نادي التصوير % workshops % حياكم معانا

[Pink GirL]

انا امس بالليل طقت براسي اجرب
وطلعت بجم لقطة ماعجبوني وهذي احسن وحده فيهم قلت تشوفونها
ترى استخدمت الفلاش لأن كان الوقت 12 بالليل واضاءة غرفتي خافته

هذي مجرد تجربة لا فكره ولا شي بس قلت لازم اشارك ولو بصورة بسيطة

 

[Pink GirL]

توني كتبت مشاركتي مادري وين راحت @@

يالله ما عليه نكتب مره ثانية

هذي الصورة صورتها علشان بس اشارك لأن الصورة بسيطة لافكره ولاشي بس قلت اجرب لأن انا مو لي هناك بالتجميد وحبيت اتعلم معاكم على ايد جاااااي
صورتها بال 12 بالليل واستخدمت فلاش لأن اضاة غرفتي خافته

 

[Harmony]

و الله يا pinkعندج مشكلة الظل بس ما عليه هذى تجربة و بينى و بينج احسن تجربين لطق براسج من انج تاجلين و تبرد السالفه معاج او تفقدين الحماس

و بعيدا عن موضوع الفلاش هذا رائي الماي خاصه القطرة الاخيره ما شاء الله روعة :eh_s(15):

بس احس لو كان الفوكس على الماى و البطل بعد راح يطلع احلى او الفوكس على الكل احس الضبابة اللى على البطل قللت من جمال الصورة بس من ناحية التجميد روعة ما شاء الله و الى الامام دائما :eh_s(9):​

 

[Pink GirL]

مشكورة حبيبتي هارموني على رايج ومثل ماقلتي في طرق وايد احلى بس انا سويتها على السريع وان شاء الله اصور صور ثانية احلى هذي على الماشي

انا بعد مثلج ماحبيت الظل بس قلت بحطها على علاتها والمره الياية بصور الظهر علشان ما احتاج فلاش

 

[بنت الشمالي]

بنات لاتضحكون تره تفشل بس ماراح ايئس بصور لين اتمكن واصيد اللقطه اللي ابيها
بنك قيرل الحركه تهبل مبين عليج تعبتي على مالقطتيها عجبتني بصراحه بغض النظر عن الظل .... الى الامام بنك هههههههه

 

[supermarket]

بنت الشمالي صورتج مو طالعة


جوييييييهة : والله تعبت وتلفت الدنيا وماطعت ولا صورة عدلة حتى لو 10%





يا الصورة مهزوزة ( حاطة ترابيود ) والا الماي يطيش بس بالصورة يطلع مثل الخيال ( شلال مغبش ) مو قطرات

:eh_s(16):


اريييييييد حلا

 

[Harmony]

وييي يا بعد قلبي سوبرماركت على هالحوسه
شوفى حبيبتى انا كان مثلج و مرات تكون الصوره متاخره و قعدت احورف بالاعدادات و تدرين من كثر ما حورفت انقلب راسي حطيت ورقه و قمت اكتب الاعدادات و اصور و اقيم الصورة لين ما طحتلج على جم اعداد زين سوى مثلى يا عمرى

و انتى شنو سرعة الشتر اللى حاطته؟ انا مشى معاي حلو من 1/800

 

[Harmony]

جاى حبيبتى ابلتي الحلوه شلون سويتى الفراوله؟ السطح كان شبه فلات مو جذى؟ ممكن تقوليلى شنو الارضية و شنو سويتى علشان اتطبقين الفكرة؟ جربت اشياء وايد مو ظابط معاي كمية التطاير مال الماي

 

[جاي وحليب]

Pink GirL

التجميد معاج تمام :eh_s(15):
بس عاد فنتقي لنا الحين بصوره وفكره حلوه
ومتعوب عليها اكثر ... وقواج الله

===

بنت الشمالي

للاسف صورتج ماطلعت عندي
حمليها على موقع ثاني ماعليج امر..

===

supermarket

- الفوكس خليه اوتو .. لانج مستحيل تضبطينه على القطرات
- الشتر سرعيه اكثر لين تصيدين اللقطه .. ومايطلع عندج جنه شلال

جربي اكثر وان شالله بتطلعين بنتيجة ترضيج..
الموضوع يبيله صبر بس
جربيها على قلاص وقطاره مالت المستوصف... قطري وصوري ...
لين تصيدينها بعدين طبقيها بفكره اذا تبين.. وبالتوفيج

