حبيبتي فكري عدل لان هذا زواج مو لعب .. مامريت بنفس موقفج بس حاسه فيج من ناحيه ممكن تتزوجين خطيبك وتعيشين طول عمرج تفكرين في ولد خالج وتقولين ياريت لو انا كنت له .. ومن ناحيه ممكن تفسخين الخطبه وتاخذين ولد خالج وتتعذبين وتكونين خسرتي خطيبج وساعتها الندم بيكون حليفج
اعرف وحده تحدت اهلها عشان تاخذ الي تحبه وحبها بجنون وتزوجته غص عنهم وطردوها وعقب ما تزوجت يابت ولد وعقب سنه زواج طلقها فجأه سئلته عن السبب قالها بس خلاص مانقدر نكمل مع بعض !
القصه هذي اقصد فيها اكثر من شي
اول شي تاخذين سنين على ما تبنين بيتج وعلى اساس الشي الي بنيتيه اما الزواج يكون عامر او ينهدم كل شي بلحظه يعني اذا مو مبني كل شي عن اقتناع وطيب خاطر ورضى من الطرفين واكيد برضا اهلج بيتم بيتج عامر وبترتاحين اما اذا بتاخذينه واهلج مو راضين فيه بتخسرين اهلج !
ثاني شي ليش ما كلم اهلج من اول مهما كان الخلاف على الاقل كان حاول انه يوصلج او يكلم اهلج
ثالث شي ممكن لا سمح الله تتركين خطيبج وتتزوجينه ويهدج وحتى بدون اسباب مهما كان فيه حب ساعته لانتي طلتي الي تحبينه ولا اخذتي الي خطبج واختارج !
وغير جذي اذا منتي مقتنعه بخطيبج حرام كل هذا تعلقينه على امل انه يفكر يبني بيت معاج وانتي تفكرين في غيره لازم تفكرين فيه بعد مو بس بحالج !
قعدي مع نفسج صلي استخاره مره ومرتين وثلاث وادعي ربج وفكري عدل ان شاءالله تكتبين افكارج بورقه كتبي مسار حياتج اذا كان مع ولد خالج او مع خطيبج شلون بيكون قارني بتصارفتهم معاج وبين اهل الاثنين وقارني منو الي مرتاحين له اهلج اكثر سواء الحين او بعدين
ابعدي عن ولد خالج فتره لا تكلمينه وشوفي اذا بتقدرين تكملين هاليومين بدونه معناها تقدرين تكملين طول العمر وتعيشين حياتج
واذا ماقدرتي افسخي الخطبه وواجهي اهلج وتكلمي مع امج قوليلها ما اقدر انا احب فلان وابي اكون معاه وخليها تكلم ابوج وتقنعه
والله يكتب لج الي فيه الخير
