نادي %كويتيات% لهواة التصوير الفوتوغرافي

[جروح تبتسم]

مادري انا جد كنت سامعه انها معقده والحين تأكدت

 

[Pink GirL]

لا تعقيد ولا شي الكاميرا روعة بس اكيد انتي سويتي شي وطلعت هالكلمه اممم انزين ليش ماتودينها حق الساير وتسألينهم ليش يطلعلج الايرورر

ترى السالفة بسيطة بس لأن الكاميرا يديده وانتي مو متعوده عليها انتي خايفة ان شاء الله ماكو الا الخير

 

[جاي وحليب]

جروح لامعقدة ولا شي.. لاتنسين ان الكاميرات المحترفه تطلع لج نتيجة ماكو منها..بس الصبر الصبر.. انا عن نفسي قعدت اقرا واطبق لين بديت اخذ على الكاميرا.. وعلى فكره لي يومج وانا في اشياء بالكاميرا مااعرف شنو تسوي..

بس شوي شوي.. وبتاخذين عليها صدقيني ..
قوليلنا شنو الاعدادات اللي حاطتها؟
وشنو الايرور اللي يطلع لج ؟ طلع لج فجأه ولا لما دستي شي معين؟

قوليلنا عن المشكلة اكثر انا عندي نفس كاميرتج تقريباً .. ونفس الطريقه
ان شالله افيدج باللي اعرفه....

 

[جروح تبتسم]

مشكوره بنك ريحتيني بكلامج ...

جاي حياتي شوفي اول ماشريت الكاميرا ..
ارتحت لها
شفت الكاتالوج رغم انه بالانجليزي بس الحمدلله قدرت افهم 60%
- ركبت البطاريه ( بعد ماشحنتها للفل )
- ركبت الميموري اوووكي مثل ماموضحين
ركبت العدسه بهدوء والحمدلله كل شي اوووكي
شغلتها اون
وحطيتها على ايقونه اللي مرسوم عليها مربع

وجك ..........

صورت = بدون لا افتح الفلاش
لاني بالاخير اكتشفت دقمه = زر الفلاش

انفتح وصورت وبعدها يطلع لي err 99

حاولت حاولت بس للاسف علقت وبعدها ماقدرت اضغط ولا زر كان.



المهم سكرتها وشغلتها

شلت البطاريه
شلت الميموري
حتى العدسه شلتها وركبتها
بس نفس المشكله

تحبطت والله.



وهذي صوره الكاميرا حتى نفس اللون والعدسه ..

يعني انا عرفت بعض الازرار ومهمتها

شي من نفسي وشي من الكاتالوق

بس المنيو ميييييييييييييييييح



والله والله لو بقول لزوجي يوديها الساير بيزززززززززززعل وايد وبيفنقرني

هيلب مني

 

[supermarket]

شوفي بالكاتلوغ يمكن فيه كل ايرور شنو يعني

ساعات يكون باواخر الصفحات

وان شاء الله تلقينه

وحاولي تقرين عن الكاميرا اللي عندج بالنت ساعات يعطونج شوية معلومات تستفيدين منها سواء منتديات او مواقع

 

[جاي وحليب]

انزين غيري من الوضع المربع اللي تقولين عنه
حطي Av مثلا وجربي صوري.. نفس الشي؟ ولا تصور؟

 

[جروح تبتسم]

وهذي العدسه

 

[supermarket]

يمكن مو مركبة العدسة عدل!!

