نبي رايكم يا بنات

[sweet-loya]

السلام عليكم
حبيت اتناقش معاكم بموضوع وابي راييكم
انا متزوجه واحب زوجيي تصير خلافات بسيطه بس الحمدالله من تزوجت مازعلنا على بعض اكثر من يووم
وريلي وايد طيب وحنووون معاي وايد
المشكله اللي اعاني منهاا ماادري هل هذي غيره ام انانية
اتظايق اذا زوجي راح بيت اهله يعني اذا راح يتغدى ازعجه بالاتصالات ابي يرجع بأسرع وقت
وساعات بيني وبين نفسي اتظايق ومااتصل بس اذا رجع ازعل ويقولي شنو السبب طبعا اسكت ومااقدر اجاوبه بالصراحه
انا اخاف الله تدرون اخاف اكبر وعيالي يسوون فيني جذي والله احب خالتي ومابيني وبينها شي بس مادري ليش يصير فيني جذي وفعلا احس اني فرقت شوي بينهم ماقام يزورهم واايد
صج انه اهله اطباعهم غير عناااا بوااايد وانا في بيت اهلي متعوده على الدلع وماحب الازعاج واللويه والمشاكل اهم بيتهم كله صراخ ويهال وحوسه ماحب اروح لهم واذا بروح اسلم مره بالاسبوع اقعد ساعه واطلع
هل في وحده منكم صارت لها نفس حالتي
وشكرا

 

[سنيوره قمر]

لا والله
خليه يوله عيك

 

[أشبـاهـ المطـر]

الغيره شيء فطري بالمرأه
تصبح قبيحة إذا تحولت لإنانية

خلاصـة القول :

تبـــين عيالج يبرونج ؟؟
عينيه على بر أهله ..
كمـا تدين تدان ..


بالتوفيق

 

[بمبة المفترسة]

ليش ماتروحين معاااه
ومالج حق هذا وقت اهله
هو مو بس زوجج لا زوج وابن واخ له واجبات ثانية غير انه زووج
تبينه 24 ساعة مجابلج مايصير
وترضين هو لارحتي بيت اهلج دق عليج يقوولج رجعي ؟؟؟جان سويتي سالفة
وبعدين ساعة بالاسبوع زوارة لاهل زوجج شوية شدعوة روحي من اول اليووم زوارة عادية انتي مو ضيفة خلاص صرتي منهم وفيهم

 

[نور وشموع]

انتى غلطانة حبيبتى غيري طبعج الر يحلج

 

[.،:"$الـعـوبــــة$":،.]

مالك حق ، وغيرتك مو في محلها !!
اغار من اهله ؟ ليش ؟
والدنيا دوارة لا تنسين هالشغلة نهائيا !!​

 

[بتبوتااا]

اكيد انانيه حبيبتي مهما كان هذول اهله وما تقدرين تمعينه منهم .. وشغله ثانيه حياتي ما فيها شي لو رحتي معاه خو كلها ساعه زمن مارح تأثر عشان خاطر ريلج وعشان اهو بعد يرتاح وما يتضايق لمن تتصلين عليه بكثره ممكن الحين يسكت بس بعدين بينفجر عليج . حاولي تتأقلمين على طبعه فديتج والله يوفقج معاه يارب ..

 

[يوآش يوآش]

انا اقول ان تصرفج ماله داعي مثل ما انتي تشتاقيلن له ترا حتن امه واهله يشتاقون له بعد ... ويبون يكونون وياه

ولا اتمين تحنين وايد ترا ممكن الحين يطوف حركتج او تعجبه بس بعدين راح تقمتينه .. ويبعد عنج..فكري بضمير :hjy5jewf:
​

 

[ام فجر ولولو]

الله يعينج

 

[ام فجر ولولو]

الله يعينج:hjy5jewf:

 

[بنت عز وما تنهز]

الحلو فيج انج حاسه بتانيب الضمير ,,,,

خليه يبر اهله ,,, ترا الدنيا دواره

وعسي الله يهديج

 

[}{نرجسيهـ}{]

تعوذي من الشيطآن


ليش اهله بياكلونه !!

