نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

[غـآيـة آلـزيـن]

يعطيج العافيه ياقلبي علي الموضوع الهادف..


ولي عوده ..


فديتش

 

[أ. غدير مال الله]

بصراحة موضوع حلو وشيق ووايد نحتاج التركيز عليه ( سوري صج البنت الكويتية مثقفة وذربة ) بس احنا بين بعضنا وما فيها شي لو نتصارح ببعض الأمور اللي نحتاج التذكير فيها .. مثل الضحك بقوة والكلام بصوت عالي سواء بمكان العمل أو في الأسواق أو في البيت ..
والكلمات اللي تطلع منا ما فيها شي لو راجعناها وتدربنا على الذرابة .. حرام الوحدة تكون حلوة وجميلة ولما تشوفين تصرفاتها تكشين منها خاصة أمام الزوج .. لأن الرجل دايما يقارن بالغير بزميلة العمل بأهله .. بصديقتج بعض الأحيان .. وحلو إن في كنترول في الكلام والتتصرفات .....:ggdw:
بنات تصوري كنت بمطعم راقي وفي عايلة جنبنا يتغدون .. ريال ومرته وعيالهم الله يخليهم .. تصوري الريال بقمة الذووق والذرابة .. (طبعا قعدت أطالع من بعيد لي بعيد لأني أعطي دورات) بس حبيت أشوف تصرفات الزوجة وتأثيرها على الزوج .. والزوجة بعالم آخر طايحتلة أكل جنه موتها من اليوع وبطريقة تحرج والزوج فاج عينه عليها لا شكله يفكر شفيها هذي شفيها جذي مفجوعة والمدام ماكو رايحة تودي ناسية العيال ناسية الريل .. أبيه أنتبه زوجي إني مو معاه وقاعدة أطالع بمكان ثاني قلت له سوري مشبه عالمرة اللي يمنا ما أدري وين شايفتها .. ومن كثر ما تعقدت منها ما أكلت إلا لقمتين .. وآنا أتذكر شلون تفج حلجهاوتاكل زين ما كلت الريل والعيال الحمدلله اللي عافانا .. أمهاتنا قبل سنعين ويحبون السنع تاكل نص بطن على قولتهم مع العيال وعند الريل تاكل شوي تحافظ على صصورتها وشكلها جدام الريل اكو برستيج للوحدة اهي اللي تحدده بكلامها بشكلها بردود أفعالها بأكلها بشربها ,,
اللة يتمم على بناتنا ويعرفونحق روحهم ، جنسيات ثانيا يركزون على هالأمور .. ورياييلنا ترى تطالع وتقارن
ومشكورين قلت اللي بخاطري بهالموضوع ( مو كله بس شوية ) :cxxxp:

 

[ملوكة]

الموضوع واقعي لان احنى مرات مانعرف نتصرف بعض المرات انصير دفاشه بالدوام كلنى انسولف بوقت واحد تلقين 1 او 2 يسمعون هم بل المطعم عيالنى حوستهم وحنى طول الوقت اناديهم ( اقعد - بس -بس خل القفشه - لا تسوي جذي)

هذا احنى
-

 

[%عسولة الحلوة%]

الموضوع فله ويهبل


وفعلا ساعات تشوفين وحدة حبوبة بس كلماتها مو حلوة تسب جنه عادي عندها
ما اعرف ارد عليها

بس اهيا ما يكون قصدها تحرق اعصاب اللي جدامها
لا تكون المشكلة ان لسانها متعود على جذي فا شنو الحل؟؟؟


بس الموضوع حييييييييييل حلو مشكورة مزيونة وشقرة على الموضوع

 

[FoFa83]

مشكوووووووووووووووووورة و الموضوع جدا مميز واحنا بحاجة لمثل هالمواضيع :68_asmilies-com: هذا الكلام الطيب

 

[ذات الهمة العالية]

أنا عندي وجهه نظر أن الحياة والتجارب تعلم وتغير شخصية الإنسان بس إنشالله تكون للأحسن
وبراحة البيئة والتربية الي نشأتي عليها وتعاملج مع والديج وأهلج وطريقة معاملتهم معاج أهم يأسسونج على طريقة إسلوبج وردج
بس مافي مانع نظيف المزيد من حلاوة اللسان بالكلمة الطيبة والمجاملة البريئة التي لا نريد من ورائها أى غاية أو هدف ألا إسعاد الطرف الأخر
إذا عليكم بالرد بأحسن مايقال أو يسلم
وأن أساؤا لك فتكوني قد رفعتي من شأن نفسك بعدم الرد وكتمان الغيظ .... وتجاهل من ساءت لك لتزيدي شأنا ومكانا عند الله وليس فقط عند الأخرين والمجمتع
عزيزتي صحاحبة الموضوع أشكرك كثيرا على طرحك المميز
ودمتي برعاية الرحمن

عجبنى ردك تبارك الله عليك

ودخلى موضوعى علمينى اللغة العربية والتحدث بها

 

[خدود بنات]

ويـــــــه بنات ليش محد منكم رد على سؤالي :eh_s(2):




شنو ارد على اللي يقولي (( من طول الغيبات ياب الغنايم ))



والحين اذا محد رد منكم صج صج بزعل :bbbiu: << مو تطنشونهاا :eh_s(3):

 

[Luxurious]

