ميونخ وزيلامسي

[ريماس الحلوه]

مرحبا بنات شلونكم ؟

انا ناويه هالسنه اطب بميونخ ثم انأجر سياره ونروح زيلامسي ومده الرحله 10 ايام وميزانيتي الكامله 2500 هل تكفي حف تذاكر وسكن وفيزا واجار سياره ؟

 

[اميرة الغيد]

انا اظن كافية اذا ما تبين تسوق وايد اذا انتي وزوجج بس مو اذا عايله زلمسي مافيها سوق يسوى ميونخ سوقها حلو يعني تقدرين تروحين حق ميونخ عشان السوق وزلمسي طبيعه بعدين بهالاماكن ما تحتاجين سياره يعني تروحين من ميونخ لزلمسي بالقطار
بميونخ كله اندر جراوند وزلمسي كله باص واسعارهم رخيصه (الاندر جراوند والباصات )
بس الاكل غالي اخذي لج ماجله من اهني احسن اذا تقدرين

 

[ريماس الحلوه]

مثل شنو اخذ معاي من الماجله ومشكوره اختي على الرد

 

[اميرة الغيد]

الماجله كل شي معلب يعني اشياء تحبونها جبن ، حمص ، فول ، واذا تاخذون توست وصمون يقعد احيانا 5 ايام زين واذا عندج عصير وشاي وقهوه وسكر انا قصدي الشي اللي مدة صلاحيته تطول شوي يعني اي شي غير الخضره
ومو تستغربين لما اقولج توست وصمون لأن غير ان الاكل غالي بأوروبا والمطاعم غاليه التوست بزلمسي في انواع فيها كحول فديري بالج

 

[ريماس الحلوه]

ماقصرتي :eh_s(6):

 

[أذكري الله]

حسبيها التذاكر لشخصين تقريبا 400 و السكن اذا بتسكنين بشي رخيص و ترا سكنهم مو غالي . 10 أيام في 40 مثلا هذي 400 و أيجار السيارة قولي ب300 كأقصى حد و أتوقع يطلع أقل صار حسابج 1100 و بنزين السيارة كل ترسة ب30 دينار بس يطول معاكم لأنه ديزل فيمكن تحتاجين تترسين السيارة بس 4 مرات خلال المدة اللي بتقعدينها و يمكن أقل يعني البنزين يكلفج 120 و الأكل نصيــــــــــــــــــــــحة من أخت لأختها أخذي معاج ماجلة لأنه أكلهم الله يزيد النعمة فإذا تقدرين تطبخين أحسن لج . و خنقول الأكل يكلفج 300 دينار صار حسااابج يا طويلة السلامة 1500 تقريبا حق الأساسيات من غير ما نحسب تكلفة الطلعات من تذاكر و مصروفات بس إن شا الله الألف اللي بقت فيها بركة و عسى الله يونسج بالعافية .

 

[ريماس الحلوه]

مشكوره اختي ماقصرتي بس انا خايفه انها ماتكفي بعد ابي اسمع ردود

 

[ريماس الحلوه]

رفع

 

[مســـــافره]

ميزانيتج كافية

عسى الله يونسج بالعافية

 

[ريماس الحلوه]

الله يعافيج

 

[توتة الحلوة]

مثل ما قالو لج إنتي حسبي تذاكركم والسكن والباجي الكل والمصروف اليومي وانا مع أميرة الغيد موضروري السيارة زلامسي فيها مواصلات وتقدرين تاخذين قطار ليما ميونيخ وهناك الأندرجراوند ما يقصر كل مكان يوديج من غير ما تحاتين المواقف والبنزين لأنج مومطوله هناك ،وبالنسبة حق الأكل أخذي معاج شغلات سريعة بس لا تكثرين لأن ميونيخ فيها وايد مطاعم حلال ، تدرين عاد أنا بكل سفره أودي معاي شوله بعين وحدة خفيفة وأسوي شوربة ومعكرونية وحتى مربين سويت بعد لأن معاي اليهال والبيتزا ما تشبع الصراحة

 

[ريماس الحلوه]

مشكوره توته

 

[توتة الحلوة]

العفو حبيبتي ...وأي شي تبين إحنا حاضرين بالخدمة

 

[dudi]

من ميونخ لزلمسي بالقطار

ياليت تدليني الطريقة وكم يستغرق الوقت للذهاب الى زلاميسي او فيننا
وكم السعر والاطفال

 

[مشمشة رمانة]

عفواً اختي انتو جم واحد بيروح حتى نعرف الحسبة شلون تصير ...؟؟؟


بس انا اقولج اذا على انتي وزوجج تكفيكم ان شاء الله ..

ونصيحة اخذي سارة مع الجيبي اس لانة منظر الطبيعة مايتعوض بالطريج ..

والقطار تلعوز خوفج يطوفكم وماتحصلين الايوم ثاني

لانة يعتبر قطار دولي

والطريج بالسيارة حدة ممتع حتى اذا كان معاج يهال حلو

لانة موطويل وايد بس ساعة وربع وترة في طريقين واحد احلى من الثاني

واحد هلي وي والثاني تمرين كلة على المزارع والطبيعة الحلوة

بس انتو جم واحد بتروحون حتى افيدج عدل مدل ........!!!

 

[ريماس الحلوه]

انا وزوجي وولدي عمره 3 سنوات

 

[ريماس الحلوه]

اب اب

 

[أم الغلا كله]

اذا دفعتوا التذاكر والسكن من هني رح تعرفين ان الميزانية تكفيج او لا انا قبل سنتين رحت مع زوجي بدون عيالي بس شريت لهم وايد كلفتني 3الاف د.ك بس كنا رايحين مع سفريات الفضاء ارتحنا معاهم ومع القروب وما شلنا هم المواصلات وغيره لازم تحطين ميزانية مثلا باليوم 100دينار تصرفين هناك عللى الاكثر لأن هناك تذاكر الدخول شوي غالية احيانا وممكن توصل 20 دينار على الأكثر وبالنسبة للمشتريات انتي تقدرين تتحكمين بنفسج على حسب الميزانية وخلي التسوق اخر شي اهم شي تستانسين وتستمتعين والمشترى لاحقين عليه موجود السوق بكل مكان واحرصي على الاشياء اللي مناسبة اسعارها واللي تكون مو موجودة اهني او غريبة وبالتوفيق ان شالله يارب

 

[ريماس الحلوه]

مشكوره ام الغلا كله بس بنات كم توصل سعر التذاكر شعر سبعه

 

[همسQ8]

شوفي انا الصيف الفات رحت وانا وزوجي ولدى 25 يوم زالمسي وميونخ وفرانكفورت وبادن بادن وسكنت بفنادق خمس نجوم بميونخ وفرانكفورت واحسن المطاعم ناكل وتسوقت وماخليت شئ بخاطري والله كلفتنا السفرة 3000 اذا انتي رايحة 10 ايام زالمسي وميونخ راح تكلفج اقل وهذا غير سعر التذاكر وقيمة تاجير السيارة من مكتب افس 300 دينار مرسيدس لمدة25 يوم راح تطلع قيمة التاجير اقل عليج
بعدين زالمسي وميونخ بينهم ساعة وربع تقربيا

انا من وجه نظري 2500 كافي للسفرة 10 ايام