نادي %كويتيات% لهواة التصوير الفوتوغرافي

[جروح تبتسم]

السلام عليكم

بنات اللي عندها فكره عن كاميرا كانون

Canon EOS-1D Mark II

وهذي صورتها <<< (ماعليه شكلها يلوع الجبد ادري )

بس ابي اعرف جم سعرها وشلونها اللي مجرب طبعاااااااااااااا


انا سمعت انها ب300 اول مانزلت ؟؟؟؟؟؟؟؟؟؟؟؟؟:eh_s(13):


انتظر جواب.

سووووووووري صح اقصد اول مانزلت سعرها 2000 ديناااااااار ... والله راسي مفتر افكر بموبايل N95 اللي سعره 300 ديناااااااااار


بس عاد 2000 اول مانزلت سنه 2004 الحين مادري بجم :eh_s(22):


جوييييها ماتعرفين ؟؟؟

ومشكوره انج عبرتيني :eh_s(20):

 

[جاي وحليب]

جروح تبتسم ..

لاوالله ماعندي فكرة عن سعرها

 

[جروح تبتسم]

قوه بنات


بعرف شنو اسم هالميزه اللي بالصوره اللي تخلي اللقطه هذي بهالشكل ؟؟؟؟؟؟؟

الصوره 1

وشنو اسم هالحركه بعد ( اللي يعني اصور اللي ابيه واللي وره على شكل ضباااااب او خلفيه ؟؟

الصوره 2

وهذي الميزه بعد الصوره 3

واللي تعرف لاتبخل علي بالجوااااااااب وثانكس:eh_s(22):

 

[جاي وحليب]

جروح

اذا ماني غلطانه الصوره الاولى والثالثه العدسة المستخدمة فيها Fish eye
وهي اللي تطلع لج الصوره بهالشكل الدائري
والعدسه هاذي تتوفر لجميع الكاميرات الـ SLR اعتقد..

اما الصوره الثانيه .. فـ هو اللي يسمونه Macro
وغالباً لتصوير الاشياء الدقيقة مثل الحشرات..
وعزل الخلفيه وطمسها بهالشكل لاستخدام المصور عدسة ماكرو وايضاً تتوفر لجميع الكاميرات الـ SLR

باختصار العدسات لها دور كبير بهالاشياء .. حتى لو كانت امكانيات الكاميرا محدودة لكنها SLR

 

[جروح تبتسم]

بعد عمري مشكوره ياقلبي


بس شنو معناته Slr

 

[جاي وحليب]

SLR .. اهي الكاميرات البروفشنال اللي تتركب لها عدسات
وغالباً يكون سعرها مكلف نوعا ما.. وقدرتها ونتايجها كبيره وغير محدوده

اما compact .. فـ هي عكس اللي فوق.. وهي الكاميرات المضغوطه
اللي عدستها ماتتغير وغالباً تكون دامجه العدسات في عدسه وحده الاساسيه اللي ماتتغير.. وقدرتها تكون محدودة

 

[keeka]

انا عندي كوداك شاريتها من جم سنه وودي اجرب فيها صراحه حلو التصوير بس مع الاسف ماعندي خلفيه كلش

 

[supermarket]

كيكة تابعي النادي وان شاء الله تستفيدين منه

وهني بعد الرابط راح يفيدج


http://www.q8yat.net/showthread.php?t=56778

 

[SabaQueen]

السلام عليكم ، بنات النادي شلونكم شخباركم ...

بعد تفكير عميق قررت بنات اشتري لي ديجيتال
و الصراحه آنا غشيمه بالديجيتال . فودي كاميرا كانون ديجيتال Slr البكسل من 10-12 و ابي اعلي المواصفات ؟؟ اي موديل آخذ ؟؟؟
و منو وكيل الكانون بالكويت ؟؟

ملاحظة: السعر مو مهم عندي .

و عندي سؤال حق استاذتنا جاي حليب و الاستاذه مس يلوو ، عندي عدساتي مالوت كاميراتي المينولتا بس كلهم ماركتهم سيجما ،، يركبون على الديجيتال ولا يطيحون بجبدي ؟؟؟

مع خالص الشكر

 

[مابي كيفي]

بنووتاات شلونكم شخبااركم

انا عضوه يديده و مو يديده .. :>

بس حدي والله تحطمت على هالموضوع
و انا سهرانه من امس احوس بالمواقع الي حطيتوها

صج صج يعطيكم العاااافيه

اناا ناويه امس اروح اشتري كاميرا يديده .. بس هونت بروح اليوم اذا نصحتوني

انا كانت عندي كاميرا ديجتل مبتدئه .. و مدربه عليها عدل و عندي لقطات بالميكرو عجيبه حدها

وبس شبعت منها صار لي فتره موقفه التصوير ... الحين راده بقوه بعد
هههههههههههه

بس ماا اعرف شي .. معتمده على نفسي 100 %

ودامكم خبره ما شاء الله .. ابي وحده تنصحني الحين شنو اشتري

محتااره حدي .. وسوالف العدسات وجذي حدي تحطمت عليها .. هههههههه

يريت تنصحوني ترى بطلع بعد شوي .. لووول

 

[Pink GirL]

السلام عليكم ، بنات النادي شلونكم شخباركم ...