تذكرت سالفه صارتلي مره من المرات خدامتي طاحت بالحوش ومسكينه انشق راسها والدم شكثره طلع منها المهم انا خفت عليها وبسرعه وديتها المستوصف ولما شافها الطبيب قالي انتى طاقتها.. بس كان يضحك واهوا يقولي بس قاصدني من صجه قلتله ماطقيتها اهيا زلقت بروحها وطاحت قالي لا .. لازم نوديج المخفر علشان نبلغ عنج انج طاقه خدامتج .. رديت عليه بهدوء وانا ويهي يضحك قلتله اوكي نروح المخفر علشان اقدم فيك بلاغ كاذب لانك اتهتمني باني طاقه خدامتي..مادري شلون جذيه تحجيت هنيه توهق وانجعم ماعرف يرد علي وقالي يالله بسرعه نخيط راسها واهتم فيها عدل .. وقام فيني قومه.. ناس ماتختشيش)

ههههههههههه سالفتج ضحك خرعتي ريال بس يستاهل:dddds:

 

[Luxurious]

مزيونه وشقره اشكرج على الموضووووع الانه انقذني مااعرف ارد على الاوادم و اتوهق والاني مواجتماعيه فا ماكو احد اكلمه عشان ألقط الحجي السنع واصير ذربه ورفيجات ماعندي الانه مافي وحده قلبها على قلبي سوو اعتزلت والحين صرت سطحيه وهاديه بس بجد اشكرج على موضوع

 

[سمي الزعفران]

شنو ارد على اللي يقولي (( من طول الغيبات ياب الغنايم ))

ابشري بالرد شوفي حبيبتي الكلمه هذي عادتن تكون عفويه يعني موضروري تكونين مجهزة له شي < بدينا نتفلسف

بختصر لج

ممكن تقولين شوفتكم احلى غنيمه <ترقعين اذا ماكنتي جايبه لهم شي
او الرد الدارج الله يسلمك الله يخليك <قلبت شحاذه خخخخخخخخخ

او انك تغيرين مسار السالفه يعني مثلا لما تقولك من طول الغيبات جاب الغنايم قولي والله اني اشتقت لكم والعيشع بدونكم ماتسوى

هههههههههههه نصيحه لاتطبقين ردي

 

[akadenia]

واااااااااااااااااي

وشردكم على وحدة تمدح اللي خطبهم ريلج قبل لا يتزوجج

______( والله مرة خطبنا لفلان ( ريلي ) وحدة زووووووغة تينن بس مادري ليش رفضها صج ماعنده ذوق )

شرايكم يعني شرد عليها عفيه قولوا لي

 

[Anestazya]

عادي ردي ببرود قولي والله النصيب واضحكي


اوقولي الجمال مومهم ياخالتي اهم شي الاخلاق وغيري السالفه قولي اي والله صار من الصعب نلقى وبس دوري بالكلام


انا خالتي اخت امي تحررررررررررررررررررني كل ماتشوفني تقول الناس لما يتزوجون يحلوون وانتي شفيج تغيرتي ضعفتي

عاد انا بس ضعفت بداية زواجي والحين يعني صرت نفس اول والله اني طالعتها واللا ابتسم ومن دااااااااااخلي تحطمت عمرها مامدحتني

 

[Anestazya]

واختي مفلوقه عادي موشرط الوحده التبخر يمكن بتطلع مع السايق عاد تاخذين اثمها شقي الضحكه وقولي على رااحتج

 

[غَـنْـجَـى و دَلـوعْ]

أنا مشكلتي أعرف شكثـــرر ردود سنعه و حجي حلو بس ماااا أعرف أقوله > شالفاااايدة !!

يعني عندي خجل مو طبيعي و مشكلتي لما استحي ابوز اطنقر اعتفس مادري ليش ؟

أمي كلا تزفني تقول الحريم يتمنون بناتهم يستحون عند الناس

بس انا أتمنى إنج ما تستحين بعد لأنج تصيرين جنج معصبه هههههه شكلي يصير × و كلا مخانقيني على هالسالفة


عاد مشكلتي كلا مستحيه فما أقدر أرد ع الأوادم حدي ابتسم نص ابتسامة بعد

و أقعد أرررجف جنهم طاقيني مو مكلميني


بس هالحالة عند ناس و ناس سبحان الله مادري ليش ؟! ..

 

[LuLiTa]

مشكوووووووووووورة يا حسناء على ردج الحلووو
و يعطيج العافية يا مزيوونة على الموضوع المفيد و ترا انا طوول ما اقرااه قاضبة النوتة و اسجل

 

[ام ناييف]

الناس مشكله مرات ودي ارد عليهم بس استحي اكبر مني واطنش
ومرات احس انهم يبوني اتكلم علشان يسوون من الحبة قبه واطنش
بس مرات اقط عليهم كلمه تسكتهم على ابو غشمره

بس صج يحررون من قلب
امي تقول طنشي لاتردين حليهم اللي محتره واللي غيرانه منك
بس الى متى اطنش مرات وادي انفجر وارد عليهم

 

[خدود بنات]

فديتج سمي الزعفران :tek:
يابعد عمري انتي محد عبرني ورد على سؤالي غيرج

 

[LuLiTa]

اي و الله يا ام ناييف مرااات حطيتي ايدج عالجرح
مرااات تلقين حريم كبر امي و امج و اتقط عليج كلمة هالكبر ....بالله هذي شتردين عليها ؟؟

 

[*نوفه*]

مزيونه دايما مواضيعج شي مثلج

انا مره قعدت وحده تسب بعايلتي سب موطبيعي وانا ساكته واضحك عاد انا بسوالف القهر عند ويهج
بعد ماخلصت قلت خلصتي قالت اي قلت لها يا حياتي ماعليج زود اهيا اهني ماقدرت تبطل حلجها ههههههههههههههههههههههههههههههههه

 

[أنفاس الليل وبس]

مزبونه موضوعك اكثر من رائع انا دائما اتحاشى الشخصيه اللي ماتستحي واذا احد طول لسانه ما ارد اسوي نفسي مااسمع وبكل هدواء اسولف مع اللي جنبي لان شعاري <الخصران يقطع المصران>
وشكرا