نادي التصوير % workshops % حياكم معانا

[srabeel]

إشلون أسوي الصوره باللون الأسود والأبيض ؟؟ تري كامرتي مو بروفيشنال دجيتال كوداك فإشلون ؟؟

 

[جاي وحليب]

Maneena Manaana

تووونس صورج وحده لايق warm love
وصاجه انا بعد حبيت الاولى وايد..
حتى الاضاءه فيها احسها اضبط

حبيت مكان القلب بالصوره.. واختيارج للالوان حلو
وحتى فكرة الشمعه والبلوزه اعجبتني..
هاذا اللي نبيه بالضبط.. الاشياء البسيطه نطلع فيها بافكار كبيره:eh_s(15):


وشكراً على مساعدتج معانا ومساهمتج.. قواج الله :eh_s(17):


===

Pink GirL

خلاص ان شالله ننطر الصوره اليديده
يعطيج العافيه

===

keeka

حياج الله معانا..
وراح ننطر مشاركاتج معانا :eh_s(9):

===

Harmony

اها.. الايزو اهو سبب المشكلة بصورج عيل..
حدده لعب بالوضوح لعب..
انا بعد اضاءة داري خفيفه وتزعجبني والله.. والسبب اللي يخليني مااستغني عن التصوير والشمس موجوده الاضاءه البايخه اللي بداري..
وصج ترى ماكو على اضاءه الشمس .. حدها تمام :eh_s(15):
ترى انا صوري 90% منها مصورتها باضاءة الشمس..

لا شدعوى لا لقافه ولا شي..
انا مثل مااستفدت ابيكم تستفيدون معاي.. انا شاريتهم من مكتبتنا والله
جمعية النزهة.. مع ان مو من عادتهم كل شي اييبونه بس الظاهر كانو مجهزين حق المدارس وانا لقيتهم .. لؤطة واخذت وايد الوااان

اتوقع تحصلين بمكتبتكم.. واللي استخدمهم مو كبار حيل..
جان تعرفينهم يصير حجمهم جنهم نص وسيله.. بس الابيض والاسود كبار
الحجم اعتقد مومهم.. اهم شي درجات الالوان
لان النوع هذا بالذات ينزل درجات لنفس اللون .. يعني الازرق بس 3 درجات.. والاخضر درجتين....... وجذي

وكل شي جربيه خلفيه .. كلللل شي يخطر ولا مايخطر ببالج..
شوفي الاخت مانينا .. مستخدمه بلوزه .. :eh_s(15):
واعرف وحده تستخدم مرات نفنوف ولا بلوزات هم خلفيات
المهم الشكل النهائي ...

 

[supermarket]

[
supermarket

مشالله تجارب جداً حلوه سوبر ماركت شنو هاذا ترى حده مستواج ممتاز:eh_s(15):

احرجتيني بكلماتج بس هذا كله من فضلج من بعد رب العالمين

الالوان عندج ممتازه تبارك الرحمن .. والاضاءه بعد..
كلمينا عن الاضاءه اهني شنو استخدمتي اضاءه الغرفه ؟ ولا ابجوره ولا شنو؟

اضاءتي هي اضاءة الغرفة بس قاعدة تحت الليت :eh_s(1):
احس لو الصوره الثانيه لو مومقصوص طرف الككاو بتطلع احلى..
وبس شغلج تمام ..

خلاص دش بالكووور :eh_s(15):

وشنو هاذا الجنكي من الكويت ولا لندن؟ على بينت بتر توني ادري
عليج بالعافيه..

