نبي رايكم يا بنات

[لميس المطران]

حبيبتي اذا انتي حاسه ان هالشي غلط يعني انشاالله بتغيرين طبعج وتذكري الدنيا دواره

 

[لميس المطران]

حبيبتي اذا انتي حاسه ان هالشي غلط يعني انشاالله بتغيرين طبعج وتذكري الدنيا دواره

 

[لميس المطران]

حبيبتي اذا انتي حاسه ان هالشي غلط يعني انشاالله بتغيرين طبعج وتذكري الدنيا دواره

 

[حلوه ولمآحه]

حبوبه لا مووعادي كلش،،
حاولي تتركين هالطريقه ،، وتشغلين نفسج ،،
تصنعي في البدايه وبعدين بتسلين عن هالسالفه

 

[sweet-loya]

بناات اشكر ردودكم جمييعا وماقصرتووو
انا والله ساعات اروح معااا بس مشكلتي الثانيه اني حساسه وايد وماحب تقطط الحجي ويهيي يصير احمرر وانحرج وبعدها احلف اني ماراح اطب بيتهم فخليت نفسي ساعه وحده بس بالاسبوع يشوفون احفادهم ....
الله يهدينا انشالله ويبعد هالوسواس عناا

 

[Tender Heart]

لا حبيبتي ترا انتي غلطانه لازم اتخلينه يروحلهم واذا ماراح ذكريه وترا بعد مفروض تطولين زيارتج ... خليها يوم بالاسبوع زوريهم واخذي لج طبق وسولفي معاهم ............. انا بشقتي 3 ايام بالاسبوع انزل عند خالتي ماطول عنها واذا انشغلت يومين ازورها ماقطعها ترا تكبرين بعينها والله وتحبج

 

[رومــآ]

ترى يا قلبي جذي يمـــل ويطش خليهـ يغير جو وعوديه على صله آلرحم
عشآآن نصير البركه بعيآآلكم

 

[حبـ admant ـك]

اذا تبين عيالج يبرونج .. بري اهله وواصليهم
ماجوف فيها شي اذا بيتهم عندهم يهال وازعاج
كل بيت جذي
يعني اذا يبتي يهال بيطلعون هادئين
لا بالعكس بيصير بيتج كله ازعاج

 

[أو عبوش]

غمضي عيونج



تخيلي معاي




غمضتي؟؟ جد اكلمج غمضي






يله



تخيلي ولدج الكبير... كم عمره 6 سنوات؟ سبع ؟ 10؟؟

تخيليه كبر

تخرج من الجامعه وكمل تعليم

تزوج

وانتي متشققه من الوناسه بولدج تشوفينه معرس..

جك بووم... ماقمتي تشوفينه نفس اول يوميا.. قلتي ميخالف وسنه الحياه قام يجيكم بالاسبوع مره يتغدى عندج

عقبها قام يقعد نص ساعه بس وانتي تحطين غداكم يقولج يمه انا بطلع عليكم بالعافيه انا عندي شغل؟؟

مرته تطرش له مسجات تعال بسرعه لا تطول بالقعده.. انا بروحي... عيالك اذوني حنانين.... انت واعدني نطلع نتغدى بره......

امانه تخيلي شنو تحسين فيه!!!!

 

[حرم الاسد]

احساس طبيعي بس عاد اجحميه
مو تزيدينه


لاراح انشغلي عن التفكير

رتبي

طلعي

 

[كبرياء أمراه]

اللي فيج حب تملك
تبينه لج بروحج >>>> شكلكم توكم معرسين

تعوذي من ابليس وحطي نفسج محله
تراه صابر
لانه لو انتي قلبتيها عليه .. صدقيــني...!!!
ومع الايام بتتعودين

 

[brettey]

فكري ان كما تدين تدان باجر ايونج جناين يحرمونج من عيالج نهائي
غلطانه ولازم تشجعينه يواصل اهله واذا اهو يطيعج ومايروح لاهله من غير سبب اسمحيلي مافيه ذره رجوله الي مافيه خير باهله مافيه خير للناس
خصوصا اذا اهله طيبين وماضروح ويحبونج
لكن اذا لا سمح الله يحرضون زوجج عليج وبخربون بيتج اهني معاج حق تمنعينه من انه يروح لهم

 

[om MaRyooM]

هلا حبوبة .. .




بصراحة انا كنت نفسج .. وهذي تعتبر حب تملك .. انتي تبين زوجج لج بروحج

بس صدقيني صدقيني واخذيها من وحدة مجربة .. ديري بالج لاتطفرين زوجج ولاتأذينه ولا بتخسرينه او ع الاقل رح ينفر منج


انا كان زوجي يسكت ويسكت ويطوف وانا اقول مايدري اني اغار عليه وايد خليني ساكتة .. ولا اهو عارف وساكت لحد مايه اليوم اللي عصب وفجر عصبيته علي .. واستاهل لأني كنت اغار على اشياء مو منطقية (ولحد الحين شوية لوول)


ودام زوجج زين ياقلبي عيل طوفي وخليه يعيش حياته وصدقيني والله العظيم رح يردلج مشتاق .. ولاتدقين عليه اذا طلع بس دزيله مسج انا من قمت اخفف واسوي جذي وايد تغير زوجي الحمدلله ..


ديري بالج على زوجج وحافظي عليه واذا اهله زينين ويحبهم وايد عيل صيري ذكية واكسبي اهله وروحي معاه

 

[المدينه]

حبيبتي تغارين من اهله على شنو مثل مالج حق على ريلج هم اهله لهم حق مايصير جذي غيري من طبعج

 

[اميرة-الاحجار]

اتوقع انج تحبينه بزياده وبدرجه جنونيه وتبينه وياج طول الوقت خصوصا لما تكونين فاضيه
اما لو تكونين لاهيه بشي ماراح تكون حالتج جذي
انا اقول يا اما تروحين معاه او انج تلهين عمرج بنادي او شي ثاني
ترى الريال مايحب جذي يعني لما يطلع لا تأذينه وتغثينه
خليه ياخذ راحته بالقعده

 

[الأميرة الحزينة]

مممم شكلج تخافين منهم يأثرون عليه او يبعدونه عنج .. تعوذي من ابليس وشيلي الأوهام من راسج هذيل اهله وحاولي تكسبينهم ولا تعوررين راسج بهالأفكار

 

[حبيبة سليمان]

الغيره لازم عادي

بس لاتسوين جذي خليه يروح لهم يجابلهم بعد هذيل اهله وانتي بعد تحمليهم تاقلمي معاهم عشان خاطر ريلج هذيل مكانت اهلج

حبيبتي نصيحه عديهم مثل اهلج

 

[تنايفـ]

لاحبيبتي تعوذي من ابليس موزين جذي .. ترى كثر الدق يفج اللحام لاتكثرين الزعل والغيرة بعدين الريال تطق جبده .. يمكن يطوفها مرة مرتين بس بعدين خلاص يمكن ينفجر فيج .. شغلي نفسج بأي شي ثاني اذا راح حق اهله عشان ماتحسن بالوقت .. وتذكري باجر بييونج عيال والدنيا دواره .. وعسى الله يهنيج انتي وزوجج ولا اييب بينكم الزعل
​

 

[سفيره الهم]

غيرتج منافيه للفطره هذي امه جنته وناره وتوافيق براضاها
وشوقها له اكثر من شوقج له مستخسره عليها يوم بالاسبوع

 

[فارسية]

أبدا ما افرق بينه وبين اهله فديته وفديتهم
اصلا اخاف ابي ولدي باجر لي كبرت ما ينساني