نادي %كويتيات% لهواة التصوير الفوتوغرافي

[SabaQueen]

اختي شاي حليب توني ادري انج نسكافيه كنت داشه الفلكر مالج من زماان و بعد بلوقج
مع خالص التحيه

 

[SabaQueen]

نبي تثبيت للموضوع

 

[جاي وحليب]

مشالله طلعو الفنانين عندنا بالمنتدى وايد .. الله يحفظكم ويحفظ موهبتكم ويوفقكم

SabaQueen : مشالله تستخدمين الفلم ؟ بس بعض الناس يقولون ان الفلم فيها صعوبه شوي .. شرايج بهالموضوع ؟ هل مع الممارسه يكون الموضوع بسيط للغايه؟

والمجلة اللي قلتي عنها احصلها بالمكتبات العاديه؟

وفعلاً .. انا جاي وحليب = نسكافيه في منتديات ثانيه وفلكر وبلوقر ..
شسوي احب القهوه والجاي

 

[supermarket]

الاخت سمو مصورة درجة اولى ماشاءالله

وتصويرها جدا راقي وجودة صورها عالية ودقيقة لدرجة ان كانها حقيقية


وانصحكم تجربون تصورون عندها لانها فعلا ما تتطوف


خصوصا كويتية والكويتي انفع





شكرا لصاحبة الموضوع

حياج الله وبانتظااار ابداعاتكم بالنادي :eh_s(15):

 

[supermarket]

السلام عليكم بنات
مشكورة اختي على افتتاح هذا الموضوع الحلو
آنا من هواة التصوير الفوتوغرافي و بداياتي من 1988 و كانت ما كاميرا مينولتا شراها لي الوالد الله يخليه مع عدسه 28-200
و الحمدلله قدرت ابدع فيها و الكل يشهد لي و لي الحين عندي الكاميرا و معتزه فيها و بعد ساعات اصور فيها
بعدين شريت لي بعد كاميرا ثانيه مينولتا جديده بس مو ديجيتال و على فكره آنا ما احب استخدم الديجيتال احس انه ما يطلع الشخص فنان غير الفلم العادي ..
و بعد عندي عدة عدسات مختلفة من سيجما وهي على فكرة عدسات تستخدم لكل الكاميرات + فلاتر و حامل و فلاش كبير ..
قل لا اتزوج كنت امارس هوايتي على طول بس الحين ما عندي وقت للأسف !!

ولا تنسون يا بنات مجلة فوتو للتصوير الفوتوغرافي وايد تفيد كنت مشتركه فيها .
و عندي مواقع بس بجهازي الثاني ان شا الله احطهم ..
و بالنسبة للدورات عندج بيت لوذان و كذا مكان
آنا كنت ماخذه دوره بالتطبيقي من جم سنه و فيها تعلمت تحميض الصور ابيض و اسود كانت دوره ممتعه ...

كل ما تذكرت شي ان شاء الله اضيف لكم

ماشاء الله عليج :eh_s(21): موهبتج قديمة

بس شلون الافلام ؟ انا احس ان الديجيتال تطلع الصورة اوضح؟

وياريت تعطينا كل خبراتج وتجاربج وياريت تحطين شوي من صورج علشان نتعلم


شكرا لج ولا تقاطعينا :eh_s:

 

[supermarket]

ياريت كل اللي عندها فليكر وبلوقات تحطها لنا علشان نشووووف الابداعات

 

[جاي وحليب]

supermarket

ماعلقتي على ردي :")
شنو قررتي؟ تبين كاميرات ثانيه تقارنينها ؟ جم الميزانيه المحدده للكاميرا؟
تبين مساعده بشي معين .. ؟ ممكن اساعدج باللي اعرفه وافيدج
انتي عندج كاميرا الحين وشنو اهي؟

 

[supermarket]

supermarket

ماعلقتي على ردي :")
شنو قررتي؟ تبين كاميرات ثانيه تقارنينها ؟ جم الميزانيه المحدده للكاميرا؟
تبين مساعده بشي معين .. ؟ ممكن اساعدج باللي اعرفه وافيدج
انتي عندج كاميرا الحين وشنو اهي؟

بعد قلبي انا عندي الحين موبايلي k800 سوني اريكسون اصور فيها قبل كان عندي كانون اللي طلعوا بو افلام صغيرة نسيت اسمها :eh_s(20):

وان شاء الله يمكن ابتدي ب A640 واذا على الميزانية مفتوحة تبارك الله بس اخاف اشتري بروفيشنال وتالي اقطها علشان جذي اسمع نصيحتج وناوية اشتريها شرااااااااااااااااااااايج

ياريت البنات بعد يشاركون علشان نحس بالنادي



والف شكر لج على تواصلج وحرصج يااااااابعد قلبي

 

[جاي وحليب]

اييي نفس موبايلي.. يااربي هالموبايل انا حابته من اول نظره :>
صاجه .. انا علشان جذي قلت لج ابدي بعاديه وشوفي انتي شنو حبيتي فيها .. هل تطور الشي عندج .. تحتاجين بروفشنال.. ولا انج لي اهني وبس مكتفيه بالنتايج اللي راح تطلع معاج .. كلله يعتمد ...