 

[DooLy88]

لالاااااااااا

كلش مو مع هالسالفة

كل شي له حدود امصخت السالفة

 

[Tulips]

لا تنسييييين انه اهم اللي اخطبوج اللي اهم اهله ... تعوذي من ابليييس ولا تنسين كما تدين تدان

 

[Tejan]

انا عيل زوجي العكس ما يقعد مع اهله

مع ان احنا ساكنين عندهم يدق علي انتي وين نزلي عن اهلي قعدي معاهم

مع اني و الله احبهم و اقعد معاهم بس هم يا ربي ابي خصوصيتي

و ساعات لما يكونون قاعدين و اصعد يا ربي ابي الحمام !!! او بصلي !!

يسالني وين رايحه تو الناس قعدي و اهو اللي ماشي ما يقعد معاهم كلشششششششش
و لما يقعد جنه تحته شوك متشاغب بقوم .. ساعات يقوم ايي يمه بصعد تعبان بنام
و لما اصعد اتطمن عليه القاه المزيزن بالصاله و شابك او مجابل النت و حده صاحي مو صوب النوم
صج ونااااسه انه يرتاح بشقتنا بس اهله يكسرون خاطري و ساعات احس بخالتي حبيبتي تبي تكلمه بموضوع
وما تقدر و لما انا اصعد باي حجه عشان تقدر تكلمه و الا الحبيب صاعد وراي !! يا ربي شسوي معاه
ما ابي عيالي باجر يسوون مثله و يستثقلون القعده معاي !!

 

[حرم راشد الماجد]

تعوذي من ابليس

وحاولي تكبتين رغباتج والمفروض انج تروحين معاه دام ما في خلافات بينكم تقربي لهم عشان ريلج لا يصير بين حانه ومانه وباجر يكثر الحجي وتصير سوالف ويقولون له مرتك بعدتك عنا وغيره من هالامور


تصرفي بحكمه وحطي رضا الله براسج لان اذا امه مارضت عليه ما راح تتوفقون ( سألي مجرب )

 

[الغاليه نونو]

سالفتج ذكرتني بمرت ولدي ام طنقوره لي ياني ولدي يمر مرور الكرام خنت حيلي توه قاعد دقت عليه وطرشت له جم مسج عقبها قال مع السلامه وطلع


شي يقهر ويعور القلب بس ماباليد حيله

ديري بالج من هالسوات انتي المفروض تروحين معاه والا شغلي نفسج باي شي وبدال ماتحرقين دمج طرشيله مسج حلو قوليله سلم علي خالتي والا دقي حاجيها صيري سنعه بنظرها ترا الام لي فكرت تعرس ولدها ماتبي تشوفه الا مرتاح ومستانس وان رضت امه عليه الله بيرضا عليه وبهالحاله بتتوفقين مع ريلج لا تصيرين عسره وتفكرين بانانيه حرام عليج يمه<<<<<<< قلبها مترووووووووسه علي جناينها بس مالها غير رب العالمين تشكي له

 

[zanobita]

حبيبتي اذا انتو بداية زواجكم عادي انج تبينه يكون يمج اكثر وقت ممكن بس مو انج تتمللين من هالساعه بالاسبوع حرام عليج امه و ابو و اهله هم يشتاقون له بالعكس روحي زوريهم ويا ولله مابيتغير شي و بتكبرين بعين زوجج و اهله و بتحسين بفرق بنفسيته

موفقه ...

 

[G!RLooNa]

لا غيره كلش مو طبيعيه من شنو تغارين من امه ولا خواته؟؟ تدرين بعدين شقولون اهمه عنج يقولون النسره فلانه مو مخليه ولدنا يزورنا :/

و على قولتج باجر لي كبرو عيالج ترا يسوون فيج نفس الشي

روحي انتي وياه ليش ما تروحين زواره بيت اهله؟؟

 

[G!RLooNa]

الغاليه نونو الله يعينج عليهم والله يهديهم انشالله :/