ميونخ ؟

[حلوه1]

يعطيكم العافيه كلللكم شخباركم
انا ابي ازور ميونخ عندي فيها 12 ليله وممكن امددها 15 يوم بعد:d

وش اهم الاماكن السياحيه وهل تحسون هالايام كثيره عليها
يعني ودي ازور قارمش وومكن سالبورغ والبحيرات الي جنبها
انا اول مره اروح وورطانه لاتبخلون علي
مع العلم اني ماقدر اسكن بمدن غيرها لان جايه زياره لاخوي

 

[الأميرة كيرارا]

سلام حبيبتي

توني رادة من ميونخ و رحت زيلامسي بعد

صراحة ميونخ مو وايد حلوة مافيها شي بس إذا تقدرين تروحين رحلات برة زين
روحي غارمش و روحي ليجولاند حلوة أحلى شي بميونخ و تقدرين تطلعين حق سالزبورغ و عندج مصنع الشوارفيسكي بعد

 

[local]

السلام عليكم
ميونخ حلوة بس مو مثل باريس
أهم المناطق السياحية اللي ممكن تزورينها
المارين بلاتزر.. ساحة وححواليها المحلات الكبار اللي تاخذ بناية كاملة
وقريب منها شارع الماكسمليان- اللي فيه الماركات
اهم مكانين متصلين ببعض
بالساحة فيها القهاوي وحواليها المطاعم وفيها ممر أخه نافورة تقدرين تقعدين حواليها.
بعد أكو بميونخ
حديقة الحيوان
ملعب الباير ميونخ
معرض bmw وايد حلو لا يطوفكم
عالم البحار ويمه ساحة الاستاد الاولومبي.
الحديقة الانجليزية.. كببيرة تتمشين فيها.. وفيها بحيرة تأجرين القوارب.. وفيها تأجير الدراجات الهوائية..
وتقدرين تطلعين من ميونخ وتروحين رحلات بو يوم واحد إلى
قارمش
سالزبورغ
زل ام سي
وانتي بطريج زلمسي هناك زحلاقية كبيرة.. تروحين فوق بالتلفريك.. وتنزلين بزحلاقية مثل السيارة

أحلى شي بالطريق إلى أي منطقة الطبيعة الجميلة
وهناك في سوق خارج ميونخ اسمه يوروبارك

اتمنى اني افدتك
وتستانسين

 

[local]

تفاصيل أكثر

http://www.q8yat.com/t828894.html

 

[برج العرب !]

لا ميونخ امي راحت تقول حر و وصخة يعني الارضيات صورت الصور اقولها على قد ما شفت وصاخة بلندن ما شفتها بميونخ و تروحين و تردين بالسلامة و الله ما رحت بس على لسان امي و فيها الساحة مالت ميونخ و باليل خالتي راحت تقول شهر 7 و 8 وقت احتفالات بالليل بس على حسب

 

[عبير-الشرق]

يالغاليه الناس ماخذه فكره ان ميونخ بس شوبينق بالعكس فيها بحيرات بس والله موحافظه اسمها بس تروحين لها بالندروجراند 30 دقيقه وتوصلين عندج تروحين لكابرون قمه الثلج وتروجين رحله لساسبورغ وفيه قصور ومتاحف والاوت ليت سوي سيرج بقوقل وراح تلاقين اشياء شكثر وبعد الحديقه الانجليزيه حلوه ليغو لاند والاولمبيك بارك

 

[حلوه1]

يعطيكم العافيه طيب احد يقدر يساعدني ويسوي لي جدول 9 ليالي بميونخ

 

[reem83]

حبيبتي انا ميونخ ماحبيتها حسيتها مرة وحدة وبس , مثل ماقالو البنات في رحلات برى ميونخ اهي الاحلى , وعندج اخذي باصات الهوب اون هوب اوف تلفج ميونخ بيوم او يومين , وهم اذا تبين روحي ليلتين زيلامسي او سالزبورغ اهم في النمسا وفرق 3 ساعات على مااعتقد عن ميونخ
راح تلقين اغلبية الي بميونخ خليجين وراح تحسين جنج تتمشين في الخليج , وعندج عند محطة القطارات الرئيسية في ميونخ في مطاعم عربية ومحلات وسوبرماركت عربية وحلال

 

[حلوه1]

طيب اختي الهوب اون هوب اوف كيف اووصله ؟