العبدة الفانية
زين تسوين .. وان شالله تستفيدين من الملفات اللي تقرينها..
بالنسبه لاسئلتج .. اول شي انتي تصورين عالاوتو ؟ ولا المانيوال؟ ولا اي وضع بالضبط؟
المهم انا راح اتكلم عن المانيوال لانه الوضع الوحيد اللي فيه التحكم الكامل بالاعدادات من قبل المستخدم....
الصوره توضح الاعدادات بالكاميرا.. طبعاً تختلف من كاميرا لي كاميرا
ماادري كاميرتج وين راح تحصلينها ..
الايزو ISO .. اهو اول خيار عاليسار يطلع تشوفينه..
يعني الكاميرا هاذي اللي بالصوره فيها الايزو 50 - 100 - 200 - 400 بس في كاميرات ثانيه فيها اكثر.. ويصل الى 1600
الايزو اهوا احد الاعدادات اللي تستخدم لزياده الاضاءة..
والبعض ماينصح انج تختارين اكثر من 400 ، لان راح تبدى تطلع حبوب بالصوره وتخترب...
اما بالنسبه للشتر... shutter speed
شفتي الارقام اللي بالمربع الاحمر بالصوره؟
هاذا العدد يرمز لسرعة الشتر..
يعني بالصوره سرعه الشتر هي خمسين بالثانيه
وهي الفترة اللي تعرض فيها الصوره لضوء المكان..
يعني كل ما كبر الرقم اللي على يمين الـ /
كل ما صورت الصوره بسرعه وخذت ضوء قليل من المكان
وكل ما قل الرقم وصار بـ الثانيه يمه علامة الـ "
كل ما طال تعريض الصور للضوء بالمكان وصار فيها نور اكثر
لكن .... في شغلات لازم تحطينها في بالج..
ميزة الشتر السريع... لتصوير الاماكن المتحركه مثلاً
تصوير من سياره وانتي تسوقين..
تصوير الاطفال لانهم سريعين الحركه..
وقد تساعد البعض اللي ايدهم من النوع كثير الاهتزاز ....
** لكن بالمقابل قد تكون الصوره مظلمه....
اما اذا بطئتي الشتر .. وفتحت الصوره وتم تعريضها لاضاءه اكثر..
من المطلوب ان تكون الكاميره ثاااابته لعدم وجود اهتزاز فيها
** فـ بالتالي يجب استخدام الترايبود لثبات الكاميرا
سرعة الشتر قد تكون بروحها فن والممتع بالموضوع انج ممكن تجعلين من الصوره البسيطه شيء كبير فقط بهالاعدادات ...
ان شالله احط رد يتبع هذا يوضح كلامي اكثر..
بس انتي جربي بالكاميرا وطبقي بشتر سريع وبشتر متوسط وبشتر سريع وراح تشوفين الفرق
