نادي التصوير % بنات canon A640 %وأخواتها

[supermarket]

هلا فيكم بتجمع البنات

الخاص ب canon A640 وغيرها من نفس الطقة :eh_s(15):

لتبادل الخبرات والمعلومات علشان نفيد ونستفيد

ونرحب بكل من يريد الاستفسار،،، وبكل من يريد الادلاء بمعلوماته،،،

كما نرحب بكل من لديه هذه الكاميرا ،،، ومن ليس لديه ياااامرحبا بهم :eh_s(17):





وبهذا الموضوع نرحب ايضااااااا بالخبيرات بتوع البروفيشنال اقول لاتخلونا بروحنا بالموضوع على بو بس بنات بور شوت ترانا نستاحش :eh_s(1):

 

[supermarket]

وهذي الصور من جميع الجوانب تسهيلا للرجوع اليها

<<< ------ ساعات مالي خلق اييبها علشان اشوف الدقم :eh_s(3):


من الامام

من الخلف

من فوق

 

[جاي وحليب]

زين تسوين ياسوبر ماركت .. علشان تبادل الخبرات بينكم ..
وباسم كاميرتي القديمة A620 رزيت ويهي معاكم ^_^

وان شالله لي مشاركات قادمه واشياء تساعدكم وتكون بهالموضوع مشروحه وسهل الرجوع لها سواء لكم او لغيركم من الخوات..


الله يعطيكم العافيه:eh_s(17):

 

[Violetta]

مساكم الله بالخير
بغيت اعرف ب a640
اشلون اسكر الفلاش ؟
واشلون اثبت الصوره ؟
واشلون اصور صوره تكون الخلفيه فيها موواضحه و الشي الي اصوره واضح ؟
وبس
يعطيكم العافيه

 

[جاي وحليب]

فيوليتا رديت على اسألج بالضبط باخر رد لي بالنادي.. خل اسويلج كوبي اهني احسن علشان يكون الموضوع مثل المرجع..







Violetta

مبروك على الكاميرا اليديده..
ماعليه راح تاخذين عليها مع الايام والتجربه ان شالله
تثبيت الصور خاصيه تميزو فيها كاميرات الباناسونك فـ اعتقد الباجي مافيهم
عموماً .. ممكن تثبتين الكاميرا باي شي وطول ماان انتي مومبطأه الشتر
فـ ماتحتاجين لتثبيت الكاميرا بشكل كبير بيدج بس..

شفتي الصوره؟
ضغطي على السهم اللي بهالدائره اللي فوق ناحية الفلاش>> وجذي تسكرينه ومره ثانيه تبطلينه
ونفس الشي خاصية الماكرو >>شكل الورده (اللي اهي تخلي شي واضح والخلفيه مثلا موواضحه).. تضغطين عليه لي تحت ناحية الورده وتطلع عندج بالشاشه انها فعاله ..
بس لما تضغطين على اللي تصور.. ضغطي اول شي ضغطه خفيفه لما يطلع لج مربع اخضر بالصوره ويحدد الفوكس والوضوح بعدين كملي الضغطه وصوري.. وورينا تجاربج بعدين .. بالتوفيج عزيزتي

 

[Violetta]

اوكي حبيبتي مشكوره الحين اطبق و اقولكم

 

[Violetta]

عقب مايطلع مربع اخضر شسوي ؟
لوول ادري الاستيعاب بطيئ

 

[جاي وحليب]

بعد مايطلع لج المربع الاخضر وتشوفين في اشياء بالصوره صارت واضحه
واشياء صارت موواضحه >> تحدد الفوكس والتركيز
كملي الضغطه بضغطه كامله لين تصور ...

 

[اتكيت]

يسلموووووووووووووو ماركت على هالموضوع الحلوو ياقلبي جااي حليب من هذا المنبر ارفع القبعه احتراماا وتقديراا لسموك الكريم <<<< اشرايكم بالجديه خخخخخخخخخخخخخخ
بجد جاي يعطيج العافيه ياقلبي وانتي وكل الخوات برجع اقولكم عن كاميرتي مليون مره اقولها شكلكم مليتواا مني ههههههههههههههههه
كاميرتي اهي canon digital ixus 900 ti
في البدايه حبوبات ياريت لو نتعرف على المنيوو بالتفصيل ونشرح كل شغله ووظيفتها يعني مثلاا انا يطلعلي خاصيه بالتصوير شي اسمه تلقائي واختيار ثاني ايقاف واختيار تشغيل شغلتهم وصورت وجربت كل وحده ماحسيت غيرت بالصوره يمكن لها خطوات معينه او انا ماافهم خخخخخخخخخ
وياريت بعد نتكلم عن مسميات او بمعنى مصطلحات التصوير او نسويلها موضوع برووحه انتم كيفكم وحدوا انا هذي رايي ودمتم بخير

 

[Chocolate Milk]

بجم سعرها ؟

وهذي احسن كامره للتصوير والفن بالتصوير ؟؟

 

[Violetta]

جاي حبيبتي سويت الي قلتي عنه بس ماحس صار شي :_)
يبيلنا نادي عملي :\

 

[supermarket]

نحلة متكحلة


حطيلنا صورة كاميرتج مثل ما انا مسوية علشان نتساعد بأي استفسار تبينه

 

[Violetta]

بنات ترى الكامره فيها عربي

 

[Harmony]

وااااااااااااي ببجى :eh_s(16):

جذى يا سوبرماركت تكشتين فينى و ما تحطين كاميرتى :eh_s(11):

بس اوكى بطقطق معاكم اذا يانى سؤال

 

[supermarket]

هارموني بعد قلبي شنو كاميرتج؟

اذا كانون حطيها وحطي الموديل

واذا لا شدددي حيلج وفتحي موضوع ثاني باسم النيكون مثلا

تشجعوا يابنات ... احم احم

<<====== اقول حلاتج ساكتة

 

[Harmony]

لووووووووول بعد عمرى يا سوبرماركت انا كاميرتى باناسونك محد مثلى و انا بو هندى لووووول

 

[supermarket]

خخخخخخخخخخ

هارموني سويلج موضوع وان شاء الله تلقين مؤيدين لج :eh_s(9): وحطي رابط موضوعج هني وبلاااااش بعد شتبين؟؟ :eh_s(3):


محنا ماخذين منج خلو رجل :eh_s(15):

 

[اتكيت]

هذي كاميرتي

وهذي الوصله حق التي في والميموري كارد ووصله الكمبيوتر وشاحن البطاريه

وبس سلامتكم

 

[Violetta]

بنات انقذوني كامرتي صارت سنه لمى ماتاخذ الصوره و تشب لي ليت برتقالي !!
غيرت البطاريا بس مادري ليلحين
شكلها اختربت

 

[supermarket]

اخاف لاعبةبالتايمر؟؟