اي والله جان زين الباجي يشاركون علشان نستفيد من خبراتنا .. اممم ماكو الا نسوي دعايه للموضوع ..

 

[supermarket]

انا اخذته لانه كاميرته سايبر شوت ويشجع على التصوير


وودي اشوف البنات شنو الكاميرات اللي بدوا فيها كنوع من تبادل الخبرات

بس تتوقعين ممكن اعرف اطبق من النت والا لازم دورة حتى لو مبتدئة تعطيني الاسس؟

 

[جاي وحليب]

اممم .. والله برايي احس ان انتي تحددين اذا محتاجه دوره ولالا
كـ بداية اقري من النت وكل الدروس اللي بالنت.. والاهم القراءه مع التطبيق جذي وايد احسن وتثبت الشغله في بالج..
بس اذا حسيتي انج تحتاجين لدوره افضل لج وانج ماطلعتي بنتيجه مرضيه من النت اهني اشتركي بدوره ...

 

[supermarket]

جوييييهة طرى على بالي سؤال


منيو الكاميرا عربي؟؟ لاني عيزانة اقرا الدليل اذا بالعنقريزي

لان بالصورة( الكاميرا اللي بشتريها باذن الله ) شي يفتر فهذا معناته لكل صورة فرررررة


وتذكرت كاميرتي القديمة ixus بو افلام بس شاريتها من الامارات وماعرفت كل مواصفاتها وشلون تشتغل ... عيزانة اقرا بالانقلش كنت بس اجكجك فيها
مثل الهنود خخخخ

 

[جاي وحليب]

تصدقين توني جيكت على اللغات فيها مالقيت عربي حق المنيو للاسف عنقريزي.. بس ترى سهله يمكن اول شي بس وبعدين تاخذين عليها..

كاميرات السوني اذا ماني غلطانه المنيو مالها فيه عربي

 

[Harmony]

استغفر الله كتبت رد اشطوله و ما طلع! برد اكتبه

سوبرماركت اخذى الكاميرا المبتدئة و شوفى روحج احسن من ما تقطين وايدعلى البرو يمكن ما تحتاجينها و شوفى عمرج مع الوقت لتطورتى طورى كاميرتج و انا بديت مع وحده مبتدأة بعدين شريت اللى بالصورة و هذى بالنص بين البرو و بين المبتدأ

جاى و حليب حبيبتى الدورة تونس و خذيتها بره الكويت و هى كانت مرحلة مبتدأة و مخصوصة حق تصوير الاطفال بس وايد استفدت منها الحمد الله و ترى خواتج مثل خواتى يخافون من العين و الله عندهم حق ترى فى ناس ما يذكرون الله على اليهال مساكين لووول بس انا يستانسون يخلونى اصورهم لأنى اعرف طبع عيالهم و احبهم و انا احب التصوير فتطلع صورهم عفوية اكثر من المصورة العادية و بعد العب لهم مرات بالفوتوشوب و تطلع نتايج حلوه مع انى احب الصور اللى ما اسوى فيهم اي ادت
و بالنسبة للوايد انجل هذى اكثر شء حلوة حق الصور الطبيعية و صور الجماعية تعطيج مجال اوسع للصورة من العادية فتكون الصورة اعرض و راح احاول ايبلج صور علشان تشوفون الفرق ان شاء الله

يعنى الصورة مالتج لمجمع الكوت لو كانت بالوايد انجل كنتى طلعتيها احلى بعد لانج راح تصورين المنظر اعرض بعد

 

[سمو]

مشالله اختي سمو .. تصويرج جداً حلو ..
وصور الاستيديو مميزه جداً.. اتمنى لج التوفيق..