من مركز سلطان مكودة منه وانا ريجيم :eh_s(22): لالالا انا شريته مخصوص علشان الوورك شوب ( جذابة ) امووووت على البينت بتر :eh_s(3):

عندي ملاحظه صغيرونه احس توقيعج صار احلى بالصوره.. شكله حيل لايق وذرب

لاني وعدت نفسي كل ملاحظة تعطونها لي تصير يعني تصير :eh_s(13):

===

Maneena Manaana : كل كلمة تقولينها سمعا وطااااعة



وعساكم على القوة كل وحدة تبدي برايها ولو بابتسامة او نظرة اعجاب :eh_s(22):

 

[supermarket]

سرابيل ودي ابدي رايي المتواضع من بعد اذنج


للصور 1 +2
اعتقد لو مغيرة الزاوية ونازلة بمستوى التليفون يطلع احلى

 

[supermarket]

وكل شي جربيه خلفيه .. كلللل شي يخطر ولا مايخطر ببالج..
شوفي الاخت مانينا .. مستخدمه بلوزه ..
واعرف وحده تستخدم مرات نفنوف ولا بلوزات هم خلفيات
المهم الشكل النهائي ...

وحدة من صوري خلفيتها جنطة السحب ( اصغر شي من جناط السفر)

والثانية عباتي طلعتها من الجيس ( بوديها المصبغة ) قلت استفيد منها هههههههه


جااااي وين حاطةوسايلج علشان مايتكسرون؟

 

[srabeel]

إي صاجه كنت واقفه يعني أنزل روحي شوي ؟؟

 

[srabeel]

إنزين والصور الثانيه إشلونها ما شفت تعليقج عليهم ميخالف أذيتج يا أبله مبتدئه وأبي أتعلم

 

[supermarket]

سرابيل لاتوقفين

انا كل شغلي قاعدة ومتربعة بعد لثبات اكثر

حطي الشغلة جدامج وخلج قريب يمها وحوسي حواليها لما تطلع لج لقطة لؤطة

 

[supermarket]

إنزين والصور الثانيه إشلونها ما شفت تعليقج عليهم ميخالف أذيتج يا أبله مبتدئه وأبي أتعلم

ويييييييييييي مو انا الابلة :eh_s(22):

انا مجرد طالبة معاكم :eh_s(3):

اكيد ماعرفتيني لاني مو لابسة هدوم النادي :eh_s(20):

 

[srabeel]

هااااااااا يا حلوج يا التلميذه سوبرماركت ميخالف العتب على النظر طلعتي مو الأبله ؟؟
بس كا تعرفين على قولج بتربع وبنسدح بعد لين تطلع اللقه لأطه يا أنا يا إهي ( حشي مهاوش )

 

[supermarket]

موضوع للاخت NAMLA ان شاء الله يفيدكم

http://www.q8yat.net/showthread.php?t=58657

 

[srabeel]

الموضوع وايد حلو مشكوره يا سوبرماركت

 

[جاي وحليب]

اهلاً srabeel

بالنسبه للصورتين اللي اول شي..
حبيت الثانيه ماادري احس زاويتها اقوى واخدمتج اكثر
يعني تشد المشاهد للجهاز والتفاصيل باينه اكثر..

الصوره الاولى .. احس الاضاءه فيها زايده
يعني في اجزاء من الجهاز موباينه من شده الضوء

الصوره الثالثه في رايي ماعليها كلام ..
حلوه والله والاضاءه فيها ناعمه ومضبوطه اكثر
**انا جربت اكثر من زاويا لموبايلي نفس اللي بالصوره
وليلحين ولا زاويه اعجبتني..
بس الزوايا النازله احسها تخدم مثل هالمواضيع

الرابعه مادري يعني كـ فكره احس اي فاكهه او خضره
على عدالها ماتشد اللي يشوفها..
* يعني لو مصورتها واهي بالحديقه خلفيتها زرعكم واهي بوسطه، اتوقع بتطلع احلى
* او بعض الخضار والفواكهه تقطيعهم يكون افضل للصور، بحيث انج تلعبين فيها بعد التقطيع وتغيرين اماكنهم وتصفيفتهم وجذي



هاذي ملاحظاتي على صورج..
وشغله صغيره بس، جربي تزيدين تشبـّع الالوان بصورج عن طريق الفوتوشوب
Image>> Adjustments>> Auto Contrast

او حتى اللي تحتها بشوي الخيار اللي اسمه..
Brightness/Contrast
ممكن تضبطين الاضاءه بعد منه والالوان تطلعينها اقوى

وبس مشالله كاميرتج زينه ونتايجها حلوه..

