بنات انا هذي عنايتي بس طبعا مو كلها استخدمها في شغلات كنت استخدمها وخلصت اللحين وفي شغلات لا توني ما استخدمتها وفي لا بلشت فيها ^_*
وسوري طولت بس البلوتوث غثيث مو راضي يشتغل واضطريت اكتبه كله : (
العنايه بالشعر:
طبعا الزيت على طول احطه بشعري كل ماكنت ابي اتسبح احطه واخليه ساعتين او اكثر واحيانا انام فيه
والزيت اللي استخدمه براشوت املا ماشالله تبارك الله حييييل حلووو
شريت منه 4 علب وحطيت معاهم فلفل اخضر بارد وخليته 10 ايام وبعدها بديت احطه بشعري انصحكم فيه بنات :>
واللي علمتني على هالطريقه خدامة بنت عمي لوووووووووول اهي هنديه وشعرها مو طبيعي كثاافه وسوااد وتحسون فيه حيااه ونعوومه وااي يشوق شعرها ههههههههههه : P
والحنا كل اسبوعين احطه مره امي تسويه تحط معاه فوا اذا تعرفونه حيل حلو للشعر ويطوله بسرررعه امي كل شهرين تقص شعرها بس ماشالله يرد يطوول بسرعه وفتره تعبت وقطعته وتو قبل شهر ردت تستخدمه واللحين شعرها ماشالله لي تحت ظهرها واللي ماتعرف الفوا ينباع بالعطار شكله جنه عوود دارسين
الطريقه 4 قفاش حنا وقفشتين سدر وقفشه ريحان والفوا تحطينه بجدر او قوري طبعا مع ماي وتفوحينه ليما تحسين انه لون الماي بدا يصير احمر على بني شوي وتشخلينه وتحطين بس الماي ماله مع الخلطه وشوي زيت على صورة نخله يكون الزيت شفاف هالزييت بنات وربي مو طبيعي وهم ينباع بالعطار
والاسبوع اللي ما احط فيه حنا احط سدر وطريقته
3 قفشات سدر مع جرجير اكون مسويته بالخلاط وبيضتين او بيضه وشوي من زيت دلال مال الطبخ
وفي خلطه قالتلي عنها وحده سيلانيه اهي ماشالله خبره بسوالف الشعر وخلطاته والزيوت واهي تسوي جلسات للشعر تعطي كثافه ونعومه وطول وجلساتها تهبببل وتنصح من قلب رفيجاتي واختي مسوين عندها وماشالله شعورهم حلوه الخلطه ياطويلات العمر جرجير وفصة ثوم ونص قوطي روب وقفشه من اي زيت تستخدمينه وتخلينه بشعرج من ساعتين لي 6 ساعات بس مو اكثر انا لي اللحين ماجربتها بس تقول حييل حلوه وان شالله على الاسبوع الجاي استخدمه
واللحين البشره
طبعا الخلطه الصابونيه خلطة مزيونه وشقرا ماقصرت
انا مسويتلي خلطة لوشن خذيتها من وحده اهني بالمنتدى نسيت نكها للاسف
بس تهبببل بنات احس جلدي صاار نااعم جنه جلد بيبي الله يوفقها وين ماراحت صج نفعتني هالخلطه
2 كريم اولاي للتفتيح الكامل
1 فير اند لفلي العشبي
1 كريم جيلوسليد الاحمر الكبير
لوشن البابايا الصغير
لوشن الجرجينز للتبيض الكبير
قفشتين زيت لوز مر
قفشتين زيت الجلسرين
كلهم اخلطهم مع بعض واحطهم بعلبه كبيره طبعا اول ما اقعد استخدمه ولما اتسبح وانا لما احطه على جسمي مسويه خلطة زيووت وحاطتهم بعلبه واخذ منهم شوي بطرف صبعي وبعد ما احط هاللوشن على ايدي وجسمي اوزع شوي من الزيت معاه حييل حلو يعطي لمعه للجسم واحطه بسرعه يمتص البشره وماتدهن والزيوت اهي
( زيت الجلسرين وزيت اللوز المر وزيت السمسم زيت الخروع وزيت جنين القمح) طبعا بنات مو كل الزيوت لا من كل زيت شوي يمكن بس ربع العلبه بس
ويومين بالاسبوع استخدم خلطة لندن تهبببببل وصج احس بنظاافه لما احطها
ويوميا اتسبح بخلطة العروسه اهي مثل الصابوون وحيييييل حلووه
2 ماي ورد
وعلبه زيت الجلسرين
وعلبه زيت اللوز المر
وعلبه زيت السمسم
وكريم جيلوسليد الاحمر الكبير
وفكس علبه صغيره
وسنفرة كينزيل بالمشمش
و2 صابون ما اعرف اسمه بس بجيس ومكتوب عليه صابون برش ناعم طبيعي لون الصابون ابيض والجيس لونه اخضر
وصابون بلدي ممتاز
وانا لما سويتهم حطيتهم كلهم بجدر كبير لووووووووووول الكميه كبيره : P
وخلطتهم مع بعض وبعدين خلطتهم بالخلاط الكهربائي وتصير الخلطه مثل الرووب وحطيتها بعلبه كبيره لووووووووول من كثرها وزعتها على خواتي : P
وقبل ما اتسبح اخذ الكميه اللي تناسبني تقريبا قفشتين او ثلاث على حسب الكميه اللي تبينها واحط معاهم زيت الليمون قفشه ونص او قفشتين على حسب الكميه واخلطهم عشان الزيت يندمج مع الصابون واتسبح فيه واخليه علي من 10 دقايق لي ربع ساعه وبعدها اغسل بماي وبعدها افرك بليفة بودي شووب هالليفه عجييبه
انا ماخذه هالخلطه من عطار عندنا بالجهرا يهببببل هالعطار اهو اللي قالي عن الخلطه هذي اهو سوري ويقول البنت عندنا قبل ماتزوج باسبوعين كل يوم تتسبح بهالخلطه وفعلا بنات بس اسبوعين لو تتسبحون فيها كل يوم تبييض حييييل وحتى تبيض الركب والكوع
وخلطة حيادر جزاها الله الف خييير حيل حلوه
علبة هرده ونص غرشة زيت الليمون ونص غرشه زيت الجلسرين 4 قفاش كبار ملح اليوكو بالبابايا بس انا خلص عندي ملح البابايا فحطيت ملح الحليب وهم حلوو كوب ملح خشن مطحون على الخفيف صابونة يوكو بالحليب مبشوره 3 كور سفيد اب واحط كل المقادير الجافه وازيد عليها الهرده شوي شوي واخلطهم ليما يصيرون مثل الباشاميل ومو شرط احط كل الهرده بس الكميه اللي احس انها مناسبه