===

Harmony

سالفة الفراوله باختصار..
اني كنت قاعده اغسل الفراوله، وانا اغسلهم تحديداً بالمغسله (اللي اهي الخلفيه بالصوره) عجبني نصاع الابيض فيها...
وشكل الفراوله والقطرات العشوائيه اللي تطير... يبت الكاميرا وصورت
وكانت هاذي افضل تجاربي....
والقطرات كنت اسويهم بايدي .. يعني بيدي انثر الماي اللي ينزل من الحنفيه
وجذي طلع معاي هالشكل العشوائي

جربي وقوليلنا شصار معاج :eh_s(15):

 

[Harmony]

مشكوره ابلتى بجرب ان شاء الله

 

[اتكيت]

جاي ياقلبي يسلم ايديك على الدرس وماشا ءالله تبارك الرحمن صورج حلوه

انا جربت اكثر من طريقه عن التجميد وللحين ماضبطت وقاعده استفيد من تجارب البنات بالتجميد عجبتني فكره هارمون يالله يسلمها يارب وبقعد اكتب واطبق وفيه شغله يمكن ه يالسبب انو درس عزل الخلفيه ماعرفتله لانوو لما اجرب التجميد يطلعلي حتى صورت الخلفيه وماورا ءالخلفيه خخخخخخخخخخخخخخخ واحس تخرب الصوره ومايطلع فيها اي جمال لانو بالتجميد لازم نوضح شكل السوائل اي كانت شاركوني رايي صح ولا لاء

وماقصرتوا حبايبي

 

[جاي وحليب]

نحلة متكحلة
صح كلامج .. والحل لعزل الخلفيه استخدام رقم F صغير
لكن هم تقدرين تستخدمين خلفيه ساده اذا بغيتي هم راح تكون النتيجة تمام..


===

بعض تجاربي لتصوير السوائل .. مع اختلاف السوائل المصوره والافكار....

اهني الاضاءه كللللش ما ساعدتني حسافه
والخلفيه ماقدرت اسوي فيها شي الا اني اييب بارتشن (قاطع) واحطه
لان الخلفيه الاصليه لو كانت طالعه كانت راح تشتت النظر بشكل موطبيعي لكثره الاشياء اللي فيها...

واهني تجارب مختلفه.. كنت ابي اصيد لقطه معينه وماصدتها للاسف..
وتلاحظون الظل مخرب شوي بالصور...


هاذا قصدي لما اقولكم لاتتلفون عمركم بس قلاص وقطرو وجربو..
قد ماتقدرون لاتتلفون عمركم والمكان معاكم علشان ماتتعبون بالتنظيف عقب
او حطو صينيه كبيره تحت الشغل كله... تجنباً للسوائل اللي تطشر ...

 

[cuteya22]

bas ta9wer el sawa2el me yther el camera???
ana kan wde ajareb bas 5eft

 

[الغــ مرت ــالي]

بالتوفيق اختي للامام ان شاء الله

 

[جاي وحليب]

cuteya22

شلون يعني يضر الكاميرا؟؟ ممكن توضحين اكثر ماعليج امر...

 

[aBoOoRa]

واااااااااااااااااااااو

بنااااااااااات صوركم روعه ماشاءالله

ان شاء الله باجر اصور صور واحطهم :eh_s(9):

ونااااااسه

انتظروني :eh_s(20):

 

[اتكيت]

مرحبا حبوبات هذي اخر محاولاتي للحين بس ان شا ء الله بجرب بعد
يعني مسويه حركه حاطه صخر وقاعده ارشرش مااي عليهم حشاا زرع مو ضخر تصدقون عاد من كثر مارشرشت وقعدت اجرب حسيت راح تطلعلي ورده من القااع ههههههههههههههههههههههههههههههههههههههه

مشكلتي الاسايه السرعه ماضبطتها جربت سرعات البنات الل يقالوا عنها بكاميرت يماضبطت

 

[supermarket]

ماشاء الله نحووولة شغلج حلو كبداية

ادعولي اتوفق بهالدرس

مو راضي يضبط معاي كللللش

 

[جروح تبتسم]

قوه بنات ماشالله ابدعتو
بغيت اسألكم كانون 400دي فيها تجميد سوائل؟؟

 

[Harmony]

ما شاء الله نحوله خوش فكره و كبداية ترى زين بس يبيلج تسرعين الشتر زود
و لا صبي ماي ابطأ لووووول

و يلا عبوره شيدى حيلج و انا بجرب بعد هالويك اند باذن الله لأنى انشغلت هالاسبوع

سوبرماركت ان شاء الله يظبط معاج بس انتى شنو المشكلة معاج بالظبط؟

جروح ما ادرى اذا فيها بس اتوقع فيها و هذا مو شيء زياده على الكاميرا لأ بس ان الكاميرا تقدرين تسرعين شترها و اتوقع كانون 400 من الكاميرات البرو فاكيد فيها سرعة شتر سريعة تكفى لصور التجميد
ا