بالنسبه للتحويل للابيض والاسود تقدرين اذا كاميرتج مافيها عن طريق الفوتوشوب....

الطريقه الاولى:
Image>> Adjustments>> Desaturate

الطريقه الثانيه:
- اضافه ليير جديد
- اختاري لليير عند Blend Mode: Color
- لوني اللليير باللون الابيض، او الاسود.

راح تطلع لج نفس النتيجة.. باختلاف بسيط بين الطريقتيين، انا افضل الطريقة الثانيه

 

[srabeel]

عساج على القوة كنت أشوف الصور فيها شي بس ماني عارفه شنو بس مشاء الله عليج حللتي الصور عدل واقنعتيني بالغلطي إن شاء الله المريه اليايه أضبط أكثر

 

[srabeel]

زين توني أدري إنه بكامرتي خاصيه الأبيض والأسود خووووووووش شي

 

[جاي وحليب]

جااااي وين حاطةوسايلج علشان مايتكسرون؟

والله لازلت ادور عن طريقة تحفظهم ..
فكرت احطهم بيرارات التواليت لان يراراته عراض ويكفون

مادري والله .. بس انا الحين لافتهم مع بعض وموقفتهم بالطول عادي
بس متقوسين وهذا اللي انا ماابيه

لي لقيتي حل قوليلي :eh_s(1):

 

[Pink GirL]

هاي بنات

شلونج جويهههة هذي الصورة صورتها اليوم بالدوام هم من الكاميرا الكومباكت وما استخدمت الفلاش على اضاءة الغرفة بس هم اضاءتنا لج عليها

ناطره رايكم وخبرتكم يابنوتات

 

[جاي وحليب]

بنك الصوره موطالعة لي مادري ليش

نزليها على هالسايت ماعليج امر...
http://www.9m.com/


وبسألج .. انتي شنو متحاربة مع كاميرتج الـ SLR ?
ولا شنو بالضبط

 

[Pink GirL]

خخخخخخخخخخخ جاي حليب
ال SLR كبيييرة كله مخليتها بالبيت الا اذا عندي شي مهم اخذها معاي اما الكومباكت بالجنطه سهلة خخخ وبيني وبينج بالدوام قاعده ماعندي شي تذكرتج قلت اصورلج لعبة الحية لأني من ضيقة الخلق شريتها من بو 100 ووديتها معاي نلعب فيها ههههههه

هذي الصورة مره ثانية

 

[جاي وحليب]

اي والله صاجه كبيره
بس تخيلي انا قمت كله استخدم جناط كبار والسبه هالكاميرا
لاني احطها بجنطتي لي طلعت وودي اصور ^_^
عاد تخيلي ثقل الجنطه ههههه

بنك شكله دوامكم يونس.. تنصحيني ايي عندكم، انا ابي جذي :eh_s(20):


المهم..
الصوره حلوه، الفوكس فيها حلو
بس ماجربتي تعدلين الاضاءه شوي بالفوتوشوب؟
احس الاضاءه فيها اصفرار شوي..

بعد اذنج عدلت على الاضاءه .. شوفي النتيجة

بنات مرات صورنا تكون حلوه وعاجبتنا، بس يبيلها شغلات بسيطة بالفوتوشوب
لاتهملون هالناحيه، اللمسات البسيطة هاذي تبرز صوركم .....

اي ووماجربتي تصورينها من زاويه نازله؟
ترى حدها تطلع عجيبه..
خل اوريج تصويري للمنوبولي بزوايا نازله

لاحظي الانعكاس اهني..

وشوفي هاذي.. احس فيها شموخ وقوه مع انها كلها لعبه
وعلى فكرة انا العب بالاوتي مو بالحصان، بس الاوتي مافيه شي ممكن ابرزه بهالشكل :")

ووبس قواج الله على هالمشاركات الحلوه معانا .. ويعطيج العافيه :eh_s(17):