بعد تفكير عميق قررت بنات اشتري لي ديجيتال
و الصراحه آنا غشيمه بالديجيتال . فودي كاميرا كانون ديجيتال Slr البكسل من 10-12 و ابي اعلي المواصفات ؟؟ اي موديل آخذ ؟؟؟
و منو وكيل الكانون بالكويت ؟؟

ملاحظة: السعر مو مهم عندي .

و عندي سؤال حق استاذتنا جاي حليب و الاستاذه مس يلوو ، عندي عدساتي مالوت كاميراتي المينولتا بس كلهم ماركتهم سيجما ،، يركبون على الديجيتال ولا يطيحون بجبدي ؟؟؟

مع خالص الشكر

احنا زينين الحمدلله انتي شخبارج
الكانون كاميرا ممتازة
عندج Canon EOS 400D
10 ميجابيكسل
ومواصفاتها عالية وتصويرها عجيب
هذي صورتها

بالنسبة لوكيل الكانون اهوو الساير بالديرة بس ترى الكاميرات تحصلينهم عنده اغلى
اخذيها من الغانم او يوريكا ارخصلج وهم تصير على كفالة الساير

اللي اعرفة ان عدسات السيجما تركب على الماركتين الكانون والنيكون
ونتأكد من جاي وحليب بعد احسن

 

[Layz]

كلام Pink girl نفس الكلام اللي كنت بقوله =)

بالنسبة لوكيل الكانون اهوو الساير بالديرة بس ترى الكاميرات تحصلينهم عنده اغلى
اخذيها من الغانم او يوريكا ارخصلج وهم تصير على كفالة الساير

تلقينها بالنت أو بدبي أرخص بعد =) ..
أنا كامرتي بالكويت 300 و شوي .. خذيتها من الامارات بـ 180 دينار =) ..
و هاذي اللي قالت عنها Pink بالامارات أعتقد 250 شي جذي ..

 

[جاي وحليب]

SabaQueen

والله بالنسبه لي ارشح نفس الكاميرا اللي قالت عنها بنك قيرل
اما العدسات حتى انا اللي اعرفه ان السيجما تركب، بس سألي اكثر عن هالشي
ولاتستعيليين اخذي الكاميرا وانتي متأكده وساءله عن كل شي فيها..



مابي كيفي..
حياج الله اختي نصيحتي دام عندج كاميرا ديجتل وتدربتي عليها وطلعتي بصور حلوه ونتايج ممتازه
وودج تدشين بقوه على قولتج.. خلاص اخذيلج SLR ودام ان موضوع العدسات جاذبج
بعد احسنلج .. واتمنى لج التوفيج

 

[مابي كيفي]

لوووووووووووول تسلمين جاي حليب
,,
بس انا مافيني صبر .. رحت شريت كوداك s7000

تصدقين عقب ما شريتها حسيت انها قديمه ,,
واهيا simi pro
قلت على ما اتعلم عليها بنتزل موديلات يديده و بعدين اشتري البرفيشنال\\

بس الحين برجعها ..مادري احسها قديمه

اشرايج شتقولين اردها ولا ادرب عليها ...؟

 

[Violetta]

عندي سؤال
اشلون اذا بناخذ صوره ابيض واسود بس نخلي شغله فيها ملونه ؟

 

[supermarket]

فيوليت على حسب قراءاتي المتواضعة ان هذي تسوينها بالفوتوشوب

وان شاء الله الخبيرات يفيدونج

 

[Layz]

اشلون اذا بناخذ صوره ابيض واسود بس نخلي شغله فيها ملونه ؟

في كاميرات كانون فيهم هالحركة ..
مثلا تكون الصورة فيها احمر .. تنقين الاحمر بس اهوه يطلع و الباجي ابيض و اسود ..
مادري اذا كاميرتج فيها ولا لا ..
تعبثي ..

 

[supermarket]

خوش شي والله مس يلوووو

عطينا صور توضيحية يعني وين نلقى الحركة

<<------ يمكن القاها

 

[SabaQueen]

هلا اختي Pink GirL

مشكورة على ترشيح الكاميرا و شكلي برووح اسأل عنها و بعد بشوفها عدل ..
بالنسبة للعدسات السيجما : آنا عدساتي استخدمها حق كاميراتي المينولتا بس مو ديجيتال لا عادي افلام .. المهم تصلح حق كاميرات الديجيتال ؟؟!!
هذا اللي بسأل فيه عدل ؟

 

[SabaQueen]

حبيبتي مس يلو ، الصراحه ما عندي احد بيروح الامارات !!
بس بشوفها بالوكيل و بشوف سعرها و بقارنه بانترنت و اللي ارخص ----> طبعا بآخذه

مع خالص التحية