بس بغيت اسألج عن صورة المرينا ويفز .. مشالله من احلى الصور اللي شفتهم لـ هالمكان .. اختي شنو الاعدادات بالضبط اللي لازم احطها بكاميرتي
علشان اطلع بصوره حلوه نفسها مضبوطه من حيث التعريض وكل شي

وشكراً

هلا حبيبتي والله سوري عالتاخير

المارينا .. علشان تصورين صوره تطلعلج كل الاضاءات الموجوده على سطح البحر انج تخلين الشتر (سرعه الغالق ) بطئ يعني مثلا 15 ثانيه ... وفتحة العدسه 8

وطبعا لا زم ستاند او حامل ثلاثي للكاميرا (ترايبود) علشان الشتر البطئ ما يبيله اهتزاز


وشاكره لج مرورج عال الموقع .. وعيونج الحلوه حبيبتي

 

[سمو]

ماشاء الله عليج واستانست واااايد واااايد بمعلوماتج والمواقع الحلوة اللي ضفتيها

ولاتحرمينا من المزيد :eh_s(15):

تسلمين حبيبتي ... وانا حاظره ان شاء الله اضيف لكم جم كتاب

واتمنى يتم تثبيت الموضوع .

 

[سمو]

الاخت سمو مصورة درجة اولى ماشاءالله

وتصويرها جدا راقي وجودة صورها عالية ودقيقة لدرجة ان كانها حقيقية


وانصحكم تجربون تصورون عندها لانها فعلا ما تتطوف


خصوصا كويتية والكويتي انفع






شكرا لصاحبة الموضوع

مشكوره عزيزتي وتسلمين عل الكلام الحلو ... شاكره لج

 

[سمو]

اهم شي بالتصوير مو نوعية الكاميرا ... اهم شي .. الاحساس وانتي تصورين .. والجمال اللي تشوفينه بالمكان وتنقلينه بعدستج او كاميرتج .. واايد مصورين كبااار محترفين ما تصدقون شنو كاميراتهم ... تكون عاديه وماتتغير عدساتها (كومباكت)

وقبل لا تشترين اي عدسه ... شوفي نفسج انتي تحبين تصورين شنو ... يعني حراام تشترين عدسه مثلا ماكرو ب 300 دينار وما تحبين تصوير الاشياء الصغيره جدا
او الازهار ... لازم تتحددين شنو تحبين تصورين ..وشنو حابه تتخصصين فيه

يعني اللي تحب تصور الطبيعه (لاند سكيب) تختار ال وايد انغل

واللي تحب تصور الاشياء الصغيره والزهور ... تختار ال ماكرو

واللي تحب تصور الاطفال واللاشخاص والبورتريه تختار ... عدسة العاديه

(نورمال )


وهكذا ... احسن شي لما تعرفين انتي شنو حابة ببدايه الطريق


عااادي لما تجربين كل الانواع وبعدين تختارين ...بس لازم تتخصصين علشان

تنجحين

 

[سمو]

السلام عليكم انا كاميرتي canon 400D

بديت التصوير كـ هوايه ولازالت احب هوايه لي..
لاحظت تطور بمستوى صوري .. والحمدلله ..
وودي ادخل دورات صراحة .. بس ماادري وين وشلون ومتى :")
يعني انا اللي عرفته كله من النت ومن خلال قرايتي للدروس في بعض المنتديات والمجاميع .. واتمنى ان اصل الى مستوى الاحتراف..

حسابي بـ Flickr .. فيه مجموعة صور كبيره لي وانزل صور يديده بشكل مستمر
http://www.flickr.com/photos/nescafe


من افضل المواقع المختصه ..
-عرب ديجي كام
http://www.adigicam.com/vb/
- أصدقاء الضوء
http://www.friendsoflight.com/forum
- فن الصوره
http://www.aofphoto.com/vb

ماشاء الله عليج .. عيني عليج بارده تصويرج واايد حلو .. ليش ما تشاركين بموقع
www.arabiclenses.com

وتشوفين ارائهم بصورج ... والمصورين هناك واايد محترفين ويشاركون عالميا


من زمان حابة اصور الكوت ... بس ماعندي وقت والمكان دايم زحمه

 

[سمو]

اممم .. والله برايي احس ان انتي تحددين اذا محتاجه دوره ولالا
كـ بداية اقري من النت وكل الدروس اللي بالنت.. والاهم القراءه مع التطبيق جذي وايد احسن وتثبت الشغله في بالج..
بس اذا حسيتي انج تحتاجين لدوره افضل لج وانج ماطلعتي بنتيجه مرضيه من النت اهني اشتركي بدوره ...

انا معاج بالراي ... بس الحلو لما تشتركين بالدورات .. انج تطلعين معاهم تطبقين عملي .. يعني معاج احد يشجعج ...مو تطلعين بروحج وهاات يا طنازه من المارين