 

[جروح تبتسم]

انزين غيري من الوضع المربع اللي تقولين عنه
حطي Av مثلا وجربي صوري.. نفس الشي؟ ولا تصور؟

حطيته على Av نفس المشكله




سوبر ماركت :

ماكو فايده ماكو بالكاتالوج

 

[جروح تبتسم]

لا حياتي سوبر والله مركبتها عدل مدل

حتى جربت فرفرتها على كل الاتجاهات نفس الشي

 

[supermarket]

شوفي الرابط اهو بالانقلش بس يمكن تحطين صبعج عالجرح
http://photography-on-the.net/forum/showthread.php?t=125612

 

[جاي وحليب]

شنو الاعدادات اللي حاطه عليها الكاميرا بالضبط؟

شنو ماركة الميموري مالتج؟؟؟
ترى احتمال كبير الميموري مو الكاميرا

 

[جروح تبتسم]

سوبر ياقلبي جاري الفراره بالموقع



جاي اتصدقين يمكن 90% من الميموري لان قبل لا اركبه ماعرفت اركبه فدخلته بعنف بس ماعتقد هالسبب
مكتوب عليه

A DATA

super compact flash

لونه اخضر

80X


وبالنسبه للاعدادا مادري بس الوضع على المربع بعدين AV مثل ماقلتي لي
والعدسه على 55

وبس هذا اللي اعرفه


ومن المنيو بس اللي غيرته التاريخ = ضبطت التاريخ والساعه وبس

 

[جروح تبتسم]

على فكره الميموري 1 قيقا

 

[Pink GirL]

جروح حبيبتي انا دزيت رسالة لأحد الاخوان المصورين المتقدمين في منتدى متخصص بالتصوير وهذا رده

اهلا اختي حياج الله وشكر ا على رسالتك هذي الكامره كانت الكامره الاولى الي شريتها هذي المشكه ما صادفتني ابدا لكن رمز الخطأ 99 اكيد من توصيلة العدسة او ان العدسة غير مناسبة للكامره او مو راكبه عدل ممكن اعرف شنو العدسة حتى نتأكد اكثر
تحياتي لج

هلا اختي شوفي قبل كل شي خلينا نتأكد من الكود الي كامرتك لان كامرتي الكود 99 يعني في مشكله بالعدسه اتحصلينا في الكتاب اخر صفحه في جدول كل كود شنو السبب اذا شفتي الكود عطيني خبر وانا حاضر على امرج بس خلينا نشوف صوركم الطيبة

جربي تشوفين الصفحات الاخيرة في كتاب الكاميرا وشوفي اذا في كود وخنشوف شيقول الاخ يمكن يساعدنا
وحاولي تشيلين العدسة وتركبينها بطريقة صحيحة مره ثانية
وقوليلي شصار معاج

 

[جاي وحليب]

لا مااعتقد لانج دخلتيه على قولتج بعنف ..

انا اتوقع ان اهو نوعيته موذاك الزود
طلعي الميموري وفجي الكاميرا.. اذا الايرور راح بس يطلع لج دخلي الميموري .. معناته من الميموري

 

[جاي وحليب]

امشي على كلام بنك .. اهو خبير وادرى
شيلي العدسه وركبيها مره وتأكدي انها راكبه بشكل صحيح

 

[جروح تبتسم]

الله يعطيكم العافيه

بس انا من كثر ماشلت وركبت العدسه احس انها تعورت فقيره

بحاول اقرا اخر الكاتالوج وارد حاااااااااااااااالا

 

[جروح تبتسم]

بنك انا شفت الكاتالوج اخره وصح فيه شرح ان كل ايرور رقم شمعناته

مثلا err 22 شي معين
....err 04 شي معين
...وerr 99 مكتوب ان الخطأ من البطاريه




بس اللي استغربته انه الكاتالوج من بره الغلاف مكتوب موديل الكاميرا
كانون eos 300D
وانا كامرتي350d

!!!!!!!!!!!!!!!!!! مادري عاد نفس الشي او لأ...

المهم اللي مكتوب بالضبط بالضبط :

err 99 =
an error other than the above has occurred
Remove and re-install the battery


وبس

 

[جروح تبتسم]

ومثل ما اهم كاتبين طلعت ورديت ركبت البطاريه بس مافي فايده
مادري شنو المشكله