نبيـــهـــمــ ونبيـــ الــــوــولـــد ..! بس شـلون

[مطير وحلاها غير]

السلام عليكم ..
شلونكم ؟
بقولكم اللي صار و ساعدونا ولكم دعوه صادقه من القلب , اليوم اختي راحت لرفيجتها من زمان عنها واختي تحب رفيجتها دين و ديانه و اخلاق و بنت خير وكاملين والكامل الله . واخوي يبي العرس . وتعرفون بنات الوقت هذا يخرعون و الله قاعدين ندور و لفينا له جم وحده بس اختي قالت انا بسال رفيجتي اهما يعروفون يختلطون بناس اكثر منا المهم اختي سالتها و تثق فيها البنت تكلم بذمه و ضمير المهم قالت لها و ذكرت لها جم وحده جان تقول لاختي حتى انا ادور لخوي توه متخرج من لندن و الولد هذا يا بنات اخلاق مع ولد عمتي بنفس الجامعه بس ولد عمتي مو معاه حيل يشوفه و الكل يقوول ان اهو مستاذن من الدكاتره هناك ان الجمعه صلاة لازم يروح وقالت لختي حتى احنا ندور لخووي خطبنه له فلانه و شافها و قال ما ابيها المهم مني ومني جان تقول لختي يوم تطلع دوريلنا اذا لقيتي قوليلي واحنا عندنا اختر اخر وحده بقت ما شاء الله بياض و جميله وبالكليه وميتين عليهم بس مو عارفين شلون نتوصل لهم و اختي تقول لو اموت ما اقول لها اختي عيب و فشله بس شلوون امي تقول اعزميها و خلها تشوفكم وما ندري شنسوي ؟ عطونا طرق بس غير مباشره لان فشله .. تتكلم

 

[Patcholli]

اهي تدري ان عندج اخت ؟؟

اذا تدري ماله داعي تلميحات لانها لو تبي جان تكلمت من نفسها ..
بس اذا ماتدري تقدرون تعزمنهم بس هم مو الحين خوفج تفهم السالفه ومو حلوه بحقكم تقول ماعزموني الا يوم طريت موضوع الزواج ^_^
نطري شوي وتالي عزموهم او سولفي عن اختج مثلا سالفه عالماشي وخليها اهي تستفسر عنها

 

[الغـــــزال]

بما أن الولد ينطمع فيه..
خلي أختك تجيب طاري عن أختك الصغيره..بأي موضوع عنهاا
مثل أن يجونها خواطيب..بس هي تبي واحد مصلي ومسمي وخايف ربه وكذا
وصدقيني اذا لها نصيب معه..بيجي وأذا مافيه عسى ف الامر خيره

والله يوفق الجميع

 

[كليـ دلعـ]

اهي تدري عن اختح

لانهم رفايج ع قولتج

فاكيد عارفين كل شي عن بعض


لوتبي اختج جان تكلمت

موحلوه قطت النفس بالغصب!

وكلي امرها لله

والنصيب يصيب

 

[فرس بيضا]

^^^^
معااهااا موو حلووه كللش بحقكم و اذا مكتوبين لبعض والله لياخذهاا لوو شنوو يصيير


الله يكتب الخير للجميع

 

[أجمل إنسـآنـه ~]

وعليكم السلام ورحمه الله وبركاته,~.~

خليها تجيب سالفه عن اختج واكيد هي تدري ان عندكم اخخت,~.~,,><

والله يكتب الي فيه الخيره

 

[لمى الهاجري]

ما يبي لها شي كلموا اهلها بالموضوع

 

[صمت المرافئ]

والله آنا ما أشوف فيها شي تقولون لها
خاصة ان الولد ممتاز
وأعتقد انها راح تتقبل الفكرة كونها صديقة لاختج وعارفتكم
وكون اختج من زمان ما شافتها
هذا معناته انها مو شايفه اختكم اللي ما تزوجت
إذا منحرجين سووا مثل ما قالت الوالدة
عزموها وخلوها تشوف اختكم
أو ...
أو دزوا لها وحدة قريبه منها تثقون فيها
تذكر لها اختكم وتجس النبض
وشوفوا ردها
​

 

[Perfume]

والله حبيبتي انا ما ايد تقولون لها مباشرة لانه هالسوالف فيها معاير بعدين وماتدرين شنو يصير

 

[Gifts&Occaions]

انا احس كلش ماله داعي موحلوة كلش

 

[al-musk]

صج اذا تعرف اختكم وشايفتها فمو حلوة.. بس ممكن وحده قريبة حيل منكم انتو الاثنين وثقة ممكن تطري الموضوع لها..

بس الفكرة ان كل شي نصيب وماله داعي تشتطون خلو الأمور طبيعية والخير والنصيب من رب العالمين ومكتوب

 

[فوفو22]

في مثل يقول
((اخطب لبنتك ولا تخطب لابنك))

وبالشرع مافيها شي الرجال يذكر للرجال انه عنده بنات للزواج

وهذا تصير كثير بالمساجد وبين المتديين

والله يسهل عليهم

نرجع لصاحبه الموضوع

رايي الخاص اذا انتوا منحرجين

تعزمونها ببيتكم ....وتعرّفها على البنات

وهي تشوف بعينها ولو خاطرها في وحده فيكم بتقول..

فوفو