ،، اما الحين التربيه كلها على الخدم الله المستعان